影片
以上資料只供參考, 請與餐廳確認詳情
朋友話發現咗呢間好運泰國美食，話係間街坊小店，價錢親民但啲嘢食好有傳統泰國風味，今次特登去試下！首先嚟講，佢哋嘅招牌黯然銷魂飯真係冇浪得個名！個蛋煎得金黃蛋液未全熟，切開嗰陣蛋汁流哂出嚟，配埋啲燒得香噴噴嘅叉燒同香噴噴嘅白飯，簡簡單單就已經好滿足！最緊要係佢啲叉燒夠香夠嫩，完全冇韌身嘅問題。青木瓜沙律就更加正！個青木瓜爽脆清甜，配埋花生同蝦乾，酸辣適中，食落去開胃醒神，完全冇咩怪味。泰式燒牛肉就香辣夠味，啲牛肉燒得啱啱好，冇嚼不爛嘅問題，配埋佢個特製辣醬，香辣過癮！香葉辣椒肉碎炒飯雖然叫少辣，但係香料味夠晒濃，個香葉香氣撲鼻，肉碎炒到粒粒分明，唔會一嚿嚿咁，飯粒都係粒粒分明，完全冇濕淋淋嘅問題。最令我驚喜嘅係串燒！雞腎串同雞心串食落去香口彈牙，完全冇雜味，調味入味又唔會太重，連平時唔食內臟嘅朋友都讚好！總括嚟講，呢間好運泰國美食真係街坊價就食到地道泰國味，份量夠，價錢又親民，最緊要係啲嘢食真材實料，啲調味又夠道地！
繼續閱讀
好耐之前嚟過新蒲崗廣場2樓嘅好運燒烤，印象中平價得來環境幾好，今日二訪食吓平價泰國菜。呢度喺2樓自成一角，除咗擺滿泰國布飾幾有泰國風情之外，細心留意吓啲Figure擺設都好得意😂唔起眼但幾好坐，同Fd嗌啲串燒小酌聚下一流白鱔串 $24幾好食同抵食，食到燒得香脆嘅魚皮，都算鮮香雞全翼 $20 雞肉燒得仲好滑亂，火候唔錯，肉質Juicy，推介泰式燒牛肉 $78 估唔到牛嘅份量真係咁多！成塊薄牛扒香煎😆做到焦香效果，個人鍾意牛肉串燒嘅質地多啲泰式叉燒（例牌） $88叉燒已經切好一嚿嚿，份量都幾多，有成24舊咁多，好抵食。味道上，叉燒用蜜汁調味，有啲似中式，再加少少酸汁提鮮；另外胡椒味會偏重，調味相對冇中式咁濃郁泰式串燒飯 $68 已配太陽蛋，豬、牛、雞串燒各一串。賣相唔錯，個人而言最鍾意雞肉串燒，肉汁相對彈牙泰式奶綠 $20食濃味的泰國野，當然要配返一杯經典嘅泰式奶綠爽吓啦😌
繼續閱讀
知道新蒲崗有呢間又平又好食嘅泰菜餐廳，即刻今晚去試下係咪咁好食。4串串燒(雞肉，豬肉，免治雞肉串，翠肉瓜)食得出幾串肉類串燒個火候燒得剛剛好，外面燒到微微有啲脆口感覺，同時保留到裏面肉汁。而翠肉瓜同樣咬落好juicy。串燒係分別跟酸辣嘅泰式醬同沙嗲醬一齊食，兩個醬（沙嗲醬&泰式酸辣醬）都好夾啲串燒。泰式炒通菜碟菜上枱嗰陣見到個份量都算幾多，落單嗰陣我係揀左小辣，但對我呢個唔食得辣嘅人嚟講，個辣度係剛剛好，我鍾意呢度係用比較粗嗰隻通菜，食落會比幼身嗰隻有口感多啲，再加埋啲炸蒜一齊炒，好夠鑊氣。泰式脆皮燒五花肉飯落單嗰陣店員話呢度嘅燒肉飯係推介，所以我地都嗌左一份試下。呢度嘅泰式燒肉同喺泰國食嘅一樣塊皮脆卜卜，下面連住肥瘦交替嘅豬肉，碟飯大約有7至8舊燒肉，加埋個醬汁食好開胃。青檸梳打呢個天氣飲，冇得輸。椰汁紅豆冰椰汁好夠香濃，紅豆煮得夠淋。芒果糯米飯用左蝶豆花糯米飯配白糯米飯，好軟糯，椰汁好香，芒果切到一粒粒好香甜。總括嚟講呢間泰菜性價比好高。
繼續閱讀
好運係新蒲崗都出左名性價比高，選擇又多，坐得都算舒服，入面仲播住好多熟悉嘅流行曲，氣氛都唔錯！平日中午12點到未有好多人，可以坐得舒服啲👍🏻🍜 泰式炒金邊粉（蝦肉）金邊粉炒得唔會乾又唔會過濕，啱啱好～粉身夠掛汁，而且炒到有少少焦香邊，好似泰國街邊檔嗰種口感🥹入面啲蝦雖然唔算好大隻，但新鮮彈牙，仲有加埋花生粒同蛋絲，味道好夾🤤🐷 泰式豬手飯呢個賣相幾掂！豬手入味，色澤紅潤，膠質感滿滿～食落肉質都算軟淋～不過呢款應該係鍾意豬手嘅人會比較啱，因為滷水味偏甜啲，油香味重，食到尾可能會有啲滯～但配埋青瓜，就中和返少少，成件事會fresh好多！🔥 泰式炭燒豬頸肉想講呢個係全場MVP🥹🥹🥹 一咬落去即刻「哇！」每片豬頸肉都燒到啱啱好，外層微焦，入面仲保持住肉汁，好香炭燒味😍咬落去啲油脂位脆卜卜，完全唔膩，仲配埋佢個酸甜醬汁，味道真係💯！呢碟我真係可以一個人食晒冇問題🤭下次嚟我會直接encore呢個～☕ 紅糖薑棗茶食完啲重口味嘢，要飲返杯熱茶～薑味好夠，暖胃又唔嗆喉，甜度岩岩好，飲落好舒服！最後食咁多嘢好飽，埋單都算抵🥹
繼續閱讀
**傳統泰式船河**的呈現讓我眼前一亮。這道菜的河粉煮得恰到好處，滑嫩而不黏，搭配上新鮮的海鮮和豐富的蔬菜，讓整體的口感非常豐富。湯底的味道清淡卻不失鮮香，帶有淡淡的香料味，讓人感受到泰國料理的精髓。每一口都能品嚐到河粉的柔滑與湯汁的鮮美，讓人感到非常滿足。特別是搭配上香菜和檸檬的點綴，讓整道菜的味道更加清新，讓我忍不住想要再來一碗。**泰祖蝦肉炒金邊粉**。這道菜的金邊粉炒得非常入味，蝦肉鮮嫩，搭配上各種香料和調味料，讓整體的味道層次分明。金邊粉的口感滑順，與蝦肉的鮮美相得益彰，讓人每一口都充滿驚喜。特別是那股微微的辣味，讓整道菜更加開胃，讓我不禁多吃了幾口。這道菜的份量也相當足，讓我在享受美味的同時也感到非常滿足。
繼續閱讀