好素純素餐廳

營業中

休息中

好享受的一個晚上，和朋友享用素菜！精緻素食，感覺似fusion菜，一晚享用12個菜式，有當中湯水真係鮮甜，飲咗食咗，感覺皮膚好咗🤣🤣🤣⋯⋯好食之餘，還有觀賞價值，值得推介😊😋！一定會再嚟試！

七月午市套餐 (11:30 - 15:00)任選1款主菜 包1份素湯/ 飲品/ 甜品/ 小食湯品中湯冬瓜湯西湯番茄南瓜湯番茄嘅酸味比較重主菜天婦羅澳茄日本南瓜牛油果 黑椒汁焗飯 ($148)天婦羅炸得乾身，表面撒有七味粉，食落有微少嘅辣味。黑椒汁焗飯味道少少似咖喱汁，黑椒味較淡。飯係用咗珍珠米，飯粒粒分明，有多種配料，包括有菠蘿粒、腐竹、粟米粒、藜麥等，食到有菠蘿嘅酸甜味。番茄濃湯紅菜頭鮮蔬手工掛麵 伴紫豆卷 ($138)番茄湯底比較杰身，番茄蓉掛係麵條上。麵條爽口彈牙。賣相幾靚，表面放有番茄、中華沙律、紅菜頭、小棠菜同粟米粒。加配小食小佛陀碗 (+$25)芫茜山竹牛肉球 (2球) (+$28)牛肉球幾好食，口感有少少彈牙，食到有冬菇粒。

呢間餐廳如果唔熟路，係有少少難搵， 其實喺康怡廣場二樓女裝泳衣部，旁邊有度門一出就搵到，呢間餐廳個個月都會推出唔同餐牌， 今次我哋試咗三個餐：鮮茄焗豬扒飯豬扒做得好有誠意，唔似係交貨去嗰種真係自家制，個飯炒過先焗好香。咸魚蓮藕植物肉餅食唔到有咸魚嘅感覺，但味道就調得幾好，個飯加苤芽同藜麥好味青咖哩素魚配口袋包個青咖哩好香椰汁味，但略嫌個汁太稀，但配菜都有好多，個魚做得都幾真喎，配口袋包唔太飽剛剛好仲點咗個黑芝麻芝士蛋糕整得唔太甜

呢間素食店嘅位置有啲隱蔽，要喺aeon找個出口再搭𨋢上去。 午市都好多人嚟食，座無虛席。 彩虹能量天貝佛陀碗，色彩繽紛，味道好味👍有生菜、菠蘿、紅火龍果、紫薯、蕃薯和一啲能量nuts，感覺新奇，味道清新，是健康的選擇。午市套餐會包一碗素湯， 雖然冇落肉去煲，但湯非常清甜，係蔬菜嘅原味道👏。 牛油果素肉飯，加左一啲芥末醬，牛油果醬，混合埋啲飯一齊食，配搭出奇地夾👍 蜜汁素叉燒 ，叉燒煮得幾似真叉燒嘅感覺，配埋呢個餅，好味😄。總結: 整體食物質素高，用料新鮮，食到食物嘅原味道。 間中食下素食，感覺身體都會健康啲😆

第一次嚟呢度，餐廳響間fitness centre裡面，有啲難搵。餐廳環境光猛，幾舒服，揀咗廚師發板套餐，一人四百幾蚊，都幾多野食。由前菜到主食都幾好，鍾意涼拌涼瓜好開胃。煎涼瓜肉餅都好好食，燉湯好鮮甜。蒸嗰個山藥估唔到咁好食，開頭一聽到仲想唔要。甜品個芝麻糊就爭少少，甜得制，芝麻味都算香。仲有件蛋糕仔，啲椰子油味太太太重，呢樣食左一啖就掉低咗，好浪費但真係陣味有啲難頂咁。不過有個男侍應好多口，好多野講，呢樣野改善下會好啲。

友人所介紹嘅呢間素食餐廳，就算由新界長途跋涉出嚟嘗試都好值得回味！食品非常精緻，雖然好似好的骰，但係足夠一人份量嘅Special Menu，每個月都會update更生。完全唔覺自己係食緊齋。真係值得一試！每款食品都會俾你驚喜！有相為證。喜歡素食而又想試一啲特別又fusion嘅素食朋友們，呢間係一個好choice。

Big portion, innovative vegetarian dishes. Value for money! Will definitely pay visit to this shop again! 🌱🌱 Love their raw cakes and steamed yam (like egg tart)… I am so impressed with their 燉湯！I visited there with a friend, and we ordered an Omakase with some side orders. 手炒油麥菜，又真係幾好食！

第一次試新派素菜，好得👍🏻 這店每月都有特定廚師發板，我們就叫了廚師發板試試。這個月的菜單有12款菜式。前菜四款，湯，主菜五款及兩款甜品。我最喜愛的有，泰式紅咖喱海竹笙杏鮑菇，杏汁黃耳竹笙花菇養生燉湯，能量手炒生機油麥菜，及自家製素鰻魚壽司卷。

冇數錯嘅話，應該第三次去好素純素堂食，加一次外賣。每次都冇令我失望！上星期日同屋企人去食lunch。叫咗是日中湯（南瓜五指毛桃海底椰），湯有陣陣椰子味，以為落椰子，點知係五指毛桃，湯好濃郁！非常好飲！又加$加多個小食，紫菜做嘅素魚皮好食！脆卜卜，小朋友非常鐘意！午餐叫最鐘意嘅蜜汁叉燒+黑松露純素滑蛋（由腐皮造嘅蛋）同埋藜麥飯，份量都唔少，食到好飽！屋企人叫佛陀碗，留意係沙律咁嘅。屋企人都十分滿意！多謝創辦人Ken sir用心做素菜！推介食品：中湯、叉燒、素魚皮

屋企奉行十齋日，所以在外食素機會不少。今次用餐體驗很好，想特別分享一下。🌱🌱🌱🌱首先是餐廳環境：木色系裝潢，窗邊放上大量佛教書籍，有一種使人平靜的氣場。再來就是最重要的—— 食物：色香味俱全。味道好，營養好。難得的是體驗到生機飲食的純素烹調方法。 自己試過生機飲食才知道要達到這個水準的難度幾高。由前菜到甜品，每一道菜都感受到廚師們的功力和用心。最後是欣賞廚師，主廚特意落場跟各位食客聯天，吸收意見。由他們的菜單每個月都會更換，「不時不吃」，不單單是個口號。 🍽🍽🍽晚餐餐牌只有套餐：主菜 x 1 配 素湯/飲品/甜品/小食x2  (四選一)Table for 6️⃣主菜：大啡菇植物肉漢堡包 配 香脆薯角及蔬果沙律 x2喇沙麻醬擔擔湯麵 配 香菇脆膳 x1蜜汁叉燒 伴 黑松露純素滑蛋 配苤芽藜麥飯 x1咕嚕鮮果腐球釀猴頭菇 配苤芽藜麥飯  x1餐前小菜：素魚皮涼拌杞子百合黑木耳 小佛陀碗紅菜頭蘋果生機琥珀信桃沙律素薑醋椒鹽鹿茸菌雞絲粉皮甜品 (飯後廚師推介)班蘭椰香生機蛋糕生機黑芝麻蛋糕=== 開飯！===小食合影：雞絲粉皮： ⭐️⭐️⭐️⭐️/5琥珀合桃 😍😍小佛陀碗 、 紅菜頭蘋果沙律⭐️⭐️⭐️⭐️⭐️/

新年年初五跟同事的開年飯我地叫左4個午餐，午餐包一個小食，飲品，甜品或素湯，我地就揀左4個小食每個set都是百幾蚊連埋小食都幾好，而且味道賣相都做得好吸引，就算平時唔食素的人都被吸引主菜：👇自家製照燒山藥鰻魚，口感做得好似真鰻魚，仲有少少脆👇冬菇支竹炆素腩👇香草蕃茄野菜芝士燴意粉+自家製素肉丸，好濃郁芝士味👇意式蕃茄蘑菇燒菜酥皮薄餅，個薄餅好鬆脆，同平時食的pizza皮唔同小食：👇香芒牛油果苜蓿芽手卷，味道很清新👇煙燻白玉鮮竹卷👇紅菜頭蘋果琥珀沙律👇私房養生純素薑醋，做得好似真的豬腳薑👇麻醬沙薑素雞絲粉皮

不合理取消訂單，落單後是否約20多分鐘才能取消訂單，客人專程由太古城到店取外賣，這麼久的時間取消訂單是太不合理，到現場又不能再次下單，態度又非常不好，只說不接受外賣訂單。但我在現場看見有外賣訂單已包裹好，這樣真的叫做不接受外賣訂單咩。這榚對其他客人太不公平，不合理，不可接受的店舖，真是富起來有生意不用做，完全是拒人於千里之外，這是什麼服務態度？這是什麼店舖？好像世界只有他一間素食店🥵這另我十分不滿意

🎈餐牌.🎈食物評分.👇煙燻白玉鮮竹卷 $35 ⭐️⭐️⭐️⭐️ 3.8分 (小吃追加).👇私房養生純素薑醋 +$35 ⭐️⭐️⭐️⭐️⭐️🥇🏆 (小吃追加)全餐冠軍，好好味，酸甜適中，菇亦十分爽口，我最喜愛💖💖 我甚至覺得可以是變成主餐，而不是小吃。.👇喇沙擔擔湯麵配香脆腐皮卷 $128 ⭐️⭐️⭐️⭐️初入口我只給3.5分，吃下吃下可能變成acquired taste，後來會給4分⭐️⭐️⭐️⭐️。可能喇沙本身有特定味道，所以一入口有少少味道落差，其實味道還好。.👇香脆腐皮卷有趣的是侍應上菜時是問誰叫了炸雞髀，我們三人都好疑惑，我們都沒叫炸雞髀，雖然知道是素，但餐牌上沒炸雞髀這三個字，我也給了侍應建議，上菜可能盡量用回餐牌字眼，而且如果真是因不想吃肉的朋友聽到炸雞脾可能會奇怪。.👇冬菇枝竹炆素腩 配苤芽米藜麥飯 $118 ⭐️⭐️⭐️⭐️💫 4.5分包湯及藜麥飯，忘了影相。侍應上菜問誰叫了羊腩，我們又再迷惘，我們都沒叫，餐牌亦沒寫羊腩😅.🎈給餐廳的建議侍應上菜時，”炸雞脾”和”羊腩”都有點奇怪，都是餐牌沒有的字眼，我已當下解釋並建議給侍應，可能用回餐牌字眼比較好，食客不知自己叫了這些餸😅😅而且一些素食朋友就是不想吃肉，侍

本人自問不太好素食， 出街都極少揀素菜，今次經朋友極力推薦下， 就即管試下.歺廳位置方便， 臨近太古地鐵站， 行約5-8 分鐘.環境舒適寧靜， 座位舒服， 適合朋友聚會和節日慶祝.我地黎試晚歺， 每道菜都係廚師發辦， 精心炮製， 各有各特色， 真係好好味😋， 而每個月歺牌都不同， 十分有創意.個人特別喜歡：1 生機素肉丸- 味道和質感同平時肉丸差唔多， 完全分不出是素肉丸2 能量手炒生機油麥菜3 避風塘豆腐-好野味， 脆口， 小朋友都好鍾意4生機紅桑子草莓蛋糕- 酸酸甜甜， 好開胃整體上， 各方面都好好， cp 值高👍💕💕

少食素今日和一位素食朋友聚餐介紹這間健康新鮮素食環境光猛，地方乾淨水是能量水菜式也特別又美味食完主菜想試甜品可惜過了兩點半就不能再下單其實甜品不是一早預備了芝麻糊咁簡單為何不能下單是因為員工用膳時間店內也有素食食物提供購買多吃素菜對健康都好新一年向少肉多菜進發