影片
食家推介
今早孤獨的善食家隻身來到火炭駿洋商場的好佰佰茶餐廳，點了一份港式早餐：叉燒出前一丁麵、煎雙蛋、多士和即磨咖啡，僅需$36，性價比極高！叉燒出前一丁麵湯底濃郁，叉燒軟嫩入味，麵條彈牙，令人回味。煎雙蛋火候剛好，達到我要全熟要求，搭配香脆多士，簡單卻滿足。即磨咖啡更是驚喜，香氣濃郁，入口順滑，為這餐增添了溫暖的尾聲。早餐份量十足，吃完很有滿足感，無論味道還是環境都讓人舒心。好佰佰的服務態度親切，店內乾淨明亮，適合一個人靜靜享用早餐。對追求實惠又美味的食客來說，這裡絕對值得一試！記住，電梯按1字即到達門口😋
繼續閱讀
今日叫咗個二人套餐， 叫咗薑蔥蠔同粟米斑塊，薑蔥蠔雖然大隻好味，但係一煲要加40蚊都係得五隻蠔。 碟粟米斑塊足足等咗50分鐘，連啲飯凍曬碟餸都未到，原來要 等有第二個order先至會一次過整兩碟，如果成晚冇人叫咁就唔洗食。 激氣。。
繼續閱讀
今日喺火炭一個活動中心開會，開會開7點先散會，同事話食埋飯先返屋企，咁一齊喇，一齊過去駿洋邨商場1樓茶餐廳，可能屋邨關係晚上生意都比較靜，餐廳只有兩三成客人。燒鵝三拼飯，亞姐話係預設咗燒鵝、油雞、叉燒，無得揀的，叉燒唔係好似燒爐出品，似係焗，係唔同風味都好食，油雞切咗雞髀位置得3件仔，雞皮夠滑。燒鵝就比咗最肥近尾部位，係好香鵝油味，不過就無肉，有人最喜歡這部位，我喜歡啖啖肉唔多識欣賞，燒味整體味道唔錯。焗豬扒飯即叫即焗，豬扒軟軟炒飯底，上面有菠蘿、洋蔥、蕃茄茄醬芝士焗好香，灑咗香草落去，又係唔係個個人都會欣賞。
繼續閱讀
今日和朋友去咗火炭買床品，不經不覺行到下午1點鐘，知道駿洋邨巴士總站有巴士出返尖沙咀，就行上去搵食，食飽先搭巴士出尖沙咀，駿洋邨商場店舖不多，但食店就有4-5間，我地選擇咗商場一樓嘅呢間好佰佰，店內都幾大但人很多，見兩個吉位即刻坐低叫嘢食，朋友叫咗個午餐，黑椒汁牛排腸仔蛋飯加凍檸茶。我就叫咗餐廳精選菜式，梅菜扣肉叉燒飯加熱即磨咖啡，好搞笑精選仲平過午餐，啲定價真奇怪。朋友話佢個飯都幾好食，我個飯甜梅菜，腩肉淋，叉燒就合格，價錢係合理。
繼續閱讀
今早去行山，終點位於火炭工業區，又到午餐時間，想起月頭才到過的茶餐廳，位於火炭駿洋邨的好佰佰，就提議朋友近近地醫肚，今次我們坐在近窗的卡位，景觀開揚遠望沙田，都不錯。今日朋友點了午餐雪菜肉絲炆米，我試咗少少，味道都唔錯，係即叫即炒，有啲鑊氣，就係覺得水分多少少。常餐煎豬排蟹王麵餐配火腿奄列.丹麥多士豬排煎得香，蟹王麵軟硬適中，火腿奄列正常無特別，丹麥多士就好似普通多士，仲要烘得唔脆。最欣賞依舊係即磨咖啡，香濃。感覺環境衛生度比上次體驗還低分了一點點。
繼續閱讀