奔咪

營業中

休息中

史努比其實都幾鍾意食越式法包😋Bookmark咗好多間 但唔系試咗好多而家終於可以activate返史努比食越式法包呢個series🤣🤣🤣👍🏿越式法包 $78 (單點$58)套餐包埋湯/嘢飲 我哋先講法包~香脆而唔會太過死實 唔系硬刮刮嗰種 反而食落鬆化麵包綿密實在 帶煙韌口感🥰夾雜住碎鹹豬手 扎肉 青瓜 芫荽 老闆娘自家製肝醬 以及大量紅蘿蔔絲(史努比唔食芫荽攞走咗🤣)豬手嘅鹹香 爽口嘅扎肉 以及濃郁肝醬配搭酸酸甜甜嘅爽脆蘿蔔絲 同埋青瓜多重口感同味道 加起上嚟啱啱好唔會太鹹而且幾refreshing~只系史努比唔太鍾意肝醬太重豬膶味同埋如果豬手切厚啲大粒啲應該更加正🤤但overall史努比系幾鍾意嘅😚而且佢有返咁上下重量 食半個都好夠飽😋味道: 8.5/10👍🏿洋蔥湯 (跟餐)第一次見洋蔥湯咁足料 超多洋蔥!!!包你啖啖都食到洋蔥🤪問過老闆娘 洋蔥炒到焦糖化 另外仲用咗牛肉去煲絕對系心機之作🥰除咗飲到洋蔥嘅甜味 牛肉亦幫手吊到肉嘅香甜仲飲到黑椒嘅辛辣味暖胃又唔油膩如果天氣再凍啲飲呢碗熱辣辣嘅洋蔥湯仲正!😋另外仲有兩粒蒜蓉包粒點洋蔥湯食原本脆口嘅蒜蓉包浸軟咗少少 索滿洋蔥湯嘅香味 半

過左下午茶時間去，無人.... 心中嚇一嚇是否落左場休息....兩個EE見到我地在門口徘徊裝裝下... 主動問我地是否黎食野.... 佢地好好人就叫我地入去坐....介紹有咩好食...當然食最多人介紹的越式法包 $78 (單點$58).... 套餐包埋湯... 是洋蔥來的...兩個一叫一個餐 (因為其實已經食左lunch...) 但EE都好好招呼 ... 法包好足料是正宗的味道~有肝醬、豬手粒、扎肉、酸蘿蔔、青瓜、辣椒碎.... 法包好脆口...但份量係正常，如果一個人lunch 飲埋湯都會飽....

經過一間舖面細細， 似賣小飾物品嘅小店子吸引著停下腳步， 再看清楚原來呢度是間有賣Banh Mi 越式法包嘅小食店。 須然唔太肚餓， 但咁有緣經過見到， 都想買份下午茶set 試吓。要咗份越式法包(半份)+士多啤梨紅桑子果茶($48)。 個法包一啖食落，包面幾鬆脆，酸紅蘿白，青瓜蕃茄嘅爽脆，加上肉等，食起來算上幾豐富，味道都好。但略嫌鹹豬手肉味道較濃關係，蓋過咗肝醬和扎肉嘅味道。自家製士多啤梨紅桑子果茶凍飲，有微微果香，酸酸地。 唔錯，飲完幾舒服兼解渴。

我從來無寫食評但今次一食完一定要寫！行過見有半份法包賣 正！因為夜晚約左人食飯，但晏就3點幾未食晏既我半份岩岩好😆重點黎喇🙌🏻法包鬆化 唔會𠝹咀超足料 青瓜蘿蔔扎肉肝醬勁新鮮🤩🤩🤩蒜蓉多士 細細塊 岩岩好🌟$48仲要有埋野飲 呢個價錢抵到離譜不嬲對餐廳湯期望不大但結果洋蔥湯係令我回頭其中原因一開蓋 色水深 味道超濃郁，勁多洋蔥平時勁唔鍾意食洋蔥嘅我，但係好鍾意洋蔥湯特別係呢間舖頭，我以後一定會成日幫襯店員仲超好禮貌Ps 真心食客 請繼續努力希望多啲人幫襯 唔好唔做呀🙏🏻🙏🏻🙏🏻🙏🏻

上環近西港城個頭最近見到有間越南法包小店，原來呢間小店「Bun Me 奔咪」係由石硤尾搬左黎上環，lunch一於試下越式法包法包會係焗爐再烘熱，入面有自家製肝醬、豬手粒、扎肉、醃製酸蘿蔔、青瓜、辣椒碎等等既配料，法包烘至脆身但又唔會話過硬，每一啖都有著豐富既味道香茅青檸茶香茅味好出，仲有青檸，最重要係杯香茅青檸茶唔甜，味道好清新店舖好細，基本上只有幾個座位，應該主要做外賣，法包同飲品都好岩我口味，老闆娘既笑容好親切，又會問下d食物岩唔岩食，令人好窩心，除左法包，呢度仲有牛角包、其他包同沙律等等既選擇，下次再黎可以試下其他☺️

由石硤尾轉戰上環嘅奔咪，佢嘅招牌越式法包喺收到訂單後即時烤熱，確保外脆內軟！除咗傳統嘅口味仲有素食banh mi，同埋各款誠意滿滿嘅自家製湯品，絕對係家的感覺～𖦹 all day set 越式法包 配 沙律/湯/飲品 $78法包表面非常脆口，餡料包括肝醬、鹹豬手粒、越式札肉、青瓜、蕃茄、酸蘿蔔，口感極之豐富，加上芫荽、辣椒醬更添風味，每一啖都非常開胃！食咗半個拎咗另外半個返屋企用焗爐翻熱，依然脆到不得了。必試驚為天人嘅洋蔥湯！！店員將洋蔥翻炒超過兩小時至焦糖化再熬煮，洋蔥湯味道非常香濃，每啖都食到洋蔥嘅香甜+黑椒嘅辛辣，暖胃100fun。

越式法包set ($78) 配 沙律/湯/飲品當天點了一份越式法包和朋友一起share，店員好細心幫我地切開了一半。越式法包表面非常脆口，入面夾了勁多餡料，有肝醬、鹹豬手粒、越式札肉、青瓜、蕃茄、酸蘿蔔，口感非常豐富，另外亦可加芫荽及辣椒醬增添風味。不得不贊一贊佢地嘅湯，當天是洋蔥湯，洋蔥是店員即日炒了兩個多小時至焦糖化再熬煮而成，味道非常香濃，冬天飲到真係好滿足，私心非常推薦這個洋蔥湯。Espresso Tonic ($45) 酸甜加上咖啡非常refreshing，冷香甘檸草本茶 ($35) 適合喉嚨不舒服的人士，飲完之後喉嚨非常舒適。無花果腰果曲奇 ($12) 是當天店員自家製的，無花果帶蜜香，曲奇濕潤好好味。

在上環開會後 無意中路經這個馬路邊小店是一家專門吃越式法包小店 「奔咪Bun Me」很特別的存在 餐廳門面小小 不太起眼但餐廳小擺設 跟幾張椅子 都很溫馨最吸眼球是手繪法包畫 🥖 跟人情味.🥖越式法包餡料是很傳統的 以干身餡料為主 (不會吃到雙手都是醬汁 ) 由鹹豬手粒 扎肉 肝醬 青瓜 蕃茄 醃蘿蔔等法包入口香脆 外層酥脆👍肝醬鹹香風味配酸酸甜甜醃蘿蔔 很開胃可選芫茜和辣椒🌶️配口味.🍸香茅青檸茶清新青檸茶 店主自家調製 很解膩

最近見到唔少人去左上環呢間越南法包店去到發現除左越南法包外佢地亦有其他麥包款式朋友點左越南法包 我自己就order左法包以外嘅選擇︎ ︎︎蛋沙律小麥包小麥包質感好鬆軟又唔會太乾，充滿小麥香。配上充滿蛋香嘅蛋沙律再加上青瓜同蕃茄令味道更fresh。作為light lunch啱啱好唔heavy。︎︎蘋果牛油果沙律豐富嘅素菜沙律。蘋果爽脆香甜 因為，加埋creamy嘅牛油果好fresh。沙律上再加入核桃粒，令口感更豐富。︎︎香茅檸檬茶好清爽嘅冰茶，香茅味啱啱好唔會太嗆。除左香茅清香仲有淡淡檸檬香氣，入口好舒服又解渴。

今日就去左上環既奔咪買外賣, 小店主打越式法包, 環境舒適, 有多款唔同嘅法包、果茶同埋咖啡選擇越式法包份量超大, 法包即叫即製, 會先放入焗爐微微烤熱, 再放人碎鹹豬手，扎肉，青瓜, 大量紅蘿蔔絲, 同埋自家製嘅肝醬, 另可按個人口味加入辣椒同埋芫荽包身咬落香脆鬆化, 咬落有啲煙靭嘅口感, 餡料超飽滿，鹹香嘅豬手配搭爽脆嘅青瓜, 層次豐富,食落超級地道士多啤梨紅桑子果茶味道酸酸地, 無添加糖, 飲落開胃清爽, 底層仲食到d 果肉

最近中午在上環附近發現了這間充滿溫暖氛圍的越式法包小店是一個快捷美味輕便午餐的好選擇꒰◍ˊ◡ˋ꒱੭⁾⁾  🥖 越式法包套餐 ($𝟕𝟖)☕ 𝐄𝐬𝐩𝐫𝐞𝐬𝐬𝐨 𝐭𝐨𝐧𝐢𝐜這裡的越式法包絕對值得一試！套餐可以選擇搭配沙律//湯//飲品讓午餐變得多樣化( =·͈ ᴥ ·͈= )外皮香脆法包加上層次豐富的餡料！餡料中包括有鹹豬手粒|扎肉|肝醬| 青瓜|蕃茄|醃蘿蔔鹹豬手的濃厚滋味與滑嫩的肝醬相得益彰搭配酸甜的醃蘿蔔 加上微帶香辣嘅小辣椒每一口都充滿驚喜 超級開胃的～ꉂ☻ᵎᵎᵎ🤎我還加配了一杯𝐄𝐬𝐩𝐫𝐞𝐬𝐬𝐨 𝐭𝐨𝐧𝐢𝐜清爽的氣泡感和濃郁的咖啡香 *´ސު｀*瞬間為我的午餐注入了活力讓人感到神清氣爽୧⃛(๑⃙⃘◡̈๑⃙⃘)୨⃛📍 奔咪 (上環)🐰: 𝟒.𝟐/𝟓#eatwithkeikei #bunme #奔咪#sweetiedaily_sheungwan

如果我喺上環返工，應該會成日來呢間以外賣為主嘅越式法包店☺️起初俾法包嘅 size 嚇親，怕自己食唔晒所以請店主幫手切一半，方便稍後帶走，點知好食到我逐啲逐啲食晒啦😆 尤其法包本身香脆又容易咬開 (我食過好多都係硬崩崩😅)，店主表示因為佢有刻意挑選過👍🏻 法包裡面有新鮮蔬菜、扎肉同肝醬，既健康又滋味😋而羅宋湯同新出嘅香茅青檸鐵觀音茶都係值得一讚👍🏻 羅宋湯好綿滑，每一啖都感受到有足料嘅蔬菜但又唔過酸、青檸茶嘅茶好香而且好清甜，好鍾意💚呢度仲有供應其他包類、三文治同沙律。店主友善健談，會親手製造唔同款式嘅蛋糕，亦會接到會、散水餅等訂單，係用心經營嘅小店☺️

一定要和大家分享這個足料又美味的越式法包！位於上環的BunMe奔咪是一間越式法包專門店，法包餡料真的超級豐富！有肝醬、鹹豬手粒、越南扎肉、青瓜、蕃茄及酸蘿蔔，加上香脆法包，無論味道或口感都非常出色！除了法包，小店亦有三文治、蒜蓉包、多士等輕食，非常適合做早餐☀️ 特別推介亞椰多士，有別於較常吃到的咖椰多士，這款柬埔寨街頭小食在麵包上加葱花、椰子醬和椰絲，充滿風味又好吃！．越式法包 $58．三文治 / 亞椰多士 / 蒜蓉包 $28以上+$20升級套餐，配沙律/湯/飲品🥤

上星期去上環海味街買嘢，無意中路經呢間小店，專食法包，就入咗去試試✦ 越式法包法包脆卜卜，餡料相當豐富，有自家製肝醬、鹹香豬手粒、越式扎肉，加上新鮮嘅蘿蔔絲、醃蘿蔔、青瓜、芫荽等等，份量十足，味道層次多元化✦ 牛油果蘋果蛋沙律呢款沙律有齊我最喜歡材料，沙律面鋪滿合桃粒粒，配上爽口鮮甜蘋果粒與口感香滑牛油果，是一款健康又美味嘅沙律✦ 香茅青檸茶很喜歡這杯香茅青檸茶，是由店主自家調製，飲落味道非常清新，解暑一流

有時做野好忙但lunch都絕對唔可以skip要食一個quick lunch又不失享受lunch time嘅me time係上環返工嘅大家我就推薦呢間越式法包小充滿小店親切感越式法包 hkd$78 越式法包set可以配沙律 or 湯 or 飲品Size同餡料都好重量級餡料由鹹豬手粒。扎肉。肝醬。青瓜。蕃茄。醃蘿蔔搭配而成咬入口先帶法包香脆嘅口感內裏餡料口感同味道都充滿層次感鹹香嘅豬手粒配上肝醬令味道更濃厚配搭酸酸甜甜又清爽嘅醃蘿蔔更開胃Espresso tonic 配上法包做一個refreshing嘅light lunch就最好不過充滿汽泡嘅清爽感同提神嘅咖啡即刻充滿energy