奇蹟拉麵 ミラクル

營業中

休息中

尼排喺拉麵群組見到奇蹟拉麵重開，所以就落去試下，睇下同以前嘅味一唔一樣。新店位於旺角通菜街，嗰日去到都要排左一個鐘頭先入到去食，大排長龍。新店環境比以往更大，有二十多個座位，座位寬敞，感覺舒適。衛生環境也比以往整潔，整體感覺良好。叫左一碗原味濃拉麵($86)，湯底十分濃稠和濃郁，但又不會過份油膩。麵條亦都有嚼勁，亦都不會過分掛湯，令整體口感十分平均，感覺適中。食到後期再加一點醋，更令整碗拉面的風味更加提升。

聽聞旺角近排開左間都幾出名的拉麵店，未開門已經出現排隊人潮😯，出開旺角拎野順便同男朋友去試下先😎就係佢啦《奇蹟拉麵》，見OpenRice 上顯示營時間分兩段：午市12點至3點&晚市6點至10點，當晚去到六點搭二咋，已經同傳聞一樣要排隊🤭懷抱着期待嘅心情，等左大概10分鐘終於到我地！拉麵店細細，座位肉眼掃過大概坐到20人，餐牌上只有5款選擇：原味濃拉麵、烏賊濃味拉麵🍜、清湯醬油拉麵、濃厚辣味拉麵、特製限定拉麵，排隊時就要決定要邊款拉麵啦，好彩一早做左功課😎即時決定要：🍜原味濃拉麵（超濃厚豬骨湯底、慢煮叉燒、味付半熟蛋、荀、蔥，湯底好味😋係我喜歡的濃厚感❣️；半熟蛋味道吾夠，但勝在流心🤤🤤；拉麵麵質煙韌偏硬適合後生們；叉燒似食緊五成熟，肉質粉嫩有啲咬感；荀夠甜，正🥳）🍜烏賊濃味拉麵（個人對黑色嘅食物有種特別嘅喜愛🤩，例如竹炭蛋糕、墨汁意粉等等⋯所以對呢碗黑忟忟既拉麵係帶期待感，好可惜食吾出烏賊🦑味😞得個黑字，仲諗住會有特別香味之類🥺其他所有野同原味無乜差別！）整體來講原味濃拉麵係幾好，但個人覺得吾太值得排隊嚟食，附近有幾間拉麵都唔錯👍🏻不妨行多幾步尋覓下其他拉麵店🤓

星期六有得去街街 特別興奮🤭放假專登黎試試呢個人氣都幾高嘅拉麵去到又竟然唔洗排好耐但……未夠兩點已經得返一款湯底揀😓💁🏻‍♀️清湯醬油叉燒肉半熟蛋拉麵$79本身個人特別喜好某種濃湯拉麵對於清湯其實冇太大好感 望到呢個清湯….🤔會令我諗起食神座個種湯底不喜 但完全係個人口味問題😛但入得黎都要試試 ‼️‼️‼️點知點知‼️‼️‼️❤️飲一啖試試個湯 好好味喎🤩🤩🤩好啦 係我偏見 其實清湯底拉麵都有啱口味嘅店跟住我就啖啖都連湯連麵咁食🤤叉燒同我平時食嘅唔一樣係好薄切 肉質滑身😋幾有新鮮感流心蛋真係好流心😍呢間我冇乜期望嘅店反而俾到驚喜我👍🏻下次會試試佢嘅濃湯拉麵食到好味野 心情特別好🤭滿足💛

-之前屯門的分店，即使排隊兩個鐘也令人念念不忘。初嘗重開的旺角店，依然出色，加上只要排隊15-20分鐘！-✦清湯醬油拉麵 ｜$79-以前喜歡吃濃厚的豬骨拉麵，近年更愛清爽的「清湯拉麵」湯底清爽不油膩，充滿鰹魚鮮甜🐟，加上醬油咸香，令人不禁渴光，吃完也沒有口渴咸，相信不是傳言中味精調製👍🏻以幼身的拉麵為麵底，口感偏硬彈牙，沒有粉感，是我喜歡的☺️叉燒肥瘦適中，但感覺沒有從前嫩滑🐖溏心蛋出色！用流心蛋黃沾麵一流。干荀不過不失🥚

星期六13:00到達餐廳，門口人龍五至六個，還可以接受，再長啲人龍應該唔會排了⋯⋯叫左個清湯醬油拉麵，一上枱，拉麵超細碗，但係叉燒夠薄又軟滑，都好好食。不過都係個句，份量太少，個温泉蛋其實幾好食😋！餐廳環境類近日本拉麵店嘅氣氛，同我去東京酒店樓下拉麵店環境好相似。由於湯底唔係豬骨湯底，個人認為咪當湯飲，口渴嘅記得叫汽水😂總括來說，麵份量好細，男仔一定唔夠飽。如果下次有機會，又唔係太餓，都會想食原味濃拉麵試下，提提大家可以避開食飯時間嚟食，免得大排長龍。

平日大概下午1:00去到，入面都係爆場的，然後舖頭外面有3,4個人排緊隊，無耐就有個員工拎落單紙嚟同我哋講得返招牌醬油拉麵了🍜本身第一餐都唔太會食濃味野，所以就照排啦！大概15分鐘就到我哋啦！交完單就坐低等開餐😋座位都算舒服！唔會覺得同隔離好近！👍🏻👍🏻👍🏻值得一讚！1️⃣拉麵係幼身嘅拉麵🍜咁講好似有啲衰，不過質地好似有少少似某大集團的感覺。2️⃣叉燒係薄切的，我同男朋友都中意薄切叉燒🐷多過厚切 / 角豚肉！感覺食完比較舒服。3️⃣湯底夠甜，飲完唔會覺得係有味精！係合格嘅醬油拉麵湯底👶🏻總括來講就係所有嘢都中規中矩，不過下次有機會如果唔多人嘅話都可以試吓佢濃啲嗰隻，到時再分享俾大家！

評語：我食嘅係清湯醬油拉麵，食後有輕微過譽嘅感覺。1）叉燒幾好食，薄唔緊要，但有啲細塊，公平啲講，我有對比其他人嘅份量，係我個碗細咗少少，咁就算啦。2）湯底色水係靚嘅，但飲落唔覺得好驚艷，就係一般嘅湯底。有人話佢用味粉，我唔識分。3）麵質生熟程度剛好，不過唔係我杯茶。好多人話掛湯，但我食落唔覺有呢個效果，唔知關唔關我食清湯事，還是偏愛傳統拉麵嘅麵質。4）所有配料絕對合格。整體感受：11:50分一嚟到，已經排滿人，期待值即刻推到100，好彩我剛好唔使等，可以做第一批最後個個客人。有送錯食物嘅情況，但店員即時處理，服務態度一流，仲聽到店員用日本同廚房師傅講，先知師傅係日本人，期待值再推高多50。麵好快嚟到，我相都冇影就即刻食。想講係正常偏好食嘅，性價比不錯，只係$79，但講到全港最好，絕對不是。小問題，冇得加餸，呢個位係差少少，因為我真係想加叉燒。

終於等到了奇蹟拉麵的重開！之前一直未能趕於屯門舊鋪一嘗，聽到旺角重開就當然要去朝聖❤️建議剛開門就去～避免排隊等候🍜 原味濃拉麵 𝗛𝗞𝗗𝟴𝟲骨湯濃郁鮮甜，讓人一口接一口 😍 而麵條掛湯力高，每一根麵條都充滿了湯汁的味道，可惜無得選擇麵條軟硬度，咬口偏硬不是 👧🏽 喜歡的口感🍜 濃厚辣味拉麵 𝗛𝗞𝗗𝟵𝟯如果你喜歡辣味拉麵，可以一試 🌶️ 香辣嗆口，真係刺激又過癮！慢煮叉燒稍微有些失望，味道口感都一般店舖拉麵雖然選擇不多，但勝在貴精不貴多；配搭材料都以簡單為主，最吸引人之處係湯底 🍲 整體而言，絕對值得一試 ✅

之前曾經在屯門扎根的奇蹟拉麵，轉移陣地去到旺角女人界。前排有些新聞令到這間拉麵店被人議論紛紛，但基於我又未食過既關係，路過見到又唔係多人排隊，即管入去品嚐一下。店內都勁多人，爆哂場，逼狹就少不免，但都尚算可以接受。點餐紙只有4款拉麵選擇，亦都沒有任何小食可以另加。烏賊濃味拉麵 – 幼身拉麵是我喜歡的，口感很不錯。慢煮叉燒都ok啦，沒有什麼特別。湯底濃厚之餘也有點咸。濃厚辣味拉麵 – 無得揀粗幼麵，所以呢碗都係幼麵。第一啖當然飲啖湯頭，有d搶喉，而辣味亦比想像中辣，稍嫌味道過濃，餐後要飲多幾杯水黎解渴。

«全港最好食的拉麵之一，奇蹟拉麵» - Mirakuru Japanese Noodles屯門有幸食過一次，跟住佢就結業左，真係等左好耐先等到佢重開呀！屯門食過佢呀豬骨湯底，真心好濃好好食，今次就試吓佢嘅旺角新店🍜🍜 清湯醬油拉麵 $79當日豬骨湯賣晒，淨返清湯可以選擇，估唔到都好驚喜🤭湯底有陣鰹魚香，麵質適中偏硬偏彈牙（我好鍾意❤️）叉燒肉一般，我覺得屯門食嘅時候滑啲流心蛋個流心做得唔錯，再濃味啲就更佳總括黎講佢地嘅拉麵真係好好食👍🏻 下次好想黎食到佢嘅豬骨拉麵------------------------------🌟回頭指數：9/10本身諗住要排好耐隊，1:50去到，排左15分鐘就入得👍🏻（雖然中午排好熱，真係流哂汗🥹）佢2:15左右已經截左龍，大家想試就要預返時間啦。📍地址：奇蹟拉麵 ミラクル (旺角)旺角通菜街22號達明大厦地舖/ 喜歡我食評的朋友，請follow IG @yumyumyummy.tummy /

好好彩食到！！最後2碗，連湯底都冇得揀，得返清湯醬油拉麵。麵度有啲硬身，湯底比較單一，只食到係鏗魚醬油味，但價錢係合理嘅。哩次係第二次食奇蹟，第一次係屯門食濃厚辣味拉麵同原味拉麵，比較有驚喜，第一次食個2款湯底都比較有層次感，麵口感都適中，真係好似係日本食拉麵嘅感覺。如果有機會再食一定要早少少到，可以揀返其它口味，清湯唔太推薦。

6點幾旺係旺角諗緊食咩好，經過見到奇蹟拉麵已經排緊隊，抱住人排我又排嘅心態去試下🤣拉麵款式選擇唔多，條隊都流動得快，排左大約20分鐘左右就入得。📌 清湯醬油拉麵 ($79)湯底好清澈，以為會好淡，一試點知有驚喜，好清香鮮甜，一D都唔膩 👍📌原味濃拉麵 ($86)湯底是由雞骨、豬骨、海鮮等食材，長時間熬製而成，非常濃稠，但略嫌偏咸，食碗食完好膩，個人偏好清湯醬油拉麵多D。叉燒方面，都幾大塊，肥瘦適中 🥩 溏心蛋咸淡做得岩岩好，帶少少酒香好好食🥚

中午路過只見一人排隊，覺得是時機拜訪呢間話題性極高的新店。先旨聲明，對於此店早前的小風波，本人在奇蹟旺角店開張前略有所聞。我先表明立場上是不同意做法，但味道上還是親自試過再作批判。早前看過版友們介紹清湯醬油，在今日炎夏吃會比豚骨湯更適合。賣相算是亮麗，兩塊梅頭叉燒，幾根筍，一枚味玉，還有蔥花點綴，看起來不錯。湯頭帶點光澤及油脂，入口淡麗柔順，應該很適合大眾口味，這碗湯蠻討我喜歡。麵條硬度如我要求，掌控到位，但麵條略嫌欠缺麥香，只是一般貨色。叉燒肉香僅合格而已，還有很大進步空間，相比深水埗丸京來相比，還要差一大截。味玉賣相雖好，但蛋香欠奉。對不起，簡單說我會覺得不及格，尤其跟泓一的味玉相比，奇跡慘敗了。還有一個小問題，今天坐在吧檯的我，麵到後花了不足三十秒拍照，但嚐湯頭時，溫度較預期低，可能是我運氣差，希望這是個別例子吧。整體而言，如在旺角區想吃拉麵的話，奇跡還是首選，因為其他對手都是更不入流的水準，尤其是同一條街其他三間拉麵，實在不堪入目。相比下，奇跡可以繼續奇跡…$79，不收加一，以吃拉麵來說沒投訴。但在旺角的一人前用膳選擇，我寧排隊吃爽腩。😝

剛今日經過，見店舖新開，試吓拉麵味道如何！因晚上7點半去食已說冇什麼選擇可以給客人，所以，只試它餘下可選擇的拉麵，一整體視覺一般，點解？蔥花是切一粒粒？流心蛋是流心不過是凍的，真正流心蛋放在拉麵內是較微暖、麵質比較硬、叉燒還可以，最差是昆布醋，味道很差、食正宗拉麵是差不多食完才加少量昆布醋在湯內！可惜，醋味多過昆布！感覺上樽內果片昆布是否可以出到真正味呢？

*.+゜奇蹟拉麵 ミラクル.✿ 清湯醬油拉麵 $ ⁷⁹✿ 濃厚辣味拉麵 $ ⁹³…11:50分去到門口 已經有一條幾長嘅隊排緊ㅋ排左大概30分鐘就入到去～餐牌除左4款拉麵之外就冇其他選擇了個人比較ᴘɪᴄᴋ 清湯醬油拉麵！ 唔會話太鹹或者太淡冇乜味飲完一啖會有少少餘香ჱ̒⸝⸝•̀֊•́⸝⸝)慢煮叉燒都正正常常 冇豬騷味～ 濃厚辣味拉麵就有啲太辣食一啖加埋湯會哽親ᯅ̈.ᐟ 如果唔太食得辣嘅朋友建議試下清湯醬油先ㅋㅋ.整體 / 🥨🥨🥨🥨 /.⌫ 奇蹟拉麵 ミラクル (旺角)旺角通菜街22號達明大厦地舖.#旺角咔嚓 #香港咔嚓