天樂烘焙

昨天下午去光顧這間麵包店，諗住買個蛋撻$7.5，入到去見到有兩個收銀員，一個企係部收銀機面前，唔理個客自己做自己野, 於是我排另一條隊，到我的時候，我說：唔該要一件蛋撻，跟住呢位收銀員（帶眼鏡年紀偏大的女士）好無禮貌地指去部八達通機（我心諗呢間店係咪唔收現金架，我都無話用八達通，無端端指去部機），跟住我說比現金，跟住我拿了7個1元和5個1毫子硬幣出來，她望了説：唔收毫子（我心諗唔收毫子，好心佢就唔好賣7.5元一件啦，一係賣7元一係賣8元啦，同埋係多眼處放個牌係度說明恕不收毫子啦）, 跟住我回應：咁我唔買啦，我得咁多咋。 她說：得，好呀，bye bye. (我心諗乜原來麵包店咁好賺，有生意都唔做，可以揀客。）我禮貌地回應番佢：Bye bye! 本人覺得呢位女收銀員態度馬虎求其，有得做就做，無得做就算，唔係做生意。 本人覺得佢地好似唔喜歡收現金，好似驚死做多左野咁，會黑面. 本人覺得整個購物體驗非常之差，所以，以後也不會光顧這店了。…查看更多

I like the scallion and ham pastry from local bakeries, and I’m always on a mission to try out all of them after identifying one really delicious piece in YMT. This bakery in Quarry Bay serves the pastry for $15.5 and it’s fresh out of the oven. Topped with a baked cheese disc, the bread was hot, and very fresh. However, it wasn’t as buttery as the winner slice I had before. Also, there’s no creamy/ chicken sauce stuffed inside, just sesame seeds, diced ham & scallion. It’s crispy and made a great snack. Perhaps I’ll eat more to compare further. This pastry is known for its triangular shape, and this bakery tops it with sesame seeds and baked cheese in the middle. …查看更多

賣的不是即日新鮮面包，還理直氣壯說什麼面包可以放3天。這是個什麼歪理，3天期應該是給顧客的，絕對不是預留給你店舖來清掉賣不出去的貨品。作為食店，賣新鮮食物不是基本服務態度吧⋯⋯再想想，賣不去不是沒有理由.. 店家這個態度足以令客人不再光顧。 我更加明白，怎樣我每次北上，都會買一大堆面包回來，人家態度好，品質好。香港會給這些不良商家破壞的，若然內地人看到店舖賣隔夜面包，只怕會在小紅書上評論一番，看看後果如何..還浪費我時間寫評論。…查看更多

係鰂魚涌番工，經過見到呢間麵包鋪次次麵包新鮮出爐時段都好多人幫襯，今日難得經開，又有啲肚餓，見無咩人排隊，就去幫下襯喇😋🍞菠蘿包（$13）菠蘿包食落熱辣辣，咬落個菠蘿皮好鬆脆，而麵包入面都非常軟熟🥰佢嘅麵包份量都好多，食完夠晒飽肚😋…查看更多

我好明白係鰂魚涌呢個地段嘅租金一定唔平，再加埋人工，材料，等等嘅費用一個麵包成本亦都唔平。但係佢哋隔一排就加價，而家基本上成間麵包舖都搵唔到平過$10嘅麵包….或者朝頭早真係太多生意，就算加極都一定有人買，但係我呢啲窮人就基本上好少會再幫襯講返麵包本質，咖啡合桃鮮奶球係我心目中既no.1 一打開已經好大陣咖啡味食落都有粒粒合桃，唔係空氣麵包利申：其實佢啲麵包真係好食既！但價錢愈黎愈貴，一個包多謝$14，加多一兩蚊都買到個三文治🥲…查看更多

話說剛才經過，入去買左2個腸仔包&1個菠蘿包，埋單時店員問：分開裝定一齊裝。我：一齊裝啦。店員裝緊2個腸仔包，然後我隨即說: 菠蘿包都係分開裝啦。店員：啱先你又話一齊裝！（耻笑咗一下）下次早啲講啦，好嗎！我：（弱弱的無出聲）離開店鋪。事後覺得心裡有氣，決定寫出來。其實菠蘿包都未裝入袋，我又唔係叫佢重新裝，真係咁差嘅服務態度。客人嚟店舖幫襯，反而受氣。員工即使做得唔開心，心情唔好，難道就可以將氣發在客人身上？咁差嘅服務態度，咁樣嘅員工，難道可以令店舖生意興隆，長做長有？反正我唔會再幫襯。…查看更多

有朋友介紹話呢間嘅凍奶茶好好飲，今日經過就買返杯，今次我買咗少甜，但係甜度對我嚟講都有點高，不過茶底好靚，茶味非常之濃，而且奶茶充滿奶香味，都幾好飲，下次試吓走甜先🤗…查看更多

大熱的布甸法包大行其道，不少麵包舖也會跟隨製作售賣但並不是每間都能學到其神髓今天在附近工作，經過看到她也有售賣也試過此店售賣的其他包款也不錯所以就買了一件試一試布甸法包$15比一個掌心大一點點的而令我驚喜的是拿到上手時，還是微温的表面光滑布甸，內裡是震騰騰的布甸味道是重奶味，基本上吃不蛋香和蛋味其實看其顏色也可估計得到，蛋比例較少，淡忌廉多布甸很甜，因此蛋味更加不突出反之法包頗為出色雖然薄得來又有口感外脆且煙韌有咬口只是欠缺麥香…查看更多

一向都好鍾意食薯仔產品，第一次有人買呢個薯蓉俾我食嘅時候，真係一試難忘😇鍾意食肥煙肉嘅一定要試呢個！煙肉同薯蓉真係好夾好夾😋千島醬蟹柳都好好味，不過如果要連埋個薯蓉一齊食嘅話，相對上味道就唔夠重，我自己就係食晒上面啲千島醬蟹柳，另外先至食啲薯蓉🫣粟米火腿都好正，不過俾我揀嘅話始終都係煙肉第一名🥰另外仲有試咗佢個伯爵曲奇，好濃好香嘅伯爵味！不過真係有啲貴，半磅$58，一磅$102😬仲有酥皮蛋撻，正😋…查看更多

推薦小店法包燉蛋🥚之前喺YouTube見到嘅法包燉蛋，今日行過麵包舖竟然見到油， $15/1個，雖然唔係YouTube介紹過果間，即刻買來試吓。成間舖頭麵包味好香，有好多唔同種類嘅麵包，都係正正常常嘅款式。講返個燉蛋，返到屋企焗返熱佢，暖暖地奶香蛋香味好濃超滑，食咗中間啲燉蛋之後，留返少少夾住個又脆又薄嘅法包皮一齊食，好好食。因為我第一次食，冇對比冇傷害，但係發覺一定要再去買黎食，因為真係超級好味😋好彩上次佢買得夠快手，我買嘅已經係放係度既最後一個😂下次早啲再去買過👍🏻推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：7⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：9⭐️地點（10⭐️滿）：7⭐️［天樂烘焙 (鰂魚涌)］地址：鰂魚涌英皇道971號英皇大廈地下B舖…查看更多

而家去普通麵包舖 買既麵包都無咁好食 好似好普通嘅菠蘿包啊雞尾包啊 都好難隨街食到一間覺得幾好食既 最近經過呢間麵包舖 又係見到好多人排隊 湊熱鬧行入去望吓 見到做緊買三送一所以個次揀咗幾個包覺得質素唔錯 幾好食早兩日再經過嘅時候呢encore左呢一個咖啡合桃包！ 咖啡合桃包 8.8/10好香咖啡味 隔住口罩都聞到 搞到買完已經好想即刻食 面頭係好似墨西哥包 小小小甜甜地 簡簡單單 幾鬆軟唔甜 值得一試 另外一個係乳酪黑豆麥包 8/10好似餐廳既餐前包咁 呢個甜度2.5/10 香麵包味😂幾好gel😂😂😂 我記得好似兩個各自都係14 蚊到 雖然係比起傳統麵包店定價高少少但係有心機既麵包!…查看更多

街坊麵包店，選擇種類多，最鍾意食佢地個提子包！好鬆軟同埋唔會太甜另外佢哋嘅牛油曲奇皮蛋撻都會買黎食 不過佢地個蛋醬就比平時個啲甜左啲！蛋味都冇咁濃！不過個皮做得幾好…查看更多

返工返到我哋最好整個tea不過懶得落去買啲同事經過落去食煙嘅時候就買咗一打蛋撻上嚟，第一次食呢間餅店但係食落去啲蛋撻真係幾好食價錢我唔知幾多喇不過應該都唔係好貴嘅啫~…查看更多

早幾日行過，見到曲奇做緊特價，買咗包杏仁曲奇，大大包，好抵食。而且包裝上寫着不使用防腐劑，感覺上較為健康點。包裝內有很多塊曲奇，曲奇好鬆脆，有淡淡的杏仁味，如果牛油味再重啲重正。…查看更多

花生燒餅和黑芝麻燒餅 $7.5 各一黑芝麻燒餅驚艷, 濃濃的芝麻香, 像一碗足料的芝麻糊但不死甜、不稀, 非常濃稠。花生燒餅比黑芝麻燒餅甜, 但適中。花生、芝麻和糖的比例合適, 既香且甜。喜歡餡料用上原粒花生, 增加口感, 花生愛好者表示滿足。燒餅足料厚身煙韌, 被放在板爐上加熱, 保持微暖, 讚, 但皮邊略硬, 可能是長期被放在板爐上加熱之故, 而且偏油。字數所限, 不給予整體評分, 但天樂烘焙的燒餅絕對值得。…查看更多