天星雲南米線

營業中

休息中

二條友就叫個二人餐啦 每人都係揀二個餸我就係食胡椒豬肚湯底跟竹笙同春卷少米竹笙⋯好多都黑(´▽｀) 我唔知代表咩 但唔夠爽口⋯春卷就見到好多好似係八爪魚🐙嘅嘢 咁應該係八爪魚🐙春卷吧(◐‿◑) 重點 少米都係好很多⋯(;´༎ຶД༎ຶ`)我都唔想做大哂鬼 但無計食唔到😭😭😭我朋友係麻酸微辣跟豬軟骨同鴨血⋯朋友表示日本好少辣野食 佢覺得好好食🤣豬軟骨好大舊好抵食又好食麻辣金沙骨就基本嘢 但有舊真係好難咬 牙都就嚟甩😑皮蛋就正常嘢無咩特別 包埋二杯野飲真係超抵_🐈粗口自動轉換底線🤭🤭🤭🤭

🐱旺角人氣米線😌我見米線關注組有人介紹所以試試😂結果驚喜地好食😋星期六下晝6點去即刻有位，唔洗排隊🤓但我見未到7點已經坐滿晒人🤣麻酸小窩米線（腩肉、豬紅）：$55🌕🌕🌕🌕🌘/5出面好多米線一係齋麻辣，一係齋酸辣🌶️好少可以麻酸一齊😌今次可以唔洗做選擇✌🏻湯底超惹味，有酸菜、芫荽、肉碎，名副其實又麻又酸😍超好味🤤叫左小辣，比起出面既係偏辣，下次叫返微辣先得😂而個腩肉係半肥瘦，唔會得肥膏🐷有小小滷水味，係有醃過😉推薦👍🏻豬紅都好好食🤤係好滑同有味既豬紅😚經開旺角必定再食😜

#MC帶你去旺角香港人真係好鐘意食米線🍜除咗去連鎖米線鋪食，各區都有好多高質嘅米線鋪，比如依間喺旺區中嘅旺區、喺「香港米線關注組」受洗版式分享嘅「天星雲南米線」💯✨ 小鍋米線（麻辣台灣鴨血+豬軟骨+蘿蔔） $61今次就嗌咗小鍋米線，加幾款人氣必點配料，果然無令人失望👍🏻✨ 麻辣台灣鴨血（推薦）台灣鴨血尚算厚身，食落紮實爽滑，味道同普通鴨血、豬紅十分有分別，台灣鴨血偏甜，吸咗少少胡椒豬肚湯底嘅精華，香辣又過癮，味道十分突出😋✨ 豬軟骨（推薦）兩大舊嘅豬軟骨🍖肉質厚而十分軟嫩，唔洗好用力咬已經有一絲絲嘅肉，必點之選‼️✨ 蘿蔔（推薦）最不起眼而又最基本嘅蘿蔔，點知十分有驚喜😱係清甜又無渣，係勁嫩，出面好多米線鋪、車仔麵鋪都未必做到咁。✨ 胡椒豬肚湯底+麻辣小辣濃濃嘅胡椒香氣，隱隱約約帶啲麻辣味🤤飲落胡椒味相當突出，胡辣感十分惹味🌶️湯底仲有配料豬肚，變樣有多一個餸🤭🪑 環境店鋪樓面唔算大，舖位窄長，枱與枱好緊密，相當有地道隱世feel。🔥 人氣人氣程度不可輕視，夜晚8點45分去到都仲要排隊，排咗15分鐘；下午黃昏金黃食飯時間起碼要排30分鐘至45分鐘⏳.⭐整體︰8.0/10⭐食物︰9.0/10

- 天星雲南米線 豬軟骨魚皮今次叫咗2個餸，同叫咗招牌酸麻辣湯小辣，以對我唔太食得辣既人，酸辣程度可以接受。但店面位置好少坐得好迫同時環境都唔太衛生，加上個日坐喺廁所隔離，所以環境方面，就要大家睇下接唔接受到。但講酸辣米線方面，呢間係好食，湯底係惹味就算平日下午茶時間都係幾多人幾受歡迎。🤣 ## 評分標準 食物:4/5 環境:3/5 服務:4/5 性比價: 👍🏽pp$50 回購率:👍🏽 地址：旺角砵蘭街136號地舖

今日去左旺角食傳說中全港top10既米線就睇下「香港米線關注組」是咪放流料-🍜 酸麻辣米線(小辣)3餸 $53平時食開譚仔3小辣、可以輕鬆handle依到既小辣食得辣既朋友仔可以跳級挑戰中辣以上湯底夠酸夠味但冇乜肉碎、建議叫啲腩肉/豬軟骨令個湯再濃小小-🍜 藤椒魚皮（大）$53魚皮好好好好好爽口、冇腥味夠凍又開胃～做小食1流-🍜 蒜泥白肉 $52大家應該見到堆蒜蓉同芫荽山😹重口味人士必點、個人認為好食過譚仔-🍜 秘製金沙骨 $53同行朋友話好食唔乾點解係同行朋友話？因為份量太少、本小姐冇份食😹 笑-🔥總結 7/10🔥市區米線黎講真係算唔錯、絕對可以拎黎頂米線癮但要注意～店舖比較細、繁忙時間黎應該要等位可以encore👌🏻

[ 天星雲南米線 | 旺角 ]I came for lunch at this unassuming mixian restaurant around 12pm, only to have it packed full of people that I had to share with someone else minutes afterwards. It must be good right? I placed my order via the QR code and waited a solid 20 minutes before any food was served. —— —— 黃立倉米線黃立米線 $65 + 海帝 $7 This fried pomfret is recommended by them so decided to try it. The fish is freshly fried and came way before the noodles, though they both took very long. The skin is thicker th

喺旺角見到好多人排這間米線舖🧐好奇心促使我都想試下，排咗大概20分鐘。我叫咗黃金墨魚餅、豬軟骨同雞翼三個餸，見到招牌是酸麻辣湯，我都點咗，但我覺得太酸（幾乎酸到我食唔到其他餸嘅味道。唯一我覺得好食嘅係墨魚餅，食得出真材實料😜店面位置好少，坐得好擁擠，睇上去都唔太衞生。我之後加咗支豆漿，買單好似$60幾～

15/7/2023第三次食呢間米線 頭兩次都冇咩話好好食 今次食唔知做咩好似上左電咁 好食酸辣湯浸味好似譚仔嘅重慶酸辣湯 但係食得太快有機會"唱"親喉嚨 夠麻我唔會食得好辛苦 覺得岩岩好 有紅油 但係食落去唔會啖啖油 得個面有 招牌腩肉係豬腩片 都幾入味我本身都有醃過 唔會好咸 唔會黐牙或梅 米線質地偏淋 冇咩咬口 扣左少少分 加上佢用手機落單冇得揀爽啲 對於我呢啲毒毒嚟講唔係好friendly台灣鴨血有驚喜 唔係好plain 本身就已經有味 咬落去得咁結實 一咬就碎 加分 雖然得兩塊但係好厚 都算抵食萵筍就正常窩筍 份量都唔少 但係有幾舊有少少渣 係好食的但個食完個胃痛到sir 又唔係肚屙嗰種痛 加上天氣又熱喺條街度行爭啲成個暈低 過咗一陣先至好返啲 但係都覺得個人好似收收地皮 希望唔係個米線污糟會再去食 少少上癮 胃痛都要食 利申嗜辣米線愛好者 7.5/10

好好食既酸辣米線 呢間我最少食過10次 一定要叫呢度嘅酸麻辣湯底 我就食開小辣既 試過一次中辣都頂唔順餸方面 一定要叫呢度嘅豬頸肉 平時好少食豬嘅我 都一定要點1份 地址：香港旺角砵蘭街136號

好耐冇食過天星！！對上一次好似已經一年前，所以對辣度既印象有少少模糊因為平時都食開大辣，所以就嗌左大辣結果超級辣🥹辣到噴火🫠但又好好味！全程流住眼淚咁食😂好爽湯底雖然好辣，但都食到湯底既鮮味同埋麻椒魚皮好好食！我地個個都覺得好掂，爽口同入味，唔會太辣唔太食得辣既朋友仔都可以試😍值得試！不過覺得佢個檸賓太淡，冇咩味如果可以濃返少少就好了🤏同埋今日等位等左好耐🥵🥵係出門排隊排到流哂汗…..支持天星加油搬大舖，唔洗排咁耐🥲

2度回訪🍜 細妹以前帶過我食今日我再來 都係堂食一樣好多人 要等位味道依然令人回味😋2次嚟都有食金沙骨麻酸辣😋 金沙骨😋 椒鹽豬排😋 豬軟骨😋一諗起呢間係好多肉可以食🥩🍗可以食到好飽同埋麻酸辣湯好開胃佢立到分得好仔細，有微辣、小小辣，先至到小辣，今次叫咗少少辣，都好夠味。咁熱又食辣，飲番杯凍飲都係加$6，幾抵。多人一齊share可以試多個小食豬耳都唔錯而且，性價比高🌟去開旺角要試呢間米線🍜

經朋友推薦 話個酸辣湯底出乎預期中好咁夜晚收工就去試一試😝平日 8點30左右去到 唔洗等位但都差唔多坐滿哂人一坐低 即刻叫野食 QR code落單 等左兩三個字 啲野食都到齊秘製醉雞🐔 $53可能係我食過最冇酒味嘅醉雞酒香好微 肉質有小小老 雞皮好厚麻醬雞絲乾拌紅薯粉雞絲唔係好食到加左豬軟骨，墨魚春卷，魚皮餃豬軟骨兩大舊 肉比較淋 唔叫好食 墨魚春卷 好食😋個面似炸一炸過 口感好彈牙酸辣湯底小鍋米線中辣都唔會太辣 👍🏻湯底都幾重味 酸味唔夠加左台灣鴨血 係平時街市十幾蚊一盒 硬身好普通果款鴨血鹵水大腸都係煮到好淋好淋 😮‍💨黄金墨魚餅兩塊 正常 冇咩特別而且碗米線 除咗啲配料相對小 米線都唔多總括黎講 食左$182 可能我第一次食 唔知咩係必食不過我都推薦個墨魚春卷⭐️⭐️⭐️如果唔係好有要求 都可以去食下都近旺角或者油麻地地鐵站🚉

玩boardgame 前黎呢度醫醫肚先✨麻酸辣小鍋米線+牛柏葉+雞肉 +凍檸水 $56湯底話係麻酸辣但麻味好重 冇乜酸味 但都唔錯嘅 夠濃味👍 餸嘅份量都ok 牛柏葉好爽口 雞肉正正常常🤔 ✨熱拌米線 + 通菜 + 肥牛+ 大腸 + 凍檸茶 $64大腸滷得幾入味 幾香滷水味 不過覺得有啲腍🤔 通菜都係爽啲都好啲 肥牛普通 🙈 唔知係咪食完湯米線濃味 覺得呢個熱拌米線好淡🙈🙈🙈總括黎講都係普普通通 米線都幾煙靭嘅 不過餸同湯底好似都冇話特別好食 🙈 我地兩人坐4人枱 要同人搭枱 有風扇吹住所以都唔會食到好熱👍味道❤️❤️❤️抵食❤️❤️❤️服務❤️❤️❤️💔環境❤️❤️❤️💰午餐人均～$60(唔洗+1)

今次介紹係旺角的天星雲南米線，當初係由朋友介紹我來試試呢間店的。當日係Weekend 12點左右，已經排晒隊，證明都幾受歡迎！天星最特別的地方就是湯底了，除了普通的麻辣湯底外，他們還有一種獨家的麻辣胡椒湯底，非常值得一試。喝下去除了麻辣味之外，還有一種非常濃郁的胡椒味道，味道的衝擊非常大。至於米線的口感，我個人認為還可以，但沒有什麼特別的驚喜。餸菜方面，他們有我非常喜歡的萵筍，所以我當然要點一份。另外，我還點了豬軟骨和炸醬，豬軟骨炆得入味，軟骨有膠質，非常好吃。而炸醬這道菜則是直接加入湯底一起煮，味道非常入味。萵筍的味道也很好，仲要厚切，足料而且好夾。儘管餸菜質素不錯，湯底也有一定底蘊，但價錢方面有些偏高，加上杯凍飲都差不多要八十蚊，以性價比來講不算太划算。不過，如果你來到旺角，可以試試這家店，可能會有不一樣的感受。總的來說，天雲南米線是一家有特色的米線店，湯底和餸菜的味道都非常不錯，但價格方面稍微有些偏高。如果你想試下麻辣與胡椒豬肚Crossover的味道，天星都可以一試。

呢間鋪最入面個雙人位痴住佢哋洗碗個位，佢地每收一個碗就推門入去個洗碗位擺底個碗碟。個道門一開一閂啲風吹埋嚟真係勁臭，好似坐係垃圾房食野咁，如果佢只係久唔久開門一次都話，食碗麵佢地開開閂閂咗30次以上。真係好惡頂。之前因為佢椒鹽雞排份量好大先嚟食，第二次叫已經變到好唔抵食，得啲骨。今次嚟唔叫雞扒比次機會佢，試埋呢次以後唔會再嚟我聽到隔離枱都抱怨佢地對門開開閂閂，老細見到麻煩改善下