影片
以上資料只供參考, 請與餐廳確認詳情
今日去新蒲崗探朋友，佢介紹左呢間超低食嘅餐廳俾我，就係天廚海南雞。去骨海南雞半隻（$90）油飯（$12）呢度嘅名物肯定係海南雞，我地坐低左聽到無論係堂食定外賣，有8成嘅單都叫左海南雞。去左骨嘅海南雞啖啖肉，除左雞肉嫰滑唔嚡口，我地最鍾意係佢嘅雞皮，口感爽脆唔肥膩，配埋佢嘅黑醬油，薑蓉同辣椒醬食可以話提升左n個層次。油飯食得出濃郁雞油雞湯香味，飯粒粒粒分明，唔會過淋。香煎豬寸骨滑蛋飯（$64）碟飯有3件豬寸骨，肉質軟嫰唔乾，我地揀左配日式咖哩汁，咖哩汁香濃唔辣，薄薄嘅煎滑蛋上面仲有幾粒細帶子，食落口感非常豐富。跟餐雞湯娃娃菜（$16）雞湯伴住清甜嘅娃娃菜係可以中和下其他主菜較濃嘅味道。凍香水檸檬茶（跟餐加$17）凍檸檬柑橘紅茶（跟餐加$17）兩杯特飲甜度適中，酸酸甜甜味道剛好。我地食飯中途聽到隔離枱落單，佢地原本3個人，但兩個老人家到先，個仔仔稍後到，當侍應幫佢地落完單，知道未齊人，主動話可以幫佢地稍後齊人先入單俾廚房，啲野食唔使凍哂，嚟小店食就係想感受到呢種人情味。
繼續閱讀
今晚放工，經過新蒲崗 譽・港灣附近，見一間名叫「天廚海南雞」的餐廳，好多人等外賣。趁墟我又叫埋一份。我叫左兩個半份Ge去骨海南雞，佢果然無買錯；有圖有真相。肉質鮮嫩，配上三種唔同嘅醬料；簡直無得輸！好鬼正！另外再叫左辣酒煮鮑魚，五隻夠曬鮮味，唔韌有咬口；辣味剛好。老媽子同老豆都食得過癮。老豆鍾意食𧎚，叫左一份有八隻Ge辣酒煮花蝦，蝦肉彈牙，配上香辣的醬汁，成家人都讚不絕口！
繼續閱讀
喺Mikiki對面街嘅「天廚」，位置超方便！今次試咗幾款招牌菜，全部都好有驚喜，性價比高到嚇親人！ ### **🍗 必試招牌菜** **1. 海南雞飯** 雞肉超滑嫩，皮爽肉嫩，仲要冇骨！油飯香而不膩，蘸埋黑醬油同薑蓉，簡直係完美配搭！ **2. 香煎雞扒滑蛋飯** 雞扒煎得外脆內嫩，滑蛋超級綿密，撈飯一流！醬汁唔會太鹹，啱晒鍾意濃味又唔想太重口味嘅人。 **3. 香煎黑豚肉滑蛋飯** 黑豚肉肉質彈牙，帶少少焦香，配滑蛋口感層次豐富，食完仲想encore！ **4. 香芧雞中翼** 外皮炸得酥脆，內裡juicy，香芧味好出，送啤酒絕對係絕配！ **5. 花蝦** 新鮮彈牙，簡單煎香已經夠鮮味，蝦控必點！ 跟餐送熱飲，凍飲都係加少少錢，超抵！ 外賣都吾洗等好耐，速度快丫。「天廚」雖然係街坊小店，但食物質素拍得住茶餐廳，甚至更出色！海南雞飯同滑蛋系列絕對係必試，而且價錢親民，絕對係Mikiki附近嘅隱世好店！ 下次經過Mikiki，記得試吓呢間平民美食！😋🍚
繼續閱讀
Lunch見到呢間餐廳天廚海南雞咁多人食，就望吓佢個餐牌，原本諗住堂食，但係因為太多人，就買外賣返屋企食😆唔使講一定要食佢個海南雞啦，佢嘅海南雞飯相當抵食，份量又多，啲雞仲要真係好滑，只係$58真係超級抵❤️香煎雞扒滑蛋飯：揀咗燒汁，雞扒煎得相當香，個滑蛋仲要係半熟嘅，真係好好食☺️加咗小食雞腎同埋香茅雞翼：雞腎份量都相當多，雞翼都好Juicy😍仲叫咗杯廢水飲😆揀咗波波奶奶茶同凍檸檬金橘紅茶，加十零蚊就飲到，真係好正👍🏻
繼續閱讀
新蒲崗天廚海南雞的招牌去骨海南雞飯: 地點在景福街, 算是大街, 挺容易找的。午餐時間, 不想吃得太濃味, 因為怕吃得太飽太滯會睡著, 又想吃點肉, 才有氣有力上班, 所以便點了味道比較自然的海南雞飯, 果然是招牌之選。這是一款源自海南的美食，在香港一直都很受歡迎, 所以眼見基本上其他所有食客都是點了海南雞飯。一上桌便看到切美美的白切雞。雞皮很有光澤, 而且聞到很香的味道, 已經讓人胃口大開, 然後還有一大碗香噴噴的白飯, 其實一點也不寡, 因為提供了三款很滋味的醬汁, 用來沾雞或者拌飯吃都是一流, 人間美味, 想不到大約六十元便吃到。雞肉的量也很充足,沒有偷工減料, 的確對得起”招牌”兩個字有餘。青瓜的清爽也可以一解雞油的油膩, 所以清碟後都不會覺得很飽或很膩, 仍有餘力再喝他們的小麥胚芽飲料, 裡面有滿滿的纖維, 讓人感到格外健康。這是飽足又豐富得很的一頓午餐。
繼續閱讀