天天海南雞飯 (Fashion Walk)

營業中

休息中

星加坡過江龍米芝蓮推介餐廳天天 選址fashion walk 有室外或室內 秋天涼涼地都幾chill. 🏅 天天燒雞 199 果然招牌👍 雞皮燒香更香口 雞肉嫩滑 唔點汁都好好食🤤🤤 🏅 迷迭香火焰黑金叉燒 129呢個大推！ 店員係你面淋酒燒香rosemary 同cinnamon. 未食已經嗅覺享受左先👃 叉燒係 肥瘦適中 入口即溶嘅五花腩 配合特濃醬汁 簡直一絕😳 🏅 木瓜花膠燉湯 58 呢個都不得了！奶白色既花膠湯 濃中帶清甜木瓜味 滋潤到不得了🥰 🏅 原味豆腐花 19新加坡嘅豆腐花比較水 入口即溶 本身甜甜地 唔需要落任何糖 可以當飲品飲好得意 🏅 桂花糕配斑斕酱 49介乎於白糖糕與馬拉糕之間 微甜帶有酒味的桂花香 軟糯軟糯的 好鍾意🥰

終於試到聞名不如見面嘅天天海南雞😍😍新加坡過江龍又係車呔米芝蓮，真係好想食好耐，今次終於有機會試下。餐廳有兩個二人套餐非常抵食，不過我太想食佢冰鎮咕嚕肉，所以決定散叫。首先我們叫了大蝦冬陰公湯，蝦味鮮甜特出而且此湯不會像泰國菜館地方很辣，所以不吃辣的朋友也可考慮，之後就是斑斕汁椰香鱈魚，上碟有擺設有心思，鱈魚球香脆皮薄配上淡淡的椰香斑斕汁，令入口後嗅覺上還有陣陣餘香，但不會掩蓋舌頭上魚的味道。當然唔少得黑松露墨魚蝦多士，記得要盡快熱辣辣放入口，擺放凍左就浪費晒。之後重頭戲來了，我期待已久的冰鎮咕嚕肉，食物一上台如去了人間仙境，瓶底不斷有乾冰氣體飄出，咕嚕肉粒粒晶凝香脆不黏身而且肉質鮮嫩。最後一碟就是老街坊牛筋牛腩，老實講我喜歡食牛筋多過牛腩，但唔係間間煮得淋但未爛身又入味，天天就做到我喜歡的質感和入味。牛腩也軟淋入味不黐牙。整體成餐飯都好滿意！

食盡銅鑼灣之新加坡菜 — #天天海南雞飯————————————————海南雞飯好多地方都有，但係點樣做一碟出色嘅#海南雞飯 都好講究😉今日#hkfoodu 就去左銅鑼灣食正宗嘅#新加坡 海南雞！ 🔸 天天燒雞其實呢間嘅海南雞我就已經食過㗎喇🤭所以今次想試下佢另一個招牌菜，就係天天燒雞😆 個人覺得佢嘅燒雞好似仲出色過佢嘅海南雞呀！😝 肉質嫩滑唔鞋，皮薄肥膏唔多～ 配埋三隻醬，yummy😋🔸 鴛鴦花菜有鑊氣嘅炒椰菜花真係無得頂， 加埋香脆嘅白飯魚仔， 真係好啱送飯呀😆🔸 迷迭香火焰黑金叉燒呢個叉燒上枱嘅時候忍住要拍story🤗， 叉燒屬於半肥瘦偏肥多少少， 所以食落油香豐富， 真係食幾嚿都已經好飽呀🤣Overall comment: 大家叫餸食飯嘅時候記得嗌返個油飯，佢嘅油飯粒粒分明，細窩已經足夠兩個人share㗎啦😆佢仲有outdoor位置坐嫁！

跟朋友逛街順便來這裏尋覓美食😁招牌海南雞🫶🏻薄薄一層凝膠狀脂肪層再淋上自家秘製醬油💗雞肉口感爽滑、肉質鮮嫩、雞味濃郁古法肉骨茶🙌🏻淡淡香料和胡椒味道湯汁濃郁醇厚 肉質軟爛脫骨 金不換牛柳絲炒貴刁🥰味道不錯 齒頰留香新加坡黃咖喱豬頸肉煎太陽蛋🍳色澤鮮艷 賣相十足 咖喱就是有這種神奇魔力 東南亞版飯掃光😆原只椰青海鮮椰油炒雞油飯🥥🐔🍤奶香奶香的椰子海鮮炒飯很多蝦肉還有一隻大虎蝦甜品桂花蒸糕配斑斕醬😍口感新穎獨特

位於銅鑼灣鬧市一角的天天海南雞店面挺大，有室外和室內之分。今次我坐在大電視機前面可以望到廚房的位置，不時可以窺探到師傅如何處理菜式。一進來店員細心我們遞上餐牌和斟上熱茶，餐牌上琳琅滿目的食物，每款都有參考照片都十分之吸引。為免選擇困難症發作，我們點了冬天煲煲暖胃二人餐，既有中份招牌海南雞和雞油飯，還有古法肉骨荼，海南雜菜煲和芥末黃金八爪魚，另外加點陳年金桔蜜。等店員把餐點放滿整張檯，就來開餐！首先來一碗肉骨茶暖胃，肉骨茶不少得古法瓦煲，煲蓋一掀起來濃濃的胡椒香味撲鼻。肉骨茶十分之足料，有數件大件一字骨、豆卜和豬肚。湯底重胡椒味，飲起來屬溫潤，令人瞬間和暖。另一方面一字骨經慢慢熬煮，肉質較軟。味道真的與在新加坡食的一模一樣。接著當然要品嚐主角海南雞，雞件味道清香、口感厚實、肉質鮮嫩。店家亦很貼心地去除大部分的骨，因此每一啖都感受到高質的海南雞。淡黃色雞皮看來十分吸引，使平日會挑開雞皮的我也不禁嘗試。原來雞皮非但沒有油膩感，而且口感爽滑，一層薄薄的啫喱更是點綴。當然不可缺少的三色醬，每種醬汁都香濃，不過我始終支持黑醬油。油飯香氣十足，飯粒飽滿，油而不膩，令人一口接一口。另一個瓦煲內是海南雜

今晚又嚟食天天海南雞飯，呢間餐廳係我喺香港最鍾意食嘅新加坡菜之一今日嗌咗三個鍋：老街坊黑磨豉醬炆豬手、海南雜菜煲、砂鍋老鼠粉，最後叫咗一個桂花糕配斑斕醬三個煲一齊上枱好壯觀😂炆豬手好入味，豬手質感煙靭含有豐富膠質，而且仲有彈牙嘅豬筋，好好食；至於海南雜菜煲清清地，有芋絲、各式各樣嘅雜菜同菇；我每次都會叫砂鍋老鼠粉，入面有花生粒、辣椒、蝦米、老鼠粉等等，惹味又飽肚，令人垂涎三尺；第一次食桂花糕配斑斕醬，桂花糕同我想像中嘅中式酒樓入面嘅桂花糕好唔同，配上鮮艷嘅斑斕醬非常有特色，為呢餐晚飯畫上咗個完美嘅句號香港嘅新加坡餐廳唔多，好食嘅更加係少之又少，呢間天天海南雞飯，確實係鶴立雞群，值得推薦#天天海南雞飯

黑松露墨魚蝦多士呢個小食真係太正啦🤓🤓🤓啲墨魚蝦炸得香脆，外脆內軟，再加埋黑松露嘅香氣，每一口都有啲特別嘅風味🦑🍤🍞😋😜天天海南雞飯！啲雞肉滑嫩多汁，配埋香氣四溢嘅海南飯同啲特製醬汁，真係令人回味無窮🍚🍗😍🌟😜參巴辣椒炒通通菜爽脆加埋參巴辣椒嘅獨特風味，辣辣嘅味道真係開胃😝😝🌶️🥬🍚👌🍚👨‍🍳 天天海南雞飯 (Fashion Walk) (銅鑼灣)📍 銅鑼灣京士頓街9號Fashion Walk地下H2

天天海南雞飯銅鑼灣店有室內同室外可以揀，室內光線比較暗有格調，室外仲設有暖爐，環境都相當舒適。有勁多款招牌好菜，系新加坡米芝連推介餐廳。天天燒雞 招牌菜式梗係雞！燒雞賣相出色，上菜時仲用個座墊高，感覺好有氣勢！燒雞外皮燒得薄脆而且好上色，雞肉嫩滑入味。仲配咗青檸、青瓜片、海鹽、辣醬、薑蓉，非常有滋味。酸菜石斑魚魚肉高質，大塊厚實很有口感，同酸菜好夾。好鐘意佢酸中帶麻，花椒麻香嘅口感超級正！有微微辣，送飯一流！雞油飯(1-2人〉用石鍋上，保溫效果一流，雞油味非常突出，米飯爽口，份量十足！老街坊黑磨豉醬炆豬手估唔到豬手炆得咁冧又入味，咬落啖啖肉，佢個黑磨豉醬好有特色，感覺好似南乳嘅味道，而且咸度適中。

香港呢排啲天氣係最好😬天氣和暖，帶點清風🥰⋯⋯不知不覺就快到過年了！過年梗係要去銅鑼灣辦年貨啦！拜完年就要醫肚啦！位於銅鑼灣Fashion Walk有好多餐廳林立⋯⋯其中一間非常著名～～天天海南雞飯～～佢嘅海南雞超正餸菜，非常特色⋯⋯而且非常出色⋯⋯天天燒雞平時都係食海南雞⋯⋯今日特登嚟試吓燒雞⋯⋯燒雞有別於出邊嘅餐廳佢嘅皮雖然唔脆，但係好好味⋯⋯肉質非常嫩滑⋯⋯兼且雪白滑溜⋯⋯份量超大⋯⋯價錢又平⋯⋯最鍾意提供青檸提升肉質嘅鮮味！最欣賞佢嘅酸辣薑蓉超好味😋⋯⋯雞油飯雖然係細份，但係已經好大份量⋯⋯粒粒晶瑩有咬口⋯⋯食雞點少得雞油飯😏⋯⋯黑松露墨魚蝦多士蝦多士炸到金黃鬆脆，但係一啲都唔油膩⋯⋯呢個就係廚師嘅功力⋯⋯裏面內餡嘅墨魚滑係蜜汁墨魚滑⋯⋯非常彈牙，又鮮味！仲有一隻非常新鮮嘅大蝦添！面層仲有黑松露醬汁！😋⋯⋯火焰沙嗲串串共有六串！分別雞、牛、豬⋯⋯由鐵板奉上，保持熱力⋯⋯最鍾意佢嘅沙嗲汁超香濃⋯⋯肉質仲好新鮮⋯⋯非常嫩滑⋯⋯椰香mocha充滿椰子咖啡嘅香氣⋯⋯恐龍美祿呢款唔使介紹，真係非常美祿🥰😋

因為行花市，所以揀近啲維園嘅餐廳。呢度環境係坐得舒服，食物都可以嘅，但係服務真係一般。餐廳入邊嗰啲姐姐好少少。接待就…. 市面實在太多海南雞，所以我哋揀咗呢個燒雞$199。但係事實上唔覺得似燒雞。….味道係OK嘅，都幾滑。胡椒蝦煲， $169有六隻。不過個芡汁就有啲「杰」，粉絲入味。菜煲叫做幾正常，不過好搞笑又有啲雞腎雞肝。總括嚟講都合格嘅，但係唔會覺得話好驚喜。但係一個普通海南雞飯要差唔多兩舊水嘅話。唔覺得值。另外單叫油飯係$55 一碗。香港地食飯，大部份都係幫手交租。

🐔天天海南雞嚮香港開左好幾年，經常聽到有唔少好評，今次一於就去食下啦！📄打開餐牌，望見價錢都比較貴，所以對佢既期望都會高少少😉🐥天天海南雞拼燒雞（$289）🐥🍗海南雞同燒雞肉質嫩滑，多款醬汁亦有加分。🤏🏻但份量就略嫌過少，每款只有一排多DD，性價比唔高😣🐖石鍋蘿蔔豬軟骨（$118）🐖🐷蘿蔔同豬軟骨炆得夠曬淋身，醬汁本身調味都幾好，值得一試！👌🏼🔥 火焰椰子八寶墩雞（$89）🔥👀呢個一上檯已經夠曬睇頭，個火焰升到成尺高，🤳用黎打卡無得頂！🥣雞湯味道濃郁，相信熬製左一段長時間，所以非常鮮甜滋潤🤪🍚雞油飯（$59/大）🍚😮油飯要自己另外叫，3-4人點大窩份量就啱啱好。🥢飯身細長，質感綿滑，唔會過油，用黎配雞食唔錯👍🍋油柑鴨屎香檸檬茶（$32）🍋😋總體 (味道, 性價比, 環境, 服務態度) : 7/10——————————————————————————————🐔Tian Tian has opened for few years in HK and they received lots of good comments, so let’s try it out today! 📄We not

哩間天天海南雞未開店既時候已經好想試下，因為知道佢得到2021新加坡米芝蓮榮譽，一見佢銅鑼店開左就黎試下。店鋪開係食街附近，都好多遊客慕名而來。😋天天海南雞 (大份) $189賣相好吸引，雞既色澤好均衡，粒青檸都切成骰仔般外形，很用心。雞係無骨且肉汁鮮甜，好滑。最重要係三種醬料，好明顯係悉心處理過。你會食出醬汁的幼滑程度。配上雞肉一齊食，效果好夾，唔會覺得偏向重味精，我鍾意再配上新鮮既青瓜條一齊食，好正。😋黑胡椒大蝦 $189黑胡椒大蝦好明顯係新加坡菜，用個炭爐一起上，可以keep住熱，好用心。大蝦係好新鮮爽脆，配上三色椒粒同黑胡椒既烹調令大蝦好入味，但又唔會太辣，野味。😋蟹籽蟹肉西蘭花 $109哩個賣相又係好得意，將蟹籽堆了兩行，蟹肉配上蛋白伴在西蘭花旁，感覺好特別。你鍾意配上幾多蟹籽可以自由選擇。蟹肉比例都算好多，每次都配上蟹肉蛋白加少少蟹籽，連西蘭花一齊食，感覺好fresh，配搭唔錯。西蘭花爽脆程度剛剛好。😋火焰椰子八寶燉雞 $89本人就非常愛飲湯，見到哩個椰子八寶燉雞一定要試下。一上菜，店員會在碟上點起火來，好有儀式感，襯返個名 , 賣相都好靚。新鮮熱騰騰既煙，冬天飲真係好暖

之前喺新加坡就食過天天海南雞飯，既然而家香港都有，今日一於嚟試吓睇吓係咪一樣咁好味😊店舖位於銅鑼灣Fashion Walk，門面靚靚，戶外亦有枱椅望海景👍我哋叫咗個黑松露墨魚蝦多士做小食，另外見枱枱都係叫天天海南雞加油飯和肉骨茶，梗係跟住齊齊試啦😋睇個餐牌都覺得啲食物好吸引🤩***黑松露墨魚蝦多士***呢個墨魚蝦多士，熱辣辣脆卜卜，裏面仲有墨魚滑同墨魚粒粒，加埋黑松露醬，簡直絕配👍***正宗海南雞***海南雞肉質很鮮嫩，皮下有層啫喱，配搭上多款醬汁，十分美味😋***雞油飯***食海南雞又點可以冇雞油飯呀，雞油飯好香口，飯粒粒粒分明，我哋叫咗一個細份量，但都足夠兩個人食飽飽👍***古法肉骨茶***最後介紹嘅就係我今晚最欣賞嘅肉骨茶，唔怪之得枱枱都叫，真係堅好味，佢藥材味唔濃易入口，肉排煮到好唸，一拉就離晒骨，入口軟糯，充滿肉骨茶的香味😋

前兩日同朋友去銅鑼灣Fashion Walk附近逛街，食左呢個新加坡米芝蓮餐廳，冇諗到幾道小菜都相當精緻，很有驚喜！📍鮮大蝦冬蔭功湯🦐 （$89）首先係冬蔭功湯，佢有分2人份同4人份，2人份嘅話係一人一碗上，冬蔭功嘅湯底偏酸，而後勁帶辣，嗜辣嘅朋友都過足辣癮！🌶 蝦都幾大隻，爽滑彈牙而且有滿滿嘅蝦膏，真係好惹味😝 📍天天海南雞🐓 （$189）主角出場了！唔止擺盤精緻，夠哂ig-able，而且無骨嘅海南雞食落更方便，口感有嚼勁，而且雞皮亦唔會太厚，相當冇咁油膩，適合想食得健康嘅人！👍🏻 配埋3款醬汁更惹味，而店員亦有介紹另一款嘅海南雞雞味會更濃郁，不過因為有骨，所以我地最後都試返天天海南雞～📍古法肉骨茶 （$159）新加坡風味嘅肉骨茶不像平時嘅馬來西亞肉骨茶般帶有藥材味，而係用蒜頭、白胡椒等辛香料提味，排骨亦有濃香嘅肉味，而且內面嘅豆卜索哂汁都幾入味，不過湯底略鹹，如果唔係一定飲埋個肉骨茶湯😆📍蟹籽蟹肉西蘭花🦀🥦 （$109）最後一道菜亦係我地最鍾意嘅蟹肉扒西蘭花，實物比相更多更豐富！西蘭花上面嘅蟹肉超多，撈埋下面嘅賽螃蟹蛋白，上面仲有魚子，無論係口感、口味都非常好，絕對係個餐飯嘅驚喜位

首先，我哋點咗南洋青咖喱牛肉，咖喱的濃郁香氣好誘人，牛肉非常鮮嫩，口感酥軟，完美融入濃郁的咖喱湯汁，讓人一入口就感受到南洋風情。🍛🌶️接著是迷迭香火焰黑金叉燒，令人非常驚艷，喺呢一間餐廳嘅招牌菜式。一上枱嘅時候，職員會點火，着火之後好靚，忍唔住即刻係咁用手機影相打卡。叉燒外脆內嫩，配合迷迭香的香氣，營造出獨特的風味。🥓🐖之後，我哋就點咗古法肉骨茶，是一道充滿香料風味的湯品。肉骨經過長時間的燉煮，湯汁濃郁醇厚，肉質滑嫩多汁，每一口都帶有濃濃的肉香。🍲🍖最後，我地點左經典的雞油飯，每一粒米飯都沾滿了濃郁的雞油香氣，米飯細緻飽滿，配搭上面嘅餸菜，非常開胃。🍚🍗最後，我哋特意點左新加坡原味豆腐花，口感滑嫩，入口即化，清爽之中帶點微甜。😁😄