天仁茗茶

營業中

休息中

第一個食評，當然寫我最愛的珍珠奶茶雖然最近有黑糖熱潮，但其實我是普通味的忠粉黑糖太甜了，沒能少甜。對於到了學習養生的年紀，甜食要盡量避免，就連凍飲都可免則免幸運的我不用排隊買票，只需等製作時間因後來排上四五個人，如此情況我定必走為上策😇

今天去了屯門站vcity 的天仁茗茶叫了一個熱胭脂紅茶喝,少甜,然後一邊喝住的行去塔輕鐵回家,不過坐在vcity的椅子時發覺喝完大大半,等了一會後覺得有點口乾,總是覺得應該有一點味精在茶裡似的,不過不理了,反正也喝了,然後把杯子帶回家裡拍照!!!

今天不用上班,在下午時塔輕鐵去西鐵屯門站,於時用5分鐘行去vicity地下購買天仁茗茶的蜂蜜紅茶飲,飲的時候叫他們少甜及少冰,飲的時候感覺不差,而且甜及茶的濃度適中,又不會3邊也過量,價格也算差不多,18元,也不會太過貴,在街單買飲品來說又不是茶餐廳品質,又不會好過咖啡室品質算是一流!!!

天口熱成35度，原先口渴想買野飲，見到佢poster寫有鐵觀音雪糕，問下23蚊都ok.吱出黎超大支，我揀左甜筒。點解我話好食係佢雪糕好濃茶味，真係見到1點點既茶粉。加埋奶味1流。美中不足係食到有少少冰粒，証明佢部機急凍過程5夠快。另外抵讚係佢個筒5係cheap雞金拱門5蚊支個d,而係食到真係落足料捲出黎個種。成件事消暑又好味

今期流行 🤫 流行 🤔 黑糖珍珠鮮奶 (星期日就緊係人多排隊😂不過都算沖得幾快手）我不嬲都好鍾意天仁既 珍珠奶茶 !所以同朋友決定一試🤨 分別叫左少甜少冰同埋無糖少冰黑糖味係飲得出既！不過913奶茶既茶味有d 唔夠出！奶味超重！喜歡飲奶既人就應該好like! 🤣🤣我lee d 喜歡茶味既就有d 失望😫就算叫左走糖都一樣會有甜味，因為佢係黑糖既珍珠，天仁茗茶既珍珠不嬲都係出色既 🤣因為夠煙韌！ ***一沖出黎個杯底係熱熱地嫁🤔 記得要攪攪個底先好飲😌！

一直都非常鐘意天仁茗茶嘅雪糕，所以通常行開呢邊嘅超市，買完野，都忍唔住食番杯。我都食過鐵觀音、阿薩姆奶茶、綠茶口味，當中我覺得最好食，最值得食都係鐵觀音味！以茶味雪糕以言，真係相當出色。其餘兩款不過不失，印象唔會好突出。鐵觀音霜淇林 $23佢地嘅雪糕係稱為霜淇林，質地同雪糕有少少唔同。食落會起沙咁嘅感覺，質地唔會好似雪糕咁滑溜，類似沙冰。鐵觀音味道好突出，香濃唔甜，茶香十足，非常清新雪糕筒較厚身，但一向都夠脆。溶點較低，所以影完相我都盡快食。唯一吐糟係店員唧雪糕嘅手勢不一，有時會唧得靚啲，有時又唧到斜哂…以呢個價錢以言，食到底+唔係空心，個人認為好抵食，特別而家天氣熱，甜膩嘅雪糕唔係太適合，揀茶味雪糕就最適合不過！

上個月尾同男朋友去到附近剪頭髮，由於髮型師忙緊，所以我地向Vcity方向行下，本來打算食Godiva嘅雪糕，好似話有買一送一last day，點知店員話全線冇哂雪糕癮起，唯有落樓下天仁茗茶食番杯雪糕止止渴。平時我就食開鐵觀音口味，覺得茶味好香，又唔貴，幾好食。不過店員突然問我要乜口味，我睇睇先見到，原來阿薩姆奶茶味又供應番 (因為平時唔見有)阿薩姆奶茶霜淇淋 $23上次讚過店員唧得靚，今次呢杯馬上走哂樣…明明就係轉幾層，唔知點解唧到成pat野咁，同埋一接上手已經溶溶地…加上本身係霜淇淋，溶嘅速度本來就比正常雪糕再快點。奶茶味都幾濃郁，但比起鐵觀音口味，茶味弱一點，奶味較重，食落會覺得甜甜地。霜淇淋質地唔似雪糕咁細緻幼滑，冰感重，沙沙地。雪糕筒依然係好脆，廿三蚊，大大枝，中間唔會空心，喺我心目中都係唔錯嘅雪糕！但個人而言，就比較喜歡鐵觀音口味，清新茶香更得我心。…下次可唔可以唧靚少少先？

今日天氣忽然熱得透不過氣，朋友與我均想找點透心涼的，不過她慨嘆屯門找個便宜的雪糕不容易，除了麥當勞便宜外，holly brown，godiva等的消費已經是一個午餐的價錢。如果想吃有水準，價錢合理的話天仁喫茶趣可是好選擇。鐵觀音與紅茶口味，我絕對會投鐵觀音一票。這裡的雪糕給得豪邁，有六至八圈，而且是實心的，只賣23元，價廉物美。說到味道，雪糕口感綿密，咬下去有很香的味道散發出來，鐵觀音雪糕濃厚的茶味，味帶回甘，不會像一般雪糕側重奶味，很不錯! 雪糕筒的部份很脆很香~我太口渴了，所以我要多喝一杯鮮橙綠茶補充水份~ 綠茶裡每一口都能咬到果肉，顆粒挑逗的口感，非常清爽不卡喉嚨，加上甜味不會太膩，喝起來超順口，而且保有鮮橙本身的果香清甜度，加上綠茶香氣淡雅不澀，格外清新。

台式飲品黎講，天仁茗茶水準算唔錯~我地通常飲香橙綠茶，不過始終係手調飲品，每間質素不一 …比較穩定係超多人嘅尖沙咀誠品，最難飲係屯門Vcity店…鐵觀音雪糕 $23雪糕有濃烈鐵觀音味，茶味雪糕真係好好食！叫得霜淇淋，口感當然會同冰淇淋有差別~質地唔會滑溜溜，冰感重、沙沙地、會溶得幾快，加上茶味甘香，唔會覺得好甜，仲好清新~個筒好脆口，而且店員好用心整！紐紋完整，一層一層，完全冇偷工減料，食到底！廿三蚊抵俾，如果其他店員都有咁嘅水準就最好啦

這個雪糕味道濃，份量多，真材實料，但建議胃痛的人不要吃這個，因為綠茶份量多，而且最好飽肚食，因為有綠茶成份加份量足夠，建議不要空肚吃和下午茶吃，因為吃了會睡不到.

行過先發現係一田裡開左間喫茶趣，看了店鋪的名字也知道內裡賣的也是關於茶，最不可思議的是竟然有紅茶口味的冰淇淋，在香港真的有太多不同口味的雪糕，但紅茶霜淇淋還真第一次看到吃下去很香軟也有紅茶的味道，但完全沒有茶的苦澀，很值得一試

真係好鍾意呢度嘅珍珠鮮奶綠，珍珠細細粒好有咬口，而奶綠嘅味道好milky又有淡淡的茶香，嗰一種甜味仲好似蜂蜜咁樣，清香又唔會太過甜膩。依家仲有茶味嘅雪糕添！對於佢嘅紅茶雪糕好有興趣呀，下次試吓先！

第一次見雪糕有鐵觀音味，覺得好特別，就膽粗粗試下啦，e又幾特別喎，好有鐵觀音既味道，有點茶既苦澀味，感覺唔太甜，都幾易入口，可能我平時都仲意飲茶掛，連個脆筒都好脆唔林幾好咬口

小妹知道V CITY間一田有間天仁,之前聽日講佢地出產ge飲品備好評,小妹於是去過元朗分店飲過一次珍珠奶茶,唔知係唔係大路野ge關係,感覺真係普通不過 而今次要試ge係天仁出品ge雪糕,鐵觀音味雪糕,齋聽個名都覺得新奇,而更巧合的是,屯門呢間有個優惠價,於是乎約埋細妹一齊去試試接左小朋友後,我地一行3人黎到,問左個優惠價可以選兩隻不同味道雪糕後,小妹要左備受好評ge鐵觀音味,而細妹要左佢自己鍾情ge綠茶味一拎過手,雪糕表面已經有d溶溶地,初入口茶味的確好濃,食後都有少少輕微的回甘,但略嫌唔夠滑;估計制雪糕時落得比較少奶,因為奶落得多好容易變成"奶茶味雪糕"再試試細妹個綠茶味雪糕,真係食完一啖已經唔想再試,完全食唔到綠茶味,同樣係唔滑,但同鐵觀詢味相差十萬九千里咁,只係可以用"食緊一堆冰凍ge野"黎形容但無論係邊一隻味,試過就算架啦,唔會再回購

幾天前吃過中村藤吉，感覺一般，今天經過天仁，就品嚐一下奶茶味雪糕。首先，整支雪糕十分有份量，甜筒的每處地方都被雪糕填滿，足料。甜筒脆，比中村藤吉好多了味道方面，奶茶味重，但甜度適中，質感較軟，空氣感較重，以$20元的價錢來說，物有所值，性價比比中村高得多。如果想嘗試一個比麥當勞雪糕高質，但預算不多的話，天仁絕對是你的好朋友。註：如果鐵觀音味和奶茶味二擇其一，我偏好鐵觀音 因茶味更濃。