天下茶屋 (The LOHAS康城)

營業中

休息中

天下茶屋午餐：期望落差大今日於天下茶屋試了兩款午餐，整體感覺頗有落差。**咖喱豬扒飯 ($80)** 令人失望。最大問題在於**米飯異常硬身**，口感生硬難嚥，絕非理想狀態。豬扒雖已切件，但**肉質極度韌硬**，咀嚼費力，更嚴重「痴牙」，肉質處理明顯失手。日式咖喱汁味道尚算標準，但完全被硬飯韌肉拖垮，吃得辛苦。**煎三文魚茶漬飯 ($88)呈現嚴重比例失衡。主角三文魚僅得**薄薄三小片**，份量少得可憐，煎香亦不足。幸好*茶漬湯底清香濃郁*，是整頓飯的亮點，米飯量亦非常充足（雖然同樣偏硬）。但三文魚的吝嗇令整體感覺廉價，未能滿足。飲品方面，**蜂蜜綠茶爆珠 ($26)** 清爽微甜，爆珠口感有趣，不過不失。**朱古力鮮奶咖啡 ($36)** 則香滑合格。總結：茶漬飯湯底雖佳，但三文魚份量太少；豬扒飯的硬飯韌肉更是雷區。以午餐價位而言$200/2位，性價比低，食物質素需大幅改進，暫不推薦。除非只想喝碗茶漬湯，否則踩雷機會高。

今晚喺康城 The LOHAS 嘅天下茶屋食晚餐，點咗一客「吉列豬扒咖哩飯」，價錢為 $72。我特別要求少飯多汁，餐廳亦都細心跟足，令人滿意。豬扒炸得香脆，厚度適中，外皮鬆脆之餘，內裡保持肉質嫩滑，冇鞋口感。咖哩汁屬於日式風味，微甜之中帶有淡淡香料味，唔會過鹹，醬汁份量亦都足夠，每啖飯都沾到汁，非常惹味。整體餐點無配菜，但勝在主食質素穩定，食得出係用心製作。餐廳堂食區乾淨企理，雖然客人唔多，但店員依然保持禮貌招呼，感覺舒適。雖然只係簡單一碟咖哩飯，但作為平日放工後嘅一餐，已經足夠令人滿足。下次會再試其他款式，睇下有冇新驚喜。

住康城嘅朋友都知，樓下商場食肆選擇唔多，想搵間好食嘅餐廳真係要花啲心思。最近見到有間新餐廳開張，裝修簡約清新，一直都想試吓。今日午餐時間見入面人唔多，就決定入去一試。我叫咗個最抵食嘅午餐套餐：唐揚炸雞烏冬，跟餐仲有杯無糖綠茶。一上枱就俾佢嘅炸雞嚇親——勁大粒，外皮炸得金黃酥脆，完全唔油膩，真係好少見！烏冬份量十足，口感彈牙，我揀咗傳統嘅鰹魚昆布湯底。仲有其他湯底可以揀，下次可以試吓唔同口味。整體嚟講，食物質素對得住價錢，環境又乾淨舒服，服務都幾貼心。今次體驗幾滿意，絕對會再幫襯，仲會推介俾住附近嘅朋友！如果你都住康城，不妨去試吓，可能會有驚喜！

直接到餐廳叫外賣，只是叫了一個豚肉丼⋯其實餐廳唔太多食客，等左25分鐘都算，但想講號碼後過我都有得拎，就連外賣app下單時間比我遲，都已經出左，當我直接問職員跟進一下，竟然話就快有，即係漏左單吧⋯⋯但唔旺場都可以甩單，只能說餐廳管理有點差😮‍💨

今晚OT到八點幾,返到康城都九點,餓到痴咗線,九秒九搵間嘢衝入去食咗先,見到呢間仲未關門,開咗兩個幾月都未試過,可能都差唔多做埋最尾呢轉,我一個人都可以坐卡位,即刻拿拿林點嘢食,點咗個帆立貝櫻花蝦明太子奶油燉飯同一杯巨峰梳打,估唔到個飯有啲驚喜,個櫻花蝦明太子奶油汁,濃度啱啱好,帆立貝就唔使講,基本上實好食,杯巨峰梳打就正正常常,唔太甜,都ok,最後埋單發覺唔使加一,以呢個餐廳環境嚟講,真係要俾個讚。

1️⃣溫泉蛋烤汁牛肉丼🥩🍚 ($70)推介⭐️其實成個餐嘅份量都非常多，滿滿嘅牛肉鋪滿珍珠米，最鍾意係佢個烤汁，偏向甜甜地，烤汁煮落啲牛肉度非常入味，配埋溫泉蛋蛋汁一齊食，無敵✨2️⃣鹽燒鯖魚定食🐟 ($78)定食包括豆乳麵豉湯、沙律同埋白飯，鹽燒鯖魚味道正常，鯖魚都算大條同厚身，鹽燒帶出鯖魚嘅魚味，套餐仲跟一個汁係俾你點鯖魚食，味道清甜解膩✨3️⃣南蠻炸雞配他他醬（4入）🍗 ($36)推介⭐️雞肉用南蠻漬法醃漬然後掛漿拎去炸，直落外脆香口，配埋他他醬食非常鍾意！因為他他像配呢個炸雞非常非常開胃✨4️⃣巨蜂寒天梳打🍇🍹 ($28)梳打非常解膩，滿滿巨峰提子味，而且寒天份量都唔孤寒，非常有咬口✨

主食係牛肉，但係好細份，好誇張，連女仔都唔夠食，更何況男仔，一定唔夠食。杯嘢飲亦都係冇味嘅。又貴，咁就$88，一d都唔值。仲要排隊等，唔會再去。好差 餐廳環境都麻麻地 好慢

筆者因應食肆開業前，文字宣傳頗吸引，於2024年12月初嘗吉列豬扒，質素雖𧩙嘗試談不上星級，但一分錢，一分貨，表現與價錢掛鈎，合乎比例。 只見食物質素很快做每況愈下。 於不久前在於小店內叫了一個炸雞烏冬及吉列豬扒定食，吉列豬扒，已沒有驚喜，都是一分錢一分貨，想講的是炸雞烏冬三流貨色，以筆者多年飲食經驗炸雞應該是翻炸，色澤黑，材質硬，結果只是食烏冬其餘炸雞都只好當廚餘棄掉，筆者認為就算大型連鎖店製造的也比它好三兩倍以上。希望餐廳主人檢討檢討。

我同朋友2個人食，一樣食咗個咖喱豬扒飯，但我+22蚊升級黑松露蛋包飯咖喱汁，可以揀辣或甜，由於佢係日本餐廳，我就揀咗要甜口嘅咖喱，咖喱汁正常，無咩特別豬扒夠晒厚，夠晒大塊，質感有咬口，唔會太諗，唔會太嚡，太UN，都算高分黑松露蛋包飯要加22蚊，但始終都係白飯底，感覺唔太特別，似係白飯加個炒蛋，但要加22蚊，唔太值，如果升級會轉個炒飯底，咁就完美最後，唔知係唔係年初4關係，所以要加一服務費，但水係要去自助Bar，自己斟水，咁都要收加一服務費？奇怪。

行過聞到好香咖哩味，點左個蜆肉湯烏冬，可以揀四種唔同湯底，我就揀左辣味，香濃唔咸，烏冬爽口彈牙。朋友就叫左咖哩炸豬扒飯，咖哩係日式甜咖哩，炸豬扒肉質好實但唔算太鞋，兩個餐點都推薦。可惜一食完店員即收走個碗同碟，有少少趕，不過整體都係一個唔錯既體驗。

呢間啱啱新開好多人排隊, 而且新開佢就話堂食免加一！嗌咗兩個餐：🐑燒菠蘿生薑豚肉丼$70賣相都唔錯, 同埋幾大碗！有個燒菠蘿喺度, 因為有甜味可以好好咁樣調和個味道！🐑溫泉蛋烤汁牛肉丼$70都幾多牛肉, 燒得剛剛好, 同埋個汁都幾好味！如果可以加埋有嘢飲就好了.佢話遲啲都會有下午茶時段, 而家未有,咁我等下先！