大飯糖甜品小食屋

營業中

休息中

終於來到大飯糖用膳，試齊大圍三間冬菇亭的食物。大飯糖的格局真係街坊飯堂式，没有甚麼設計，臨近新年，貼了好多布藝式的揮春，感覺親切。午市惠顧的人不算多，只是半滿。不知道食肆是否主打甜品，飯麵等餐食不算多，而且走台式路線。看了其它食評，便點了肉燥盐酥雞扒飯，跟一碗腐竹糖水。等了十多分鐘，終於可以開動。食物上枱時溫度够高，那飯幾乎是燙口的，而且粒粒分明，令人抱有很高期望。飯餐捨棄跟雜菜的做法，轉為跟紅白蘿卜各一大件，頗為新鮮。白蘿卜合時清甜，紅蘿卜則與飯餸不太配襯，味道略嫌單調。台式肉燥做得馬虎，所以味道普通，用了絞碎的免治肉及切得十分單薄的冬菇，配上調味汁便奉客，完全吃不出油穌及五香粉等關鍵味道。重頭戲當然是盐穌雞扒，雞扒外皮相當脆，但肉切得太薄，炸了之後又乾又硬，完全吃不出肉汁，可能店家為了彌補肉本身的不足，便加了很多由淮盐及五香粉混成的味粉，吃了十分口渴。最後是跟餐甜品，因為要了糖水，便没有飲品。吃完了極咸的飯餸，糖水便是極甜，雖然有足料腐竹及小量薏米，但卻不知滋味。埋單48蚊，不算貴，卻也不便宜，性價比不高。

好掛住細細個屋企樓下既冬菇亭🍄今晚特登入#大圍 食糖水😋呢間甜品店除左有人情味 食物質素都好高 性價比取勝💯.#菠蘿爺爺 $58上層係3.6牛乳雪糕🐮 好香係軟雪糕🍦嘅口感嚟 食得出有3.6牛奶🥛既甜味 超濃👍🏻中間個層係菠蘿🍍 鮮甜多汁 食得出唔係罐頭 係新鮮菠蘿嘅甜味🤤最底果層係 原隻鮮椰皇果凍🥥 係我至愛‼️ 果凍超濃椰子味😍 口感似硬膠源咁 好滑有小小彈 推介啊💯.#Baileys綿綿冰 $62 有少量酒精中間嘅雪糕🍦同上面用料一樣🐮旁邊有咖啡綿綿冰 河粉 紅豆粒 同可可脆片咖啡綿綿冰 除咗有好濃嘅咖啡味之外☕️仲有少少Tiramisu味 應該就係加左冧酒😋河粉好過癮好滑😆其他配料都係點雪糕同綿綿冰食.#紫霞仙子 $37個名幾靚🧚‍♂️仲有白雪公主黑馬王子灰姑娘小紅帽😂其實係香芋雪糕 小丸子紫米露同西米露香芋雪糕奶味好濃🤤 小丸子幾煙韌鍾意食西米露同埋紫米露嘅人就啱晒啦😎滿足晒你兩個願望🤤.其實呢度仲有#蜜汁魷魚🦑 #肉燥飯 #蜜糖豬手等等小食同埋飯價錢都好平民化 $20-40 下午茶仲會送糖水添🥰.#大飯糖甜品小食屋大圍美田路30號美林邨熟食亭5-8號舖

係大圍食完晚餐就搵下有咩甜品食，朋友帶我地去試大飯糖☺️餐廳好大間，好多位。原來佢都有好多野食簡，九點都勁多人叫晚餐，見隔離枱個牛腩飯勁大個，朋友話下次想試埋😂甜品都有中西式，我地咩都想試🤤搞到諗左好耐芒果爺爺大大隻椰皇！上面有個3.6軟雪糕，重牛奶味，超好食👍🏻第二層係芒果，好甜🤤最後底層係椰皇果凍，好清甜，食到停唔到口😋大大推介！超級三兄弟心太軟都有好多款😍諗左好耐簡魔鬼三兄弟定超級三兄弟好，但軟雪糕好似吸引啲😂心太軟切開都幾流心，係好濃郁嘅朱古力，食完有種好幸福嘅感覺🥰軟雪糕同奶凍都唔錯另一個朋友想要個熱嘅糖水，叫左個薑汁蕃薯配芝麻湯圓，薑味重，食完暖粒粒，勁大舊蕃薯，幾清甜☺️總體嚟講，心太軟同椰皇果凍都超好食！有下次🥰🥰🥰好鐘意餐廳啲牌，好得意😆

今日入嚟大圍美林村，經過見到大飯糖🤔🤔🤔心諗咁熟面口，原來係上次喺元朗食完既糖水店!!!! 仲以為有排都冇得食😎😎上次點左既木瓜爺爺仍然念念不忘好掛住佢😆😆😆呢度有好多熟食同甜品，隔離好多枱都午餐甜品一次過😂😂😂 但好野梗係要食完再食，我個肚係要留比木瓜爺爺嘅!!!😋😋 首先頂層係高到成坐山嘅3.6牛乳雪糕🍦🍦🍦牛奶味好濃好香滑，加上中層嘅粒粒新鮮木瓜，簡直係絕配😍😍😍 最底層仲有滿滿嘅椰汁啫喱，非常清甜💓💓💓 balance返個成個口感!!! 每樣野分開食或者撈埋一次過食都一樣咁好味😍😍 絕對100分💯💯💯

冬菇亭翻新左都有一段時間後來見大飯糖又賣台式野食又賣甜品下意識覺得應該都係麻麻就無再試過 有日本身係想去隔離食日本野 點知內部裝修又一場黎到真係肚餓了 由有入「大飯糖」食裝修簡潔明亮又乾淨 唔會坐得唔舒服 😌座位多 晚餐時段 唔洗等位就入得點左個鹽酥雞扒麵 跟熱腐竹糖水 $48關廟麵麵質唔錯 有咬口 蘿白湯底清淡 再配炸蒜同酸菜好夠味鹽酥雞唔油膩不過有點過咸 食完有點口乾 熱腐竹糖水足料 唔會有澀味 甜味都唔會太重而且都大大碗 好抵食呢個價錢的晚餐算係有交代

近排個個星期有一晚0黎大圍， 火車站附近有good court, 但是好喜歡去美林邨的『冬菇亭』食嘢，因為好有親和及温馨的感覺。回想起以前，返中學時，一到中午，就和要好的同學仔在學校附近的冬菇亭食午餐……去大飯糖令我想起那些年感覺似遠還近……大飯糖 ：原來有各式各樣的甜品，仲有好多野食。夜左想醫肚，落樓食『大飯糖』，真的方便到極，不二之選了。一家大細落樓食過甜品，真係好溫馨，好有滿足。 食完慢慢地散步回家，又很寫意。同男朋友一起0黎的話，兩口子，有傾有講，一人一啖，食3個唔同口味甜品，是很滿足的事。 食完，可以發個甜甜的夢……芒雪奇緣 ：買相好靚，食材好豐富，有芒雪，有煙韌的白珍珠，新鮮芒果，波蘿啫喱及有軟綿綿的軟冰雪糕……芒雪奇緣 ：側面影出0黎，一樣好吸引，好好味鮮雜果爺爺 :又係豐富之選 覺得真係好抵食。 新鮮雜果，配上椰果加軟綿綿冰雪糕……吸引到我哩，都想食埋朋友果份鮮雜果爺爺 ：好雪白，好creamy, 好軟綿綿的雪糕，開心到升上天24 榴槤班戟 ：阿媽最喜歡食榴槤……D24 榴槤班戟……記得男友媽咪又係好喜歡食榴槤班戟下次要買俾老人家，氹下老人家開心

工作有點不遇快，最好找朋友傾訴，今日到朋友家附近的《大飯糖》吃甜品。 餐廳位於大圍地鐵站A 出口向美林熟食亭方向步行數分鐘便到達！ 這裡很多元化 — 由下午至零晨，包括了正餐 及 中、西式甜品！ 熱芝麻胡加 HKD 30 加 HKD 3 湯丸 這個是 100% 自•家•磨制芝麻胡！ 口感又滑，入口醇濃但不黏。湯丸也是芝麻湯圓，味道煙煙共3粒，3.6 軟雪糕 紫米露 HKD 36 濃濃的 3.6軟雪糕滑又凍，慢慢地蓉在紫米露內，米粒軟硬度適中。 甜道剛好，又有飽肚感。

今日比人激到勁火滾，懷著差到噴汁的心情凖備搭巴士，但見到旁邊有間冬菇亭叫大飯糖，個名特別到吸引我入去坐低左，見時間尚早只是晚上六時，而且我也想內心清涼一下，吃點甜食調劑心情。果然沒有改錯名，座位很多成個大飯堂咁，有大量甜品及飯類任君選擇。我十五十六，唔食唔舒服，決定試試西瓜爺爺。甜品上枱嚇親人，因為一共有三層！XD 第一層是3.6軟雪糕，很綿滑、食落透心涼、牛奶味濃郁，應該唔止3.6，起碼有3.7的牛奶濃度。第二層，我仔細數過，有10大粒西瓜波波比我下下火。一邊食一邊聞到底層由下而上散發著撲鼻的爺爺體香味，啊....那就是第三層的椰皇果凍呢！每一啖果凍都是晶瑩透徹，每一啖的清香，都像在安慰我懷才不遇的心情。不是人人都有人情味，但今晚的甜品很真誠，很有它的原味道，食物竟然比人更會說話、更懂安慰我！我吃飽了，也治癒了，你喜歡的話可以刮起爺爺身上最後的表皮去吃喔！我只是用手碰觸過椰皇的外殻，但離開時雙手已沾滿爺爺陣除，呢舖真是唔止齒頰留香，連指甲也留香！

去大圍我搵到個大飯堂啦！原來就係呢間大飯糖！裏面除咗有麵食小食之外仲有我最喜愛嘅甜品，同朋友兩三點下午茶冇嘢做，入到去發現有驚喜！分別叫咗鮮雜果爺爺、心太軟加曲奇雪糕，仲有嗰D24榴槤班戟。鮮雜果爺爺下面係用椰青盛載，裏面有椰汁造成嘅果凍，配上唔同嘅雜果，包括係木瓜、菠蘿、芒果同西瓜，包羅萬有，上面仲有3.6牛乳雪糕食落去好有奶味，超級軟滑。另外曲奇味心太軟配上可可脆片再加埋曲奇雪糕，雪糕唔會好易溶，慢慢食配埋熱辣辣嘅心太軟，一熱一凍，口感非常刺激。仲有榴槤班cake，裏面有好軟滑嘅忌廉配上榴槤肉，遠遠已經聞到榴槤嘅香氣！哈哈， 好彩朋友都鍾意食。

今日去搵姨甥女玩,佢話好想試下附近個間"大飯糖", 咁就帶佢去試下啦入到餐廳內第一個感覺好舒服,因為有別於其他食店嘅緊迫感,這裡座位很濶很舒服,一點也沒有擠迫感我地先點左一個香茹肉燥飯.份量足以兩個人食,衹喺40元,好抵香茹喺原隻上,好軟好入味,紅,白蘿蔔作伴,好清新.啲汁好好味,味道又啱啱好,加上肉粒,好有家的味道,我地食完仲想添飯.小食屋一大特色喺飯後就可以食美味特色嘅甜品,真喺好窩心.點了一個"三兄弟"有心太軟,朱古力布甸,朱古力軟雪糕.買相很吸引,心太軟一切開,香滑的朱古力就馬上流出,好味,朱古力布甸,有很香濃的朱古力味,但不會太甜.對於甜品控嘅我肯定會再試其他甜品, 焦糖燉蛋有熱有凍.我地於是點了一個熱焦糖燉蛋加扭紋軟雪糕.這個一凍一熱配搭很match. 焦糖燉蛋嘅香味令我唾涎三尺,入面嘅燉蛋滑到直入喉嚨, 之後食下涷涷嘅扭紋軟雪糕.真係好滿足.服務好,地方舒服,價錢又平民化

在美林食完飯想食糖水，見到冬姑亭有這一間糖水店就入去了。入面好光猛好闊落，除了糖水甜品仲有好多款小食，而家仲有午餐同晚餐，見附近都多人食晚飯，價錢都好街坊，幾扺食。今晚我就試了芝麻糊，見餐牌寫住是100%自家磨制有少少期待，平日好怕食到一些是加水開的會有一舊舊粉圑的情況。今晚這個芝麻糊，100%自家磨制無花假！的確香軟細滑冇雜粒！濃濃的黑色，不用加奶也好香，而且好大碗，芝麻味唔算濃但夠甜，是飽肚之選！

大圍甜品店多近鐵路站大飯糖係美林一於去試下入到去, 座位都同風格幾似. 而且餐廳既色tone令人好舒適~店內有飲品糖水同小食。都幾多款式。睇MENU見到有主食之外, 原來仲有好多甜品, 唔怪得叫大飯＂糖＂啦我地叫左一個主食, 同DＤ小食,最後加單嗌左2份甜品.呢度野食既價錢都算親民, 而且間中會有D是日特價item.入到去不妨可以望下個電視機睇下有冇岩食.芝麻糊好好味,食完想再食心太軟入面有流心的效果,好好味

食完飯尚算較早，所以就決定去食下甜品見到冬菇亭原來有得食糖水於是就入左去。位置都好闊落，一d都唔焗束，仲有好多位置餐牌上有齊中西式既甜品，仲有粉麵同小食，估唔到有咁多野食叫左個超級三兄弟，有心太軟，應該係即叫即焗，因為都等左最少二十分鐘，但切落心太軟既一刻，裡面既朱古力漿不斷流出黎，好濃既朱古力味，等多一陣都算值得既。仲有扭紋朱古力配牛奶軟雪糕，好重牛奶味，而且溶得好慢，可以慢慢食。中間既係朱古力奶凍，相比起其餘兩款係失色少少，但都好企身，食落好滑。三款唔同既朱古力甜品都好一流，食完好滿足！

唔好以為依一間只係大圍其中一間糖水舖，原來佢係好晚飯食。食材仲要係估你唔到話說星期日要湊阿B唔想煮飯，就睇吓附近有乜食。入到去見到佢有個二人餐，有菜有肉就平平哋試下，諗住唔夠食再叫糖水。估佢唔到啲份量都唔少，雖然係平但係味道都算OK。最驚喜係個咖喱魷魚😋仲可以優惠價揀甜品👍🏻👍🏻下次諗唔到食咩又想平平哋，可以試吓😀

某天,我和朋友兩個來到了大飯糖,嘗試了幾款美味的食物,由於很美味,所以同大家分享一下...首先,我點了碟炸雞,放到埋黎已經好香,食落重好脆好嫰,如果一個人食因為會食唔晒,好彩果日同朋友一起黎而且跟麵上,湯底很清,麵量好足夠,十分飽肚最後我們點了個心太軟和付腐糖水,滋潤一下個胃!心太軟很多人也有點,感覺雪糕好滑,而且應該係自家調味,朱古力味好濃但唔會搶左另一種雪糕的味道付腐糖水食落重見到付腐,幾好!!這一餐真的是很滿足,食得好開心^^