大飯糖甜品小食屋

營業中

休息中

今次嚟到大圍呢間隱世小店「大飯糖」，試吓佢哋嘅超值午市套餐！有齊主食、沙律、湯同飲品，凡惠顧每個套餐可加購一個甜品同一個小食，性價比高到嚇親人！🔥 麻香海蜇手撕雞飯陣陣麻油香！手撕雞肉質嫩滑，爽脆海蜇，口感豐富到爆。最正係佢個麻香醬汁，微辣得嚟好開胃，撈飯食一流！🥗 免費自助區（沙律+餐湯+烏龍茶）雖然係免費但絕唔馬虎！沙律菜新鮮爽脆。是日餐湯係蘑菇湯，濃郁creamy。白桃烏龍茶解膩一流，可以無限添飲！楊枝甘露芒果肉多到誇張，柚子粒爆汁，西米煮得剛剛好，甜度適中，飯後食真係超滿足！炸燒賣個人私心最想食，炸到外脆內軟，表面加少少椒鹽超惹味！大飯糖絕對係大圍街坊嘅秘密飯堂，$60食到咁高質嘅午餐，無得頂！

今晚想食甜品😋，就去咗一間又有甜品又有正餐嘅地方食晚餐～可能大圍呢間分店比較偏，人唔算好多，但係木色枱凳加埋光亮嘅舖面，幾闊落之餘亦幾簡潔同乾淨。不過員工唔多，服務上就普普通通晚市基本包自助沙律，湯同嘢飲，可以自己去攞，沙律有幾種基本醬料任君選擇，個人就揀咗胡麻醬🤓沙律同羅宋湯都係正常發揮，作為前菜都幾開胃五重芝士粟米雞扒意粉 $68 （7/10）五重芝士聽落會好膩，但係其實食落去反而係粟米味重啲，甜多過鹹，都幾好食🫣不過意粉醬無撈到落去意粉到，導致唔太掛汁。但係五重芝士粟米醬嘅味係好食嘅，同埋炸起嘅雞扒又脆又香，整體嚟講唔錯🔥朱古力心太軟配3.6牛奶軟雪糕 $68 （9.5/10）係一直以嚟食過最好食嘅心太軟！朱古力味好濃，軟雪糕好香牛奶味，加上心太軟真係好熱辣辣配埋雪糕，凍同熱嘅組合，兩種極致嘅融合真係好好好好好食🤤美中不足係如果心太軟嘅蛋糕皮再脆薄多少少就錦上添花喇🌸芒果迷城 $52 （8.5/10）芒果雪葩，呂宋芒果，芒果醬，西米露，椰汁，星星加水晶，用料好豐富。西米露大大料，好有咬感，椰汁好香。同埋芒果酸甜，雪葩清甜，絕對滿足到芒果控嘅期待🧸

試過堂食不錯，今次外賣試試看。怎料，是明知是柴皮豬里脊，也照給客人！煮的時候肯定看到，知道，廚師很清楚吧！是因為外賣，貨已離開，不能當場退貨原故，你就可以隨便把這樣的食物交出去？！金錢付了，吃不到應有的食物，這樣會再有客人來嗎？！吃下去，是完全咬不開，全是柴皮般一撕一撕的！咬不開又如何吞下去。食物和服務的品質，同樣都不行到一個點！！只能說前線員工態度不錯而已，一間食肆來說，食物品質還是最重要吧！不不是嗎？有理會過客人感受嗎？！你給客人怎樣的食物，你的生意也會是怎樣！你們不明白這道理！

本身比較少呢新界，咁岩行過就同朋友黎依黎間大飯堂。朋友極力推介話好抵食，亦極力推介哩嗰手撕雞。於是我就叫左手撕雞飯，個餐包主食,小食和甜品，仲有自助沙律吧和湯吧，可以任添沙律同飲湯！個人覺得餐點味道很不錯，而且中意食蔬菜嘅健康人士都好岩黎依度，另外仲有簡單飲料可以任飲。值得再黎！

以前住呢度附近成日都食佢嘅麻辣手撕雞飯，配料又豐富，啲汁嘅調味都好好，推薦大家。最近食多咗甜品，一諗起甜品就會特登行入嚟食，雖然超級唔近地鐵站🫠 甜品種類多，重點唔會過甜，恰到好處。每次嚟必食嘅係焦糖燉蛋！！！ 見到有雲呢拿籽，好香好滑！楊枝甘露都好食，唔會太甜，啱我口味。希望下次有鍾意食榴槤嘅朋友，可以試吓榴槤甜品。

lunch time時間又黎到工作地點附近的大飯糖到食lunch，佢午餐可以揀一個主食，一個小食，再加個甜品，外面有自助salad bar，有湯，沙律，烏龍茶都係自助，今日的湯有忌廉南瓜湯同羅宋湯，沙律就有啲菜，粟米。主食我叫左麻香海蜇手撕雞飯，可以揀輕量版，啱曬啲唔係好大食的女仔👍👍仲可以揀辣或者唔辣，麻香味好重，好食。小食就揀左鹽酥花枝丸，有三粒，炸得好香口，幾好食🤤🤤甜品揀左香蕉紅豆粒配河粉，好香椰汁味👍👍食咁多都只不過係$62，真係好平好抵食。

「朱古力窩夫」，幾樣嘢夾埋一齊：港式格仔餅：格仔餅好脆，配埋花生醬同煉奶，幾好味，但係就唔係好食到砂糖嘅感覺。朱古力心太軟都算流心，但係就好甜，覺得仲有少少輕微嘅苦味。扭紋軟雪糕冇咩味。仲有配碟有好多香蕉，有啲朱古力醬同埋可以撈啲脆脆一齊食。「手芋家圓」芋頭雪糕就係牛奶公司芋頭雪糕嗰種味。芋圓都幾煙靭彈牙，質感唔錯。仲有涼粉同埋一啲水晶糕。整體味道正常。環境： ★★☆☆☆ 食物： ★★★☆☆ 推介指數： ★★★☆☆

呢間餐廳位於美林邨，鄰近港鐵大圍站步行 8－10分鐘，方便易搵🤗 門口已經感覺到好有屋邨特色嘅冬菇亭外觀🫢入到餐廳🍴見到環境舒適，空間充足，並以木色格調為簡約風，簡單得黎又清爽，乾淨衛生😆 上菜速度好快，冇諗過美林邨都會有意外驚喜😍 呢度除咗中式糖水，飲品🥤，仲有港式創意既西式甜品🍮非常多選擇😙沙律以沙律🥗為前菜，當中以粟米🌽粒舖面，每啖都新鮮，且開胃🤤鹽酥燒賣呢款燒賣係脆炸小食，炸得乾爽，冇油膩感，脆卜卜非常香口😘麻香海蜇手撕雞飯以麻辣醬汁調味既手撕雞，配埋白飯，絕對一流😍海蜇麻香味足，份量合理👍🏻熱白桃烏龍茶解膩解喝熱白桃烏龍，茶味清爽，絕對可以解油膩，果味長遠😽香蕉紅豆粒配西米露粒粒紅豆都好大粒，西米露很滑，一啖紅豆加一嚿香蕉🍌粒撈埋一齊食就最正，紅豆嘅份量都算多，甜度適中呢間餐廳🍴食物好食，擺盤靚，份量夠～甜品飲品多款選擇，每樣食物，飲品都好吸引🤩

食過這間小食店的糖水，特別多款式。今次試嚇佢嘅晚餐上次試過這間小食店的糖水特別多款式今次試嚇佢嘅。 我地今次都有加埋沙律吧… 羅宋湯好好飲呀🤩（5⭐️最高）香脆芝麻蝦多士（5⭐️）香脆嘅蝦多士，蝦肉肉好多，而且好爽口、彈牙🤩…日式咖哩野菜牛肩胛飯（5⭐️）日式咖喱份量都好足了，但牛肩胛就相對豚肉就硬咗少少😝。黑豚里脊丼飯（5⭐️）份量都好足料，又夠多汁， 真系先味鮮味十足，小朋友都好鐘意食🩷。 （熱）薏米腐竹蛋花糖（5⭐️）好欣賞呢個腐竹蛋花糖水👍🏻，因為佢個甜度是得啱啱好的， 而且薏米亦都好爽口、彈牙。份量亦都夠一個人飯後甜品🤩⋯⋯而家仲有好多優惠添，快啲掃佢嗰個二維碼啦🤩

大飯堂甜品小食屋價錢💲: $66/ $90好味程度😋: 3.7/5 (甜品4.3/5)服務🍴: 3.7/5環境🗾: 3.4/5性價比🥢: 5/5!!!回頭率😚: 4/5-冬菇亭而家有d已經翻新成餐廳，净係保留個頂的特色。好似呢間係大圍美林邨的餐廳，就係呢種啦。朋友前排係咁叫我去，話性價比極高。去完之後，我都完全有同感，因爲包任食沙律、羅宋湯，定量小食、主食、甜品同飲品。男仔去食都一定超級飽！-✅沙律/羅宋湯。沙律正常，係新鮮的生菜、洋葱同栗米。醬汁有胡麻醬或日式沙律汁，當作係清清味蕾都唔錯。-✅小食-炸燒賣/雞翼。小食上的炸燒賣一般，唔夠脆同埋椒鹽唔夠多，無咩味。燒賣都比較粉。 炸鷄翼好d，入面有味，唔會炸得太乾☺️-✅✅麻香海蜇手撕雞飯。麻香海蜇手撕鷄飯鷄肉份量唔少，肉質滑嫩，雖然唔好追求有咩新鮮鷄味，但調味非常香口，又好撈飯😚全部鷄肉都無骨，除左鷄翼同鷄翼尖。麻油味重，加d辣椒油花椒味，有d海蜇爽爽地，多重口感。要來送飯，適合不過😉-✅大盛丼飯。另一款主食揀左大盛丼飯，呢款有齊豬牛雞三款肉。分別係牛肩胛、鷄扒同黑豚里脊。燒汁夠多撈飯，全部肉都唔乾的。鷄扒有最啖啖肉的感覺😌呢款無手撕鷄

之前經常食大飯糖嘅甜品，中西式甜品、綿綿冰、小丸子都有，仲有好多小食，炸物、咖哩魚蛋豬皮等等。最近試咗佢嘅飯餐，覺得唔錯，另外仲有抵食嘅半自助餐。半自助午餐/晚餐 $66-127揀一款主食：有焗飯、丼飯、意粉等等任食沙律同餐湯：有沙律菜、粟米、洋蔥每日小食三選一：泰式無骨鳳爪、花枝丸、雞肉棒等每日甜品三選一：有小丸子、中式糖水等餐飲：冷泡荔枝擰檬茶或白挑烏龍茶。五重芝士粟米焗豬扒飯 $68芝士可以拉到超勁，好邪惡。個汁係芝士忌廉甜甜地好creamy, 撈飯一流。豬扒醃料唔錯。。PRIME牛小扒丼飯 $88牛小扒煎到啱啱好唔會過熟，有牛味又夠腍，個飯配咗日式飯素同燒汁，適合撈飯。。朱古力心太軟配軟雪糕 $68推介! 黑朱古力可可味好香，唔會過甜。外層焗到脆脆地同時有蛋糕嘅口感，朱古力醬好流心。軟雪糕揀咗3.6牛乳，好滑。。腐竹薏米蛋花糖水 $28平時啲腐竹糖水好稀，呢個飲落啲腐竹煲到溶晒，再加左一片片嘅腐竹好有口感，仲用咗樹記腐竹。

聖誕節快樂🎄 聖誕就梗係要食返啲甜品開心吓啦😋 特別同大家推介大飯糖嘅甜品☺️魔鬼三兄弟（心太軟、朱古力慕絲、朱古力雪糕）🍨呢個甜品絕對係朱古力控嘅最愛！三款朱古力的結合，每一口都好濃郁、好滑順，讓人欲罷不能！😍最近佢同小寧波湯圓製作咗一啲特色甜品🍮三色芋圓芝麻湯圓巴菲杯🍡呢個甜品絕對係湯圓愛好者嘅不二之選！三色芋圓同芝麻湯圓結合，配上巴菲杯，一口咬落去，湯圓嘅彈牙口感配上濃郁的芝麻湯圓湯汁，絕對令人回味無窮！👍🏻除左以上呢款，仲有玫瑰桂花羅望子酒釀芝麻湯圓🌹🌸、爆炸糖椰絲榛子芝麻湯圓糖不甩🔥！大飯糖特色甜品供應期為👉🏻18/12/2023至8/2/2024，所以記得把握機會品嚐佢地啦！🫶🏻 總括而言 (5個💙係最高)好味指數 : 💙💙💙💙💙服務態度 : 💙💙💙💙🤍環境打卡 : 💙💙💙💙🤍回頭指數 : 💙💙💙💙🤍📍 大飯糖甜品小食屋 (大圍)🏢 大圍美田路30號美林邨熟食亭5-8號舖🕗星期一至日 12:00 - 00:00

喜歡小寧波湯圓的朋友注意‼️大飯堂聯乘小寧波推出三款期間限定甜品 🍭 爆炸糖椰絲榛子湯圓糖不甩、玫瑰桂花羅望子酒釀芝麻湯圓、三色芋圓芝麻湯圓芭菲杯，食完晚飯再吃甜點🍧大滿足～🍦 三色芋圓芝麻湯圓芭菲杯日本 𝟱.𝟬 軟雪糕配芝麻糊，入口滑溜少少甜 🥰 幾粒小寧波蔴蓉湯圓，冰凍口感有點似食緊麻糬；杯底仲有咬口煙靭嘅三色芋圓🍡十分豐富！🍸 玫瑰桂花羅望子酒釀芝麻湯圓湯底 𝗩𝗲𝗿𝘆 𝗚𝗼𝗼𝗱！帶有酒味和桂花清香味 🌼 味道有點甜；流心蔴蓉湯圓細細粒，易入口不太膩，口感煙煙韌韌 ❤️🥛 究極榴槤奶身為榴連控既 👦🏻 見到餐牌推介 𝗗𝟮𝟰 榴連已經心心眼，杯面的榴槤雪糕內有榴槤蓉，浸淫在榴槤奶昔當中，味道愈食愈濃～杯底仲有嫩滑榴槤布丁，十分邪惡 😈 滿口榴槤味 👧🏽 怕怕！小寧波蔴蓉湯圓 x 大飯堂聯乘活動去到 𝟮𝟬𝟮𝟰.𝟬𝟮.𝟬𝟴，可以約埋朋友係大飯堂直落🍴食完飯再享受埋甜品🥰

女友好鍾意食啲軟糯煙韌嘅甜品😆芋圓湯圓小丸子個啲，上網見到到2月29日有有款小寧波湯圓特色甜品🍮好少有舖頭會就湯圓出特色甜品，仲要用質量味道保證嘅小寧波湯丸製作 點都要帶佢嚟開心下😘😘食甜品前我地食個主食墊下肚先😁我地要咗個大盛丼飯 入面有牛肩胛、雞扒、黑豚里脊 肉質鮮嫩易入口 加埋珍珠飯 加埋肉汁 每一啖都十分可口🙌🏻🙌🏻🙌🏻我地嗌晒試下 三款甜品冷、熱、常溫會齊 所以口感咬感 都不一樣😎😎 玫瑰桂花羅望子酒釀芝麻湯圓 十分養生嘅熱糖水加湯圓 花嘅甜味羅望子酸味 保肝護心 酸酸甜甜 又十分香滑 🥰爆炸糖椰絲榛子芝麻湯圓糖不甩 口感豐富 味蕾舌頭刺激 出邊啲糖不甩好唔同😉三色芋圓芝麻湯圓芭菲杯 大大杯 有三色芋圓同芝麻湯圓係下面上面有香濃軟滑嘅牛奶雪糕🍦 仲有一小杯芝麻糊可以自己淋上去 可以打卡拍boomerang 雪糕同湯丸嘅配搭好新鮮 冷湯丸口感煙韌 芝麻牛奶味香滑甜而不膩 配搭芋圓芝麻 初時食冷暖交替 口感層次十分特別😍😍😍

冬至蒞臨❄️唔知大家點樣同家人慶祝我就會選擇同屋企人一齊食一碗暖笠笠嘅湯圓！😘😋去到大飯糖 呢度有我最鍾意食嘅小寧波湯圓 食😋😋而家佢哋仲做緊Crossover有唔同類型嘅甜品俾你揀包括有玫瑰桂花羅望子酒釀芝麻湯圓、爆炸糖椰絲榛子芝麻湯圓糖不甩同三色芋圓芝麻湯圓芭菲杯 每款都整得唔錯！個芭菲杯真係好豐富裏面有唔同顏色嘅芋圓 牛奶雪糕好軟滑仲有啲珍珠增加口感添 最正係個糖不甩真係加咗爆炸糖 遠距離都聽到個糖不甩發出聲響😂😂個酒釀丸子好香 有清新嘅桂花同玫瑰味道除咗甜品之外 呢度仲有好多小食朋友唔係太肚餓叫左下午茶餐 只係60幾蚊 包晒沙律、湯、小食同主餐而且味道都幾唔錯！花枝丸同埋燒雞肉棒都好惹味🤭🤭