大雞食堂

營業中

休息中

搬咗屋之後要喺港島區搵唔同嘅美食，我同阿妹一東一南，銅鑼灣區係我哋嘅中間點，今次就嚟咗大雞食堂食出名嘅蔥油雞扒。阿妹叫咗 #招牌蔥油雞扒飯 ，超多嘅蔥油，配埋熱辣辣脆卜卜嘅煎雞扒，雞皮之下嘅雞肉都好滑好嫩。脆卜卜嘅皮一定要趁熱食。而我係豬頸肉愛好者，梗係要食 #蔥油燒慢煮豬頸肉撈丁。豬頸肉細細片上，配埋蔥油都幾好，食撈丁都一樣好夠飽！午餐包飲品，我哋就叫咗 #凍奶茶 & #凍檸茶，都可以加錢轉特飲。餐廳座位有限，午市時間爆場，大家想食就要早啲去攞位啦！門外好大塊招牌，你應該唔會睇漏眼！總結：午市有好多個選擇，下次一定要再試其他食物先得，由其係飲珍珠奶茶。

由細到大都好鍾意食雞扒Bookmark咗呢間雞扒專門店好耐嚟到全場爆滿木系裝潢．加上開放式廚房環境乾淨舒適入到嚟唔洗左揀右揀一定要食雞扒啦✨招牌蔥油雞扒飯生煎雞扒特別好味外皮煎得金黃脆卜卜無骨啖啖肉肉質嫩滑 好Juicy 配上香噴噴嘅蔥油同珍珠米飯輕輕拌勻既光澤又香口仲可以選擇飯量揀正常份量已經好滿足✨凍奶茶茶底香濃．入口感順滑大大杯 夠冰凍配雞扒真確係好正2:30pm下午茶都好抵食下次再嚟一定要飲珍珠奶茶

銅鑼灣灣仔一帶打工仔真係好幸福大雞食堂全日特惠餐抵食又好食難怪lunch time座無虛席 應該做到兩輪生意招牌蔥油燒雞扒撈丁 $65蔥油燒慢煮豬頸肉飯 $70蔥油好香好香 唔係出面用豉油搞到好鹹果種 好正！雞扒皮脆又厚肉 冇雪味豬頸肉真心慢煮好鬼滑 份量都算唔少仲有得揀飯量 圖為正常大約一個普通碗咁多大食可以揀多飯 唔知會唔會俾多少少蔥油😳撈蔥油可以食多幾碗都得🤭特惠套餐包熱飲 凍飲加$3轉百香果綠茶加$11幾正唔係用糖漿而真係有百香果肉同果核

名不虛傳‼️雞扒專門店🔹喜歡請like & follow🫶🏻對我來講是很重要的支持🔹我也是一名喜愛吃茶記，會叫撈丁配熱奶茶的貼地港女🤪今次就被「雞扒專門店」的生燒雞扒吸引了！果然名不虛傳❗生燒雞扒外皮外脆雞扒好厚身，肉質嫩滑juicy 啖啖肉好滿足撈丁／配飯都可以招牌雞扒一定要嗌！① 招牌蔥油雞扒撈丁 $65🔹雞扒配蔥油撈丁是絕配② 馬拉咖哩雞扒飯 $68🔹飯是珍珠米， 粒粒分明有咬口，非常加分！咖哩加入了椰漿，有少少辣，個人覺得略鹹少少③ 熱奶茶🔹入口順滑📍大雞食堂銅鑼灣摩理臣山道10號地舖#雞扒 #大雞食堂 #銅鑼灣 #銅鑼灣餐廳 #銅鑼灣美食

行過銅鑼灣，見到對面街有間外型零舍得意，個名都得意過人嘅餐廳，叫”大雞食堂”😂，就入去試吓。午餐時段，我哋揀咗”招牌蔥油雞扒撈丁”和”蔥油燒慢煮豬頸肉飯”。先講雞扒撈丁。雞肉係幾滑嘅，但要讚嘅係雞皮脆得嚟唔肥，撈丁亦會有少少硬度，唔會煮到腍晒。但以我嘅口味嚟講，我覺得豬頸肉先係今日嘅MVP。慢煮嘅豬頸肉，又腍又有肉香，睇樣就知，但個面都燒過吓，食落有少少叉燒嘅感覺。配埋凍奶茶，今日嘅午餐着實唔錯。p.s. 見到隔離個常餐都好吸引，好想試

1. 招牌蔥油雞扒撈丁 $65雞扒即叫即煎，雞扒煎到表面香煎，同埋大大塊，覆蓋曬成個一丁，一丁有大量蔥油同埋秘製醬油，食落都幾惹味。🌟 評分: 7.5/102. 馬拉咖哩吉列豬扒飯 $73咖哩甜甜辣辣，味道有啲似辣嘅日式咖哩，餸飯食一流，吉列豬扒即叫即炸，熱辣辣，外皮非常之鬆脆同埋炸衣做到好薄，而豬扒好嫩完全唔會鞋。🌟 評分: 7/103. 茶走 茶味香濃，有少少回甘，而且都算幾滑，不過有少少唔夠煉奶。🌟 評分: 7/104. 凍鴛鴦 (跟餐價+$3)好香濃咖啡同埋奶茶味，而且咖啡同奶茶既比例啱啱好，甜度適中。🌟 評分: 7/10🎖️整體評分🎖️❤️ 味道: 7/10🧡 環境: 7/10💛 服務: 8/10💙 性價比: 7.5/10 📍 大雞食堂 (銅鑼灣)銅鑼灣摩理臣山道10號地舖#hkoverfood_銅鑼灣

.今日lunch經過銅鑼灣新開既雞扒🐥專門店【銅鑼灣🐔大雞食堂】🐥招牌蒽油雞扒撈丁 🍜雞扒都算好大塊👍🏻分到四件而且外面仲係脆卜卜既👍🏻雞扒煎得好香脆❣️肉質好軟好juicy個蔥油麵好香🍛馬拉咖哩牛肋條飯 馬拉咖哩牛肋條飯賣相非常吸引！一上堂香噴噴既咖喱味😋再碗煙靭珍珠米！好有口感👍🏻牛肋條勁淋完全唔會嚡烚烚今次試唔到佢杯珍珠奶茶，咁啱買晒🥲下次要再去試吓先🙌🏻📍@dachicanteen地址: 銅鑼灣摩理臣山道10號地舖#大雞食堂 #dachicanteen #雞扒 #珍珠奶茶 #下午茶必選 #香港美食 #香港探店 #香港鸡扒饭 #100家探店計劃 #銅鑼灣美食 #blogger #親子育兒

大雞食堂午市時間過嚟買外賣都見到門口一定要排隊堂食，呢日遲咗少少食晏見到唔使等位，就決定入去試吓堂食，咁就試到最新鮮煮完上枱嘅嘅雞扒♥ 招牌蔥油燒雞扒飯 $65主角就緊係香嫩多汁既雞扒啦！配上滿滿既蔥花，再加上熱辣辣既白飯，一上枱已經好香。雞扒好厚身真係好嫩好多肉汁，雞油味好香，但係唔會油淋淋，配埋蔥花送飯好容易就食晒成碟！♥ 台式滷蛋肉燥飯 $56另外就嗌左台式滷蛋肉燥飯，聽落好似好普通但味道好突出，肉燥肥瘦均勻拿捏得好好，要嚟送飯真係一流，仲有隻滷水蛋加埋蔥花同肉燥一搭，真係幾唔錯又點少得嘢飲呢，我哋一致嗌咗珍珠奶茶解渴，珍珠軟彈，奶茶甜而不膩，剛剛好！Lunch time $+9

雞扒的確係生燒出黎，皮脆肉嫩，但係係完全冇味，好似連鹽都冇落咁。個麵直頭係煮過龍淋晒，而且個蔥油亦麵係太啖，就咁食都還好，但撈落個麵到就即刻唔夠味。所以食落去個感受就係成兜野好油，麵又淋，然後成碗野又冇乜味。連凍飲$68依個價位，同地點黎講分量都算係少，另外就係我嗌凍檸茶，但係佢淨係比一支紙飲筒我篤，篤得黎個飲筒都爛晒啦，淨係依個位已經扣好多分，講真有常識都知支紙飲筒本身已經好脆弱，浸得耐都會爛，作為餐廳仲諗住慳支鐵羹你就預咗一定比人扣分。

去開銅鑼灣見到有間個名好吸晴嘅餐廳叫大雞食堂，原來係主打雞扒嘅食堂😂，見佢價錢幾抵就入咗去試吓。馬拉咖哩雞扒飯上枱已經聞到好香，味道方面就辣度甜度適中，以咖哩香味為主食落都幾惹味，而主角雞扒亦非常出色，咬落去好多汁仲好滑嫩，好味😋。招牌蔥油雞扒飯另一款就叫咗我最愛嘅蔥油雞扒，蔥油撈飯真係超香口惹味，令人食欲大增，配合埋皮脆肉軟嘅雞扒一齊真係唔錯。台式珍珠鮮奶茶跟餐可以加$9飲埋珍珠奶茶。大雞食堂 (銅鑼灣)銅鑼灣摩理臣山道10號地舖

經過見到有人排隊、隔日同同事嘗新既然叫得大雞食堂、主打應該係雞？🐓所以各自叫左唔同味道雞扒🐓🐓🐓試勻佢😆蔥油雞扒撈丁、堅係出前一丁、大大碗、好多蔥油、雞扒燒得夠香脆多汁、唔錯咖哩雞扒飯、咖哩幾香、啲飯係珍珠米😳田園番茄雞扒飯、港式茶餐廳茄汁款、味道OK由於成件事太邪惡、同事話感覺有啲蔬菜伴碟會好啲。有同感、咖哩如果加啲薯仔、田園蕃茄汁有幾舊蕃茄、成件事會豐富啲...唔係真係得雞扒、飯、同汁、較單調跟餐加$9有珍珠奶茶、感覺唔係好台式、似好淡口嘅港式奶茶加珍珠除咗雞扒仲有炭燒豬頸肉、感覺佢燒野燒得幾好呀、下次試吓😋

前幾日行過cwb 發現有間新店開張，但未有機會試到。今日見早啲放lunch 就行過去試下😋店鋪面積唔大，眼見應該得10張檯左右。等左大概20 分鐘就可以入坐。朋友叫左佢個招牌蔥油雞扒飯，甘我就叫左咖哩雞扒飯。佢啲雞扒係即燒，所以落完單都仲要等多15分鐘先有得食👍 欣賞依d 匠人堅持，當然係即燒即食先係最好食💪💪賣相麻麻😂 可能係真係好忙😂但係雞扒燒到岩岩好，有焦香得黎肉質係嫩滑，有汁水個隻👍 飯係珍珠米 配合黎吃係一流👍😉值得一提係奶茶都頗出色👍 隻茶味我幾中意👍👍 好吃同埋可以再黎😎

♡ 香港首創刈包配蔥油雞扒｜大雞食堂 ♡-同朋友喺銅鑼灣做完Facial 😆想去食個下午茶喺附近搵嘢食 見到有一間「大雞食堂」。主打食生燒雞扒 😋- ♡ 招牌蔥油雞扒撈丁 ♡ $65生燒雞扒勁香 外皮香脆 而且冇油膱味 雞肉勁Juicy ～ 蔥油同出前一丁撈埋一齊 完全冇違和感每一口都好邪惡😂 一啖麵 一啖雞扒-♡ 燒雞扒刈包 ♡ $48 刈包口感有少少似饅頭 但係比饅頭口感煙靭因為外表似錢包 👛 有 發財 嘅意思😆 店員話 呢個包平日比較受歡迎，所以真係要早少少嚟食😆今日咁啱好彩仲有‼️蔥油佈滿燒雞扒 連埋包一齊食真係好好食🥰-♡ 台式珍珠奶茶 ♡ + $9完全冇諗到呢度嘅珍珠奶茶咁好飲呀😋珍珠好Q彈 呢個價錢真係抵飲❥#⇢店鋪資料：大雞食堂 (銅鑼灣)銅鑼灣摩理臣山道10號地舖## -#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處#香港美食地圖#香港美食指南 #大雞食堂 #dachicanteen

餐廳用上温馨的黃色燈光，坐位不太多，但午餐時間全場滿座，很多附近上班的打工仔來吃午餐呢～我們等了一會就可以入座了，可以嗅到廚房燒雞扒的香味。這裏菜式大多以雞扒的食材配搭，飯用上珍珠米，感覺帶點日式風味。♡田園濃茄燒雞扒飯$65茄汁味香濃，而這裏名為雞扒專門店，當然要一試他們的雞扒，餐廳貼心已把雞扒切成幾件，方便人客進食，而雞扒是生燒的，上枱時仍然熱辣辣，雞扒外皮燒得脆口，但內裡肉質仍然嫩口，有外脆內軟的口感。♡馬來咖哩牛肋條飯$72即使不是雞扒款菜式，同樣做得很好，牛肋條軟腍，牛味濃郁，加上香濃的馬來咖哩和薯仔，十分下飯啊！跟餐有熱飲+$9就可以升級轉做🧋珍珠奶茶，很優惠喔～所以我們都點了兩杯嚐嚐，雖然只是加$9，但質素都不錯，而且可以選擇少冰少甜，另外珍珠也不會太軟身，有咬口的。✖️餐廳不設加一服務費

最近發現喺鵝頸橋附近有間餐廳大排長龍，聽講呢度嘅雞扒非常出色，所以今晚一於同朋友試吓。馬拉咖哩雞扒飯：咖哩濃郁，椰香十足，配上嫩滑香脆的雞扒和香米飯，令人再三回味。招牌蔥油雞扒撈丁：雞扒外酥內嫩，蔥油香氣四溢配上彈牙嘅撈丁，真係冇得彈！凍檸茶：清涼解渴，帶有冬菇亭大排檔獨特的風味，口感酸爽，絕對值得為呢杯檸茶而來。凍奶茶：奶茶帶有濃郁的茶香和濃郁的奶味，口感豐富而濃郁。整體而言，我覺得最值得讚就係呢間餐廳嘅廚師，其實佢整每一道菜都好用心，亦都會了解食客嘅需求，所以我會再來光顧。