大鍋口海鮮火鍋店

營業中

休息中

今日去食火煱，揀咗個雙拼湯底，椰子雞湯同埋皮蛋芫荽湯底。湯底清清有小小椰子味，好正。肥牛色澤鮮明，脂肪同瘦肉嘅比例剛剛好，煮出嚟啲湯都唔會好油膩。牛肉好新鮮，仲有濃郁嘅牛肉鮮味。仲有好多食物可以點，海鮮類新鮮海蝦、帶子、九肚魚、脆肉鯇魚（有魚腩同埋魚片可以選擇）、白鱔片，仲有新鮮嘅蝦滑、墨魚滑。肉類方面有羊肉、豬腩肉、豬頸肉、牛腩、牛𦟌、醉雞、雞軟骨滑。蔬菜方面，有油麥菜、菜心苗、娃娃菜、鮮冬菇、金菇等等，全部都好新鮮。其餘食物仲有雞子、牛柏葉、鵝腸…… 午餐肉、芝士腸、雲吞、魚皮餃、響鈴等等，一般打邊爐嘅食物都應有盡有。全部食物都好新鮮。兩個人食到攬住個肚，好抵食。除此之外，有新鮮蔗汁，呢個係好驚喜嘅，可以免費任飲。如果唔飲蔗汁，可以選擇啤酒、可樂、烏龍茶、綠茶等等，冰凍又解渴。

最近天氣驟降，去打邊爐就適合不過，跟朋友聚會選擇了佐敦的「大鍋口海鮮火鍋店」，多年前到訪過感覺食材選擇豐富，質素不俗-用餐時間2小時，人均二百多元已包括享用雞煲/羊腩煲、火鍋及飲品，火鍋可自選湯底食材包括多款海鮮、肉類、丸類及一般火鍋配料較名貴的食材有手切肥牛、脆鯇腩、白鱔、海蝦、帆立貝及蝦滑等-雞煲肉厚又惹味，醬汁調較恰到好處，辣度夠適合嗜辣一族火鍋湯底點選了椰子雞鍋，清香不膩整體食材新鮮，質素四平八穩，性價比高；牛肉軟嫩有彈性；魚肉及海蝦鮮嫩爽口；另外推介豬潤、韭菜餃、四寶丸及麻辣鴨血，難怪平日晚上入座率高企！

$228一位！這間火鍋放題用料不錯，出餐完全不漏單，收費卻比一般火鍋放題店更平，難怪座無虛席先來上個麻辣雞煲，辣勁足夠，入味非常之後進入打邊爐的戲玉，選了比較清甜的椰子雞煲，湯底清澈潔白，帶甜味，還有幾塊雞肉先送來一碟極品肥牛，油花均勻，油香適中，值得一試外面的飲品多得眼花撩亂，選了竹蔗茅根清甜解渴醬料架有我最愛的麻醬，厚身而濃郁，足矣他們的手切肥牛跟黑豚肉，肉質也是相當均勻不會過肥，也沒有雪味豬頸肉相當值得一讚，肥美但不會羶，彈牙嫩滑四寶丸之中最特別是雞軟骨丸，口感相當爽脆兩款餃子分別黑松露跟韭菜餃， 韭菜餃調味得宜，菜跟肉的比例剛好唐生菜🥬跟油麥菜相當意外，水份充足又爽脆，值得一讚最後讚一讚豬潤，我們煮得完全過火，但還是保持白𥇦，亦不帶苦澀味$228有單點水準，難怪晚上座無虛席吧

香港人一向都喜歡打邊爐，由中學開始每隔一段時間都一定會有朋友叫去食雞煲打邊爐。今次喱間大鍋口海鮮火鍋店 就岩哂，係市區近地鐵站，又有雞煲同任食邊爐~~~一坐底店員就拎左醬料畀我地加，順便落左個雞煲同簡湯底。原本以為雞煲份量唔會好多，但係一黎到我同朋友兩個都嚇親，係整整一隻雞!!雞肉嫩滑又好惹味，食完個雞煲已經覺得好滿足。不過，當然要繼續打邊爐啦~湯底簡左胡椒豬肚湯~~店員一來就送左個肥牛畀我地，一望就覺得肉質應該很好食，因為色澤好新鮮，雪花分布好平均~~果然，喱碟肥牛可以話係全餐飯既靈魂，很!好!食!話明任食邊爐，其實仲有好多野都可以食既~食左咁多肉，我地叫左油麥菜﹑墨魚滑﹑蝦滑﹑響鈴﹑腐竹等配料~~不得不讚既係上菜速度一流，冇因為任食就特登慢慢上。最推薦係墨魚滑同蝦滑喱兩款火鍋限定食材，鮮味好足蔬菜類亦都好新鮮~~鐘意喱到落單先會拎食物過黎，感覺衛生同埋食物比較新鮮。唔記得提，喱到既飲品都係任飲既~飯後亦有自助雪糕任食~喱個價錢收貨有餘啦

之前有一段時間好中意食大鍋口，久違地又黎try try佢🤤 打邊爐之前可以揀要雞煲定羊腩煲，我哋就要咗前者，勁惹味不過我自己中意再麻啲😛 重點係仲可以再加，瞬間覺得會唔會太良心，不過我哋就留返個肚打邊爐🤭打親邊爐每次必加錢轉鴛鴦鍋，揀咗胡椒豬肚同埋四川麻辣湯底~ 連湯底都比想像中足料，前者係會瘋狂撈到豬肚🤤配料方面同以一樣都係有勁多選擇，我哋都嗌咗幾多嘢😂😂，肉類方面以呢個價錢黎講有啲意料之外，肥牛油花分布均勻而且好有牛味，滑牛肉又係一樣有驚喜，我哋仲encore咗round😂 咁打邊爐就係食牛嫁啦😛😛其他配料都有驚喜，潮州白魚蛋好彈牙，菜又新鮮宜家食西洋菜就fit晒，凍豆腐放麻辣湯底朔晒啲味勁正，超甜粟米又真係幾甜飲品選擇相對比較少，但有成jar嘅竹蔗茅根可以拎🤤

今日去食火煱晚飯，坐低咗先發現原來可以加埋個麻辣雞煲，先食一個二人份量嘅麻辣雞煲，然後再同你換煲，可以自選湯底。麻辣雞煲確實係幾辣，但係好惹味，雞肉包含咗雞翼雞髀雞胸，雖然有少少碎骨，不過都唔錯。之後揀咗個雙拼湯底，椰子雞湯同埋皮蛋芫荽湯底。湯底唔會太濃味，清清地食落好舒服。我最鍾意係佢嘅醬油，自選調味料，好好味。火鍋開始嘅時候，夥計會先送上一碟用乾冰鎮住嘅肥牛。牛肉色澤鮮明，脂肪同瘦肉嘅比例剛剛好，唔會太肥膩。煮熟之後入口好香滑，有牛肉嘅鮮味。其餘菜式自己用點，款式好多，有海鮮、魚類、肉類、蔬菜、水餃、肉丸等，全部都好吸引，好想試。單單係魚類，已經有好多款，全部我都想試。有九肚魚、鯇魚腩、脆肉鯇魚腩、白鱔片等等。魚片好新鮮，口感非常好，有鮮魚的味道，而且切片技術高超，所以唔多骨。你有新鮮墨魚滑、蝦滑、雞軟骨滑，全部都好有鮮味，少少彈牙。仲有黑松露水餃，雖然黑松露味唔濃，不過入面加咗雲耳，仲有鮮蝦，食落去爽口，好味道。再叫肥牛，一樣咁靚咁好食。仲有肉豬頸肉，同樣爽滑有鮮味。蔬菜方面，我揀咗冬菇，草菇、金菇、油麥菜、菜心苗，全部都好新鮮。兩個人食真係好飽，攬住個肚返屋企，只係五百幾蚊，好

好耐都冇食過港式火鍋 今日經過佐敦就揀咗呢間唔係太貴嘅餐廳嚟食下😋😋本身諗住淨係打邊爐，但原來送埋雞煲一個價錢有兩種享受👍🏽但要留意番雞煲係麻辣雞煲 唔食辣嘅朋友就要小心啲啦 另外雞煲可以無限添加👍🏽一入到去店員就會攞一大排醬料架比我地自己慢慢拎自己鍾意嘅醬料😍湯底我哋揀咗牛雜湯底 入邊都幾足料🥰🥰🥰飲品就可以自己出去拎款式好多咩都有同埋店員會上咗一碟肥牛先 其實淨係呢一碟都已經夠晒兩個人食 睇張相都覺得啲牛好靚 牛味亦都好夠 好食😍😍😍呢間舖頭亦都有好多食材可以叫 最好食嘅我覺得就係鮮打四寶丸 好足料 好新鮮 啲蝦好大隻👍🏽👍🏽另外打邊爐當然唔少得響鈴芋絲萵筍呢啲啦👍🏽總括嚟講呢一間好適合過吓口癮 滿足下好耐冇試過打邊爐嘅胃👍🏽👍🏽

天氣轉涼，係時候食吓火鍋。朋友介紹，位於佐敦市中心，交通方便嘅火鍋店，位於12樓，仲要望到夜景，過了一個暖笠笠的晚上。火鍋店係以自助手寫落單安排食物，飲品可以隨意從雪櫃選取。最驚喜的，原來先食雞煲，再轉自選湯底，未食已經感覺大滿足。雞煲份量唔多，剛剛好，雞肉份量唔少，香味濃郁。之後選擇咗椰子雞煲 （因為見網上好多人都選擇），果然湯味十足，推介！未order，先上一碟手切和牛，肉質新鮮可口，另外叫咗肥牛，鮮牛肉，出乎意料的好味，有牛尾，爽口，對於我哋牛之愛好者，滿足 ！菜單上，完全不馬虎，有好多出邊打邊爐少有嘅材料，例如：雞軟骨滑，海帶夾，韓國年糕，黑松露水餃 … 大部份食材都爽口新鮮，沒有雪藏味。至於飲品，雖然種類不多，都有不同外間比較少的品牌，對於喜歡試新嘢嘅我哋，感覺不錯！員工數量足夠，上菜快，不用等，員工不停自動加湯，收碟，服務不錯。

呢間打邊爐位置方便 尖沙咀佐敦加士居道交界 喺正C出口隔離 又多巴士站 食雞雞煲打邊爐飲嘢太夜都唔驚唔同時段有唔同收費 自己睇返實際需要一個價錢 食完雞煲 可以即刻打邊爐揀咗鴛鴦鍋 香濃沙嗲湯底+豬筒豬骨湯底大大嚿豬骨 有份量 有重量 一邊清清地 一邊濃味少少🤏一串串海蝦 帆立貝 韭菜餃 潮州白魚蛋 炸響鈴 手切肥牛 香滑雞柳 蔬菜都好多選擇 翠綠色 乾淨好睇芝士龍蝦丸，蝦滑 鯪魚球 墨魚滑 軟雪糕整體都幾好食 呢個價錢 性價比幾高大鍋口海鮮火鍋店 佐敦彌敦道219號莊士倫敦廣場12樓

秋風起，最岩一定係打邊爐， 打邊爐黎講，任食真係食得開心好多！鐘意食雞煲嘅，仲可以簡叫完雞煲再打邊爐！不過今日想主攻邊爐，直接焓下焓下！簡左平時食開嘅沙嗲湯底，一如既往咁濃郁！ 簡完湯底店員就會拎醬料架埋黎自己調教。飲品就係自助，款式都多，茶飲、汽水都有。大推呢到嘅牛肉片，好新鮮，咬落去真係比較嫩， 唔係劣質牛肉，油脂分布都係岩岩好。另外，炸魚皮同響鈴都係我心水！浸幾秒吸曬沙嗲湯汁！滑牛肉都係必叫，名副其實咁滑。丸類選擇都好多，蟹籽丸、龍蝦沙律丸都好食！蝦滑同埋脆肉鯇夠新鮮，食落好彈牙！好少地方有萵筍，淥一陣仍然好爽口😄食到勁飽，都係200 幾蚊一位，真係好抵食！！好岩一大堆朋友一齊聚！

以前同同事收night shift,成日都會去大鍋口食9點半後特價。今次個舊同事係外國返尼香港，我哋都話要去食返回憶的味道🤣以前多數去荃灣個間，不過而家無左luu，尼到佐敦店，第一個感覺係空間闊落同埋乾淨過以前荃灣店好多，2個人都有個長卡位坐，好多位擺野食，坐得舒服。第二樣留意到既係，張點餐紙同以前幾乎一樣，好正呀好懷舊，係香港火鍋店既特色🤪佢有得揀先食雞煲再打邊爐or淨打邊爐，我哋就知道會喪叫火鍋料，所以就淨邊爐算，無要埋雞煲。加錢要左鴛鴦鍋，椰子雞湯奶白色好濃郁，有甜甜既椰香味，而沙嗲湯底就正正常常，淥生菜食就索哂沙嗲味，又突顯到生菜既鮮甜佢第一碟上既肥牛個樣都幾靚仔，肥瘦均勻，之後落單叫既手切肥牛質素都好好，薄切，快熟，有牛味！墨魚滑都係打邊爐必叫，好彈牙。羊肉片同豚肉片都肉味濃。牛栢葉，鵝腸，生根，索湯之選，又係一定要嗌。炸魚皮encore左3碟🤪🤪夠薄，又脆！好食過好多單點火鍋既魚皮麻辣鴨血，連埋成碗麻辣汁上，索哂麻辣味入去，所以放完落湯度一陣，鴨血都食得出陣陣麻辣味，好食～諗返轉頭好彩無貪心食埋雞煲，因為淨係打邊爐都好忙食到最後一秒🤣🤣🤣

以前多數在旺角大鍋口吃，今天來到佐敦莊士倫敦廣場的分店試試。推薦食雞煲，雞煲有濃郁的湯汁，雞肉鮮嫩，配料豐富。煲煮過程中，食材吸收湯汁的滋味，變得更加入味。火鍋底湯一般可以選擇清湯、辣湯或者其他特色湯等不同口味，我揀了椰子雞湯底，湯底清甜有椰子味。各種新鮮的海鮮如蝦、貝類、魚片等，以及蔬菜和豆腐等配料，品質都很高。如果喜歡口感爽脆的食物，推薦嘗試牛柏葉和鵝腸。另外，炸魚皮也是不錯的選擇，可以放入火鍋底湯中泡一下。菜類的選擇非常豐富，無論你喜歡什麼樣的蔬菜，都能在火鍋中找到合適的選擇。麵類食物作為收尾，少不了公仔麵和烏冬，可以吸收了火鍋湯底的精華。最後還有雪糕可以食，有兩種口味包括牛奶味及蜜瓜味，雪糕相對creamy，不是很冰沙的那種。

我地今次去依間佐敦大鍋口海鮮火煱店，係莊士倫郭廣場樓上，方便就腳。火鍋任食，先雞煲後選湯底，雞煲食完唔夠可無限refill，真的實現邊爐自由！先上一碟肉味好香既手切安格斯和牛。我地發覺有好令人驚艷既鮮打四寶丸，手打蝦丸手打雞軟骨丸手打鯪魚球，每款都著好新鮮，食得出材料味，帶子蝦都好大隻，調味啱啱好，好清新；響鈴即炸，直接食好香脆、放入個火煱淥一淥，好食到難以言喻！平時食既響鈴多少都有鼓油膱味，但佢完全冇！黎到食，依幾樣一定要試呀。湯底方面，我地今次試椰子雞湯，打完邊爐啲雞肉依然好滑有鮮味，全部食得番！我地都冇放過食哂呀。營業時間仲要去到凌晨三點，幾時想打邊爐都完全冇問題啦！

這間位於佐敦交通便利，開到零晨三點，真系好岩食宵夜。今次我地去左呢度食宵夜，真系好正。入到去環境闊落，冷氣很足，感覺很舒適。我們先來了一個雞煲，雞煲比想像中要出色，因為不是主打，想不到也那麼好食，夠入味，醬汁夠正，還可以不停加雞。食完火鍋後，就加湯底開始打邊爐，進入正戲。這邊款式真的很多，肉類推薦有肥牛、羊肉片、黑豚肉片，海鮮類推薦生猛海蝦、脆鲩魚片，丸類推薦四寶丸、炙燒芝心丸、手打丸，手打丸真好很好吃，外面食不到，特別是雞軟骨丸，很有咬口，餃類推薦黑松露水餃、自家制韮菜餃，特色類推薦麻辣鴨血，真的很有風味很入味，挺辣的！外面很有很多野飲選擇，甜品方面還有雪糕，可以自己加配料，總括來說選擇多，環境正，價錢便宜，又開得夜，性價比很高。

岩岩先知依間野咁抵食！！一個價可以食曬雞煲火鍋（雖然我今日aim 火鍋煲我揀左清甜嘅椰子雞，清清地，唔會搶走食材的味道個煲一黎就聞到好香椰子味。入面有椰片 仲有雞件。但如果想食雞嘅最好就order 番生雞件自己淥咁就更嫩醬料店員會奉上搞好再拎走香港人大路口味都有🤓菜嘅款式幾多下。各種類別都有一堆比你揀一上黎嘅牛好正，好足牛味但淥熟d 都唔會話柴，正蝦都好正。好新鮮，肉質彈牙唔梅。枱面又有tissue 任用 夠曬方便我剝蝦兩款餃子我都好鐘意，黑松露的有好似加左其他蔬菜，口感會爽脆一d. 另外的韭菜餃濃卜卜，我地都叫多左幾次兩人食最岩叫四寶丸，一次試勻最後一定一定要留肚食雪糕，味道香濃，有朱古力同香草味自己整，我一個人食左幾杯🤪