大鍋口海鮮火鍋店

營業中

休息中

秋風起，最岩一定係打邊爐， 打邊爐黎講，任食真係食得開心好多！鐘意食雞煲嘅，仲可以簡叫完雞煲再打邊爐！不過今日想主攻邊爐，直接焓下焓下！簡左平時食開嘅沙嗲湯底，一如既往咁濃郁！ 簡完湯底店員就會拎醬料架埋黎自己調教。飲品就係自助，款式都多，茶飲、汽水都有。大推呢到嘅牛肉片，好新鮮，咬落去真係比較嫩， 唔係劣質牛肉，油脂分布都係岩岩好。另外，炸魚皮同響鈴都係我心水！浸幾秒吸曬沙嗲湯汁！滑牛肉都係必叫，名副其實咁滑。丸類選擇都好多，蟹籽丸、龍蝦沙律丸都好食！蝦滑同埋脆肉鯇夠新鮮，食落好彈牙！好少地方有萵筍，淥一陣仍然好爽口😄食到勁飽，都係200 幾蚊一位，真係好抵食！！好岩一大堆朋友一齊聚！