影片
營業時間
今日營業
07:00 - 20:30
星期一至日
07:00 - 20:30
以上資料只供參考, 請與餐廳確認詳情
黎開鴨脷洲探長輩，知佢鍾意食燒鴨同燒鵝，諗住買半隻燒鴨同半隻燒鵝去探佢。上網見佢附近有間個名咁霸氣嘅就幫襯啦，點知瀨晒野。當日閒日下午4點去，當時一啲都唔繁忙，寫單阿姐好悠閒食住野同斬料師傅傾緊偈。我先話買半隻燒鴨，尾音都未完就一野閘落黎話賣晒。我跟住就話我要半隻燒鵝，又係尾音未講完就即刻出埋單。我仲要買多半條紅腸又要麻煩到呢位阿姐再落單，我好似爭佢錢咁。我心諗，寫單阿姐都咁有性格，果然真係大爺，今時今日市道，我唔係食特價下午茶又唔係買例牌，買半條紅腸都$39啦，我對佢啲燒鵝滿心期待。長輩同樣都好雀躍，知我帶咗燒鵝上佢度。晚飯時一打開，長輩發現無鵝頭同鵝頸！佢好慳，好耐都唔捨得買鵝食；我亦未試過買成隻半隻鵝。我以前買半隻點都會跟半隻頭半隻頸，勢估唔到無，可能我唔識野啦，佢好心知我唔食所以唔俾我。但原來長輩講起佢好鍾意食，而且鵝頭鵝頸好好食喎(我就真係唔識欣賞)唔計呢樣尷尬野，我買半隻鵝我無預到佢會扣起，而且脾位好似唔見咗啲肉。礙於作客，我無即時打返去問，唔想破壞食飯氣氛。講返食物，紅腸$39/半條，味道正常，抵唔抵就見仁見智。而鵝肉就完全無油香，皮韌，好柴。我其實都唔識分到底係鴨定鵝。但脾肉同下面肥肉啲肉色唔同。一邊係灰色，另一邊係帶啡紅色。都已經唔係錢嘅問題。原本都無諗住寫咁大篇野，只係諗住俾人揾咗一次笨就算，最多下次探佢時唔再喺度買。點知今日同長輩講開電話我知佢食完燒鵝果晚痾咗5次！我都好唔好意思講，其實果晚我都痾咗2次，成晚個肚攪攪。我後生痾吓腳軟就無所謂，諗住斬料俾長輩食，點知大家都痾，唉。
繼續閱讀
今日去左鴨脷洲圖書館還書，還完書順手買個外賣返屋企填下肚行前少少見到有間燒味勁多人買外賣，應該系做街坊客生意望下個餐牌，$35雙拼燒味，呢個年頭去邊度搵加飲品或例湯都只不過系加$5，真系好抵食燒味雙拼飯$35叫左兩盒雙拼飯，分別系叉燒油雞飯同燒肉切雞飯叉燒可能因為叫左瘦叉，所以肉質偏柴同乾身油雞幾滑又多肉，系好食ge 雖然只系三十幾蚊一個飯，但系叉燒同油雞都分別有成五、六塊，絕對夠食另外叫的切雞燒腩飯，屋企人都話好食
繼續閱讀
燒肉每斤大約$150，我哋去買半斤，你斬出嚟幾多我哋都唔介意，都知你會多啲，大約$90入邊啲阿嬸大大聲，講出邊有個女人買半斤燒肉，唔知有冇搞錯，買咁少，其實你哋又冇最低消費，最終都買到$90，我想知道有咩問題，幫襯佢哋仲要聽佢啲說話，你估我仲會唔會再幫襯佢哋，真係要檢討吓啲員工嘅品德。不過同佢哋講，都係教精佢。唔怪之啲人北上消費,最低限度唔使受佢哋氣。
繼續閱讀
以往在大街會光顧牛記的燒味，那裡的伙記雖然說話比較粗聲粗氣，但態度還是可以的，始終是做街坊生意，無謂得罪街坊。牛記結業後，首次嘗試光顧大爺燒鵝店外買半斤义燒，可是付費時忘記提醒走汁，見負責斬燒味嘅年輕師傅還未斬，於是趕忙去提醒旁邊負責入盒嘅中年四眼伙記不用加汁，他竟然面無表情回覆‘’俾錢時無講就會照加‘’，吓😳😳。。即使佢都未斬好，我係唔要汁喎，最後佢真係加咗兩大湯匙汁落去。買過這次，以後都唔會再光顧，服務態度真係極差👎
繼續閱讀
去完廁所出嚟咳，仲一面講嘢一面切义燒，全程冇戴口罩🥶D燒味好差，叫個义燒油雞飯，見到咁嘅情況，义燒一定吾敢食，油雞只比小小肉，比埋D頭頭尾尾，肥淋淋的皮就大把，上碟好似好靚，實際上是搵笨，以後吾會再幫襯！！
繼續閱讀