大澳華記香脆雞旦仔

營業中

休息中

大澳嘅炭爐雞蛋仔真係無得輸，一走到個攤檔，就已經聞到嗰陣濃濃嘅炭火香氣，令人口水直流。雞蛋仔外脆內嫩，每一口都咬落去香脆可口，仲有一點點煙燻味，令人回味無窮。特別之處就係，呢度嘅雞蛋仔唔單止係食物，仲有個人情味。每次來到，叔叔都會親自喺炭爐前為你即時製作，面對面交流，令你感受到溫暖。總括來講，喺大澳食炭爐雞蛋仔不只係品味美食，仲係感受當地人情味嘅好機會。當你咬下一口，無論係味道定係回憶，都會覺得值回票價！如果你嚟大澳，絕對唔可以錯過呢個美味體驗！

大澳的炭爐燒雞蛋仔令人垂涎，當我和老公第一次品嚐時，感受到了獨特的美味。這裡的雞蛋仔是即叫即整，剛出爐時熱辣辣，外脆內軟，每一口都充滿著溫暖的香氣。經炭燒的雞蛋仔，表面略帶焦香，增添了層次感，而內裡則是綿密的蛋香與微甜的口感，讓人愛不釋手。我們看著師傅在炭爐旁忙碌，尤其是那精巧的操作，讓我們對這道美食充滿期待。吃著熱乎乎的雞蛋仔，感覺冬天的寒冷瞬間被驅散。大澳的炭爐燒雞蛋仔，讓人不僅只是滿足味蕾，還增添了許多甜蜜的回憶。我們一定會再來，重溫這份獨特的美味！

上個假期同朋友去咗大澳，喺行去虎山途中見到好出名嘅「大澳華記炭燒雞蛋」，上次嚟見到好多人排隊放棄咗，今次諗住試一試，結果排咗差唔多成個鐘😂😂🍳 炭燒雞蛋仔 $28華記出名在於傳統炭爐即燒雞蛋仔，每次只係整一底，途中老細會不斷加炭，控制火勢，排隊途中就已經聞到陣陣炭香。每底雞蛋仔嘅外皮都係淡淡嘅咖啡色，色澤非常之均勻，同平時電爐做嘅真係唔同！外層好脆，每粒雞蛋仔都有微微焦香，但係個人就覺得可一不可再，試過就好，未有想返食嘅感覺，因為真係唔太值得排一粒鐘🙈📍大澳華記香脆雞旦仔大澳石仔埗街121號地舖

在香港這座美食天堂，傳統炭火燒製的雞蛋仔已經逐漸稀有，但這家小店堅守了這份古早味道。即使需要排隊半小時，顧客也甘之如飴，究其原因，絕對是值得的。炭火燒製的雞蛋仔外層香脆，內心鬆軟，帶有一絲獨特的炭香，與現代電熱爐難以模仿的味道截然不同。雞蛋的比例恰到好處，帶出淡淡的蛋香，而每一口都充滿了記憶中街頭小食的溫暖。小店的老闆更是用心，不僅食材新鮮，還確保每一粒雞蛋仔都達到最佳口感。這家小店不僅是味覺上的享受，更是一種情感的延續，讓人感受到舊時代香港的氣息。來到這裡，等待的每一分鐘都值得。

今日同朋友係大澳玩，見到條隊好長，但都係要排！依檔巴有名氣，唔係日日都開，撞正要試下。炭燒果然唔同啲，雞蛋仔燒到真係好脆，但入面仍然係好軟，而且粒粒飽滿，好正！一烤出黎熱辣辣已經好好味，然後放佢一陣後點知仲脆！每底都係精心之作，好有童年回憶，希望依種手藝可以傳承下去！

第一次入大澳，當然要試吓呢一間炭燒雞蛋仔，我一個雞蛋仔控，排咗大概45分鐘，終於輪到我，$28一個，正常價錢，即叫即整，一個一個整，所以需時，大家預留多少少時間排隊（如果想試嘅話）入正題雞蛋仔，冇乜香味，仲要係完全唔脆，又未去到淋到毛巾咁，但比預期中差好遠，完全唔值得排隊，試過一次唔會再試，如果見到三四個人排緊隊，大家想試嘅話就可以試吓排，但多個四個人就完全唔值得排。

難得去到大澳，當然要試吓地道食物除咗超大魚蛋，糯米糍等等，大澳出名嘅就係炭燒雞蛋仔😋😋香港食雞蛋仔好容易，不過「炭燒」好少見！今次慕名而去大澳華記炭燒雞蛋仔🌟跟住導遊嘅指示，好快就搵到👍🏻已經見到有接近10個人排隊中😱看來真是好出名👍🏻我等咗一段時間，雞蛋仔終於到手啦實在太香啦，急不及待放入口，雞蛋仔嘅表面好香脆🤤入面個芯軟林林，排咁耐隊都算值得😬不過聽都有講，舖頭唔係成日都開所以都係要靠彩數😝祝大家好運.📍大澳華記炭燒雞蛋仔

好得意好少見見碳烤雞蛋仔，好彩今日無乜人排隊，一去到老闆就整比我地，大概等佐3分鐘就有得食，因為得一個爐如果人多排隊真係要等好耐。真係熱辣辣又好脆，不過蛋味唔係幾夠，味道食落其實同普通雞蛋仔差唔多

📍大澳華記香脆雞蛋仔每次去大澳一定會唸起炭燒雞蛋仔‼️🐣一場黎到緊係要試啦😆炭燒雞蛋仔 （$27）成間舖得一個炭爐去燒雞蛋仔平均每底雞蛋仔大約要等5分鐘先整好所以今次都排左差唔多半個鐘先買到🤣叔叔整每底雞蛋仔都會加d炭去燒再將蛋漿倒入模入面然後慢慢用炭火燒香每底雞蛋仔都係新鮮熱辣辣整好👍🏻炭燒雞蛋仔同普通雞蛋仔明顯食得出有分別炭燒既雞蛋仔會乾身同脆口一d😋😋😋咬開入面仲係好濕潤飽滿雖然$27一底雞蛋仔唔算抵食🧐但食完呢底雞蛋仔之後會令你覺得值得去排隊買真係心機貨💯如果去大澳既不妨一試👍🏻👍🏻👍🏻✅

見到無咩人排隊 就即刻衝咗過去排隊買因為逐個逐個整 所以等嘅時間會有D慢但排幾耐都係值得嘅～依間個雞蛋仔真係好好食 有陣陣炭燒嘅味道襯熱食 真係好香脆 好正👍🏻下次去大澳都一定要去買嚟食🥰😋

上個禮拜日我同朋友去咗大澳食嘢，發現咗一間好正嘅雞蛋仔攤位，叫做大澳華記雞蛋仔- 招牌炭燒雞蛋仔。炭燒雞蛋仔真係好特別啊！巿區真係唔覺有。佢可以用炭火燒烤，令到佢哋嘅外皮有啲煙燻味，好香！當日攤位前面排咗一堆人，我哋都係等咗好耐先等到買到嘢，等咗半個鐘頭左右，雞蛋仔係即叫即燒，新出爐。想食到炭燒雞蛋仔，就要有少少耐性啦。如果去大澳，可以嚟試試佢哋嘅特色炭燒雞蛋仔啊。

黎過大澳嘅朋友都一定知呢間炭爐雞蛋仔🧇🔥大家要有心理準備排隊～因為只得店主一個打理，我諗一底around都要10分鐘先出爐🤪！如果你排係第5個～等候時間都有數得計🙈🙈🙈 呢個大熱天時，店主對住個炭爐都咪話唔辛苦，我真心佩服🙏🏻🙏🏻🙏🏻 店主都好貼心，立咗幾把太陽傘幫手擋下太陽⛱️⛱️ 如果唔係我都幾肯定會give up waiting 😂Wow 等左30分鐘，終於拎到底熱辣辣嘅雞蛋仔 ($27) ～食落唔叫特別食到炭燒風味🙈 不過外表都夠脆～入面都唔係空心👌🏻 帶有淡淡蛋香，我覺得甜左少少🤏🏻 今次食過～下次就唔排喇！留返啲機會俾人😋😋

琴日去咗大澳玩🤭，今次最主要嘅目的就係去試吓好出名嘅炭燒雞蛋仔🤤。聽講店主冇特定開店時間，所以都好怕冇開門，好彩有開到。去到嘅時候，已經有十幾個人排緊隊😳，也米同🐻仔即刻跟住排，最後排咗差唔多個半鐘先買到😮‍💨。-🍴炭燒雞蛋仔🔥($27) - 以一般雞蛋仔嚟講，價錢唔算平，但以炭燒嚟講，要全日對住炭爐，就一啲都唔貴😚！每底炭燒雞蛋仔都係即整，外皮好香脆，入面都有少少蛋糕質感，不過食落同普通雞蛋仔冇咩分別🤨，只係脆口啲，感覺有啲失望😞。可能排隊排得耐，期望愈大，失望愈大。

個舖得一個爐，見到長籠都比有啲人照買5底。等左－個鐘先排到，食落去－啲都唔熱辣辣，可能用炭燒吧；反而硬左。呢度只係得gimmick ，對比其他地方好食好多，所以冇下次！

我孤陋寡聞，淨係識每次入大澳食沙翁，都無留意有排晒長龍嘅雞蛋仔。好彩朋友早左少少去排，都排左半個鐘。炭燒味有，都脆口，頭幾粒都有追住食，不過食到中間好快就無再特別想食了。一如網上食評指是缺少了蛋味，有點可惜，或者改良一下蛋漿會更好。不過依然覺得自己是幸運的，排隊時間是可接受範圍內，而且不至於網上照片有其他人的雞蛋仔是燶了的🫣