大澳冰室小廚

營業中

休息中

復活節大雨下，找個地方避雨及醫肚，下午茶食品質素不錯，平日去別的餐廳紅豆冰和檸檬薏米都是特飲價，今次只不過加$3，抵!魚村炒米很香，也有很多蝦乾，幾足料。蠔仔泡飯就是正常水平。唯一是侍應都頗有性格,隔枱的一大班人想帮未到的朋友落單，本想飲品後叫，當即被教導:「等佢到咗諗清楚飲乜先好落單!」還以為自已去咗澳牛添。看到很多其他意見都是服務有待改進，希望負責人會改善一下。

今日做嘢遲了點食晏，行行吓見到這間大澳冰室，反正唔係好多人就入去試吓個下午茶。餐牌有點新意，唔係食開的干炒牛河等，有新意思的「海皇醬櫻花蝦仁炒飯+凍檸茶」$44+$3，飯未放落檯就已經香氣撲鼻，飯面鋪滿櫻花蝦，而且還有咬口的蝦干粒，炒飯粒粒分明香口，唔錯👍🏻再來是「魚村炒米+紅荳冰」$44+$3，凍檸茶加$3，紅荳冰又是加$3，咁當然冰一冰。紅豆淋又唔係好甜；炒米鋪滿櫻花蝦，配料又是蝦干粒，但說好的魷魚🦑就游出公海不見了，其實都好食，不過兩碟分別不大，只是飯或米粉，米粉炒得很乾身，不是一坨坨那種，我喜歡。兩樣都可以，會再來試其他

今日本身同老公一心去試近西寶城附近既一間茶記 (嘉X餐廳), 因為好多西環之友都話佢好抵食. 但今日去到見到環境超混亂,叫左4,5次都冇人過黎落單, 真係嬲左囉. 所以就即刻離開, 走左去另一間茶記搵食 - "大澳冰室".之前聽好多人話 "大澳冰室" 好貴唔抵食, 所以一直都冇去試過. 但今日試完, 對佢完全改觀了. 我同老公都叫左佢個早餐D (主要係因為見到佢推介既關係), 即係有一碗沙嗲牛肉麵 + 一份炒滑蛋 + 一件奶油酥多士 + 一柸熱飲, 咁就成為36蚊喇, 轉凍飲或特飲當然要另外加錢啦.講番D食物先, 沙嗲牛肉麵 - 我覺得個沙嗲汁調得好好, 唔會太甜, 同埋佢D牛肉好有口感同肉味, 唔會好似其他茶記"那"到肉冇曬味冇曬口感. 而炒滑蛋就中規中距啦, 冇咩特別. 而奶油酥多士我就要讚一讚喇, 因為個多士真係好香牛油味, 同埋好軟身, 正!!總結係早餐一定會再幫襯, 午市同晚市就唔敢講住, 哈哈, 不過老實講, 36蚊一份早餐, 而又好食既話, 我就覺得唔係貴囉. 因為好多餐廳都係LI D 價位, 但唔好食.... 

今日下午要去參加朋友結婚之電車派對，去到西環就入左大澳冰室小廚食個lunch先去參加派對。大約下午一點，今天叫左懷舊沙嗲牛肉湯公仔麵，配松葉蟹肉炒滑蛋加奶油酥多士，味道真係吾錯。另外叫左滑蛋牛肉河粉同肉絲炒麵，都係幾十蚊，味道都👌抵食。

今日收早，三點幾收左工，咁就梗係去嘆番個下午茶啦，上次試過呢間嘅晚餐，都唔錯，今次決定去試下佢嘅下午茶先！ 一坐低，見到個餐牌，就俾佢個即炸雞脾吸引住，仲要講到明製作需時12-15分鐘，即刻加多左兩分信分俾佢，起碼佢唔係炸定喺度等到有人嗌炸脾先再翻炸啦！等左真係大約15分鐘，個炸脾終於到啦，隻炸脾仲要夠曬大隻，有我手掌咁大；一望就知唔係翻炸，表皮金黃色，熱氣騰騰。 由於肚餓關係，我就即時用紙巾捲住個鎚位用手拎起黎大啖咬落去啦！(個人認為，無論炸脾定油脾，都係要用手食先夠風味嘅) 果然外皮薄而不油膩，炸到好香脆，有五香味雞皮底下冇乜肥膏；雞肉肉汁豐腴，生熟度適中，唔會過熟！ 配角薯角就中規中矩啦，夠香脆熱辣！整體黎講，佢嘅炸脾喺呢區算係最好，可以同威利華炸脾比拼下。

次次有朋自遠方來都係「必吃」之店。今次預訂避風塘炒蟹，出菜竟然係好羔嘅羔蟹！同上星期用嘅肉蟹又係另一風味！韓國朋友食唔停口……맛있어 맛있어 (好味意思) 足足半個鐘，唯有比晒佢食，我……食葱！🤣🤭 之後出來個「老闆驚喜」……花鵰酒蛋白蒸蟹！嘩嘩嘩，好快冇晒。呢度食海鮮真係貨真價實，食足三斤蟹都覺抵食，好過咩比啲xx辣蟹店斬到一頸血。味道比專門店更好更用心，冇重味精食到頭赤赤！

今日冬至同媽媽來到食早餐。見到雙拼三文治加1元就可以烘底，心中大喜，天氣微涼食件暖暖的芝士火腿三文治就最好。之後同媽媽叫左一件餐蛋治(正常)同芝腿治(烘底)，落單姐姐落單時已表現迷惘，我同媽媽都重覆咗一次單。之後等咗10分鐘左右，張單先比到我地。我一睇，芝腿治落錯單，就岀去同一個光頭哥哥仔講。點知佢的服務真係世界級！佢同我講「無得改㗎喇，一係食，一係取消唔好食！」。話口未完件三文治已經到咗，點知件野係凍，似係雪櫃拎岀來的溫度！呢間野食物差！服務更差！以後都唔來！

呢間大澳冰室一直都係hku同學仔係campus出面食平tea嘅好選擇，筆者溫書溫到好累，於是同朋友一齊黎呢間聞名已久嘅餐廳食佢嘅茶記下午茶。筆者叫左鹹牛三文治同埋花生占多士，先講下鹹牛治，佢嘅餡料非常之多，唔會出現包皮附近無晒餡要乾食嘅情況。而佢嘅鹹牛同出邊茶餐廳嘅味道雖然大同小異，但係因為佢個三文治係即叫即整，所以鹹牛加蛋加埋唔會好似平時食咁，d油會滲晒出黎，搞到餡料食落好油膩；至於三明治嘅包上嘅時候係熱，做到鬆軟嘅效果，岩晒唔想食熱氣嘢嘅朋友。至於花生占多嘅份量雖然無咁多，但係同樣都係即叫即刻整，個多士係烤完即刻再搽上花生醬，所以d花生醬係呈現融化嘅狀態，而係流質嘅花生醬同脆香嘅多士之餘，筆者食到一粒粒嘅花生碎，都叫左香口。但係注意，食個陣d花生醬好大機會會流到周圍都係，所以筆者推介要用紙巾攞起食，唔好用刀叉。最後講下紅豆冰，紅豆冰就比較失望，只可以話係一班嘅水準，紅豆並無煮到爛，所以紅豆冰無咩紅豆味，反而杯嘢非常之甜，應該係加左好多糖落去調味，搞到紅豆冰無紅豆亦都無椰奶味，算係美中不足嘅地方。

午飯時間，人不多。坐下，桌子未刷好，水也沒給。點了2個餐，5個項目，終於刷桌子。很快上了3個項目，欠一個例湯和一件多士。飯吃了一半，追一下所欠項目；一直沒來，自助取了一杯水。飯快吃完，再追，說已等很久，待應說：「得啦得啦！湯之嘛，畢就有。」（這麼容易，為何要我等這麼久？）然後有了湯。湯也喝了一半，再追多士。另一個黑面的待應，轉頭「砰」一聲送來。然後我明白，原來我是個自討沒趣的「乞客」。食物質素是不錯的，不過，不會再來了。

我选择在尴尬的五点过去，当时人不多。然而，我进去之后傻坐了五分钟，没有服务员过来咨询！然后我走过去付钱的地方跟她说，女服务员却叫我去找男服务员点餐，然后点餐过程中男服务员态度也有点不对。我点的是K1，一份海皇酱樱花虾仁炒饭，由于嗓子不舒服，饮料选的是热的奶茶而没有选我喜欢的冰的饮料。热奶茶3分，不能再多了，炒饭还算可以，虾仁水分有点大，勉强给6分。最后说一下它的点餐牌，需要仔细阅读，想好了再点，免得问服务员自讨没趣，之前也有人说过这个问题。

每一日既開始早餐都是很重要既開始！一如以往！ 今朝都會係到 香港大學站前 call比 大澳冰室。落定order 一到步就可以拎早餐外賣。佢由上手 一間 茶餐廳改為大澳冰室， 食物上亦都有改變，而係變得更好味更用心制作。今日早餐叫左 雪菜肉絲米 再配 滑蛋 「酥」多士， 點解會用 「酥多士」呢，佢唔係一塊普通既麵包，佢係用酥皮的，可見佢地好細心。而「酥」多士 上面仲有塗一層 鍊奶，甜甜的很香！而每朝一定會飲既 凍檸茶走甜，佢茶膽很香。

下午茶時段經過，見裝修唔錯就入去試試。叫咗個炸肶沙律 加凍央走甜，飲品先到，一飲酸酸的，好明顯係咖啡問題，想請服務生加點糖水，等了幾分鐘糖水仍未到，就叫另一位服務生加糖水。但姐姐話我叫了走甜而家要加糖水令佢好難做。我就R哂頭，跟住有個叔叔過嚟問我而家想點？我就講多次想加糖水，佢就look大隻眼話呢度唔係西餐廳無加糖水呢樣嘢，再大聲啲問我兩次明唔明，我只係單純咁唸凍檸茶都係加糖水，所以先提出呢個要求姐。你話無 咪無囉。好啦，等咗15分鐘炸肶沙律出場。。。。乾小肶加奇妙的咸沙律。。無言啦食物 ，服務質素至如此地步。唉！希望老闆自求多福

呢間餐廳開在家附近 一直未抽到時間去 見今日唔多人等候就去試試看早餐😌最近天氣都比較熱 平均30度以上了 不過入左餐廳後發現冷氣唔太夠要開風扇增加空氣流通 所以個早餐是邊流汗邊食的🙃1030左右 唔算太忙的早餐時間 不過唔知係唔係人手唔夠 想點餐搵人落單 叫左幾次先有人理下我😑今次試沙嗲牛肉麵 炒滑蛋 同奶油酥多士 飲茶餐廳獨有而且甜甜的茶走沙嗲牛肉麵用的麵身比較細 軟硬度適中 不過個人偏好粗身麵 所以唔太驚喜 個沙嗲汁都算俾得夠😶炒滑蛋來講就 炒得偏乾沒有太多蛋汁同炒得太散了 😐奶油酥多士是個早餐最大的驚喜了 個多士是剛剛烤過 熱熱咁食 而且個多士是軟身 塗上牛油同淋上煉奶 好高的享受💕茶走就飲落沒有太多茶味 比較似一杯甜甜的奶😔

剛剛喺附近做完野，諗住去茶餐廳食個tea,就求其揀左間附近既。一入到去，啲侍應好似當你透明咁，問都唔問你幾位嗰啲，都算啦，自己埋位。揀定個餐，之後叫左個光頭既侍應落單。一心諗住叫熱飲既我，因為唔想最後杯野凍晒，諗住食到尾段先補叫，個侍應竟然好串咁同我講「冇得轉頭叫，要依家落埋單」。下，唔係掛？我連幾時叫杯野飲既權利都冇？一陣先叫野飲又有咩問題？？心裡一堆問號既我無奈叫埋杯熱飲，到我食完時杯野都凍晒了，幾好飲都係假PS:第一次真係嬲到要寫食評話俾人知服務有幾差

食晚飯時諗起呢間新開的小廚，於是黎試試。係門口見到餐牌價錢都不便宜，本來想打退鼓堂，點知相公話唔介意，就係咁入左黎食。要了兩個餐。分別係三弄脆皮鹹豬手同西蘭花爆炒帶子龍，前者贈送老火湯同白飯。後者額外加送飲品一杯，各128元正。另外要了一份金磚脆豆腐。整體來說，味道不錯，只是價錢略貴。然則鹹豬手實在太令人驚喜，外表脆得很，熱辣辣，沾些芥末來吃很可口。經常心思思想吃德國豬手的我都覺得味道可媲美德國餐廳豬手而價錢卻便宜得很，實在太好，怪不得是餐廳推介菜之一。至於個脆豆腐都十分美味，小小一碟28元只有5塊太少了，還想再吃啊！想食美味豬手的食客誠意推薦你試試這間餐廳。題外話: 1.唔知點解，西蘭花同豆腐相片我要反轉先可以upload落食評。2. 大澳同學會有95折，請留意帳單3. 此餐廳有網頁，網址為http://www.taiocafekitchen.com