大澳冰室小廚

營業中

休息中

好耐冇出過街食早餐, 今日大食妹同朋友出去睇戲, 睇之前就去食返個豐盛嘅早餐雖然睇咗好多間餐廳, 但大食妹依然最想食沙嗲牛麵, 所以就揀咗呢間大澳啦<懷舊沙嗲牛肉湯麵>雖然話大澳嘅沙嗲牛麵唔算好特別, 但沙嗲汁俾得都算多, 而且麵質彈牙, 都算係一碗合格嘅沙嗲牛肉湯麵先前見到有post話大澳嘅沙嗲牛肉係凍嘅, 搞到大食妹有少少熬底, 以為大澳真係退步咗咁多今次食落又覺得冇咁差, 沙嗲牛算係室溫, 但湯底夠熱, 撈埋食就啱啱好牛肉量都幾多, 幾有誠意<炒滑蛋>跟餐仲有配炒蛋, 炒蛋未算好滑, 但大食妹鍾意最後加入沙嗲湯底咁食, 所以冇咩所謂<日式蒜蓉多士>但多士方面, 大食妹就有少少失望上一次黎大澳食早餐, 仲係奶酥多, 今次嚟就轉左日式蒜蓉多士雖然味道唔差, 但都係奶酥多更啱大食妹口味

今日路經西環, 搵下附近有乜好食,點知一出地鐵站就見到呢間冰室,所以就入去試下喇!!叫左兩個炒野食, 真係好有驚喜!!味道真係唔錯, 尤其係個炒飯,好似叫海皇醬櫻花蝦炒飯,果尋鹹鹹香香既味道好正,而且好有鑊氣!!另外叫左個椒鹽豬扒炒一丁!!味道又係好濃, 好有鑊氣!!而且唔會炒到油淋淋一舊舊,整體黎講幾好味, 下次有機會試埋個晚巿!!

沙嗲牛肉公仔麵整體都正正常常嘅，但牛肉有啲太韌😳炒蛋睇相應該都睇得出佢太乾😕😕😕有啲失望真係太老喇多士佢而家轉左蒜蓉多士，唔知係咪因為我擺到最後先食，食嘅時候腍哂😕茶走滑但太甜，茶味唔出

首先，小弟甚少出食評，始終人人口味唔同。但有D情況唔寫出來良心是過意不去的，以下就是一例。長說短說，點左茶餐，有面、炒蛋、同多士個種。沙爹牛面，睇落唔差，但一食落口....凍的，個沙爹牛肉應是從雪櫃拿出來再放在煮好的面上面，但個沙爹牛D醬的溫度太低，搞勻左都是凍的。最後只吃了兩啖就算了，以免食物中毒。炒蛋配黑松露有點畫蛇添足，唔夾。正正經經炒好個蛋好過了。蒜蓉多士尚算正常。紅豆冰：唔夠凍，上檯幾分鐘D冰都溶哂，味道怪怪的，飲兩啖放棄了。最後只能埋單走人，並作紀錄，希望唔會再有人中伏，味道差唔緊要，食壞人就唔好啦。

西環 身為一個香港人 第一次去既地方😂因為朋友約左攝影師去影相 叫埋我地去一行6人 3對情侶 加一位攝影師又拍片 又影相 攪左成2個鐘 影到下午 大家都餓 大家都估過海食飯一定唔平所以想食茶記 貴極有個普點知攝影師哥哥有心水推薦大澳冰室 係香港大學站MTR B2對面出口一班餓鬼 一坐得就叫到野食K4 瑞士汁炒牛河 k5 艇妹炒銀針粉 k3焗芝士豬排飯 k6 魚湯蠔仔肉碎泡飯-K系列 係下午茶 但野食都好大份- 性價比極高！👍🏻 4010 馬來炒貴刁 4011 時菜牛肉炒麵 飲凍意仁水凍奶茶凍奶茶 多奶凍檸茶 少甜凍檸茶 少冰凍 檸菜蜜仲有 學生優惠 出示1張學生證 有{大澳同學會95折}total : $289真心低食又好味！

經常幫襯嘅一間西環嘅茶餐廳位置喺香港大學站地鐵站出口B2一出黎就會見到。平時食佢哋早餐嘅奶油酥多士超級推介！因為一般茶餐廳都只會用普通三文治包佢哋嘅香酥多士加上奶油，真係好美味！而且近排礙於疫情佢哋早上11點後所有外賣一律八折所以係超抵食。除咗早餐意外下午茶亦都係我推薦大家可以試試除咗一般嘅下午茶餐之外，佢哋亦都會有下午茶炒粉麵餐提供為選擇，我有時候就會點個下午茶粉面餐當正餐食而且下午茶餐最推薦係焗豬扒飯。抵食之選，當然茶餐廳服務唔好要求太高。但係CP值不錯既選擇

鬆化即炸豬扒，美味茄汁燴意，港式本土風格。8/10在附近工作完畢，隨便找一間餐廳果腹。看見這餐廳的雜扒，豬扒和魚柳都是很大堆頭的，令人食指大動，於是便決定試一下。餐牌選擇很多，菜式看得出是有誠意的。最後點了大切吉列黑毛豬配茄汁燴意粉，牛油火腿奄列，熱檸檬薏米水，中湯:62即炸的豬扒肉厚鮮美，份量龐大。熱辣辣，香脆的炸漿，應該經過去油的功夫，吃下去不會有很大的油膩感。連他他醬吃，很讚。燴意粉的茄汁醬實在做得很美味，酸甜得宜。意粉質地偏軟，對我來說剛剛好，份量亦很充足: 讚。火腿奄列亦毫不遜色。牛油香味與有肉味的優質火腿很配，蛋皮亦厚薄得宜，口感嫩滑。連中湯和熱檸檬薏米水$62元，是吃得滿足的一餐。

平時我就比較少係港島食早餐因為今日要去拍攝所以就近近地去左好近港鐵站嘅B2出口⛩️過條馬路就係喇🚦睇到個餐牌見到寫住酥多士🍞覺得好特別所以想叫嚟試下 ------------------------------🎈奶油酥多士酥多士第一次食好鬆軟好脆🥰麵包上搽咗少少奶油絕對係生色不少✨酥多士係烘底所以嗰陣脆嘅口感更爽脆,超好食👍 ------------------------------🎈滑蛋加咗牛奶同少少油奶🍼又滑又香奶味唔會蓋過蛋香味🥚一食入口融化到滑入口 ------------------------------🎈五香肉丁通粉與其他店舖無異👌價錢只不過係$36 ------------------------------

朝早落街食早餐, 又去食大食妹至愛嘅沙嗲牛肉麪。<懷舊沙嗲牛肉麵餐$35>大澳嘅麪底唔會太淋, 都唔會太硬, 幾彈牙~沙嗲汁都幾多牛肉雖然唔多, 但呢個價錢連炒蛋、多士同咖啡, 係今時今日嘅香港都已經算係好唔錯不過不失, 會encore

今日喺呢頭附近做完嘢，又就嚟lunch Time，就是但搵間嘢食啦。呢間茶餐廳裝修都算大，但係最入嗰啲位電話訊號收唔到，不過餐廳又有提供返Wi-Fi，所以都覺得OK。同其他茶餐廳一樣，呢度有午餐，亦都有常餐嗰啲選擇。-🥢沙嗲牛肉麵，松葉蟹肉炒蛋配多士所謂嘅松葉蟹肉其實都係蟹柳，而且有少少蛋還蛋，蟹柳還蟹柳，唔係幾夾😐不過個蛋就炒得幾滑嘅👍🏻多士就烤得好脆下，但係上面加咗啲煉奶，對我來講覺得有少少甜。沙嗲牛肉麵啲牛肉都好大塊，而且沙嗲味都濃郁。

朋友約我在石糖咀食早餐，揀選了大澳冰室，門面招牌大大個字好有派頭，玻璃貼滿了餐牌看不到𥚃面。推門入內裝修如一般茶餐廳，地方算大乾淨較為光猛好多卡位，當天並沒有坐滿人。朋友點了雪菜肉絲而我一向如是去茶餐廳一定點沙嗲牛肉。朋友反應說雪菜肉絲太清淡了一點。而我的懷舊沙嗲牛肉通粉算不錯。都係幾十蚊，味道都👌抵食。當熱菜蜜放上台，我們都驚呀杯面沒有冼乾淨太過污糟，所以我們要求工作人員換一杯，他們直行離開當聽不懂了事。我們只好放棄唔飲杯子不乾淨冇乜味道沙嗲牛肉通通粉煮得剛剛好不硬不軟，沙嗲牛肉好淋好入味奶油酥多士～十分酥脆好食，也不甜不膩值得推介

order: K. 扒餐(即叫即煎需時10-15分鐘 ←吸引到我) 配 炒滑蛋+奶油酥多士(煉奶搽包面)-多士食落微暖軟熟搽埋煉奶，配搭得好好-炒滑蛋稍為熟咗少少，都可以接受-照燒雞扒好大大大大塊，食落熱辣辣，入味，食唔到有個種雪藏肉嘅味道,又唔會太油

今次嘅經驗係貪快方便同快馬嘅選擇。咁啱呢一日同成班，同學朋友仔去，做project。come on la, 我哋嘅方法時間比較短，再加上，死線就到啲關係，好快有人嚟查功課所以我哋需要用一個高速嘅時間去飲同埋去食，填飽我哋五臟六腑的能量自己之後先至可以繼續運作繼續打拼。用餐經驗方面，我覺得最得意係個叫做大號冰室我以為係會好有大澳嘅天然風情味上菜速度見仁見智。衛生當然還可以。食物質素方面見仁見智。服務方面見仁見智。今次比較喜歡，嘅係我自己食嘅，奶油多。

我每次都有用戶戶送的經驗，而每一間餐廳外賣到我家的時候，都非常整潔，但只有大澳這間餐廳包野包得極差，當食物來到我家，杯飲品及湯都會翻倒在袋內。而我亦有一次要親身致電給大澳要求他們包得好少少。有提過的，就會較為好少少，但沒有提過的，就全部都翻倒在袋內。而我今晚就提一提點他們，有一位女士接聽，她說根本唔關佢地事，一定是外賣員自己攞過來時翻倒，這位女士不停地把這件事情在態度惡劣下來把責任推在外賣員身上。試問若果只有一,二次我都算，但我叫十次就有九次都翻倒。實在太過份了。有錯又唔認。她們的語氣極為惡劣及可悲。令到我比錢而又受氣。

服务员伟哥态度极差，不解释原因就与客人肢体接触，先跟餐厅交涉没有结果，所以已向香港消费者保护协会投诉。香港餐饮服务业服务素质真的是太需要改善，否则就是花钱买气受