大戶屋

營業中

休息中

A splendid weekend lunch at ootoya The set was served with miso soup, chawanmushi, and pickled veggies. It was quite a generous proportion for a $100 meal, especially when the price in the neighbourhood is relatively high.The deep-fried chicken tasted surprisingly soft and tender in the hotpot. I was particularly impressed with the radish that blended perfectly with the sauceThe service was overall pleasant, the staff were helpful in refilling tea as well as giving prompt response. One point to

每次經過都有好多人排隊等位，難得今次唔駛等位，點都要入去食返個銀鱈魚西京燒定食食物方面 :銀鱈魚西京燒定食 : 銀鱈魚肉質嫩滑細緻，充滿油香，再加上大戶屋的特製西京漬，令人回味萬分

大户屋并非第一次食今次不吐不快呀…BOOK左場睇戲當然食飽入場，眼見大户屋不需排隊就決定係佢了因為住附近，大户屋都唔陌生一個月總有一兩次，因為佢嘅腩肉定食巨峰梳打上枱時已經係咁，并沒有喝過一口大熱天時化25元在飲品上上枱竟然只有4份之3杯。失望。兒童餐叫了橙汁。又上錯了蘋果汁滑蛋豬扒飯除了分量少，沒毛病豬扒亦夠厚，可惜淡而無味。兒童餐都係一個小形的煎蛋飯并非蛋包飯。雞蛋煎得太乾我家小孩本是蛋癡也只吃一半了

成日都見排哂隊所以非常好奇 係吉之島(Aeon)入面依間大戶屋的質素. 幾年前係銅鑼灣食過大戶屋印象不錯,可惜依間的確令我們有點失望門口放著鯛魚燒定食的廣告都幾吸引再叫多個五花腩+牛排 set 沒有加錢轉其他飯底.鯛魚很小不過我地都可以理解始終鯛魚並不便宜,但魚不是很熱味道有點鯹而且沒有燒魚的香味.其他配菜都好一般,五花腩+牛排有點咸如果唔同白飯一齊食就真係太咸了相反味噌湯淡淡的,最奇怪係個蒸蛋完全沒有蛋香而且質地好稀但不是滑的那種.整體: 附近的確沒有太多日本家常菜的選擇所以日日有人龍是可以理解, 性價比真的好一般.

真食評真自費真介紹收工開飯,落到太古AEON買日用品,買之前行左去大戶屋食飯一人一SET定食夠曬飽大戶屋用既燒爐係有紅外線加持,燒出黎食物係特別甘香,封住肉汁,賣相唔會特別易焦定食附小菜,日本米飯,麵豉油一碗,免費茶水供應,唔洗另外叫特飲店員通知繁忙時間落單會等耐少少,有預早講聲,當然無問題,可接受約15分鐘起菜,最簡單既日式炸雞塊定食,上面有一隻日本煎蛋,伴碟係大量菜絲附醬汁一碟,食菜或食炸雞用,日式炸雞炸到外皮特脆,咬開雞肉無骨特別嫩滑,日式炸雞好食!米飯香甜,典型日本米飯特別甘香,麵豉油有豆腐碎粒同蔥碎,飲落口感豐富另一客係鹽烤鯖魚,原條起骨,附小菜飯湯,另附一碟食魚既鹽本身魚肉已經夠味,唔洗再加汁加醬,魚皮脆脆地,魚油豐富食落味鮮大戶屋提供既定食,好多都係日式家庭都常食既配搭真正有日式既風味平均消費$120評分7/10太古康山道2號AEON超級巿場地下G07號舖

如果想食平價日本菜，我覺得康怡大戶屋都係一個唔錯嘅選擇，因為始終係一間日本當地嘅連鎖店。當中最重要係能夠接近日本當地嘅口味，而且價錢都算平民價。因為定食份量都好大，所以我哋兩個人每人只係各叫咗一個定食已經好飽。豬扒玉子鍋定食$121: 如果怕熱氣又想食香口嘢嘅朋友，呢個定食我絕對推介。炸豬扒浸在湯汁裏面，既入味，又可以享受少少炸豬扒嘅香脆。定食仲有一碗日本米，前菜，麵豉湯同茶碗蒸，簡直係滿分。蘿蔔蓉煮雞扒鍋定食 $99: 加入蘿蔔蓉嘅湯汁，濃味中帶點清甜，好特別，我老公話好好食。原本仲想叫甜品，但係真係好飽，大戶屋又好食又超值，有機會一定再encore。

等左45mins就係為左入黎食你既五花腩， 點餐後15mins 廚師禮貌地走黎同我地講雙拼要再等15mins 萬眾期待既五花腩結果只係微暖，而且已經唔脆，唔熱既五花腩味道係點？大慨你地都想像到拉，最唔想見到既就係…隔離枱同樣叫雙拼，眼見人地個碟出哂煙，唔洗問都知係熱拉麵豉湯好淡，只有微微既昆布味鰻魚有半條同全條叫，全條鰻魚份量好多，價錢亦唔算貴，不過飯同sauce 都較小會員有free drink 記得點個蔥脆口傢，好fresh

違反商品說明條例囉牛肉又乾又鞋口，賣相仲差過吉你家嘅牛肉飯，啲色水仲慘白過一位病重嘅病人…同壽喜燒完全拉唔上任何關係，問職員「呢個係壽喜燒？」職員答我「牛肉飯配烏冬嘛」我再問「我嗌壽喜燒喎⋯呢個邊忽似壽喜燒呢？」職員再答我「係呢個呀」幾塊冰鮮牛、加幾條洋蔥、再俾啲粉絲墊一墊底，撒啲蔥粒喺面，完全冇甜醬油嘅調味同味道…有粉粉唔知咩汁喺飯碗深處浸到底嗰啲飯軟patpat，成功刷新我對壽喜燒嘅認知….食咗啲牛肉食咗啲烏冬我就收手喇…原本諗住嚟食一餐好啲嘅，點知食咗都唔知自己食咗啲咩…..職員都係你嗌先郁，加熱茶要嗌，收餐盤要嗌，如果唔係就幾個圍埋企喺度傾偈平日嘅午市另收加一，呢個價錢絕對唔值…

間唔中行去aeon買野都會見到大戶屋門前好多人排隊，今次就揀左開門冇耐去食，雖然不用排隊就可入座，但餐廳都坐左近7成客人，遲我地10分鐘既客人已經要等位，都幾誇張照燒雞扒定食一致覺得係三款食物中最好食😋雞扒好滑同埋照燒汁味道好好，唔會過咸，配飯一流，仲有薯泥沙律，又係好好味🤣口感唔算好滑，食到少許薯仔蓉，唔會好膩牛扒便當牛燒得唔錯，中間呈粉紅，唔會過熟，不過邊位有少少筋，肉味唔算好濃郁，飯量都幾多，男士都會夠食🤣五花肉定食有兩款五花肉，我覺得味道偏咸，比較重口味，有幾件都比較燶，食落少少苦味，茶碗蒸不錯，夠熱同夠滑溜，入面仲有雞肉，好食服務一般，可能多客人，感覺都有點催促客人快點還檯，語氣上都一般

去到太古已經係九點，但仲未食晚飯，所以快快趣搵餐廳食，落到去吉之島見到呢間餐廳見到佢嘅定食都幾好，所以就入左去食。但係由於佢哋九點九已經收工，所以入到去已經係即刻last order所以想食嘅朋友就要早少少去食。今次嗌咗個單點嘅牛舌，同埋一個吉列牛滑蛋飯。本身呢間餐廳都食過幾次，不過我發現得知道呢間分店係冇三文魚刺身嘅飯。去到所有嘢都係熱辣辣，牛舌下面會有一塊鐵板，等佢可以保持溫度而且點佢特別嘅醬汁會變得更加開胃。吉列牛飯相對上比較遜色，我認為炸皮比較厚，如果薄身啲會更好。

大戶屋在日本很有名，還記得第一次光顧是在銅鑼灣分店，當時的價格屬於中上路線，並沒有現在的便宜，難怪門外排隊的人越來越多。點了一份燒醬油麴熟成五花腩拼牛扒 (HKD100)，加了$23升級為定食套餐，牛扒和五花腩都好好吃，五花腩一口咬下還帶脆度，滿滿豬肉汁隨口而下，牛扒也很棒，嚼起來很香，十分下飯，整個大滿足！😋✨另外點了特製吉列牛肉玉子鍋定食 (HKD120)，賣相吸引，但味道令人失望，吉列外層又厚又不脆，包覆著一層又一層的牛肉，牛肉口感很老，肉汁不多又不入味，邊吃邊有種失落感。😩

成日去太古城行街，呢間餐廳都係咁多人排隊，今日見到唔算太多就排吓啦，但都差唔多20分鐘，好彩今次安排坐入邊卡位，外面啲人睇唔到又坐得舒服抹茶啫喱黑糖豆乳：豆乳好似係維他奶咁嘅味，加埋黑糖&抹茶甜甜地，都幾好飲牛肉壽起燒定食：壽起燒個汁甜甜哋好開胃，落埋隻蛋滑滑的好好食，蒸蛋嫩嫩留番最後食，唔錯燒醬油麴牛扒配冷蕎麥麵：牛扒燒得香香的，不過好似配飯啱味啲😅總括來說不過不失，侍應服務態度很好，但如果要排成個鐘頭排就唔會食囉😅

平時放工如果想偷懶唔煮飯，我地多數會去大戶屋， 貪呢度食飯可以泊車。😂我今次叫左👇🥢燒醬油醪雞扒定食- 雞扒嫩滑多汁，啖啖肉- 燉蛋好滑溜- 小菜酸酸甜甜，很開胃- 麵豉湯夠熱- 配上軟綿白飯，好味身為食肉獸既胖侶就多數叫呢個👇🥢燒醬油麴熟成五花腩拼牛扒定食- 五花腩燒得非常香脆可口 ,，腩肉唔會太肥膩- 牛扒熟度剛剛好，肉嫩有牛味🏠 大戶屋🛤️ 太古康山道2號aeon超級市場地下G07號舖📍 港鐵太古站C出口

太古必吃之選餐廳係公司附近，想食好東西個日一定會黎呢到食性價比好高所以就一位難求了，每次都一定要排隊，有時要碰碰運氣。平時食開花魚套餐，今日想試試新野，叫左味噌醬煮烏冬（$90），用一個砂煱上，上餐個時熱辣辣。有溫泉蛋（蛋汁撈烏冬，正！），茶樹菇，幾塊豬肉片，烏冬彈牙，似係讚崎烏冬，好食。如果叫定食，以前餐廳可以任添飯，而家改左，每個set 只可以添加一碗飯，不過都夠哂啦。佢地用左珍珠米既飯，所以真係可以爬到2碗飯🤓 有其他款式既飯供應，加錢可以享用，好似海藻飯，淮山蓉飯，鮮雞蛋伴飯等等。最喜愛飯堂之一😊

《櫻花蝦芝麻醬烏冬 配迷你五花腩飯》$120個五花籃飯同烏冬嘅質素有啲極端，烏冬好一般，而五花腩飯就好好味😋 講咗好食嘅五花腩飯先，半肥瘦嘅五花腩真係令人好滿足，配上醬汁令成個飯升華咗👍🏻💕 至於個冷烏冬就麻麻地，特別係個芝麻醬，有少少怪，成件事唔係好配，加上啲草有啲苦，唔係特別好食。至於個燉蛋，都非常之好味，好嫩滑❤️食物質素：8.5/10 （五花腩飯&燉蛋）5/10 （烏冬）環境質素：8/10抵食指數：7.5/10回頭率：7/10