大戶屋

營業中

休息中

我平時比較少到太古城食野，今日約了住在附近的朋友食午餐。今次朋友選擇了大戶屋，唔使我選擇太好了！朋友幫忙先拿取票等待，等了約半小時，終於到我們了。職員安排了坐位給我們後，這餐廳唔使掃QR CODE，有餐牌遞上給我們。這裡職員可以較少的關係，服務態度真係麻麻。1️⃣燒生姜醬油牛脷定食。$119🔸迷你滑蛋燒雞飯。$21🔎牛脷普通，但雞飯又幾好味喎！2️⃣燒醬油醪雞扒（單品）。$84🔎什少可以用咁既價錢，食到算唔錯的雞扒。3️⃣豆乳伴雲呢拿雪糕配抹茶啫喱。$42🔎抹茶啫喱不錯。4️⃣雙色雪糕伴紅豆。$26🔎沒有什麼特別的甜品，可以不試。 ️

幫襯大户口成年，燒肉香噴沙律新鮮美味，枱面座位闊落好坐，所以一星期必定吃一次.只是近來衛生做得粗咗，被帶位坐廚房門口，平時okay 的，但是次廚房漂來一陣噏味😤蒸蛋匙羹有漬、蒸蛋碗又洗唔乾淨有飯粒黐住，當堂冇晒胃口

抵食好味嘅日式定食連鎖料理店是日到訪了位於太古康怡嘅大戶屋主打日式料理定食平日經過都會見到排隊人龍午餐～～吉烈豬扒定食 $110豬扒大大塊，炸到香脆可口，肉嫩唔干身牛肉壽喜鍋定食 $136牛肉、壽喜鍋配料算多，有金針菇、冬菇、菜、豆腐、蔥頭等，配上雞蛋，攪拌後令牛肉更滑更嫩，仲有少少蛋花添所有定食都附送沙律菜，麵豉湯，蒸蛋，白飯1碗，份量滿滿

5:30開始等位，排一個鐘入座，等餐20分鐘滿心期待點知個sukiyaki完全唔熱，望落去仲好似一堆食剩既送頭送尾擺落個煲底度入面有一堆煮到爛曬既葱、一磚同擦膠咁上下大既豆腐、一舊冬菇，一隻生蛋，個煲少野食都算，最離譜係個6塊又乾又柴既肥牛，以一間日式料理店黎講，Sukiyaki 已經係最普通既食物，sukiyaki 既精粹就係個汁，完全唔係個隻味，直頭係無味。真係好難以想像。要個客等一個餐等20分鐘，時間同質素完全唔成正比，垃圾到一個點，真係好不知所謂

老公提議到大戶屋吃午餐，抱著一試的心態試試，果然沒有失望，一連兩個星期日的午餐也在大戶屋吃，因為地點在Aeon，極方便之後的groceries shopping。大戶屋早上11時便開業，遲過中午12時便得排隊入坐，生意十大火，相信同食物的品質有一定的關係。我們叫了兩個set lunch，老公的炸豬排蛋飯和我的牛脷飯加冷烏冬。雖然set lunch 只是百多元一份，但水準頗高，怪不得早上11時多已座無虛席。大戶屋採用的白米飯也是高質的，讚👍🏻我的冷烏冬更是做得十分出色，不會將貨就價。真心高興發現了一間性價比高的食肆！

環境闊落，乾淨，夠冷氣，位置在aeon超市內，已光顧無數次，大户屋的味道每次都能夠保持，無論豬牛雞樣樣都十分美味，煎後有肉香味之餘，油脂分佈亦平均，燒五花腩是本人首選推介，可選擇定食，米飯亦都好有咬口，亦可加$2X轉滑蛋吉列豬，日式牛肉，三文魚等其他飯類，份量可接受，定食本身亦附有茶碗蒸，麵豉湯，沙律，蕃茄菜等等。雖然定食價錢過百元略貴，但辛苦工作後不妨食一餐較好的來補償自己。

平時Lunch諗唔到食咩我都會黎到大戶屋🤣 雖然款式唔算多 但家庭料理一直都係我既Comfort Food 🥳 煮法簡單但有種溫暖感🔥 但係試過咁多間 相比之下 都係覺得銅鑼灣店無論服務環境定係食物質素 都係稍勝一籌😋⭐️ 鹽燒蓮子鯛定食 🐟呢款魚平時較少出現係Menu裡面 肉質比較有口感🤍 燒出了鹹香🌊 但火候更重便更好⭐️ 迷你滑蛋吉烈豬扒飯配烏冬 🍘滑蛋豬扒飯調味適中唔會太鹹🐷 肥瘦度適中 反而烏冬口感夠煙韌 係今日最有亮點的一部分🍜

首次與這店遇上，是N年前再訪日本時，在原宿竹下通的某個轉角。幾百円一客的家庭料理，實實在在地填飽我們兩個旅人的肚子，雖已忘記點了些甚麼，也是一次窩心的「首次見面」。後來她登陸香港，在這成本高昂的經營環境中，難得還一直堅持價格合理的平實路線。在這日本百貨「老店」之一的賣場裡，她的門前天天都有著等位的人潮，可見深受消費者的認同。從一光顧開始，最得我心的是魚料理，特別是燒魚。我想那與基層勞工喜歡蒸魚午餐有點類似：自己做不出的菜，而且多少勾起美好的童年回憶吧！除了常點的魚鮫，這次還有鹽燒真鯛供應，把握這個偶遇，就試試看！還有近期愛上的燒五花腩，增量版定食的份量可謂超值；還有增加纖維吸收的野菜，和同伴喜愛的淮山蓉豆腐。因為飲食app提供的會員優惠，定食的白飯可以免費升級為迷你牛丼，所以今餐特別豐富！最近食得焼き肉多 (「報告」製作中！)，沾肉的醬汁可謂各門各派。這裡的永遠非常簡單：七味粉！燒香的五花肉，添點辣味，送酒和下飯也很適合。肉增量了，店員也有求必應，為七味粉增量。姍姍來遲的，就是偶然遇上的鹽燒真鯛。(真？難道有假的嗎？原來真的有，樣子像、名字中有「鯛」卻不是鯛的，有二百種！) 當其他菜式

對上果次幫襯大戶屋都差不多兩年，今次突然想食，所以去咗排隊！因為平日夜晚，所以20分鐘就入到去食。叫咗五花腩加牛扒定食。其實日式薯仔沙律真係好好食😋我估唔到個五花腩咁好食，肥瘦均勻，好爽口。但我略嫌味噌味太咸了，蓋過咗五花腩嘅肉味，五花腩雙拼另配有普通鹽味，嗰個食得出肉味。不過全五花腩定食唔係我食同唔記得影相，至於牛扒就麻麻哋，佢未去到好un 但係都唔係話好淋，牛味都有嘅。茶碗蒸都做得唔差嘅，幾重日式高湯味，但蛋味差啲，同永遠壽司郎嘅茶碗蒸係最好，CP值太高啦！整個定食份量都幾多，價錢方面還可以接受因為五花 腩係好食嘅!

今晚一家大細，4個人，未到5:30已經要等位。等咗4個字先入得。問侍應黑面答而係因為佢有一半枱冇開放。入座後，張枱痴痴立立，叫侍應清潔下張枱，竟然皺眉頭！叫佢哋班大帝攞清水，好似求佢哋咁。埋單一句多謝都冇，侍應繼續懶懶一句，你俾乜嘢？三個侍應其實唔係忙，人客稀少，食物質素好好，公司培訓不足，好趕客！

之前不時都有去大戶屋食晚飯，好鍾意佢地d餐好多選擇又吸引🍱🥘🍛🍲🥗🧆好多時都會叫鮮雞蛋伴飯🥚🤩日本飯+日本鮮雞蛋&醬汁真係好食到暈，搵返去日本嘅感覺☺️💓而家夜晚無得堂食，所以就試咗佢地嘅外賣餐😊不過今次無叫鮮雞蛋伴飯了，我地叫咗：🐷滑蛋吉列豬扒飯 Deep-Fried Breaded Pork Loin Cutlet with Egg Rice ($103)豬扒夠厚有口感，肥瘦適中，而且炸得岩岩好，仲有洋蔥同菇，非常豐富😋今次d蛋有少少熟，可能外賣關係焗住d蛋，滑返d就完美🥰🐟黑醋鱈魚野菜定食 Fried Alaska Pollock and Vegetables with Black Vinegar Sauce ($111)炸鱈魚嘅肉質唔會太稔，炸粉夠薄身，同d黑醋汁味道好夾😍除咗鱈魚，仲有其他配料例如蓮藕，紅蘿蔔🥕矮瓜🍆薯仔粒🥔青椒🫑洋蔥🧅，賣相吸引之餘仲感覺健康❤️🐥黑醋雞肉野菜定食Fried Chicken and Vegetables with Black Vinegar Sauce ($103)d炸雞全部都好大塊，炸得岩岩好，肉質嫩滑又juicy，連埋d酸味味嘅黑醋汁一齊食好

很久前已經想試大戶屋因為好似好多人講到好好食，一到lunch time就大排長龍，好難拎位。你真係要12點前到先可以唔洗等位，下一輪就要等到成1點後先可以唔洗排。終於比我地排到!!! 好興奮，was really looking forward to the food but turned out the food was quite disappointing…份量細同少，食物quality好通普….唔太明點解咁多人專登去排隊🤔唔會再走去排🥲

平時行過都見到好多人排隊，而家可能疫情關係，今日經過竟然唔駛等位，立即入去試下。大户屋有幾間分店，分別係銅鑼灣，中環，荃灣，荔枝角同太古店，主打正宗日式料理。叫菜形式好簡單，大部分熱食可以單點或者揀定食(定食包括熱食，麵豉湯，日式蒸蛋，漬物或迷你沙律)，另外有小食或甜點選擇。花多眼亂，最後揀咗兩個，其中一個係太古店限定午餐，另一個係期間限定味噌廣島蠔鍋。味噌廣島蠔鍋👉有5-6粒蠔肉，鮮味足，蠔鍋有唔少蔬菜，好夠飽👍經典大户屋招牌午餐👉有雞扒，牛肉薯餅，煎蛋伴沙律菜，好香口👍❤❤❤❤❤

今日原本開開心心同小朋友一齊去食lunch, 一去到明明有個卡位，但果位Waiter唔比我地坐，之後幫我地添茶和水既時候，倒到周地和枱都濕晒，跟著我地仍在考慮食乜時候，突然企係我地隔離，比壓力我地😤。繼而我地仍未食完整個餐，佢就續碟續碟收起去…最後，我仔仍未食完，佢竟然將濕紙巾和紙巾收起哂去…😤😤😤實在太過份和離哂譜…我叫佢過黎，佢第一句就問係咪埋單，我同佢講我仔未食完，點解要收起晒所有野…佢比返紙巾和濕紙巾後，就解釋因為只凈返一張（但當他拿走時，仍有幾張紙巾）。當中我地飲完杯茶，又沒有幫我地添茶，我老公自己拿茶壺，佢就拎走去，但之後都沒有再幫我們添茶…下次一定唔會再幫襯，好唔開心既經歷🤦‍♀️🤦‍♀️🤦‍♀️

A splendid weekend lunch at ootoya The set was served with miso soup, chawanmushi, and pickled veggies. It was quite a generous proportion for a $100 meal, especially when the price in the neighbourhood is relatively high.The deep-fried chicken tasted surprisingly soft and tender in the hotpot. I was particularly impressed with the radish that blended perfectly with the sauceThe service was overall pleasant, the staff were helpful in refilling tea as well as giving prompt response. One point to