大戶屋

營業中

休息中

-一直都好鍾意食大戶屋坐得又舒服，啲嘢食又高質今次試咗 「燒醬油麴牛扒定食」成個定食有麵豉湯、沙律、茶碗蒸、白飯仲可以加一份蕎麥麵🍜分量夠晒多，一定飽肚大滿足啦😋

一到Lunch hour 又要搵食啦! 中環好多食店, 今次行去試下大戶屋, 成日經過都想試下, 今日12:30pm walk in去, 要等位等左15mins, 叫左個炸豬扒定食, 好大份炸豬扒, 仲有蒸蛋, 湯, 白飯, 真心好飽, 抵食~

對於中上環返工嘅人來講，大戶屋應該唔會太陌生，最喜歡他的牛肉盒子飯還有壽喜燒套餐。佢唯一嘅缺點係中午真係很多人排隊，如果要食一定要提早大概12點去到，如果唔係基本上都唔使諗：（

今日禮拜無大事。同道天涼好個秋朋友帶我搵嘢食。店在中環中心樓店子安靜夠闊落。雖則裝修非頂流永恆討好黑白灰。枱枱凳凳有要求先翻餐牌睇真啲。價格合理不發愁三十幾蚊一杯嘢。很多定食一百頭燒肉看來很焦香。份量不少票已投有人怕肥計熱量。此君適合漢堡牛果冰豆乳各選各。話題無非上熱搜客人只有兩三枱。服務勤快有理由十多分鐘餐膳到。擺盤看來賣相優肥瘦相間五花腩。薄切片片不太油沙律菜絲很新鮮。茶碗蒸蛋滑溜溜最是愁人味噌汁。此湯與我有深仇白飯還讓免費添。男女老少各範疇漢堡牛肉大大件。風光獨好隔離州豆乳好味啫喱少。微甜稍凍沙沙稠。今餐真正啱心水。這個下午樂悠悠

平時是銅鑼灣店常客，少不免會有比較。我一般都會點吉列熟成豬扒玉子鍋定食。今次第一次試中環店，豬扒超級硬，煮到好老，已經唔可以用「韌」字去形容，希望可以改善。另外，女洗手間好污糟，對門又壞壞地，地下濕滑、空氣唔流通，隨地紙巾…… 希望使用者都有公德心。員工服務態度好，有禮貌。

中午價錢非常合理三文魚吞拿魚壽司飯定食$130前菜有迷你沙律、麵豉湯、日式蒸蛋，前菜沒有什麼驚喜三文魚和吞拿魚是環球食物語類中最受歡迎的，腩位脂香突出，配搭三文魚子，食落更有口感。$130 食刭高質的壽司飯😋😋😋😋😋😋😋下次去開上環一定要再黎食🥰

中環真係揾食艱難，明明12點已經離開office, 去到餐廳都要等到12點9先有得入，最緊要堅持等咁就有得食，因為好多人一開lift門就走咗，有d攞完飛都走。不過上菜勁快，食完都係1點半，仲可以慢慢行返去IFC.味道一如以往la,叫咗最鐘意的五花腩，最緊要唔好怕肥！🤤 不過，我同事就慘慘豬，唔知係咪平日中午太忙，佢無做刺身飯，有人無得食😿即刻轉叫滑蛋豬扒，佢話呢味好難唔好食，一定會正正常常😂 提外話，同事話星期六日嚟呢度食飯係唔使等位ga.

中環上環返工，一到食晏時間，周圍都人頭湧湧，想揾一間坐得舒服，食物質素又好，大戶屋就係我其中一個選擇。通常同朋友、飯腳食大戶屋，彼此間都有個共識，就係其中一個可以十二點前到達攞位先，因為食咗咁多次，只要可以十二點前到，就可以直入有位。環境方面，呢間餐廳坐得舒服，枱與枱之間距離足夠👍🏻服務方面，店員好有禮貌，落單同送餐速度好快，一坐低就會送上熱茶，亦都會主動加茶。食物方面，試過好多款set lunch質素良好👍🏻我就特別鍾意呢個增量鹽燒五花腩套餐！

呢個鹽燒五花腩定食係我哋嘅comfort food, 每當做嘢做到好累時，就會諗起要去「大碗屋」食個邪惡五花腩今日特別肚餓，所以叫左個增量版。定食除咗有肉有飯，仲有個好好味好滑嘅蒸蛋，同埋一碗無入鏡嘅麵豉湯。啲五花腩燒到有少少燶得嚟係好香口，就算減緊肥嘅人，都會覺得為咗佢而破戒係值得嘅另一個餐我哋叫咗燒牛舌，額外加左$28由白飯轉左燒五花腩don 飯睇落去好豐富好吸引，但個牛舌係超「un」，要0趙好耐都未必吞到所以呢，下次再幫襯應該兩個餐都會叫哂五花腩算

老伴工事繁忙，除非是跟大客食飯又或是公司團隊聚餐，一般他都只會叫外賣，又或是只用上十數分鐘的時間，在餐廳將食物傾倒入胃裡去。有同事曾跟小的說平日跟老伴吃飯好大壓力，見他未抵達先落單，甫進場便以迅雷不及掩耳的高速將餐品狼吞虎嚥地啃下，然後便離席站起，拋下一句：「走先。」雖然老伴沒有要求同事像他般為公司肝腦塗地，但這樣的身教怎不構成無形的壓力？有見及此，即使小的到訪中環，等閒也不敢找他一起午飯。及至老喜歡佔便宜的大學同學來中環，老伴居然到「碗屋」開開心心地午飯去。小的義憤填鷹。午飯有否空檔，其實只在乎誰是對手。老伴廣結善緣，與錙銖必較的小人毫不計較，卻對小的來個午飯沒有空？心理不平衡，終於一天閒日在中環，硬架他陪伴共進午餐。千不情萬不願地被逼午飯，唯有選擇地點鄰近的The L. Place。可惜這回咱們捨「碗屋」，卻揀了位於10樓之「大戶屋」。「大戶屋」之日籍老闆其實非常用心，連餐具都一絲不苟。餐廳剛開業的時候小的曾聽莊主推介，表示香港店之碗碟几墊托盤都是經日本直接空運而來，每一件均為價值連城的藝術品。只是小的吳下阿蒙不知就裡，横看豎看都只覺得那是平凡不過的紅柒黑底，在日本城、千色店均有發

大戶屋，連鎖式的日本餐廳，成日經過未食過，今次第一次食，兩個字好普通，普通在於餐廳的環境、菜式種類和味道質素作為連鎖式食店，餐廳裝修大眾化唔出奇的，但菜式種類選擇離不開刺身飯，味噌醬煮，吉列，鍋物和烤肉的款式，味道只是不過不失食物有單點和定食，定食好像比較抵食，因為多少少錢就有日式蒸蛋及湯，湯係足料的，味噌湯但有湯渣，有肉同豆卜，日式蒸蛋有鮮甜味，然而主食就…味噌吉列雞，醬汁係惹味的，雖然炸粉唔厚，但每粒炸雞一係無肉有肥膏，一係就肉係overcooked，肉質是粗糙的，升級的烤五花腩飯反而不錯，豬肉juicy的另一主食牛扒燒烤的手工唔豬，牛扒軟林林的不過成間餐廳最值得讚係上菜熱呼呼的，應該是即order即煮的，有別其他連鎖餐廳

喺中環返工，想喺中環晏晝食好啲，搵間好啲嘅餐廳都唔係咁容易，經朋友介紹下就去咗中環中心附近嘅大戶屋同同事傾吓計坐耐啲，同一棟大廈原來有好多餐廳，今次食咗大戶屋，下次再試吓其他餐廳。入到去裝修都幾舒服，有日本居酒屋嘅感覺，餐牌算多選擇而且可以加錢升級做套餐，難得食好嘢，一定加，因為自己好鍾意食蒸蛋，叫咗個刺身飯，雖然份量好似唔係好多，不過刺身都幾多，所以食落有好夠，12:30打後開始好多人，如果想䈹食中午一定要早少少嚟。

上次幫襯過，食鯖魚定食，非常好食，今次weekend 又黎幫襯多次，果然weekend 中環少人，唔使等位，侍應都比較得閒可以隨傳隨到，服務態度都好好。見到menu有魚生飯，但自己又怕食生野，於是試下呢個炙燒三文魚飯，$90，+$15轉定食，有配菜、茶碗蒸、麵豉湯，成個set望落好豐富，好滿足😍一打開個盒，真係「嘩」一聲，好吸引好邪惡，炙燒三文魚燒得好好，表面係熟，另一面有少少生既感覺，用羹不落去唔會令三文魚散哂，食落去口感好好，配埋沙律醬同埋wasabi一流，好似啖啖都食緊三文魚壽司。飯係珍珠米，粒粒分明，雖然個盒大，但其實成個飯只係三分一個盒，不過加左定食已經好夠食，呢個價錢，呢個質素，抵食👍🏻

中環約friend又費事食咁貴，可以諗下呢間l place嘅大戶屋，坐得舒舒服服早去唔使點等位之餘 ，食物都唔差。今日叫咗個親子鍋物，上枱熱辣辣味，啲雞肉呀，配菜呀，都幾大堆頭㗎，一個人食呢實食得飽。咁大戶屋最特別呢，就係啲飯可以有唔同嘅topping 例如溫泉蛋啦、淮山飯啦，呢樣好多其他日本餐廳都唔會提供。咁今日就食咗個淮山飯，對於鍾意食納豆飯嘅朋友呢個都係一個唔錯嘅選擇。同埋呢餐牌入面主要嘅食物都可以配返塊嘅套餐，唔使玩下就住，睇下是日靚唔係啲乜。

呢一天放假去覆診，所以晚飯都變咗係呢附近食，搵搵吓嚟咗呢幢大廈，見到大戶屋，好耐冇食過，一於呢間，再試吓😝 我倆一個揀豬扒，一個揀魚。兩個都加$23變定食😋 女友個豬扒玉子鍋到先，嘩！熱辣辣香噴噴超吸引😃 但賣相可以再整得靚啲😅 味道唔錯，我倆都鐘意😊跟住我個黑醋鱈魚野菜到埋，哎⋯⋯好似咁細碟嘅(對比餐牌)，魚嘅份量我覺得正常，係野菜可以放多少少令成碟睇起上嚟豐富啲😝😝 個醋汁好味！舊魚就只係正常，因為包住舊魚嘅物體整得麻麻⋯⋯我就唔係好鐘意😅最後見個雙色雪糕伴紅豆都只係$24，都忍唔住叫埋嚟食😋😋綠茶味唔錯，但另一個就唔知係雲哩嗱定豆腐味😛今餐好滿意，坐得舒服，服務態度又好！又醒目！唔使叫都不停有幫我倆添茶！贊贊贊👍🏼👍🏼👍🏼 一定再嚟，我女友仲要食銀雪魚西京燒😁😁😁哈！仲有一樣想講，就係個飯，如果可以裝滿啲就好喇，係咪好貪心呢😆 因為成日好似食晒啲飯都仲有餸剩🤪