大尚宮

營業中

休息中

今日同friend去荔枝角買衫街掃貨，行到差唔多夜晚好肚餓，決定食埋嘢先返屋企。意外發現咗呢間工廈入邊嘅韓式小店，唔單止Staff 好Nice親民，價錢都好親民，平時閒閒哋識個韓式石頭鍋飯都係$70-80，講緊仲要係啲飯多過菜不過呢間性價比好高，兩個人食飽都係100出頭，講緊係夜晚！味道好好，仲要如果同佢講埋你唔係好食得辣嘅話，Staff會就住調味真係好貼心真係性價比超高㗎！韓式部隊鍋仲可以加返cheese（因為我哋落單嗰時唔記得講，最後staff另外上咗一碟俾我哋），有滿滿嘅大大塊，拉絲拉得好長！（加咗超多芝士入去！好正！）佢哋嘅部隊鍋真係好豐富，有豆腐、腩肉同超級多嘅泡菜，豆腐好滑配上爽口嘅金菇，仲有腩肉淋身，份量剛剛好啊！部隊鍋點會少得公仔麵，佢個面就算煮完，我本身以為應該Overcooked左，點知仲係好彈牙好好味！冇淋到！我怕辣，所以唔敢要辣口味，店員仲幫我放少咗啲辣醬，因為驚我覺得太辣，不過湯底味道都唔會太淡，整體都好滿意！泡菜鍋雜錦飯嘅味道酸辣啱啱好，配料方面除咗午香菇、泡菜、腩肉、煎蛋同菠菜，仲加埋芽菜。腩肉嘅鹹香同泡菜嘅味道，再加上爽脆嘅芽菜，令食物更加豐富口感。仲要

今日特登出LCK行下，揀咗平時都好少嚟嘅香港工業中心掃貨同埋食中午！呢度有好幾間餐廳，價格相宜，嗌完野食就拎去附近嘅枱就得。我哋揀左食大尙宮😋 有炸雞、飯同各式鍋品，好多野揀😆我哋先嗌左個炒粉絲，即叫即炒熱辣辣正呀！上面再加上紫菜碎撈下，風味更加！另外嗌埋石頭鍋飯🥰有靚大陽蛋、豬肉、蘿蔔等配料，加上雪梨辣醬撈埋食有更加惹味！識食一定撈埋炸粉絲食，口感更佳😽再嗌左半份炸雞🍗 即叫即炸所以好脆口！上面係honey mustard ~ 雞肉十分juicy, bb都忍唔到食左幾啖😀😀Bonus仲有老闆娘自己煲嘅紫米糖水，滋潤好味！#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西 #hk #hkfoods #hkfoodie

經過荔枝角又要諗食咩，誤打誤撞黎左商場地庫呢間大尚宮，由於好耐無食韓國菜，決定試一試佢。餐廳提供的韓國菜主要都是一般受大眾喜愛的款式。點餐會附送泡菜。店員話最韓式鐵板炒魷魚最受歡迎，我都點左一客試下，魷魚好爽口，配料非常多，湯汁好惹味，令成道菜加晒分！韓式石頭鍋飯：大量既紫菜同配料，仲有煎蛋。落埋辣椒醬，撈飯一流！煎粟米餃，火候剛好，咬落仲有肉汁！香烤雞全翼，熱辣辣又香噴噴，有少少蜜糖得黎又唔會太甜。

今日去開荔枝角香港工業大廈附近做嘢，朋友話要一齊食吓嘢，佢介紹我嚟到地庫依間大尚宮食韓國嘢，有少少隱世嘅感覺，因為我真係未嚟過嚟咗好多次香港工業大廈買嘢呀整野啊，但都唔知原來地庫有一間韓國嘢食！見到呢度買石頭鍋飯有啲似我地平時食港式車仔麵咁，可以自己揀鐘意既配料😊😊 我地兩個人叫咗一個石頭鍋飯、粟米豚肉餃（煎餃）及韓式炒粉絲。石頭鍋飯- 正！ 熱騰騰！ 好多紫菜😉☺️ 飯係一粒粒既，唔會太軟或太硬，岩哂我胃口😀😀粟米豚肉餃（煎餃）- 貌相超好😀😀 仲好足料！ 可以再黎行街買衫時，唔黎食正餐都可以得閒黎食幾隻煎餃作小食🥰🥰韓式炒粉絲- 炒得好味！ 仲有唔少配菜，好味🤤、飽肚又健康😋😋😋大尚宮 (荔枝角)荔枝角青山道479-491號香港工業中心C座地庫C1B-5室

之前去過香工嗰邊食嘢，知道嗰度地下開咗一個food court！所以趁着喺附近就諗住去試吓啦～今次就揀咗佢嘅韓式料理大尚宮～呢度嘅選擇都非常之多，而且每一道料理都係即叫即做好新鮮。我口痕就好想食炸雞，佢個雞嘅份量超級大，上台嗰陣時有少少俾佢震懾左🤣炸得啱啱好，唔會太厚粉，雞肉滑又多汁，仲有加咗一啲芥茉醬令到成個炸雞好惹味～另外，我仲叫咗一份薯仔餅，呢味我就比較少食啦，因為平時通常會叫泡菜餅或者海鮮煎餅，單純嘅薯仔餅我就比較少食。舖頭將啲薯仔切到一絲絲去煎，識到好香嘅薯仔而且口感都唔錯！最尾當然唔少得叫我最鍾意嘅石頭鍋飯，今次就揀咗牛肉黎食。石頭鍋飯隨便搭都好好食，而且裏面嘅配菜非常之多，撈埋好香口。總括嚟講呢間小店製作用心，價錢都抵食，下次等我再試埋另外一啲嘅舖頭先！

夜晚係荔枝角參加咗個工作坊，所以要係附近搵餐廳~工業區嚟講，夜晚都算旺👍🏻 最後搵到香工地庫有個food court可以坐低食，而且唔洗排隊🥰 點完餐搵個位坐就可以~ 呢道有幾間小店，心大心細最後決定揀韓式料理「大尚宮」🇰🇷 因為呢間老闆娘好熱情🥰✪ 部隊鍋 ⌫ 💲88部隊鍋的湯汁好濃郁。老闆娘話湯底用咗8小時去煲。裡面有許多蔬菜和肉類，這些配料可以增加湯的味道，讓人感到很滿足。✪ 煎餃子 (6隻）⌫ 💲28餃子係豬肉粟米餡。餃子煎得香脆，餡料調味好香。✪ 紫菜包飯 ⌫ 💲45包咗醃黃瓜、蛋絲、肉鬆、泡菜等。口感好豐富，好爽口。【 大尚宮 】📌 荔枝角青山道479-491號香港工業中心C座地庫C1B-5室

今日太多會開了時間太緊湊，食飯時間又沒有特定，所以特別肚餓。去到荔枝角，香港工業大廈地庫，大尚宮韓國菜。提供各種美味的韓國菜，我就叫了石頭鍋泡菜炒飯和紫菜泡菜煎餅 兩道菜。堂食和外賣都可以，任君選擇。兩道菜都非常美味。石頭鍋夠晒熱，讓飯炒得非常香，泡菜的酸辣味非常配合炒飯的味道，讓整道菜更加美味。而且，加上芝士後，味道更上一層樓，冇得輸。紫菜泡菜煎餅的口感非常脆。這個煎餅做得非常好，表面上很簡單的一道菜，但係要整到外脆內軟，廚師少一點專注、功夫也不能。這個煎餅就做得啱啱好。煎餅上 “沈” 滿紫菜，簡直係神來之筆，味道提升到另一境界，正。大尚宮的韓國菜非常地道，讓人感受到韓國的美食文化。如果您喜歡韓國菜，大尚宮絕對是一個不錯的選擇。此外，如果您想在午餐時間品嚐美味的韓國菜，大尚宮的地點也非常方便。員工也非常友善，值得嘉許。

今晚係附近同frd食飯，見到地下街打算求其食d野，居然有意外驚喜。估唔到行落去都好大，有5間餐廳左右，有素食，西餐，同大尚宮。聽個名都知，大尚宮係一間韓國餐廳，即刻決定試下佢同隔離猛男廚房。就黎端午節，店主羚羚仲有粽賣！好欣賞煮野食勁嘅人☺️☺️☺️今次試咗佢哋嘅招牌石頭鍋飯，加五花肉。再叫左嘅薯仔煎餅，味道都好正。薯仔煎餅夠脆夠香，配上啲紫菜，好好食，高度推薦，佢唔會好油膩或者好粉，我都食過好多間煎餅佢係高技巧。五花肉油花另到成個飯香左，平時其他餐廳未必有得揀，但原來五花肉同個飯係好夾☺️☺️搭配埋隻煎得仲有流心嘅太陽蛋同豐富嘅蔬菜，好有層次。石頭鍋飯飯粒煮得好飽滿，配上啲醬汁同啲菜，味道好香濃，食到最後個底仲有d 飯焦，好快就清曬。

放假咁岩同男朋友行開D2 Place同香港工業中心，原來地庫仲有個food court，一於試呢間韓國菜，大尚宮。價錢合理，環境舒適。我地叫左個雞肉肥牛石頭鍋飯($73)，配料充足，肥牛，雞肉亦非常多，基本上每一啖飯都有配料撈住黎食！味道亦唔會過濃，非常符合我自己既口味，材料仲可以自選，配搭出自己既口味！非常推薦比鍾意食石頭鍋飯既朋友仔！韓式鐵板炒章魚($128)，絕對係是日MVP，非常有驚喜，可以選擇辣同唔辣，我唔食得太辣，所以叫左小辣，碟餸未擺到上枱已經聞到陣陣既香味！非常惹味，章魚超級超級多，亦非常彈口，配上蔬菜，唔會有違和既口感，唔知大家覺唔覺得鐵板燒上面既蔬菜，係特別好食？最後叫多個半份炸雞($98)，即叫即整，仲有個雞髀，配上特別既蜜糖芥末醬，非常好食，炸雞又熱又脆，口感非常好。

今晚又再次黎到荔枝角食飯，食呢間韓式菜呢。夜晚人流唔多，可以靜靜地同朋友食飯傾計，以平價享受難得的小寧靜😌我地二人點左好多野食呀，全部都係性價比高既食品呢🤩🤩🤭🤭部隊鍋：雖然都係較為廉價既食材，但全部加埋一齊，份量足，菜肉比例平衡，適合小情侶黎食✅味道夠，不淡不濃，有韓式泡菜感✅拉麵🍜吸哂鍋內湯底，實在惹味呢！✅紫菜包飯：包裝精美✅口感實在✅味道偏淡，健康之選✅跟住忍唔住口，又繼續點…雙重滋味炸雞：食韓式菜點少得炸雞，呢款炸雞真係夠哂邪惡，大大件，啖啖肉，味濃，油感偏重，愛好健康者慎入😂豚肉粟米餃：老闆話呢款餃子未面世架，不過見我地想食就整一盤黎過口癮喇！實在太好人啦～～感動🥺🥺🥺好喜歡呢度寧靜得黎，鋪與鋪之間都互相幫助，佢地煮完野食比客人，都會坐出黎，同啲客傾下計，又或者坐埋一份同隔離鋪老闆飲野傾計💬呢種互動已非常罕見啦，各位要多多支持呢啲小店，佢地先可以繼續生存到架🥺🥺🥺

今日行經荔枝角香工睇衫，竟然俾我捐窿捐罅搵到地庫有個隱世food court ，有日本嘢、素食、cafe、四川嘢⋯⋯不過韓國嘢睇落好吸引，所以即刻搵個靓位坐低了，咁乾淨企理嘅food court，實屬難得！熔岩泡菜炒飯 $68爆漿拉絲的芝士伴泡菜飯，令夏日厭世症嘅我胃口全開，份量充足，兩個人都夠食！韓式炒粉絲 $45鮮蔬紫菜配上煙韌韓式粉絲，甜甜地嘅醬汁好惹味，每一口都咬到紫菜、脆肉瓜、冬菇、菠菜同椰菜！全份香烤雞全翼 $38 3隻蜂蜜香甜，芝麻點綴，香烤的表皮脆卜卜，肉質嫩滑煎餃 $28 6隻新推出的款式，入邊包咗粟米同新鮮豬肉，煎得好香脆，上面加咗啲蔥，夾埋一齊食好清爽清潤馬蹄蛋花露馬蹄切到一絲絲，好驚喜，不會太甜，飲完即刻潤曬今次突擊成功，下次要再來試試尼個food court嘅其他餐廳，如果都係咁好味，咁尼度嘅打工仔真係有福了！

Sat 6th May 立夏喺G floor 穿過咗無數嘅資深美少女，去到C座地下搵到佢啦。呢個food court應該都好新全部嘢都乾淨企理寬敞冷氣夠，仲有水機無限添飲。旗幟鮮明韓國嘢紅藍logo好易認。工廠區嘅綠洲價錢唔算貴，我食咗個「熔岩泡菜炒飯」都只係$68。微微辣，香口啱食，食芝士份量適中，芝士係鋪喺底㗎，燒完個石頭鍋之後啲芝士脆卜卜好香口。鋪面嘅海苔新新鮮唔會淋patpat。嗰個 全份香烤雞全翼，炸得好香，皮脆肉亂，多汁又大隻。好食嘅嘢要講多次炸得啱啱好唔會嚡烚烚。韓式炒粉絲 $45 大件夾抵食，味道正常。煎餃子 $28 6隻 飽滿香口。收咗汁之後個汁底脆口，豬肉餡加咗粟米粒，好match。最後千祈唔好放棄個馬蹄豆花糖水。不過要睇彩數唔係日日有。

今日又可以食吓另一間餐廳，公司冷氣開到咁鬼凍，lunch食到暖笠笠野食真係身心愉快^_^.一個有好多唔同小店嘅food court ，今次食到驚為天人嘅韓國鋪-大尚宮(⁎⁍̴̛ᴗ⁍̴̛⁎)佢嘅食物選擇非常之多，由部隊鍋到湯飲到炒八爪魚、炸雞、麵款到飯卷都有，食左好多次都唔會厭.泡菜湯配飯係我comfort zone嘅菜式，每次上枱都係blublu 咁滾住上枱，唔會太辣，入面有超級多料，包括豬肉片、豆腐、泡菜、芽菜等，湯飯黎講一定無得輸！.辣炒八爪魚係同事大推介，我好鐘意佢嘅濃郁，會比較辣少少，但絕對係爽辣，越食越想食，八爪魚十分爽口彈牙，我覺得配飯好正，以成我念念不忙嘅餐點.呢度嘅飯卷都係一定要食，啲飯比較薄，個餡多啲好似唔洗錢咁，超級滿足

香港工業中心地庫原來宜家變咗個food court，有幾間餐廳，好多座位，星期六lunchtime 去唔多人，可能冇乜人知呢度有野食我今次試咗呢間“大尚宮”韓式餐廳，因為見佢有各式各樣嘅韓國美食，有炸雞、石頭鍋飯、部隊鍋、炒粉絲、飯卷，不過今次同朋友只可以試到其中幾樣🌟紫菜包飯呢個韓式飯卷餡料好豐富，有肉鬆、雞蛋、黃蘿蔔、火腿、辣蝦、酸紅菜頭，而紫菜仲係脆嘅，一啖擺入口味道好有層次，仲有好香嘅麻油味🌟韓式鐵板炒章魚呢碟新鮮炒起時超香，章魚份量多而且爽口彈牙，另外仲有好多椰菜絲、甘筍絲同辣椒，味道好惹味亦唔算好辣🌟豬頸肉紫菜韓式炒粉絲平時食開都係韓式牛肉炒粉絲，今次呢碟面頭鋪滿韓國紫菜絲，食落幾特別，而豬勁肉又厚又入味，粉絲唔油，味道調得恰到好處呢間整體幾樣野都好正，見到有人食部隊鍋都好豐富，下次要黎試埋先得

今日假期約咗朋友去食飯，諗住去D2 Place行下市集，就去咗荔枝角搵嘢食，荔枝角有好多工廈餐廳同Cafe，不過最近洗得太多要慳錢，所以去咗food court度食，可能時間尚早，所以food court唔多人有間韓國嘢睇落好似唔錯，價錢又平，朋友叫咗個韓式炒粉絲加五花肉，我就叫左個五花肉石頭鍋飯，前菜有泡菜，酸酸辣辣幾開胃，個石頭鍋飯有紫菜、翠玉瓜、菜、蛋、菇同埋蘿蔔絲，撈埋一齊有幾match，好多蔬菜好健康，唯一唔好嘅係佢唔似出面嘅石頭飯有飯焦，不過份量幾多另外韓式炒粉絲都唔錯，材料都係同石頭鍋飯一樣，所以味道都差唔多，不過粉絲就比較煙靭同入味，另外嘢飲就點左解茶消膩總括嚟講餐廳野食幾平，呢個價錢嚟講有咁既食物質素都唔錯，份量都多，係屬於平民既飯堂