大尚宮

營業中

休息中

去到荔枝角搵食除咗去D2 Place之外，其實去返工廠大廈區個邊都多咗好多選擇！小食街以外，新開咗條地下食街，大家又多個lunch地方搵好野食啦！當中有間韓國小店好值得大家去試吓。「大尚宮」連個名都夠哂韓風😂 同埋餐廳嘅員工都好有親切感！五花肉石頭鍋飯 $58韓式石頭鍋飯嘅飯底好多時都會容易痴哂底變飯焦，但佢哋竟然做到每粒飯粒粒分明! 仲要好多好多紫菜係飯面，加埋必備嘅煎蛋，蛋邊香脆而且蛋黃流心！撈飯一流！😍韓式炒粉絲 $45曾經食過一啲粉絲係炒到濕漉漉，淡而無味，但大尚宮嘅粉絲煙韌有口感！味道唔會太咸！好似韓國街邊嘅小食檔嘅味道！絕對不要被佢哋門面影響！真材實料，性價比高！👍🏼絕對係荔枝角打工仔嘅美食福音！

👧🏻好耐無去過荔枝角覓食了😆❤️發現係香港工業中心C座地庫新開左個Food court😏-餐廳店員服務態度好好 會同我地介紹邊樣好味😆仲驚我地重 拎唔到d野食 送埋黎我地張枱🥹👍🏻 除左服務態度好 野食素質都唔錯🍴人參雞湯 $68✨推薦 好耐無食過人參雞湯🥹主要原因係覺得好多都好貴咁 .. 但呢個真心抵食 $68有一大窩 入面仲好足料 有人參 仲有滿滿的糯米 糯米吸收曬d雞湯和人蔘的精華 好香👍🏻另外感覺差唔多有半隻雞 雞肉好軟嫩 仲配左一碗白飯🤭滿足飽肚❤️🍴石頭鍋飯 $48 (五花肉 +$48)可以單叫淨石頭鍋飯 亦可以叫其他配料 而今次就加左五花肉🤤 石頭鍋飯好夠料 誠意十分😆 個人好中意食石頭鍋飯既菜 煮到好淋好入味👍🏻🍴雙重滋味炸雞(半份) $98係即叫即炸既炸雞 半份係指4件炸雞 而每件份量都好大 上枱後好擔心會食唔曬🤭但咬左一啖之後發現擔心係多餘的🤤因為佢個醬酸酸甜甜咁 好開胃😆咬落去 好多雞肉既肉汁流出 正👍🏻

荔枝角好多特式小店，做完瑜珈係附近搵食～發現香工樓下🈶️個food court😆有間叫大尚宮的韓式食店，雖然廚房唔大，但食品種數唔少～包括有炸雞，鐵板炒章魚，各式煎餅，石頭鍋飯，炸紫菜包飯，泡菜炒飯，部隊鍋，人參雞湯～應該有盡有韓式炒粉絲配上豬腩肉，菜絲，胡蘿蔔絲，炒到香口惹味，配上紫菜醉，味道更上一層樓👍部隊鍋厚切午餐肉，腸仔，泡菜，金菇，翠肉瓜，冬菇，豬腩肉公仔麵～穩陣好味湯底辣辣地菜類都好新鮮～價錢相宜👍

同朋友去行荔枝角市集，就順便黎左香港工業中心C座地庫嘅food court食Lunch。我地想食韓國野，就揀左食大尚宮。首先我地叫左一個石頭鍋飯，野食到嘅時候仲會送一細碟泡菜。個飯都好足料，因為我勁鍾意食紫菜，見到咁多紫菜真係好開心！石頭鍋飯係唔辣嘅，岩晒啲食唔到辣又想食韓國菜嘅人，如果想食辣啲都可以自己再加辣醬。個飯好惹味，用個鍋裝住可以keep住熱辣辣👍🏽我地仲叫左一個部隊鍋，份量2個人share岩岩好！野食好豐富，有金菇，午餐肉，腸仔，腩肉等等，仲有最重要嘅公仔麵！部隊鍋係辣嘅，食物都好好食，鍾意食菜嘅我就最鍾意係豆腐，超滑👍🏽冬天食暖笠笠，正！

#fafafoodblog韓國菜 #fafafoodblog荔枝角🍴部隊鍋88 蚊🔥用 gas名火滾住既部隊鍋 . 鍋入面材料豐富 豆腐 爽口豬肉 腸仔 午餐肉 金菇 冬菇 仲有取邪惡既公仔麵 湯底好香辣 帶 d酸味 公仔麵好入味 吸哂酸辣汁 好正🍴石頭鍋飯 48 蚊 加章魚 15 蚊🍚石頭鍋飯一上枱熱辣辣 好足料 有煎回合 翠肉瓜 蘿蔔 菠菜 菇 好足料 飯好軟熟 盡吸辣汁 加埋章魚 好彈牙新鮮 大條 食落好有口感🦑🍴泡菜煎餅 38 蚊🍕大大個泡菜煎餅 上面好多紫菜增加口感 煎餅夠薄 口感軟淋 辣度適中 好香泡菜味 夾住好多爽口酸辣既泡菜 好食#韓國菜 #泡菜 #石頭鍋飯 #煎餅 #部隊鍋 #午餐肉 #腸仔 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#大尚宮地址: 荔枝角青山道489-491號香港工業中心C座地庫C1B-5號舖~~~~~~~~~~~~#