大壹燒鵝 (MOSTown Street新港城中心大街(3期))

營業中

休息中

中秋同屋企人做節，搵咗間近近哋食小菜嘅餐廳，都有酒樓嗌小菜嘅氣氛。個名就叫大壹燒鵝，個個人覺得成餐飯最唔特別嘅就係燒鵝，冇咩肉之餘同埋都多肥膏。最估唔到嘅係拔絲咕嚕肉，平時喺餐廳食嗰啲都係麵粉多，但呢一間嘅係啖啖肉，抵讚！椒鹽九肚魚同銅盤焗蜆都唔錯，分量都ok，係食小菜嘅好地方，但燒鵝真係冇咩特別。

日落時間去外賣晚飯既送，未食過，最穩陣直接叫個燒鵝下裝，百幾蚊。見師傅斬下偷返幾舊放落個碗，應該係for堂食用。返去開條la仔等佢唔焗淋，放幾個鐘，晚飯時間開吃。一隻完整既燒鵝比，4大舊，加埋其余有12,3舊咁上下，好多都切唔開瀨住，師傅仔後生功力未夠，仲冇去走d肺呀內臟。。味道調教得唔錯，唔死咸有香甜味，一定好過同區燒臘檔，皮唔算好香脆可能都放左幾個鐘。燒鵝皮下冇左層脂肪，可以話健康，睇個人偏好，大鵝肥鵝通常都有食落就香口d。肉質唔木口感好，新鮮野最低標淮係要咁。總括來講味道4分，未去到嘩好正既程度啦，刀功和去走d內臟應該要improve既，比d專業精神。去返之前果間燒鴨仲抵食一半價錢都有4星味道。

平時啲朋友做完運動都約埋一齊食下午茶，今日就嚟左依到，聽佢哋講依到出名燒鵝瀨，但係我就偏偏要食燒腩仔配瀨粉。送到嚟燒腩仔同瀨粉分開上，咁就唔會搞到燒腩仔層皮俾啲湯整到淋晒。食落脆卜卜果然冇叫錯

星期六早晨時間明明就唔係好忙，又沒人排隊，由點餐到上餐，再收銀，個個都極悔氣，上餐又唔同人講係咩，問佢又唔理人一係就極串話上餐會講，有講就唔會問啦。。。。服務態度極差，唔會再去第二次

單憑從餐廳外面睇菜單價錢比一般茶餐廳尚算貴的，但每逢假日晚飯都排長龍，所以今天來試一次銅盤焗蜆份量有一斤多，即叫即焗熱辣辣，蒜蓉份量夠，用的蜆種類係花甲，肉質鮮甜比起沙白及沙蜆更好味xo醬蒜蓉蒸勝瓜，每件有吋半厚，女仕門及小孩食要分两啖咬，xo醬唔太辣椒鹽九肚魚，夠脆口但每條魚偏向細條肉唔夠厚，份量有十多條，但有幾條偏細的食落口感覺只有脆漿粉冇左魚肉燒鵝湯米粉，性價比唔算高，肉質算林同好有香料味道，但價錢賣58蚊

之前食過一次都覺得唔錯今晚就黎番兜呀點左~燒鵝燒腩仔米粉(瀨粉賣晒呀)好似兩次黎都食唔到瀨粉呀燒鵝個皮好脆好有油水燒腩仔都唔錯呀唔會好肥個皮都係脆既~蒜容西蘭花炒得好香好多時炒菜都先烚後炒但呢度唔似係好有穫氣~銅盤焗蜆見呢個好多人叫就試下呀味道反而一般般d蜆係ok既蜆肉質感幾好雖然唔算大隻但感覺良好呀只係好似無咩味咁

每次經過呢間餐廳，都見到有好多人排緊隊🙈難得今次見門口冇人，就去試下佢嘅下午茶！話明係燒鵝餐廳，梗係要試下佢最出名嘅燒鵝～我叫咗油雞拼燒鵝米粉，燒鵝要+$5。米粉份量超多！係偏爽口嘅類型，咁大碗女仔可能會食唔晒。油雞味道唔錯，肉質幾滑，比街市燒味舖嘅好食😂而且咁啱切中雞胸部分，真係啖啖肉～至於最出名燒鵝，真係燒得好香，塊皮非常脆，唯一美中不足嘅係真係冇嘢肉食😂可能係我哋遲去，啲靚鵝比人食晒🥲但咁嘅價錢都算唔錯，值得推介！

星期六諗住買盒叉燒返屋企加餸, $148一斤都唔算平, 落單嗰時已經同職員講要肥叉, 點知晚餐一打開蓋, 屋企人個個嘩嘩聲...原來啲叉燒燶過鍋底, (馬上影相有圖為証), 燶到咁樣, 叫人點食呀! 燶都算啦, 所謂嘅肥叉, 口感勁柴, 一係就一大舊豬油層。如何呢啲叫肥叉, 真係搵鬼幫襯囉。呢間野一開始幫襯嘅時候幾好味, 因為馬鞍山係美食沙漠, 想响呢區搵間好少少嘅燒味店都難, 所以就算唔平, 都想屋企人食好啲, 俾多少少錢大家開心下, 但依家就.... 所以無下次。

第一次呢間餐廳食燒鵝，叫左碟燒鵝飯 78元。感覺麻麻地，燒鵝皮淋。鵝肉肉質一般。燒肉就幾好，細細粒易入口。燒肉皮鬆化。鼓油雞幾有雞味，皮又唔太厚。雞肉有質感。但係始終價錢少少貴。

【瘋癲試食】｜大壹燒鵝 個晚遲左去食飯去到餐廳既時候好多燒味都賣哂啦🥲得返燒鵝同油雞選擇 咁揀都唔洗揀就只可以咁啦🙊鬼叫自己遲咗去咩😂 尼間燒鵝都係自己風乾再自己放入大焗爐燒 燒到出黎皮脆肉嫩 仲要爆多汁呀😍 之後見到隔離枱食個銅盤焗蜆好鬼吸引呀😍 唔執輸既我就緊係叫埋黎食 蜆大約都有一斤 份量都好多呀 配埋大蒜 胡椒 薑蔥 用錫紙全封邊去焗 令到蜆既鮮味同水份全部留番哂係盤入面👍🏻 侍應上檯先即場幫你剪開錫紙 個陣香味撲鼻忍唔到要即刻開餐😂仲要蜆肉係非常新鮮 咁多粒蜆無一粒係唔開口架🥳

今次係第三訪大壹燒鵝🙊 次次嚟到馬鞍山都會睇吓呢間有無人排隊，好多時候都有條長長嘅人龍🐉 咁就會索性唔排😂 今次經過咁啱無人排，就入去咗食👀之前食過佢哋嘅外賣，亦都試過堂食，差別都幾大😯 外賣燒鵝飯係少啲肉，大部分啲肉都係好薄薄一層，而且骨多🤨 明明之前堂食質素唔錯，所以今次又再次嚟堂食驗證一下！❤️ 燒味雙拼 (燒腩仔+燒鵝) $63果然堂食係好食好多！仲要唔洗加錢都俾咗隻燒鵝髀我🤩 好正呀！燒鵝皮好光滑有光澤，外皮香脆，肉質嫩又入味而且肥瘦均勻，啖啖肉😋 配埋個醬真係正！燒腩仔個脆皮卜卜脆，皮下脂肪唔算厚，味道唔會過鹹，肉質軟腍👌🏻好食度：⭐️⭐️⭐️✨ (3.5/5)餐廳推薦度：⭐️⭐️⭐️⭐️ (4/5)喺馬鞍山呢個美食沙漠都有啲質素唔錯嘅燒味已經好難得，難怪咁多人排隊😌 建議大家嚟堂食！

今日過黎馬鞍山食燒味味道都ok，我們叫左燒肉燒鵝燒肉有肥有瘦，肉質ok仲叫左個豆豉鯪魚炒油麥菜好味道有時諗唔到食咩就食燒味整體評分：4/5味道：4/5環境：4/5

年後，食完一肚氣用餐 ，再食， 再差⋯⋯沒有最差，只有更差：想食燒腩，沒有貨，要等到下午四時才有得吃！只好叫叉燒，結果係7成肥膏，3成瘦：問樓面 太肥 有冇瘦點 話現在沒有瘦叉燒供應了，唔想食咁肥 只好叫燒鵝， 上次中伏之選結果 有圖有真相： 請看看 唔會想食啦肥成咁☹️😤😤

久聞燒味師傅曾經係澳門米芝蓮餐廳入廚, 無時無刻都見舖頭出面排晒長龍, 難得今日放假, 見到下午茶時間無人排隊, 一定要試一下↑睇餐牌見燒鵝係要加5蚊, 咁佢最出賣就係燒鵝, 唔試過點知係咪真係咁好食, 即管叫個雙併, 試埋其他↑窩心既係佢有連埋蔥同燒鵝醬比我, 瀨粉比一般粗身, 上湯比較淡口, 切雞係嫩滑既, 而且唔多油.到試燒鵝喇, 不得了, 唔係誇張, 第一啖我似食緊另一樣野, 諗緊係咩黎之制, 再咬多啖, 我知喇, 佢味道係好似威化餅, 唔係咬落去似, 係個味道, 雖然個鵝唔重鵝味, 但係個皮係燒到好酥脆, 亦都好香口, 都算係我食過最好味既燒鵝之一 (ps.我唔記得傭記燒鵝咩味, 唔計pizza hut crossover), 可能所有野都偏淡, 就係要帶襯托返燒鵝既精粹.

平時成日都見門口好多人排隊，今日經過見到唔使排隊，就即刻入去食😄佢嘅燒鵝，個人認為佢都算係馬鞍山最好食嘅燒鵝。食燒鵝最緊要係佢塊皮，要夠脆，熱辣辣咁先正。食過佢三次，水準都keep到👍🏻但想分享少少，啱啱一入到店，個侍應比張餐牌我睇，係下午茶嘅餐牌，我就照睇佢個下午茶餐牌叫餐食，但是已經最後入咗我係午餐嘅價錢。事後我問返原來下午茶係2:30分先開始，而我叫餐嘅時間係2:22分，好奇怪，咁點解個姐姐會比張下午茶餐牌我睇呢，我問返佢佢就冇回答了。