大壹燒鵝 (MOSTown Street新港城中心大街(3期))

營業中

休息中

平日lunchtime多數都要排隊 今日係冬至都唔例外 不過排左十分鐘左右就入得 仲係門口個陣就已經聽到話燒腩肉賣晒 -咁今日就試下蠔仔肉碎粥大壹嘅野食真係唔會令人失望 粥嘅份量正常 我平時鐘意食偏軟爛嘅粥 所以呢個食落啲米對我黎講偏硬啲啲 不過個味道好鮮甜 因為除左蠔仔同肉碎之外 仲有啲冬菜同魚乾仔 所以食落再鮮啲 蠔仔都算大粒飽滿 亦保持到熟而滑身 -麻辣豬扒炒一丁平時叫開呢個 個麵底都似有1.5個麵 今日個份量多到似2.5個麵 加上豬扒都有8,9塊 所以兩個人食都夠晒 呢個炒一丁好香 食起上黎有少少麻 但唔會好辣 都好惹味 豬扒嘅肉質都唔會鞋

照亮馬鞍山的燒味 - 大壹燒鵝朋友講左好多次大壹燒鵝世一今日有時間齊齊黎試下下午茶時段，去到門口仲有人排隊非常期待餐牌可以揀午餐或下午茶除左燒味仲可以揀炒粉炒麵我地點左燒鵝、叉燒、燒腩仔燒鵝賣相好靚好好味皮脆肉滑，肥瘦適中配埋酸梅醬very good好怕出面有d燒鵝好少肉得層肥膏叉燒叉燒一啲都唔柴唔乾好juicy加薑蔥油送飯好開胃燒腩仔燒腩仔肉質地唔乾腩仔皮燒到脆卜卜加埋餐廳自己調配嘅黃芥末醬真係好味黃芥末醬唔會搶左腩仔肉味湯瀬粉非常出色👍🏼真係值得試下

28/11/22 - 伏！行完山想食燒鵝飲啤酒，見到大壹有下午茶，整返碗燒鵝瀨，堂食時味道尚算OK，志在價錢合理。－心諗住買個例牌返屋企，搞掂埋夜晚嗰餐。我order 左下莊、成為$159。心諗比多少少食好啲。返到屋企一打開個盒，肥都冇朋友，全盒燒鵝三份二都唔食得，搞到屋企人冇餸食飯😩。仲要唔平😡從來冇買過咁肥既燒鵝。一於打電話去問過究竟，收銀姐姐答我，下莊係會比較，如果唔食得肥就應該買上裝。我話都冇理由肥到食唔到，🤮真係好離譜，係咪外賣就可以亂咁俾啲唔食得既人，係咪要次次打開check! 好似俾人呃咗咁😡😡😡伏、伏、伏

馬鞍山近呢幾年開咗好多新嘅餐廳終於打破美食沙漠之稱🤣每次入嚟馬鞍山經過大壹燒鵝都會到好多人排隊🙈🙈🙈今次星期日下午2:00嚟到 當然都唔例外啦~~門口等咗10分鐘就入得去lu既然嚟到當然要試試佢嘅燒鵝啦！今次叫咗燒鵝拼燒腩仔瀨粉燒鵝油香好夠 個皮燒到好香脆而燒鵝嘅肉質都好滑燒腩仔就正正常常啦而呢一區來講10分高質！難怪成日都咁多人排隊😝😝

喜歡這裡的烤乳豬，不過他們現在要提前幾天預定，而且要先付錢。 今天下午來吃下午茶餐。這裡的商場有停車場，來吃東西很方便。下午茶餐選擇很多，我點了叉燒油雞瀨粉，配咖啡。記憶中叉燒很好，半肥瘦，帶點糊，很入味。今天就覺得沒那麼理想。叉燒切的很厚，比較瘦，變得不香滑。過段時間再來看看會不會好一點。

結論: 食極唔厭燒味飯！住附近成日都食，呢兩日心掛又再去食啦！同平時一樣叫左叉油雞飯，竟然有雞脾食！先講下叉燒，佢係偏肥嘅，油香加燶邊真係冇得輸，但好老實食多兩舊真係會有少少滯嘅。到鼓油雞啦，佢肉質係實嘅，鼓油味唔單止停留喺層皮度仲有到啲雞肉，而且唔會鞋口！如果要挑剔嘅話就係冇菜啦，有兩條菜食下嘅都可以感覺清爽少少，自我感覺又良好少少整體都幾推薦嘅，環境都算坐得舒服，價錢公道，不過就真係油左啲。佢夜晚都有小菜食唔錯架，大家可以去試吓！

馬鞍山主要都係大型連鎖餐廳為主，大壹都算係小店入面比較好食嘅😂/推介燒味檔食物，叉燒、切雞、燒腩仔和最出名嘅燒鵝都好食，大事大節嘅時候仲要預訂先有貨😚，出品水準穩定，拍得住酒樓，所以馬鞍山人都幾喜愛佢哋嘅燒味。

今次又嚟美食沙漠搵嘢食😂有親戚介紹過大壹燒鵝好食，所以今次就試吓馬鞍山分店～但今日人流太墟冚，我哋6點去到都要等位，燒味仲要只係得返乳豬添😂真係誇張～入到去好彩有卡位坐，如果唔係都真係幾迫🙈我哋叫咗三樣嘢😆第一樣就梗係唯一嘅燒味，化皮乳豬飯 ($68)啦😂呢個價錢我覺得係合理，依家食乳豬飯又難搵又貴～呢個份量算ok，有7塊乳豬，卜卜脆，亦都非常之香😗飯份量都適中，兩個人食啱啱好～另一個叫咗野菌魚腐浸時蔬 ($98)☺️我哋叫咗生菜，好爽甜，魚湯都算濃郁，唔覺得有味精感，魚腐都幾軟熟，我覺得都幾好食☺️野菌都唔少，係一個感覺幾健康嘅菜式😚仲有一個就叫咗碧綠龍躉斑球 ($188)🐟雖然呢個價錢係貴啲，但係佢有八大塊龍躉，舊舊都啖啖肉，好肥美～亦都煎得好香，我覺得係好抵食👍🏻呢間餐廳真係好多人流，但佢哋都好努力整返啲燒味，食到中間都有返燒鵝同叉燒食喇🤣唯有下次再試吓啦～

A quick afternoon tea since we came to MOS! Shame that 瀨粉 was sold out so we have to opt for the 米粉 yet it was still very nice. The goose was 😋😋😋The other afternoon set we ordered the bbq pork with soya chicken 米粉. Both the pork and chicken were nice. The bbq pork was so tender 😋Even the iced lemon tea (less sweet) was made perfectly. A nice afternoon tea after a long day

幫襯過3次，都係7月20號左右開始既事第一次去係晚上8點零9點 想食燒鵝瀨當時話瀨粉賣晒，咁都算啦 咁晏賣晒唔出奇個待應話呢個時間唔早架啦 下次早啲黎一個星期左右再去食 個時係7點零叫燒鵝瀨 又話賣晒😅😅到呢2日再去 當時5點都未夠叫燒鵝瀨又係話冇瀨粉😡究竟要幾早先有？點解唔可以準備多啲？定係其實冇賣瀨粉？去親次次都話冇😪

【大推】之前想食好耐，點知佢閂咗門要裝修🥺 隔咗一排再過去，點知830pm已經冇曬燒鵝同蜆😢 最想食呢兩樣哭撚咗，記得早啲去！😌💛 大壹炒飯 ($88)炒飯有少少(其實都好似好多😳)燒鵝皮同埋燒鵝肉(有圖)，慰藉咗我同🐡嘅心靈🥹🫶🏻 個炒飯好入味，如果食到辣椒就會有dd辣💛燒汁薯仔牛柳粒 ($138)牛柳粒肉質好淋，唔會韌，幾重牛味😋 薯仔外面有少少焦脆，入面淋淋地，連薯仔都煮到好入味😳👍🏻💛拔絲咕嚕肉 ($98)「佢個鳳梨🍍嘩❗️有汁架喎❗️」我食完之後嘅真實對白😍 平時咕嚕肉啲菠蘿一係乾一係酸，而家竟然係多汁之餘仲要係甜嘅！佢甜嘅程度係：本身個醬甜甜地，個鳳梨係會仲甜🤤 咕嚕肉好甜，有拉絲😏 外面脆脆地，入面肉質好滑💛三杯雞煲 ($108)雞肉好滑，洋蔥都煮到好熟🧅💭餐具係枱邊💭店員見我哋二人枱但嗌咗好多嘢食，主動話唔夠位就搵佢，雖然係好細微嘅一件事，但我從來都未試過有店員咁體貼🥰🫶🏻

前星期經過這店，下午6點已有多人在門外等候，相信是等外賣。心裡想應該唔差，唔係點會有人龍，於是昨日特登帶爸媽去幫趁。相信是装修不久，雖然枱櫈是舊，但內裏很光猛，地方亦很清潔正齊，卡位亦算闊落。叫咗星洲炒米、乾炒牛河、叉燒燒鵝飯，全部包餐飲。先嚟叉燒燒鵝飯，份量適中，燒鵝唔算肥，有少少皮下脂肪，肉質嫰滑，叉燒好淋好有味道，真係有水準。星州炒米和乾炒牛河份量十足，碟底完全冇油，米粉和河粉都乾身，味道唔錯。職員態度好好，上菜快，重自動問要唔要辣椒醬。走時剛好是下午茶時段開始，全店八成滿座。真好，又多一間可以encore嘅食店。

聽聞馬鞍山是一個沙漠，但係看過林以諾牧師介紹過大壹燒鵝，為食又嘴尖的我們由大埔都要開車過去試一試。食物都OK。特別一讚的是他們的叉燒，幾乎都係肥叉燒，很濃的蜜糖味，啱晒我們的口味。每次叫完午餐都要加多半斤叉燒當晚餐。今日午餐外賣叫咗大壹炒飯同埋乾炒牛河，兩樣都係大大碟。乾炒牛河一般，但係個炒飯就有驚喜，好特別。因為是外賣係屋企食，我們試咗放日本的生雞蛋落個炒飯到，變咗鍋蛋炒飯，味道十分之配，味道提升了😋 你哋都可以試一試

裝修前幫襯咗好多次，裝修後就第一次，所以寫番個食評紀錄一下。📝裝修前後分別唔太大，都係走茶記風，都係有個位display未燒嘅鵝🦢。(🤔❓️)冷氣夠凍，乾淨企理。因為食客真的很多，門外人龍也是絡繹不絕，服務個人認為還可以。出品方面，以燒味為主，另有小菜，炒粉麵飯。由於燒味會很早沽清，建議一坐下就要先叫。特別一提，裝修後有番乳豬，不用提早預訂。快沽清的食品，不是做得少就只有一個原因🤭味道因每個人口味有所不同，故不作詳述。(請參考附圖)

早幾晚同朋友搵晚飯食。咁馬鞍山出左名美食沙漠，都唔知食乜好，於是都係去番最有信心保證個間大一燒鵝食飯。去到門口，見到冇咩人排隊，可能因為落雨，平時超多人排隊的。咁入面環境都係茶餐廳feel,埋到位我地就叫左個燒鵝飯食（$69），唔包野飲的。可能因為貨尾，比左飯細鵝腿我地👍不過成碗飯真係得鵝肉同飯😂😂係幾好食，不過呢個價錢係少貴，間唔中一碗半碗就ok