大壹燒鵝 (MOSTown Street新港城中心大街(3期))

今次我地放假就去左馬鞍山呢邊行下海邊又行下商場咁，呢區都成日比人話美食沙漠，黎呢度食野真係要問下人有咩好食，有friend就介紹左呢間燒味店話好食，佢地有小菜食，咁就黎試下✌🏻佢係新港城中心商場要再過多條橋先到，黎到勁多人等位，睇人流咁多就覺得放心，餐廳入面就好似茶餐廳格局，都係卡位👍🏻燒鵝下莊（$168）燒鵝下莊都幾大份，因為多人食佢係新鮮出爐，見住佢拎出黎掛幾隻上去個架度，皮脆肉嫩啖啖肉😋啫啫通菜煲（$118）呢個通菜煲佢係炒好個菜再係你面前放入個熱煲度炒多幾下，香噴噴好惹味又有鑊氣🥬生炸BB鴿（$68）生炸BB鴿都唔係好BB，佢size都正常，炸得好脆，個鴿肉又唔會太乾☺️椒鹽七味豆腐（$78）個豆腐大大粒，亦做到外脆內軟既口感，椒鹽既份量都足夠😄蠔仔粥（一窩）（$128）窩蠔仔粥勁大窩，應該夠4個人食，我3個人食到好飽都食得曬，蠔仔大隻冇腥味🦪呢間餐廳我覺得係幾出色，佢咁旺場真係有原因，成餐飯都好有大排檔feel，野食都係有質素，坐得比大排檔更舒服，黎馬鞍山唔洗驚冇好野食啦😉…查看更多

餐廳最近新推出的平日二人套餐可以說是性價比無敵了，三個餸單點也不止這個價錢，而且還可以６８元再加配小菜，人多也可以吃！重要的時食物的份量還是非常足！超值二人行滋味套餐（２８８元）大壹叉燒皇拼玫瑰豉油雞喜歡吃肥叉的一定要吃這裡的叉燒，因為是豬腩肉來弄的，燒得肉質非常軟嫩多汁，帶有濃濃的脂香，肥而不膩的，蜜汁味香甜。豉油雞也挺有驚喜，肉質緊緻有彈性，而且剛好拿到雞腿的位置，肉汁更豐富，吃起來陣陣雞肉香和豉油香。椒鹽鮮魷份量很足，炸得香脆，鮮魷鮮嫩彈牙，性價比很高！燒汁野菌牛仔骨超多的野菌跟牛仔骨一起炒，牛仔骨本身的油脂豐富，迫出的油份用作炒野菌，令野菌的味道更濃香，而野菌也令牛仔骨多了一份甜味，牛仔骨肉嫩多汁，整體很惹味。拔絲咕嚕肉（＋６８元）才加６８元就有滿滿一大碟的咕嚕肉，性價比超高呢！而且真的是拔絲的，咕嚕肉亦保持到酥脆的口感，更特別的是加了無花果來調味，令酸甜味更豐富，更下飯。大壹燒鵝（下庄）（１６８元）餐廳主打的燒鵝賣上真的不錯，而且店內可以看到還有很多鵝在風乾，那肯定是在店內現燒了。燒鵝吃起來皮脆肉嫩的，下庄的皮下脂肪多點，所以是滿滿的油香，但肥而不膩的。本身調味不會太濃，突出鵝肉香味。生炸ＢＢ鴿（６８元）ＢＢ鴿炸得皮脆肉嫩的，本身醃得連骨都入味了，焦香味十足。…查看更多

～大壹燒鵝 ～⭐️米芝蓮⭐️之稱既「Taste of Hong Kong 香港味之年賞2015」Double A Restaurant — HK No.1 🥇Chinese Cuisine Restaurant。放假去咗探住係馬鞍山嘅好友，之後佢帶咗我去附近嘅「大壹燒鵝 」食晚飯，透過玻璃窗已經見到掛滿不同的燒味，相當吸引🤩。除咗燒味出色之外，佢哋嘅小菜都係好有鑊氣，好食😋，店內亦推出多款套餐優惠，真係好抵食！ ➿二人套餐（$288）➿ ～湯品～👁️‍🗨️花菇雞腳燉螺頭湯（+38/位）用紫砂茶壺，裝住D燉湯，有雞腳花菇螺肉，好足料！ ～燒味～👁️‍🗨️叉燒拼豉油雞雙拼份量都好多，蜜味叉燒半肥瘦夠腍，好滋味。 ～小菜～👁️‍🗨️燒汁薯仔牛柳粒（晚市限定）厚切牛柳粒，又腍又有牛香，配埋燒汁薯仔好惹味。👁️‍🗨️拔絲咕嚕肉（晚市限定）真係見到拔絲㗎，有獨特的酸甜風味。炸過的肉塊外酥內嫩，再配彩椒、洋蔥和菠蘿，多重口感。 ～飲品～可樂、凍檸茶➿➿➿➿➿➿➿➿➿➿➿👁️‍🗨️金銀蛋浸時蔬（白菜仔）碟菜原價$98 㗎，呢碟菜好大碟，非常足料，加$68就食到真係好抵👏🏻👁️‍🗨️大壹燒鵝（下庄）例牌$168來到此店點能夠唔叫返個例牌燒鵝，皮脆肉嫩，滿載油脂香，啖啖肉。…查看更多

「大壹燒鵝」喺銅鑼灣、馬鞍山同藍田都設有分店，而馬鞍山分店就位於鞍誠街8號MOSTown Street新港城中心大街(3期)地下。呢間餐廳嘅燒味之所以有水準，全因為佢哋嘅燒味師傅（同時都係餐廳老細）曾經係澳門米芝蓮餐廳工作過，對燒味嘅質素非常執著。師傅為咗保證質素，更加係自設太空爐做自家製燒味，堅持即燒即賣，等客人食到最新鮮嘅味道。餐廳嘅裝修同一般舊式燒味店好唔同，設計得比較清新簡潔，唔會覺得油淋淋，座位亦都唔會密密麻麻，坐得幾舒服㗎。燒鵝髀拼叉燒飯· 燒鵝髀：絕對係餐廳嘅招牌！鵝髀大大隻，外皮油潤，睇見都流口水。食落鵝皮非常香脆，而下面嘅鵝肉就嫩滑多汁，鹹香味啱啱好，食完真係齒頰留香。有食客大讚佢哋嘅燒鵝「皮脆肉嫩、肉汁豐富」。· 叉燒：師傅選用比市面貴逾一倍嘅梅頭豬肉來製作，所以特別好食。叉燒嘅面層燒到有少少焦濃，望落去紅得嚟又帶點透明，肥瘦均勻，食落肉質軟淋，而且蜜味十足，有食客更稱之為「平民美食」中嘅極品。師傅仲強調製作叉燒不用人造色素，上色步驟係用南乳，食得更加放心。呢度嘅金牌燒腩亦係名物，不過想食到就要睇彩數。燒腩仔嘅外皮燒得非常香脆，同少量嘅肥膏同肉層次分明，食落口一啲都唔覺得油膩，絕對係水準之作。整體來講，「大壹燒鵝」憑住其星級背景師傅同對食材質素嘅堅持，提供到高質又負擔得起嘅燒味。無論係想豪啲食隻燒鵝髀，定係簡簡單單食個雙拼飯，呢度都係一個唔錯嘅選擇。…查看更多

夜晚嚟到呢度食晚飯，兩個人各叫咗一個燒味粉麵，同埋一碟炒蜆，點知佢哋話已經冇晒瀨粉，唯有點其他貴妃雞/叉燒米粉（$58）湯底超鹹，飲一啖仲ok但米粉太掛汁，一邊食一邊覺得太鹹。貴妃雞同叉燒又浸左豉油，夾埋嚟更加鹹，最後啲米粉真係食唔落。燒腩仔河粉（$55）湯底一樣咁鹹，可能河粉冇咁掛湯，食落仲勉強OK。燒腩仔真係好正，外皮脆到爆，同其他餐廳比，佢哋嗰個真係更脆，肉質又嫩，有五層，肥瘦均勻，味道好正。豉椒炒蜆（$138）調味OK，但好多蜆肉都唔見晒，淨低啲殼。呢度係普通茶餐廳，冇乜服務同乾淨度講，都係正常水準。星期六夜晚6點左右嚟食，唔使排隊。…查看更多