大圍小食

營業中

休息中

依間嘢係大圍好多年，通常都只係買燒賣魚蛋，貪佢個辣汁好味，今日想試下煎釀三寶，呀姐夾完我話想要多份燒賣，突然間有個長頭髮呀叔(ER….仲長髮咩年代😂)話: 你要去返另一條隊排，但明明平日我係燒賣條隊就大把人買其他嘢食都可以叫埋燒賣，等緊燒賣魚蛋嘅人瘋狂俾人打尖。我明佢想分流排，但點解一時一樣，安排極混亂，仲要衰聲衰氣，其實除咗個辣汁，其他食物都好一般，唔係就腳點會有咁多人，作為大圍名物就真係名過其實囉😒

呢間大圍小食我都成日幫襯㗎喇，每次收工嘅時候都一定會喺大圍度落車，大約六七點左右都未算好多人排隊，每次我一定會嗌一件臭豆腐，佢哋叫做黃金豆腐。同埋廿蚊嘅煎釀三寶。最好食嘅一定係佢嘅臭豆腐，即叫即炸，外皮非常之酥脆，而內裏非常之綿滑，咬落去嘅時候都會食到個陣獨有嘅臭味，係發酵嗰隻味道。煎釀三寶我一定會嗌嘅就係西蘭花，佢個西蘭花炸得非常之好，食落去嘅時候會feel到佢有好多汁，而紅腸，豆腐，魚蛋，餃子都非常之唔錯可以一試

港式咖喱三寶🍢$25講起港式小食，咖喱三寶真係冇得輸！佢哋嘅豬皮、蘿蔔、魚蛋全部都吸咗勁入味嘅咖喱汁，超級惹味！牛柏葉🐮、魷魚🦑、八爪魚🐙$16三款都係$16一串，全部都可以配佢哋嘅惹味咖喱汁，又係掃街必食既！炸大腸🐷$16佢哋嘅炸大腸都係即叫即炸，熱辣辣香脆甘香，而且唔會有苦味！串燒豬頸肉🐽$16長期都見到好多人買佢哋嘅串燒豬頸肉，可以自選九款唔同嘅口味，成日食都唔怕悶啦！煎釀三寶（五件）🫑$20到手仲熱辣辣，平均$4件，非常大件，好抵食！港式滷水雞髀🐔$25滷水雞髀醃得好入味，啖啖肉，踩完單車或者踢完波食佢一流！肉碎銀針粉$38 老闆娘話佢哋嘅菜譜好好食，推薦我哋要返個銀針粉配埋自製辣菜譜！果然真係冇介紹錯，真係好惹味！如果嫌小食唔夠飽肚想食返啲熱嘢嘅，叫呢個就啱晒啦！

今日帶朋友舊地重遊～番嚟先前幫襯左3年幾既早餐同宵夜既最愛之一再去前公司探班😂😂係大圍番工既寶寶們一定都唔會陌生，老字號小店，咩時段都係排晒長龍～想食好野都要比d耐性。椒鹽炸燒賣～朋友想食我之前都無試過～估唔到幾好食喎～外脆內軟既口感，椒鹽夠晒惹味咖哩三寶～辣得嚟好正最鍾意佢個汁～蘿蔔好入味無渣，豬皮吸晒咖喱汁好有咬口，魚蛋入味。水魷～魷魚鬚好大條～有咬口加埋秘製辣醬，口水直流，停唔到口牛柏葉～份量超大～爽脆可口燒賣兩串～之前番工成日買超鍾意，口感軟糯～好香魚味紫菜魚皮餃～收夜必食，魚皮餃大大粒，一碗有6大粒，紫菜湯好飲煎釀三寶實質好多寶～超豐富有長過手掌既尖椒、青椒、兩粒魚蛋、豆腐、餃子、兩件紅腸、兩件茄子、最得意有好大棵西蘭花～鯪魚肉份量好足～好滿足～食落口唔算太油~熱辣辣細魚肉碗仔翅～又係收夜必食既～加埋醋同埋麻油，胡椒粉，真係大滿足，魚肉份量爆多，碗仔翅入面好多冬菇片（大大片），木耳，食落嗦嗦聲，非常飽肚。店員姐姐們個個都超快手，人龍都清得好快，雖然好多人都一樣有講有笑，大聲絕對唔係無禮貌～會定時番嚟回味一下

首先介紹佢嘅陳皮魚蛋，承諾佢嘅陳皮味非常突出，魚蛋都幾彈牙，配上佢嘅辣醬食都幾有風味。😌阿美就大推佢嘅古法臭豆腐，新鮮炸起之後姐姐會問客人使唔使幫佢即場剪埋。豆腐非常之太久，我哋同行兩人share食都夠。外層揸得非常趣，配上佢獨特嘅油香，在外加甜醬同豉油一齊食，非常惹味。😋至於其他煎釀三寶等都係即叫即炸，每件都係大大嚿，大家有機會都可以試吓。🥰

今天放假去屋企附近好受歡迎嘅外賣店買嘢食😋😋 開咗好嘢嘅港式美食，叫大圍小食，每次去都排長龍！ 😂 今次試咗好多款嘢食，款都好好味！ 煎釀三寶 必食之選！裝成滿滿一大盒🤩 有西蘭花、茄子、紅腸、豆腐等等，超豐富款式，件件都好味😍 牛柏葉、水魷魚、八爪魚 配秘製咖哩醬 港式串串好正😆 水煮的魷魚及八爪魚爽口彈牙，牛柏葉好爽脆，搭配濃郁咖哩醬，味道十分香辣🔥 韭菜大腸豬紅 推薦！ ！大碗 份量十足😍 豬大腸乾淨軟腍，配脆韭菜 口感味道一流 燒賣魚蛋 經典必食😋😋😋💯 臭豆腐 好臭好正😝 搭配辣椒醬食更佳～ 銀針粉 口感滑嫩，配搭豐富豬肉碎及香蔥，湯底清甜，很不錯😚 碗仔翅魚肉 好足料的碗仔翅，口味濃度適中，仲加咗魚肉，好飽肚😚

早幾日見到好多人鋪呢間煎釀三寶，突然好想去食，之後走咗入去大圍買返屋企食🤓煎釀三寶❤️❤️❤️❤️❤️我揀咗魚丸，豆腐，同埋青椒🫑😂😂我覺得魚丸係最好食，勁有咬口，而且佢啲魚肉都好彈牙，配埋佢嘅甜醬再加辣醬同甜豉油真係好夠惹味😍😍😍😍五個心心為最高分大圍小食 (大圍)大圍富嘉花園22號地舖

香港人最鍾意掃街🍡，小食店有好多，但高質的卻不多，今日為大家介紹一間性價比超高的多年老店。港式炸大腸 $16 落單即炸，外皮炸得脆薄，入面又不會太乾，少少軟淋，油香四溢，配上甜醬及芥末，極具風味👍🏻。正宗古法臭豆腐$16 （爆推🌟🌟🌟🌟🌟) 今時今日買少見少，用的還是達興臭豆腐，連明星也捧場，實在值得支持🙌🏻。尺寸非常大件，外酥內軟😍。外面炸得香脆但內裏仍保留了豆腐的柔軟，一口下去，濃郁且香噴噴的臭味在口腔中爆發，最啱臭味相投的朋友🤩🤩。串燒豬頸肉 $16 （爆推🌟🌟🌟🌟🌟) 大大件，非常多汁，彈牙又惹味 😍九款味道：孜然、川椒、七味、黑椒、咖喱、香茅、辣椒、蜜糖同沙嗲任君選擇，總有一款啱你心意。我試咗沙嗲加蜜糖，落單後在你面前烤，鮮艷亮澤，睇到流晒口水😁。煎釀三寶 ＄20/5件 （爆推🌟🌟🌟🌟🌟) 用上本地魚肉，大大件，款式十分多元化🤩。最特別係有鲜冬菇、餃子及西蘭花。餃子脹卜卜，餡料勁多，而西蘭花及鮮冬菇釀魚肉，有家的感覺，感覺健康好多😍。陳皮魚蛋及燒賣各$12 （爆推🌟🌟🌟🌟🌟)必食他們秘制辣汁‼️辣得惹味，辣得過癮 😍，難怪曾於魚蛋燒賣組別奪得金獎👏🏻👏🏻。老細教一定要連渣食，裏

作為一個地道的香港小食愛好者,大圍呢間小食老店絕對不容錯過，集合左香港各式傳統小吃的精髓。他們的招牌炸燒賣,必點👍🏻餡料飽滿皮脆內嫩,口感層次豐富,令人忍不住一粒又一粒。佢地其中一個經典推介是他們的臭豆腐,$16一件，入面相當足料，性價比十足🤩油渣麵，麵條Q彈又入味，配以香濃滑順的油渣、蝦米和蔥花等配料,令人大飽口福。魚肉翅入面大半碗都係魚肉，加埋小小醋，開胃又抵食。呢度既煎釀三寶同樣出色,全部大大舊，仲有西蘭花同東菇，肉質鮮嫩，炸得金黃酥脆,熱食最正😍店內的陳皮魚蛋配秘制辣汁，鍾意食辣既不容有失😆燒賣夠煙韌 炸雞髀,以及串燒雞肉和豬頸肉等,都是香港小食的經典代表作。每一款都味道正宗，質素上乘,絕對值得一試。無論係想追求經典滋味,定係想試新奇小食,呢間老店都係不二之選。距離大圍火車站都係兩分鐘路程，十分方便😗

大圍小食位於大圍火車站出口外超級方便。啱晒放工口痕嘅人去醫肚。每日放工後就會排晒長龍買小食。燒丸丸係咪丸呀？有墨丸龍蝦丸牛丸貢丸。每串3粒，燒完勁香口。我最愛食墨丸，咬落彈牙。如果鍾意濃味d可以加孜然粉/蜜糖🍯味道。🍜各式各類車仔麵呢度嗌車仔麵最低三餸起，可以自選面底同埋配料，非常多配搭及彈性。而且湯頭非常之鮮甜，配麵一流；加埋辣同菜譜就更正！如果外賣嘅話可以加錢湯/麵另上，可避免粉麵會浸軟影響口感。我最愛豬大腸，質感超軟屬。🍴煎釀三寶等待時見到員工炸緊炸物，因為要預備入夜會好多人買，所以保證新鮮熱騰騰。最攪笑係除了最受歡迎既三寶，仲有炸餃子🥟同炸西蘭花🥦。🍴這間大圍小食是我經常到訪的街頭懷舊小食店！

這間小食店，基本上每個星期都會來購買!他們位置超方便，一出港鐵站就見到，所以平時都會見到好多人排隊選購!這次又買左多款食物作晚餐。臭豆腐，自從第一次食完之後就愛上，每次也會必點!他們的臭豆腐即叫即炸，每舊都好大舊!豆腐外層炸到脆卜卜，臭味都幾濃郁，淋上甜醬和豆瓣醬一齊食，味道惹味!椒鹽炸燒賣，炸燒賣也是我每次必點的小食，燒賣也是即叫即炸，炸得脆口，椒鹽味香濃!煎釀三寶，他們的三寶價錢不算很貴，款式都幾多，除了有平常時常見到的青椒、茄子、豆腐、魚蛋、紅腸等款式，他們還有炸餃子，餃子皮炸到脆卜卜，餡料豐富，好香韭菜味!油渣麵，他們的油渣麵油渣份量好多，脆卜卜，而他們的辣菜圃辣得過癮，整碗份量十足!魚肉翅，他們的碗仔翅非常足料，除了有肉絲、木耳絲外，還有平時很少在碗仔翅內見到的竹笙，食落口感豐富，加上醋一齊食味道特別惹味!而這裡的魚肉每條都好大條，份量都好多，兩溝一齊食特別惹味!紫菜魚皮餃，紫菜份量超多，入面沒有沙!魚皮餃外層煙韌，味道濃郁!燒賣魚蛋，這裡的魚蛋是陳皮魚蛋，食落彈牙，而魚肉燒賣口感不錯，加上他們的秘製辣醬，辣得過癮!

隔左成年再食大圍小食嘅陳皮魚蛋同燒賣，今次係同小朋友食所以淨係落豉油，真係食得出魚蛋同燒賣嘅真正味道燒賣食落點都唔似魚肉燒賣，咬落好稔好似食緊麵糰咁，我諗其他人話好食嘅原因係因為加左個秘製辣醬，個醬已經冚過晒燒賣本身嘅味道 (可能我唔係個燒賣專家)不過仔仔好棒場，差唔多食晒(冇影相)陳皮魚蛋就食落唔夠香，有少少少少嘅苦味，口感唔錯，夠彈牙下次會買煎釀三寶，因為十幾年前食過好食，唔知而家水準係咪一樣咁好食呢？

港式地道小食🇭🇰 大圍小食ʕ๑'ㅅ'๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡大圍火車站附近有間大圍小食✨已經開左20幾年！係一間專賣港式地道小食老字號🫶🏻見到勁多人排隊 有人買完即食掃街 有人買返屋企~價錢合理 選擇多\( ˶˙˙˶)/♡椒鹽炸燒賣 推介！呢款最岩一邊掃街一邊食！燒賣炸到脆卜卜 仲有少少椒鹽調味(｡>ㅿ<｡)串燒即叫即燒 仲有好多調味粉/醬汁揀ჱ̒⸝⸝•̀֊•́⸝⸝)‪司華力腸勁大條 燒到有啲脆皮✨雞肉唔乾 唔算好嫩 係有結實口感嘅咬口 但都好食豬頸肉就邪惡啲 帶點油脂感 比例又半肥瘦臭豆腐未食已經聞到臭味( °‪꒳​° ).ᐟ‪‪‪.ᐟ‪‪‪唔怕臭鐘意食嘅人會覺得好正~~另外仲有滷水雞髀、煎釀三寶、生菜魚肉、咖喱三寶、港式炸大腸呢啲地道港式小食！車仔麵、肉碎銀針粉呢啲麵食一定要加埋佢哋自家製嘅辣菜脯 惹味好多❤️⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚📍 大圍小食 大圍富嘉花園22號地舖

次次嚟到大圍，總係見到呢檔小食有好多街坊圍住當然啦，呢間可以話係大圍嘅landmark，有質素先開到咁多年，有大份又抵食佢地嘅魚蛋燒賣原來攞過獎㗎喎，關鍵係咖喱汁，點少少已經好刺激，魚蛋細細粒好香魚味燒賣質感好彈牙，唔會發到好腍，魚香好出見啲串燒大大串好吸引，就試吓佢地幾出名嘅豬頸肉，搽晒醬咁燒，色澤令人垂涎，肉質勁爽彈，點解可以咁好食㗎？炸大腸炸得好金黃，炸得爽身，食落冇揦鮓味，洗得好乾淨，但同時好香口臭豆腐都好堅，好臭好臭，勁大嚿放入口脆卜卜，裡面質感好香豆味兩份煎釀三寶都可以當飯食㗎，尤其是呢間，大大嚿係希原因，有啲不可思議嘅配搭，連冬菇同西蘭花都有每一嚿紅腸、茄子、青椒、豆腐、冬菇同西蘭花都有鯪魚煎餅黐住，仲要好多，打到大啲細骨同肉碎粒都冇，超犀利。餃子唔係鯪魚肉，但都好飽肚一碗韭菜豬紅，仲以為會好細碗，菜多過肉，點知豬紅豬腸爆多，食晒啲菜都未食完豬紅同豬腸，豬紅好滑唔會啜脷，冇怪味好香，豬腸洗到白𠽌𠽌，發揮到豬腸本有嘅香味，難怪街坊咁捧場啦

住係沙田既我地一定有食過大圍小食佢係大圍已經開左好多年真係細細個已經聽過佢名🫢🫢佢平時開到零晨，對於夜收工人士真係好方便我地今次叫左呢啲野食⭐️車仔麵：佢有好多餸可以揀，最特別既佢個湯底可以轉碗仔翅底，最岩有選擇困難症既人，又想食麵，又想食翅既人，食2碗又會多得滯，咁2合1真係岩岩好！🤤🤤🤤🤤⭐️煎釀三寶：講番香港既街頭小食，點可以唔食煎釀三寶，佢既魚蛋好彈牙，真係食完一粒好想食下一粒⭐️椒鹽炸燒賣：推薦！又係凍左都幾好食既炸物，一啲都唔硬⭐️沙爹串燒：我地叫左雞肉同豬頸肉花枝丸貢丸，真係幾有驚喜，因為我地係外賣拎番屋企食，咁點都會凍左，但佢地凍左居然唔係好硬，仲juicy既⭐️魚肉碗仔翅：好足料，魚肉又夠彈牙總括黎講，佢價錢以一個咁方便位置黎講，絕對係性價比高！