大囍麵家

營業中

休息中

叫左個咖哩牛根腩飯飯比較硬 咖哩味道不錯 但係冇薯仔 只係就咁用汁蓋在牛腩面頭🫠牛腩牛根都好軟👍🏼👍🏼👍🏼整體味道唔錯但有滴水情況🥲🥲🥲環境就有待改善

本身晚餐嗌個外賣自取，紫菜墨丸米一碗，點知返到去打開，變咗雲吞米粉，睇咗原來落錯單，但係佢係有紫菜嘅單，打電話落去通知佢哋，有個鄉音即阿姐聽電話，我同佢講你哋落錯單喎，佢哋叫我要拎返去俾佢哋換，我話今晚冇可能落到黎，佢哋就話咁樣冇得換㗎喎。錯單漏經常有，佢哋係唔會送返俾我嘅，叫我唔好食碗米粉，聽日攞返落去俾佢，咁我話連紫菜你都冇俾係咪應該要俾返我呢？或者退返錢俾我呢？跟住後面就有一個男人把聲就喺度講粗口，叫我唔* 好食攞！其實好老實講，我都明白錯漏單唔出奇，問題係個態度，唔係第一時間去解決問題，而係推喺個客人身上，如果你話唔好意思，如果你真係唔方便落嚟，不如食咗碗嘢先，聽日落嚟退返紫菜嘅錢俾你，我真係冇問題，而唔係要個消費者去就晒間舖頭。好老實你哋做錯嘢有乜嘢要理由要用我嘅時間嚟填店舖嘅錯誤呢？

首次食評10:12AM鋪內人數：3朝早想搵啲嘢暖下肚嗌咗個崩沙腩米線原本諗住叫河粉不過見到卡路里相差400即刻皮已收嗌左一分鐘都冇食物嘢飲都上齊崩沙腩份量足擺盤靚肉味濃郁筋膜爽口微腍三重奏牛脂、筋膜、腩肉真係一流慢慢咀嚼香味會係腔內周旋開始覺油膩再索一啖湯頭青碎有炸蒜、蔥花、芹菜同腩肉相得益彰米線剛好彈牙而檸茶亦都係小弟最近飲過真係有少甜少冰環境燈光舒適，冷氣充足有用心推！————————————

搵位度：🌟🌟🌟好食度：🌟🌟🌟🌟抵食度：🌟🌟🌟🌟銅鑼灣一帶上搵間正常嘅牛雜粉麵呢，依間我都幾推薦。牛雜正常好食，粉麵湯正常，叫杯嘢飲加埋40-50囉，同譚仔差唔多。我周不時都會嚟食，今次就叫咗個咖喱牛腩，口味我覺得偏辣，薯仔太大嚿，牛筋太多，所以整體未說特別好食，尤其個飯真係好硬，好辛苦先捱晒成碗。所以如果嚟呢我都係推薦食返牛雜粉麵，同埋呢佢係會有坑腩，品質的確會比普通牛腩好啲鍾意食嘅朋友不妨一食。

個膠碗湯、河粉隔開非常好！$44(外賣+$1）有香菇貢丸、墨丸、魚旦、魚皮餃一共6粒，紫菜冇沙，湯唔鹹，其中墨丸非常彈牙好味！追加左個生菜，+$12(外賣+$1），份量唔少。$60有找已經食到飽飽。雖然位處街市外圍，不過感覺幾乾淨。下次會試埋牛腩牛雜。