大同私房菜會所

營業中

休息中

原來店主係廣州過百年嘅中菜館《大同酒家》嘅後人，因為店主眼見好多特色傳統中菜已經後繼無人，喺香港創立大同會所主要係想宣揚中菜文化，希望新一代都可以食到舊時嘅中菜。燕窩鷓鴣粥以前宴會會用依度菜招呼貴賓，不過依家好少中菜廳仲有保留傳統手藝。傳統會用用上著仔蓉，而今次餐廳就重新地用上冬瓜蓉，咁樣味道就會清淡少少，加埋燕窩作為前菜就一流。大蝦多士常見嘅港式中菜，但係今次餐廳就用左大蝦，中層則用上豬肉和蝦打出蝦膠，而最底層則用上麵包。食落蝦肉彈牙鮮美濃郁，連蝦頭都炸到香脆，一啖就可以食哂。自醃味菜炒肚尖為左健康著想，餐廳故意唔用鹽醃方式，改用醋和糖，反而更加帶出糖嘅甜味。而豬肚尖係豬肚四分一嘅部位，所以特別矜貴。口感非常爽口又有醬油香。清炒涼瓜用啤水兩個鐘，沖走涼瓜本身嘅苦澀味。然後用咗清炒方式，即係冇落油和熱水，所以亦瓜身仲係翠綠色又可以保持到營養。蜜汁火方平時出面食到嘅多數都係用連子，餐廳就加以改良，使用菠蘿代替，咁樣就可以中和火腿嘅油膩感，加埋麵包夾埋一齊就perfect。廣州荔灣豉椒炒蟹選用新鮮靚肉蟹，再用豉椒大火爆炒蟹。蟹肉肉質呈一絲絲狀，而味道極之鮮美。驚喜嘅係辣味更加帶出蟹嘅鮮甜。

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯店舖由九龍城再發展到開私房菜喺尖沙咀，其實都做咗一段時間但係係最近先再開放比大眾，所以暫時都比較少人知，但係有好嘢梗係要share俾大家！店舖係着重喺復原以前嘅懷舊中菜，依家都好少地方有得食，而且店主爸爸當時都係開酒樓，所以就繼承父業，令到一啲特別嘅懷舊中菜唔好失傳，好多，食到嘅菜式都係比較花時間花心落夠手工！燕窩鷓鴣粥係60，70年代既手工菜我都係第一次食比較少見因為做法繁複鷓鴣同鵪鶉差唔多，都係細小鳥類，有化痰止咳功效，粥身其實無用米，主要以冬瓜蓉同火腿為主，面頭加上燕窩，更有貴氣！大蝦多士非常大份，有一隻完整大蝦加上蝦膠既多士連蝦頭都可以食用咬開脆皮，大蝦肉質鮮嫩多汁！自醃味菜炒肚尖酸菜用醋同糖自己醃製，味道唔會好濃郁但酸酸甜甜好開胃豬肚尖只用4分一豬肚位置口感柔韌爽嫩！勁好食🥰清炒涼瓜通常鍾意食苦瓜既人就好鍾意，唔鐘意就根本完全唔食其實我就完全唔食個種人但呢一個清抄涼瓜真係好特別係招牌菜之一主要係佢哋過水二個鐘，過走苦味切成薄片，食落爽口回甘！蜜汁火方非常特別的一道菜可以話係中式三文治用白麵包夾住金華火腿同菠蘿！廣州荔灣豉椒炒蟹

大同私房菜會所🌟燕窩鷓鴣粥🌟大蝦多士🌟自醃味菜炒肚尖🌟清炒涼瓜🌟蜜汁火方🌟廣州荔灣豉椒炒蟹🌟大同咖哩牛腩🌟蟹油撈麵🌟臭草陳皮綠豆沙一直知道有一間叫大同嘅私房菜幾出名, 但係因為係介紹形式所以都未食過, 最近聽朋友講佢開放俾公眾book, 就約埋其他朋友一行10個人黎個私房菜gathering。大同dinner menu 係$1000 per head, 因為想食燕窩功夫菜, 我地每人額外加多少少錢。燕窩鷓鴣粥係一個傳統菜, 適合配上少少醋調味, 成個菜係養生之選。大蝦多士就比較有層次感, 最上面係原隻蝦肉, 中間係蝦肉打成蝦膠, 最底係一層香脆麵包, 唔錯唔錯。自醃味菜炒肚尖選用左豬肚最靚嘅位, 只佔一個豬肚嘅三分之一, 自家製味菜嘅調味出色, 微微酸好啱同肚尖一齊食。蜜汁火方係幾traditional 嘅菜, 麵包配蜜汁火腿加上少少菠蘿, 幾啱refresh 味蕾。廣州荔灣豉椒炒蟹好惹味, 加上少少蔥, 一人食2件覺得啱啱好。蟹油撈麵係用製作豉椒炒蟹嘅蟹油配蝦籽麵, 豉椒蟹油配麵, 唔使講都知好食。Friendly reminder 如果覺得d 麵唔夠係免費refill 架。大同咖哩

之前跟屋企人喺九龍城食開嘅私房菜，而家開咗係尖沙咀，係正Apple隔離，方便好多。今年中秋做節，一如既往都係包間房寫Menu，復古粵菜三代同堂都好啱食。荔灣豉椒炒蟹我最愛嘅菜式之一♥️一端上台就香氣四溢，豉椒味香又帶辣勁，惹味十足！蟹油撈麵極邪惡🤤用炒蟹嘅豉椒蟹油撈鹼水麵，連埋啲香葱一齊食，每一啖都係精華！食2碗麵都仲係意猶未盡☺️大蝦多士大人小朋友都鍾意食，原隻大蝦+蝦膠+多士一齊炸，口感豐富，點埋茄汁食一啲都唔漏蜜汁火方呢道原本係杭州菜，蜜汁配上火腿嘅鹹香，連埋菠蘿放入麵包一齊食，清新冇負擔大同咖喱牛腩咖喱唔會過辣又夠香料味，下飯一流。薯仔夠晒入味，牛腩輕輕一扯腩肉就散開，超級腍💯自醃味菜肚尖肚尖佔豬肚好少部份，口感滑溜，完全唔un，加埋啲味菜一齊食，酸度咸度都好配合清炒涼瓜呢度係招牌菜，屋企人次次都叫，平時我唔食，今次終於的起心肝一試，竟然有驚喜😯初入口似食青瓜，到最尾先有好少嘅苦味滲出嚟，唔難接受臭草陳皮綠豆沙好香陳皮味，臭草其實唔臭🤭甜度剛剛好，清熱解毒呢度一般都要六個人以上先可以預訂，有兩間大房，仲有一間k房，房入面有獨立廁所，私隱度高，期待下次做節再嚟食新菜式～

呢間私房菜係朋友介紹，舊鋪喺九龍城，只係招呼朋友，依家終於可以Book到喇！佢哋係以前廣州大同酒家嘅後人開辦嘅，做嘅係正宗復古粵菜，當然都有唔少自創招牌菜式啦，呢度最少要六位咁預約，大家嚟嘅時候就要留意喇！今日食嘅係私房菜晚宴套餐（每位$1000），有一湯羹、一特式、五款菜同一飯麵一甜品！湯羹我哋加咗$100，試吓「燕窩鷓鴣粥」！呢款係百年歷史嘅傳統粵菜，喺好濃稠嘅粥入面有好多鷓鴣茸，好有咬口，同時有化痰止咳嘅功效，真係又好食又健康！而燕窩真係有極多！係非常滋補嘅一款湯羹。特式菜我哋就試咗「大蝦多士」，一上枱就覺得好有氣勢！每條蝦都得好金黃，大大隻，入面係好豐富嘅蝦膠同蝦肉，配埋甜酸汁食就更加惹味！之後有五款菜，我哋先食咗一客「自醃味菜炒肚尖」，呢款係潮式菜，肚尖係最爽嘅部位，食落比想象中有咬勁，而味菜食落酸酸哋，令個口味更加均衡。另一款係佢哋嘅招牌「清炒涼瓜」，呢款涼瓜係用咗兩個鐘嚟汆水，所以就無曬苦澀味，會食到瓜嘅清甜，而且係無用油咁清炒，就比較試到食材嘅真味道。下一款係「蜜汁火方」，見個名咁得意，原來係火腿同方包嘅配搭，佢哋特登用咗菠蘿嚟陪襯，增加甜味，而金華火腿都好厚實，有鹹香

母親大壽，想找一家體面既酒家，親友識人，推薦呢間廣州甚有名氣與歷史、主打傳統粵菜既大同私房菜，因為會所只有兩圍圓桌，所以預約是必須的入面佈置華貴，靛藍為主色，一洗平時酒家慣性紅紅白白既俗氣房間滿佈藝術畫作第一道：燕窩鷓鴣粥呢樣係傳統手工菜，傳統做法係將參薯/木薯攪成蓉再加鷓鴣肉煲勻，但呢度用左冬瓜，食起上黎較清熱同埋無咁黏稠第二道：大蝦多士我想像中的蝦多士係多士係底蝦係面，但呢個做法係，多士包覆住整個大蝦，然後開炸用刀切開一半，可以一半點喼汁，一半點茄汁，兩種風味第三道：自醃味菜炒肚尖咸酸菜係店家自家醃製，酸香味齊全。而每隻豬既豬肚尖只有3-4人份量，呢個部位既豬肚，厚實、柔韌，過鑊爆炒一下，食落嫩滑又爽口第四道：清炒涼瓜呢道菜，負責人甚至話係招牌菜，睇落以為簡單野，背後功夫野十足：先係將苦瓜汆水兩粒鐘，然後唔落油水直接生炒，上碟時灑上少許胡椒粉調味，口感爽脆，甘而不苦，一片一片吃著非常上癮第五道：蜜汁火方做左幾廿年人第一次食呢個，睇餐牌時都有d期待原來係道傳統浙江菜，雖然並非粵菜但都係店家招牌之一，用多士夾上用蜜汁煨過既金華火腿、並以菠蘿最代本應為蓮子及腐皮，旨在減少肥膩感及火腿鹹味