大叻越南牛肉粉餐廳 (通菜街)

營業中

休息中

點了兩個晚市一人餐，分別是生牛肉河粉和鮮茄牛坑腩河粉，每個晚餐還包括絲網春卷兩件，飲品就點了熱檸檬水和熱檸檬茶，另外加了一碟上湯菜心。生牛肉河粉的湯頭算是有點越式風味，牛肉頗多，味道和肉質也不錯，河粉又多又滑。鮮茄牛坑腩河粉的湯頭就過甜，牛坑腩看起來很柴，吃的時候又不覺柴，食材還有大件的蕃茄和紅蘿蔔，河粉同樣又多又滑。絲網春卷香脆，味道好，加點越式酸汁，味道更佳。原本我以為上湯菜心的賽事放在湯中的，原來是沒有湯的，菜心翠綠，口感不錯，不過油下得比較多。

🌟 大叻越南牛肉粉餐廳 (通菜街)炭燒豬頸肉 ⭐⭐⭐⭐好食嘅！份量大到癲,一碟食到飽飽。個豬頸肉燒得香噴噴,肉質夠嫩又多汁,個醃料入味到,配飯一流！不過$88真係貴咗少少。生牛肉河粉 ⭐⭐⭐$55晚市套餐都算抵食啦~湯底清甜,牛肉片夠新鮮,不過都冇咩特別。河粉夠彈牙,都算正常水準。想食越南粉都可以一試。龍眼冰 ⭐⭐跟餐加$10真係伏到爆！都係飲水算啦！冰都唔夠碎,龍眼勁甜但冇咩龍眼味,好似加咗好多糖漿咁。仲要啲冰塊大到好難食,飲完成個人都唔開心。$10可以去7仔買支嘢飲仲好過。整體評價：晚晚搵朋友食個餐都幾啱,晚市套餐價錢都算平,環境就一般啦。炭燒豬頸肉雖然好食但真係貴咗啲。飲品就千祈千祈唔好加錢upgrade。價錢參考：炭燒豬頸肉：$88 (貴咗)生牛肉河粉：$55 (晚市套餐)龍眼冰：跟餐+$10 (完全唔抵)小貼士：晚市沒有人,不用等位想慳錢就食晚市套餐就夠飲品千祈唔好加錢upgrade，飲水啦！總結：晚市套餐都算抵食,但炭燒豬頸肉就真係貴咗！嗰$10飲品upgrade都係慳返啦！

今日打電話去嗌咗個香茅豬扒河粉，跟返張外賣紙嘅價錢係$52+$2（外賣盒），即係應該係$54，但我去到拎外賣嘅時候個職員收我$60，但我食咗好多次都係$54。個陣我拎左$104俾個職員，佢呆咗望住我，話係$60，之後我睇張單冇加其他嘅嘢真係$60，我以為自己記錯啦，咁我照俾錢，拎到返去，我再望吓張外賣紙係$52（加$2外賣盒，即係$54），咁我就打電話去問，個職員話「你冇問我，所以我都唔記得同你講加咗價」咁我就問佢乜有新嘅外賣紙？佢話「未有新嘅外賣紙，仲係舊嗰張，但已經加咗，呢度嘅Menu已經係$58」其實加咗價唔係問題，但你唔講，咁即係你係呃食客啫。同埋你一加加成$6，由$52加到$58，你每次都話唔記得同客人講加咗價，咁一日都俾你哋呃咗幾錢？

JC香港區愛店-大叻越南牛肉粉餐廳吃過超多家但仍未有能超越的撈檬其他我不敢說但炭燒豬扒撈檬真的 無得輸以前跟朋友會叫兩種不同的分著食但這個真的太出眾要了兩碗一樣晚市$60加春卷x2 附飲料特飲另加$10其實要了一份沙嗲串燒忘拍照，份量很足值得試4串（雞 牛 雞） $48兩人要了兩碗撈檬+特飲+小食$207不算便宜但味道值得推介🙈有機會火來香港又去旺角的朋友推薦你試🤤不過唔好預佢有服務，食左好多次都覺得佢服務係零 裝潢整潔指數：🌕🌕🌗🌑🌑食物美味指數：🌕🌕🌕🌕🌗JC推薦指數：🌕🌕🌕🌕🌑

今日同同事出街食lunch,因為好多餐廳都要等位，最後帶左我去食越南野🇻🇳，咁岩有台客埋單，吾洗等位仲有卡位坐添😆午市套餐：炭燒香矛雞扒飯+凍檸茶$65小店座位偏窄，加上lunch時段好繁忙，好好彩可以即刻入座，我叫左午市套餐既炭燒香矛雞扒飯，再加$5凍檸茶🫶🏻到餐後，份量都吾細，夠哂飽肚😋雞扒炭燒到好香，食落肉質鮮嫩，廚師燒得勁好吾會乾身，超級惹味，同埋個飯加左d蔥油，好開胃，真係大件夾抵食🤤

食越南野唔一定淨係食生牛河/米紙卷😉大叻一向出名食炭燒豬扒/雞扒飯，今日同屋企人行完街決定去試！餐廳環境比較擠迫，建議二至四人去食！今次點了炭燒豬扒飯😍😍一上枱就聞到陣陣岸燒香味，就知道餐廳真係用炭燒呢個方法去燒豬扒，絕無虛假成份！豬扒極大塊，啖啖肉，雖然是炭燒，但完全冇燒乾了的感覺，反而很Juicy👍🏻👍🏻👍🏻白飯上面附了一些蔥油，很香口！如果是小吃的女仔，建議可叫小飯😜😜

係旺角附近番工 食晏已經食到冇野好食咁 諗住清清地食碗越南粉點知就瀨晒嘢🥹🥹🥹我叫咗個生牛肉牛丸河粉一打開個樣好似幾唔錯但係一飲個湯 鹹到癲咗諗住唔飲湯，淨係食個河粉食到一半已經鹹到食唔落我同事叫咗個豬頸肉河粉個湯底望落好似好清咁點知都係好鹹……但係個豬頸肉又幾好食既之後個湯又真係鹹到食唔到落去不過食物質素都係其次最主要係食完之後我同同事都肚痛肚屙 番到屋企又肚痛又想嘔 不斷屙水…..離開唔到個廁所咁…….

下午一個人入去食，明明有位坐但要我卡位搭枱。四眼個阿姐叫我坐低：搭枱面對面冇隔板架啦。（枱又唔係大）好啦，叫完野食。好快送餐黎又唔講係咩，人地碟飯就放左係我前面。同枱個客即刻搵阿姐問：呢碟咩黎？呀姐先講唔好意思。最乞人憎係個月巴阿姐。對面個客走左，我杯野飲重有三分一。專登叫門口三個客入黎坐住等喎。擺明趕客。又唔爆場，逼九人走。要人一啖過飲x晒。（間間餐廳都排滿人。係佢冇人排，而家知點解😒😒😒

第一次來這間「大叻」食越南菜，一行三人，一張長枱，好闊落，一點都不迫，而且晚餐時段的一人餐只是 HK$52.00 ~ HK$60.00 不等，好抵食！看看我們三人叫了甚麼東東？1. 生牛肉河粉（配春卷2件）HK$60.002. 扎肉雞絲撈㩚（配春卷2件）HK$60.003. 扎肉雞絲撈㩚 HK$52.004. 加 HK$3.00 凍檸茶5. 加 HK$10.00 紅荳椰汁冰我個人最喜歡的，就是這裡的扎肉，又大又厚，肉的質感夠實淨，又少少煎燶，另外雞絲都好瘦，加入甜酸汁，甜甜酸酸，好滋味有加一服務費（+10%）歡迎下次再光顧

有冇人同我一樣會對某間餐廳某個餐好鍾情，每次入到呢間餐廳，無論外賣定堂食，我都只會叫同一個餐，就係炭燒豬扒飯‼️💡炭燒豬扒飯 + 凍檸茶＄58豬扒唔算等好耐，我估因為多人叫都燒定咗，但放心每次上枱都係好熱。豬扒肉質好稔，仲有肉汁。比起其他豬扒優勝嘅係，真係有一陣炭燒味，尤其啲邊邊位，係一種嗅覺同味覺重疊嘅享受。仲可以落豉油同撈埋啲薑蔥茸送飯，豉油冇咩特別，薑蔥好正，又唔會太油，一啖一啖咁食真係幾正。男朋友將個飯轉做河粉，湯底清甜，都唔錯～關於服務態度，Openrice上都見到幾多負評，鰂魚涌分店就買外賣多，通常唔多覺。灣仔分店就落單都好受氣，問多一句都好似唔想答咁。但旺角分店可能換咗批人，見個男侍應態度好好，見前面個枱個女仔凍到縮埋一舊，主動問佢要唔要調位，又會我關心我哋個枱夠唔夠豉油，整體感覺又唔錯㗎喎～環境就似普通茶記啦，冇乜特別，衛生先可以接受。

間嘢燈光比較暗，又唔起眼，如果唔係有人介紹我真係唔會入去食🤣但意外地好食，有驚喜原價60蚊有啲貴，但下午茶時段 2:30pm-5:30pm價錢可以接受碳燒雞扒撈檬 💰50 ❤️‍🔥8/10分勁大陣碳燒味，雞皮少少焦脆，望落去好似好燶咁，但其實食落冇咩燶味，配菜新鮮爽脆，檬汁夠酸，肉同麵份量都多🤤略嫌無雞味，肉有啲嚡🤏🏻咸檸梳打 💰10 酸啲會好啲

下午茶時段去食覺得幾抵 包埋熱飲一杯 其實不嬲都聽講員工態度差 其實來來去去都係果幾個人當時準備到餐時 就禮貌地問一位帶眼鏡女店員要辣椒粒 當時女店員完全冇回應我 咁我之後再問多次 之後佢態度極度晦氣話 拎緊嚟啦要時間啊 嗰一下我自己都嬲咗 冇啦啦比人鬧 好心你將心比心 你完全唔俾反應我 我點知你拎俾我 同埋態度使唔使咁差 真係唔該老闆訓示下呢啲員工 好地地去食嘢竟然係受氣其實嘢食質素係幾好雞扒係幾好食特別下午茶時段係抵 但係每一次佢個員工都咁差態度 真心趕客

我2:20分入到餐廳以為有下午茶原來兩點半之後。好有禮貌，問店員店，員即刻黑面。咁我話可唔可以坐低等一陣。偷偷兩點，25分再問佢可唔可以俾個餐牌睇啊個下午茶。佢話未夠鐘唔俾。極之冇禮貌晦氣。希望佢哋老細睇到真係趕客，你哋間鋪唔鍾意咪唔好做下午茶囉。

分店都算多嘅越南嘢，大叻都有一排冇食佢，今日咁啱見到夜晚就去食佢餐牌都冇乜點變，價錢都係經濟實惠平嘅話可能50幾蚊，60幾蚊一個飯夜晚去食都有餐，夜晚60幾蚊包嘢飲真係好抵仲有兩條春卷送我就要咗個炭燒雞扒飯炭燒雞扒外脆入邊好嫩有肉汁餸嘅份量都好多仲好貼心咁幫你切好晒佢等你食得舒服啲切都唔使切然後仲有兩條越式春卷餸熱辣辣脆卜卜都好好食叫咗凍檸茶，凍檸茶就係正常茶餐廳質素啦朋友叫咗個咖喱牛腩飯我都食咗啲顏色好似普普通通咁但係食落比想像中好食咖喱味都幾好，牛腩唔會韌，牛味都OK佢嗰個餐就好似70幾蚊，都係包嘢飲其實都好抵食

我知道標題有啲誇張，但呢間嘢真係由我讀書時代食到大，一直都好鍾意！自己一個人嚟食晚餐，叫咗個「烤豬肉撈檬」（$58）份量好大，配料亦有好多（蘿蔔絲、青瓜絲都好多，我特別鍾意佢啲花生碎，唔會太碎有口感）跟餐有兩條春卷，熱辣辣，外皮好鬆脆，料係好rich既豬肉碎以前係分碟上既，依家放埋係碟粉入面，不過因為汁係另上，所以都無咩所謂烤豬肉薄薄幾片，唔會韌，香烤味好濃郁另外亦都推薦食佢既炸雞翼（好似午市有套餐），又大隻又炸得靚撈檬汁係我最鍾意既，酸酸甜甜，次次食都唔覺意落咗好多值得一讚既係佢既凍奶茶（加3蚊，影既時候已經飲咗啖），奶同茶既比例幾平衡，又唔會太甜留意返晚市係要收加一服務費＊雖然我唔知佢係咪正宗越南嘢，但個口味真係好啱香港人，一試過就成日心掛掛想返嚟再食！