大佳B甜品屋

營業中

休息中

同幾個同事去完漁暉苑打波, 又唔想食飯, 就去大佳B食糖水. 一行四人, 我叫左楊枝甘露, 另外兩個叫忙果布甸, 第四個同事想睇一睇我個楊枝甘露黎左之後如果好佢先叫一個, 點知有一個高頭大馬冬菇頭的女待應話 : "咪又係芒果味!" 即時四個一齊 o 咀, 我個同事都係唔叫住, 另外兩個同事問了她一句 :"十一蚊同廾一蚊的忙果布甸有乜分別?" 冬菇頭答 : "多D忙果羅!" 小姐, 你好野!另一講一講佢D野食:楊枝甘露 - 一D都唔好食, 又細碗, D祿袖好苦, 一D芒杲味都冇, 真係難食忙果布甸 ($21)好似好霉, 只係吃到面頭個個芒果雪糕D味, 個布甸太多魚膠枌, 似嗜喱多D, 四不像, 唔怪之鴨利洲大街個間己結業啦

香港仔街坊食甜品,應該無人唔識大街b首選招牌芒果布甸仲有好好味ge楊之甘露,大街b,芒果撈河,芒果棉花冰...飯後甜品一流但中式糖水,eg芝麻糊只是一般服務態度好好隨帶一提 星期3唔開門架!

每次到大佳Ｂ食得最多既就係楊枝甘露，今次亦唔例外，因為做完工作後回家很想食！我鐘意佢夠料，MANGO的果肉香甜，椰果有咬感，雪糕有點冰，但都可以。柚肉也算多的。價錢便宜，只需20元。哈哈，每次都食呢個甜品都無機會試其他啦！

我之前一直都食佢既鮮果冬甩,覺得好特別,個冬甩仲要係我最鐘意既玫瑰味,仲有好多生果.點知今次再去食番,個冬甩比之前細2倍仲要係菠蘿味得幾粒生果,當時我以為價錢會平咗,我看番價錢牌都無變,只不過多了個細雪糕球,超級失望,食唔番之前咁好食啦.....

朱古力脆米糖不甩: 好味,,脆脆地,,不過冇乜朱古力味,,其實只係加左可可粉的糖不甩,,不過勝在有創意,,可以一試,,$13唔算貴鮮雜果蘆薈果凍: 果凍好好好甜,,$18唔值,,,,,,之前試過吃''啫喱'',,,都係好甜洋薏米銀杏腐竹($11): 唔係好甜,,不過冇乜料,,得幾粒銀杏,,洋薏米又少,,腐竹煲到爛曬,,我個人鐘意食一片片的腐竹,,,不過呢個價錢,,算係咁啦呢間D甜品好抵

每次都是楂車黎食, 因為貪佢門口有幾個「車位」!今晚都唔例外, 朋友從老遠揸車過黎港島, 梗係要帶佢食D 好野啦~每次我都會點大佳B, 因為真係價錢相宜, 份量款式又夠多! 抵食!不過, 今回我要試下d新野啦~芒果什果河粉!原來果d 唔係真河粉, 係將d 椰汁糕切條, 好似河粉咁!不過, 略嫌細碟左少少呀... 兩三下就將佢ko...

已有多年沒有踏足香港仔，環境變遷是少不免，多了些高架天橋，亦多了很多食肆。很驚訝地，小妮子說帶我們去吃甜品，怎麼她會熟悉這一帶，原來她有同學在這區住。來到這條後街，是我一生人從沒有來過的，找所甜品店叫「大佳B」，與B仔涼粉有關嗎？餐廳內的裝修頗有宗教意味，牆紙有些小羔羊，而宣傳單張有福音的句語，甜品的名稱更是明顯，「哈利路亞」，「耶路撒冷」，頗特別。餐牌有過百種甜品，花多眼亂，要揀選一種真不容易，太座與小妮子共嚐一個叫「大佳B」的甜品，成份與元朗的B仔涼粉差不多，祇是份量細了很多，生果有西瓜，芒果，珍珠和黑珍珠，下面是涼粉，賣二十元算合理；小伙子選了薑汁豆腐花，薑汁味濃，豆腐花不過不失；而我則選了水上人糖水，有木耳，雲耳，黑豆，雞蛋，整碗都是烏卒卒的，據聞黑豆補血，木耳、雲耳等幫助清膽固醇，是一個很健康的甜品，況且木耳和雲耳入口爽脆，連我這個陸上人也喜歡這個水上人糖水。地方整潔、舒適，值得推介。

We went to this dessert place after movie. We ordered Mango Ice and Chocolate Shaved Ice, and both were tasty. Since we went late night, it was only half full and the environment was comfortable. We liked the background music, and the staff were friendly. The Mango Ice was in good portion and tasty. The Chocolate Shaved Ice was rich in chocolate taste. We will come back.

有日到香港仔探朋友, 我們走入 一間甜品店，大佳B叫了天使刨冰~ 即係 刨冰, 沒有特別. 耶路撒冷，個名幾得意, 味道一般這店可能是基督徒開，甜品名字 好 宗教~哈利路亞、八福糖水、天使刨冰

10月25日, 今日踩咗成日單車, 淨係喺沙田shakey’s pizza食咗個tea… 真係唔多夠飽! 所以一於同呀比去食個甜品補充下~::: 牛奶綿花冰 ::: $28呢個絕對係甜品界跟風之作~ 不過呢個牛奶冰都做得相當唔錯! 配料係set定無得轉嘅, 有大粒紅豆茸同百香果果汁珠做配料, 同埋朱古力醬做點綴. 綿花冰綿得黎有口感, 唔會一食落口好似食空氣咁嘅質地~ 而且奶味頗濃, 甜度適中. 加上牛奶冰配其他兩樣配料味道都幾好~ 果汁珠有爆汁效果~ 唔錯唔錯!::: 番薯糖水 ::: $16另外再叫番一個熱甜品去中和個凍冰冰嘅綿花冰~ 呢個唔係普通番薯糖水, 仲加咗芋頭同粟米, 所以食落唔單止有甜甜嘅番薯味, 仲好香濃粟米味添~ 成碗都唔會係好化學嘅甜, 反而係好清香嘅甜, 唔錯~搵勻香港仔嘅甜品舖真係唔多~ 大佳B都幾係獨市! 加上食物質素不錯, 唔怪得門口人龍長又長啦~

同家姐放工攰攰哋,去咗香港仔大佳B坐坐~~首先,講講個鋪面,一睇就覺得好乾淨,加上個櫥窗擺咗好多糕點(eg:馬豆糕、紅豆糕..)<<<好吸引。個哈利路亞都唔錯,d生果夠新鮮加上嗰d白色嘅珍珠好好口感~~再配以涼粉,簡直為攰攰的身軀打打氣^^

最最最喜愛食就係大佳B: 榴槤雪''花'' (名字不太記得了=P)很香的榴槤味覺, 不好食起碼還有味嗅*V*但說真, 我覺得 榴槤雪''花'' 味道是榴槤愛好者不錯之選!榴槤味道超重, 加上冰凍過=) 涼涼軟軟''

先多謝我吔同事請食TEA~ (因為今天有事入香港仔做嘢...)事源食完王家沙~ 雖然好飽,但好口渴想食下冰~同事就提議呢間比我, 我睇完OPENRICE 就想食芒果泡冰...好大個碗呀,好開心, 芒果汁放在冰的上面,好好味呀, 但個汁就不夠囉... 芒果肉好甜,好得, 冰內仲有涼粉添.... 正呀~估唔到呢區都有冰食呀...

和女友走了一個下午，天氣熱得要命，最好是吃冰解熱，在此附近也沒太多像樣的選擇，就來一吃。這間甜品屋賣的東西在這區來說也挺時髦及全面的，除了有一般的中式糖水、涼粉冰，甚至木糠布丁及最潮的花冰也一應俱全，既然天氣咁熱，當然主打冰冰，但女友也叫了點糖水拿走。先來的是芒果刨冰，看上去整個冰也是黃色的，很芒果啊！而此刨冰也是一貫最簡單的刨冰做法，用刨冰機刨了碎冰後，再淋上濃芒果醬汁就是了，一口吃下，也真有芒果味，而甜度也是剛好，但是芒果的香度不如看來的濃，而且冰粒稍為大粒了，不夠碎，但論用來降溫的也着實不錯，而碗邊的芒果非常新鮮，很甜，另外碗底盛有大量的涼粉墊底，伴着冰涼的冰冰同吃，也是不錯。另外點了的是近期人氣的花冰，今天吃的是牛奶味的，當然其牛奶味其實不太強，也是可以理解的，因為牛奶的奶香源自其內的奶油，大家可知油水很難溶在一起，在常溫下的牛奶也只是以膠狀體的形態出現，當降至低溫時，彼此的相態會有更大差別，而導致固體內水份存量更高，簡單一點的例子，就如一罐結了一半冰的可樂，其所謂的可樂冰塊會較一般的可樂淡，而盛下未結冰的可樂會變得比一般的可樂甜，也許扯得太遠了，說回牛奶花冰的味道，也是甜度適

鴨脷洲店星期二關門,不想走太遠便來香港仔吃飯後甜品.約10時,可能時間尚早,沒有人客,這日已決定好要吃熱的,便點了紅豆燉鮮奶蛋白.跟鴨脷洲店比,我覺得這裏的燉鮮奶蛋白不夠香滑,而且甜度亦差了一點,可能是口味吃慣了吧.門外有介紹夏日新甜品,是最近大受歡迎的台式雪花冰,有4款,$28左右,有興趣的可一試.