大佳B甜品屋

營業中

休息中

好抵食typical 嘅選擇大部份都有，芒果甜，味道都調得好特別推介芒果椰汁撈河不過可惜感覺上都係香港仔獨霸嘅平價甜品, 冇乜特色 服務態度有時都麻麻希望會出多d獨有嘅甜品啦

在香港仔生活了幾十年。由新開張幫襯到現在，老闆娘嘅服務態度越來越差，不可以因為生意好就可以得罪食客。又貴又細碗，請你檢討下，如是這樣下去，食客只會越來越少。糖水沒有過往好吃，不可只靠金錢而不理會品質。

返親娘家都要去一去大佳b，呢間真係由細識到大既甜品台，細細個唔開心嘅時候就會過嚟食個甜品，因為價錢都好合理。咁就例牌叫芒果嘅甜品，叫咗招牌芒果布甸同埋椰汁芒果河粉，芒果味道同以前完全冇分別，都係好好味，簡直覺得去左芒果天堂。

食完飯想食下甜品，Search 左一輪無乜choice 就揀左呢間。呢區真係無乜choice，去到已經有人排緊。menu都幾多款可以揀，最後揀左什果涼粉。都好大碗份量OK ，有耶汁生果都幾新鮮多汁，可以再黎試其他野。

食完晚飯就一定要去食甜品，好耐都冇食過大佳B既糖水啦。去到門口都係一樣咁多人排隊，等咗15分鐘先有位。今日唔想食凍野，叫咗個芝麻糊。好少見到芝麻糊有咁滿滿一碗，濃郁嘅芝麻味，芝麻磨得幼滑，呢道既芝麻糊一D都唔稀。

星期日既夜晚大佳B一定要等位嫁喇，因為香港仔都無邊幾間甜品店，而且大佳B甜品款式較多一坐低Menu都唔洗睇，就叫個大佳B甜品啦，用得自己鋪頭名黎就個甜品既名，應該係Signature Dish黎啦~~~其實大佳B就係涼粉底 + 大小西米 + 生果既組合黎，落單時哥哥仔已經問我洗唔洗加奶，當然好啦~!! 大西米好有咬感，口感都幾特別，芒果亦好在唔酸 加左奶之後個甜品多左陣額外既香甜味道，清清地但同西米係異常配合，而且上面加左D唔太甜既芒果汁，所以呢個甜品並唔係睇落單單將幾樣食品加埋一齊咁簡單嫁

食過下午茶，卻又想食多個甜品，於是走過隔鄰，再食個甜品。大佳Ｂ一向都是想去的甜品店，但是卻又就不到時間，今天既然人在香港仔，倒不如去埋。翻開餐牌，固然有多款甜品糖水，但偏向食糖水多一點。綠豆沙涼粉是兩溝的甜品，當中綠豆沙起了些微的沙，不太甜適中的味道，當中綠豆沙亦可清除熱氣的功效，而涼粉則清涼，略帶有澀的味道。一個簡單的甜品糠水，可消磨一下時間吧。

南區甜品店選擇不多，晚飯後想吃甜品，唯有去大佳b平日十時多去到不用等位。大佳b： 名字搞笑跟店名一樣，算是招牌菜了吧？!真名應是雜果西米露涼粉加大西米。大西米口感不錯，煙煙韌韌配埋鮮甜既水果，簡直無敵。西瓜西米露: 西瓜很清甜，西米不會煮得過淋，天時暑熱解暑一流燉奶: 奶味香濃，滑溜溜好味道，養顔佳品，岩曬女仔❣蕃薯糖水: 媽媽的至愛，蕃薯煲至糖心而且甜度適中，最岩老人家。

店名:大佳B地址：香港仔舊大街120號兆群大廈地下3號舖好味指數：8.2/10價錢：$31甘露鮮奶蛋白楊枝甘露配搭鮮奶蛋白非常創新，不只賣相吸引，味道也很好。鮮奶蛋白很滑，楊枝甘露配料有新鮮芒果，大西米，西米和芒果汁等，非常滋潤解渴。店名:大佳B地址：香港仔舊大街120號兆群大廈地下3號舖好味指數：8/10價錢：$13朱古力布甸以朱古力製作布甸非常特別，布甸夠滑，而且充滿朱古力的香味。雖然朱古力的味道不是很濃，但仍然好吃。配上花奶味道更佳。 

偶然發現此小小的甜品店，成為每次去香港仔探朋友時，必定前往光顧！今日點選蘆薈涼粉，份量頗大，涼粉夠凍，夠爽口，有彈性，蘆薈鮮美，兩樣混合，味道一流👍👍😋😋，再灑上淡奶，口感更佳！只賣＄24，抵食！期間，有顧客買外賣，讚囗不絶它的糖水，十分好吃，堪稱在香港仔最好！！😋😋😋

店名:大佳b甜品屋地址:香港仔舊大街120號兆群大廈地下3號舖好味指數:7.8/10價錢：$32椰汁西瓜刨冰(大菜糕底）刨冰配上椰汁和糖水，味道非常清新。大菜糕質感滑溜，西瓜清甜，解渴，是夏日消暑之選。店名:大佳b甜品屋地址:香港仔舊大街120號兆群大廈地下3號舖好味指數:7.4/10價錢：$14蜂蜜蘆薈果凍味道很清新，果凍充滿蜂蜜味道和有粒粒蘆薈。

早幾日同人去左香港仔大街呢間大佳B,甜品款式非常之多，我揀左招牌芒果布甸，呢個芒果布甸非常之足料，佢除左有布甸之外，仲有芒果雪糕同芒果肉，我食完之後嘅評價係我覺得呢個芒果布甸芒果味好重，仲有唔同嘅口感，有冰嘅雪糕，有滑嘅芒果同埋有好軟嘅布甸， 其實真心如果淨係評價布甸，其實布甸又唔係好好好好食，但係加上雪糕同芒果肉，成碗布甸嘅口感就有大不同， 我好欣賞佢加上去嘅花巧同心思。

在鮨政吃過晚飯，想吃點甜品。在附近兜了一圈，找到一間叫大佳B的糖水舖，不過也許是讀寫障礙的緣故，我常常把它錯讀成「大佬B」。小店門面很簡單，鮮艷的黃色成功地引人注意，店內廚房前掛了一塊青綠的紙板，上面排滿羊咩咩的圖案，令人不禁聯想某間Cup cake的裝潢。 裝飾用的牆紙都是清新的田園系，不過倒轉的貼上去是令人最不解的地方。點了一個這兒客人比較常叫的「招牌芒果布甸」，端來滿滿一碗，盡是不同程度的黃。最頂層的雪糕味道有點不自然，布甸淡而無味，芒果大大粒又夠甜是唯一可取的地方，不過有輕微辣喉感，感覺非常人工化。這樣收$28/碗的話，確實有點令人失望。另一款點了薑汁燉鮮奶，這兒$24的定價比起銅鑼灣義順的$32親切好多。燉奶很有奶香，口感亦算滑，倒在表面的薑汁快要滿瀉，飲用後雖然很暖身，卻令人邊吃邊流鼻水，有點狼狽，如果製作時直接混入薑汁未知會否好一點?

由最初開食到而家😌😌越做越出名既一間小舖推介芒果類既甜品 全部都好甜好足料 岩哂愛芒既你😎招牌芒果布丁 除左有芒果布丁 仲有芒果味雪糕同鮮芒果肉.雖然雪糕食落似雀巢 但30蚊左右都算係咁個人唔太鐘意食刨冰 但朋友都話唔錯可以一試今次食左芒果椰汁河粉 用椰汁整成條狀薄片既糕佈滿哂成個兜 淋上又甜又香既芒果汁同果肉 正👍 嗜汁既我都絕對夠汁 你地更加唔哂怕食到乾爭爭得啲糕啦其餘既糖不甩都唔錯 有番咁上下粒數 好飽肚鐘意新花款既你唔食花生既你仲可以試下尼度自家既朱古力脆米糖不甩添 雖然未試過 但見賣相唔差鐘意舊式中式糖水既你亦唔怕 我見餐牌都有番咁上下多既普通甜品 仲有水上人糖水😂唔知咩尼呢 不過佢個蛋白杏仁糊就真係幾香幾滑 值得一試⭐入夜漸多人 建議TEATIME等早啲去食 免多人有排排隊喔😴😪

約了人在香港仔, 早到所以黎坐下. 這裡下午時段人流不多, 可以坐耐一點.點了姜汁燉奶, 熱呼呼的很暖身, 而且甜度剛剛好, 不錯. 不用等太久.這裡的其他甜品也不錯的, 服務也很有禮貌, 不論在人多或人少的時候.芒果布丁很好, 椰汁撈河也不錯. 其他例如楊枝甘露, 杏仁露也多人食.