大井町日式放題 (已結業)

今日其實唔係好肚餓，但男朋友話book左放題，咁就姑且試下有咩食！大井町位於荃灣眾安街，地點非常方便，店面闊落，一啲都唔局束，非常好。自助bar檯有沙律、水果、甜品、飲品。刺身(三文魚、北寄貝、中拖羅、帶子、甜蝦、白肉豚、赤蝦、赤貝)第一次食白肉豚，一試愛上！入口即融的口感與拖羅有幾分相似，好喜歡💕而且刺身全部冇雪味，值得一讚。火炙壽司：燒汁和牛壽司火炙芝士玻璃蝦火炙味噌醬蟹棒火炙左口邊火灸三文魚腩軍艦壽司：辣三文魚、芥辣八爪魚卷物：青瓜鰻魚反卷、辣汁炸蝦卷創作壽司：大、井、町創作料理：水晶香芒大蝦卷挺特別的，不會伏，放心點。海膽手卷炸物：芝麻雞翼、榴槤炸彈、芝士年糕、墨魚漿餅一如既往，榴槤炸彈係我的至愛，咬開裏面熱辣辣，榴槤香四溢，超正！焗迷你蟹蓋、焗蠔北海燒焗蟹蓋令人喜出望外，裏面釀有真的蟹肉。燒雞翼、鹽燒海蝦、鹽燒鯖魚雞翼不會太乾，可以。海蝦夠鹹夠味，鯖魚肉汁尚存，兩者都過關。虎蝦天婦羅牛柳粒日式雞絲翅煲食第一啖覺得不錯，但後來愈食愈鹹，而且太大碗，不得不放棄。每一可點叫一款貴價甜品，我地揀左：Movenpick 瑞士朱古力雪糕Dreyer’s呂宋芒果迷你雪糕批

食物差了好多，款式小，羊架好鞋丶食物吧好小野，仲要風乾甘放出來！一次比一次差！如果唔係因為時間問題都唔會去，海膽不新鮮最好糸粥，重味精已經冇乜好寫，正常一間放題，但相比開業時質素差好多，所以先少左光顧

食物種類比同類型餐廳少，食物味道不過不失焗蠔有腥味蟹粥無乜味道，但已經算係比較好食蕃茄牛肉烏冬偏鹹炸紫薯餅好重油益味職員態度都比較參差有啲態度比較差，唔太禮貌伏過一次就好喇

早幾日晩上因為兩個鐘都太肚餓就決定左去荃灣食大井町 呢間放題係自己一層的好多位，又唔會太侷促太逼 我地當日兩個人嚟食，就坐四人卡位😍😍但不足之處就係我哋坐嗰個位啲光線有啲暗呢度嘅上菜速度很快，點完好快就有得食 連食完既碗碟，大概你食完既30秒左右就會有人收走，連你想將d骨放係碟既空隙時間都冇畀到！而且冇試過漏單嘅情況而且飲品嘅種類好多，有紙盒，罐裝仲有酒類！同埋大概有兩三個果汁機呢度嘅食物有好多種類 首先講一講刺身方面 個人認為最好食嘅係油甘魚甜蝦比赤蝦好食 其他刺身都過得去既而最唔推薦食嘅係吞拿魚 食落不但瘦，而且仲無味 另外,此刺身方面你嗌第一次嘅時候，佢通常都會畀齊係但係去到第二第三輪既時候，佢好似隨手執少少畀你咁壽司方面份量適中，唔會太多飯！可能放題嘅廚師見慣香港人嘅浪費吧😐我哋仲試咗一個蜆肉瑤柱蒸蛋啲蛋好滑，但係加咗個芡汁，就搞到成個蛋有少少奇怪，但係總括而言都係ok好食既叫咗兩客焗蠔北海燒同埋迷你蟹蓋個人來說都不太推薦，除咗隻蠔好細隻之外 兩樣都係完全唔知自己食緊乜，就好似有一堆洋蔥同忌廉撈埋嘅汁擺喺個蟹蓋同埋上面咁另外鹽燒牛舌 今日可能有少少overcook所以令到貨個牛

朋友仔生日佢話想食呢一間其實我之前已經有食過幾次，但係因為佢佢發覺佢種類地同區嘅小所以就去咗令一間啦已經！今日再去試吓睇下有冇進步啦！因為我哋係早場好早五點半就開始食所以全場得我地一張枱，出邊拎嘢食嗰個食物吧！仲衰過以前，以前有八爪魚螺肉中華沙律嗰啲自己拎夾，依家佢搵隻好細好似豉油碟size嘅裝出嚟擺晒係度，仲要係得返中華沙律同埋海蜇兩個款，連蟹子沙律都冇咗跟住再睇下佢啲食物種類真係唔多佢啲刺身， 都OK姐都新鮮牛肉鍋好甜，本身都知道係甜嘅個湯底但係真係甜到我都頂唔順芝麻雞翼榴槤炸彈芝士年糕全部都穩陣啦就咁炸燒鯖魚 唔錯個魚皮好脆燒羊架 好鞋啊海膽手卷 黑色嘅唔新鮮燒牛舌 呢個好正蟹粥 好多味精不過鍾意食蟹蓋 都唔知自己食緊乜焗蠔 苦嘅唔今次食飯都係果句啦都冇乜興趣再過嚟，佢冇乜新意仲越來越少野！所以短時間內都唔會再嚟試啦，因為真係一次差過一次！未嘗試過嘅可以一試無妨

食物幾多同埋幾好味 ，樓下有得攞9折卷 刺身都算新鮮 係壽司差少少 上食物速度都ok 炸物都係即炸 炸芝士年糕同榴連炸彈都係推介 仲有壽喜煱 個湯幾好味好甜 係d牛肉有d硬 可以一試

這間放題的菜式不但種類繁多，而且非常美味。先講魚生，款式較多，不但新鮮，賣相亦不馬虎。熱食種類亦較一般放題為多。服務態度也不錯，很少漏單情況。最後更送上名牌雪糕，實在物超所值。

服務差不在話下，十問九唔應食物留單又黎得慢，最離譜就咪搞兩個鐘頭就要你埋數趕人走，衛生又差又污糟，未試過去過一間自助餐食到成肚氣火很滾，⋯⋯奉勸大家千祈唔好去。

個女部長全程黑面，招呼服務差到極點，一話夠鐘兩架下欄車衝入來，當時我幫BB扣緊BB車嘅安全帶，差啲比佢哋撞到，仲要講我出門口先好扣，完全好冇禮貌.食物遲遲唔上，三催四吹先來一部份，食物落枱就要埋單即比錢

一入到黎我同朋友都wow咗一聲😱😱 呢間係我去過既最大間最寬敞既放題餐廳，好多野飲，除咗例牌既罐裝同紙包飲品，竟然仲有即整既蜂蜜柚子、竹蔗茅根！！又有沙律bar，有西瓜、蜜瓜，應有盡有。甜品方面，有兩個大雪櫃放住，已經可見有好多選擇，我覺得最好味既係朱古力泡芙。呢間放題仲送Mövenpick or Dryers雪糕杯、雪糕雪條！刺身方面，我覺得個白肉豚超好味，好有咬感！其他放題餐廳好少提供呢款刺身㗎！

約左個朋友食放題，等埋佢放工，我地8點45分先上到去，好彩都有位，唔洗點等！近門口有個自助bar..有生果，有前菜，中華沙律，豆腐，枝豆，仲有甜品，同飲品，飲品都好多選擇，仲有酒類，好幾隻牌子揀！比起其他既放題，呢到真係好多選擇一坐低緊係第一時間寫刺身～刺身好新鮮，特別係帶子，好鮮甜，油甘魚一d腥味都無，甜蝦好新鮮～好味呢到上菜都算快，亦都無溜單，不過今次食得唔多，可能晏就食得飽得滯，叫左幾樣野就好快飽呢間d野食都好好味，會再黎幫襯

荃灣大鴻輝真係好多好嘢食! 呢間大井町日式放題都係第一次去. 佢哋逢星期一至五, 七點半前離座..任飲任食每位都只係$198, 抵到爛!!餐廳地方好大, 有卡位, 唔會太逼夾, 坐得好舒服!佢哋啲不寄貝, 牡丹蝦, 鮑片, 帶子等刺身好得! 大件又新鮮! 清酒煮蜆, 炸蝦, 燒牛舌, 芝士蟹蓋, 焗𤐶全部都係即叫即整..所以上枱時熱辣辣! 推介大家食火焰拉麵(超辣不過好好味), 榴槤炸彈(一啖一粒超正), 同燒菠蘿(好juicy)! 唯獨是個海膽手卷比較遜色.....另外, 值得一提係...呢個價錢竟然有Movenpick雪糕食. 讚!! 咁當然係每人只得一盒啦!PS: 溫馨提示如果去大鴻輝食嘢, 要有心理準備六點半後預咗排隊搭lift要排長龍, 甚至可能要排出街! 排隊等lift時間要預大概15至20分鐘!

以往每年中秋過節都是吃中菜，今年就決定反傳統地吃日式放題，和家人來到荃灣的大井町日式放題。獨佔全層，面積廣闊，座位寬敞舒適，充滿空間感。食物選擇極多，足足有十三張紙之多。這裡服務不錯，點菜後很快就上枱，而且侍應很勤快地執拾收碟，不怕一枱都是一大堆吉碟，亦沒有出現漏單或點錯單的問題。刺身夠新鮮爽口，沒有腥味，款式甚多。花之戀、汁燒和牛壽司、青瓜鰻魚反卷壽司的飯size不會太大，不過米飯就比較易散。蚧肉瑤柱蒸蛋熱騰騰的蒸蛋軟軟嫩嫩，彷彿吹彈而破。鹽燒海蝦、燒雞串不會燒得過乾。尤其推介燒菠蘿，滿載著水果的香甜味，不像平時生食時那樣酸澀。日式炒雜菌以牛油香，帶出菇菌類獨有的鮮味。柚子汁炒魷魚炒得香口，不過魷魚數量就不多。焗蠔北海燒、焗迷你蟹蓋size比較迷你，以芝士焗更添滋味。想不到日式放題會有意式焗薯吧 而且也是出乎意料之外的好味，軟綿的薯蓉夾雜著薯仔粒，口感豐富，加上酸酸的蕃茄醬十分開胃。鐵板牛柳粒一碟份量不少，肉味濃郁。鹽燒牛舌經鹽烤不會帶出過多油脂，但是卻能保持鮮香多汁。燒羊架燒得略焦，稍嫌有點乾。炸物質素亦不俗，點了榴槤炸彈、墨魚漿餅、紫心薯餅，炸漿不會過厚，作為紫薯控最為推介紫心

見到呢度啲食評寫得咁好, 咪帶老婆同仔去試吓囉，第一次食晚市嘅，啲食物選擇唔算多，啲自創壽司亦冇乜特別，唯一冇嘢鬧嘅係啲魚尚算新鮮。第二次唔記得咗第一次經驗去咗食午市，加左價連加一兩百幾蚊一位，算啦都入去食，今次發現啲手卷好cheap，一粒魚下面黐住成三吋長嘅手卷飯，啊仔食咗兩舊當堂飽左，叫刺身預咗數目唔夠，第二次加單三文魚刺身，點解啲肉色甘深色，食落仲有啲味，三個人嚇親唔敢食，如果要諗一樣野讚佢，就係買單嘅時候，個侍應幫阿仔度高，然後好唔好意思咁話，佢啱啱過咗140cm, 要收成人價😭😭

基本上，每個月都有人生日，每次諗食咩都諗到頭痛😅，通常諗到冇哂辦法，就會話，不如放題啦😂，今次亦都唔例外，😝，所以今次就試下呢一間，一入到去，環保唔太差，服務都可以既，甜品，飲品都係自己出去攞，款式都幾多，個人認為魚生唔係咁新鮮，熟食都可以接受，但價錢黎講就唔值呢個數😅，應該都冇下次😅😅