夢の丼 (已結業)

今日放假前夕晏晝過左黎食日本野！有個lunch set都幾抵A+B$98要加一可以簡2個迷你丼/迷你烏冬/刺身我叫左A1+B1和風牛肉丼+刺身4點牛肉丼完全唔hea，面頭仲有蒜粒！刺身就好新鮮😋😋😋非常抵食…查看更多

放工同朋友一齊食野，去左土瓜灣，上網睇到都好多好評，試下先～一黎試下佢個麪豉湯已經有驚喜，佢有蝦油既味！好香，搞到我對佢既野食已經好大期望！我地坐對住佢整野食既地方，我覺得OPEN KITCHEN好好，又衛生。平日既晚上都滿坐！先上既係佢既夢の丼，配料包括帆立貝、牡丹蝦、海膽、燒三文魚蓉、松葉蟹、三文魚子、左口魚邊等。所有野都好新鮮，仲有配埋佢個醋，小小一啖，再配佢既海鮮，very good!另外我地叫左花錦魚生丼，有三文魚、白身魚、赤蝦、左口魚邊、金蟹子、三文魚子、櫻花蝦、蟹膏、豆腐、松葉蟹、蜆肉、玉子等，係勁豐富，每一啖都好滿足！小食我地叫左蟹皇醬燒蟹膏豆腐，呢個真係勁驚喜，一定係日本靚豆腐，好香濃，呢個係一定一定要叫。慢煮鮑魚配肝醬，正！大大粒帶子，正！…查看更多

以前屯馬線未開通，黎土瓜灣有啲複雜，不過開通之後與油尖旺都只係幾個站之距，過黎食野都算方便。此夢之丼離土瓜灣B出口約5分鐘路程。Typical嘅日式居酒屋裝修風格，整體而言，刺身/水產新鮮，質素甚佳。奉送沙律及面豉湯，沙律都係簡單以羅馬生菜及粟米加胡麻沙律醬。花錦魚生丼 ($188): 魚生包括三文魚、白身魚、赤蝦、右口魚邊、金蟹籽、三文魚籽、櫻花蝦、蟹膏豆腐、松葉蟹、蜆肉、玉子漬、甜蛋，以及青瓜。非常豐富嘅一個丼飯，魚生均切成粒狀，每一口都包括數款材料，味道層次都幾豐富。魚生普遍新鮮，例如赤蝦晶瑩剔透，爽滑彈牙；右口魚邊入口即化；松葉蟹肉鮮甜美味。夢之丼 (298): 本店招牌夢之丼飯嘅刺身魚生分別有三文魚蓉、三文魚籽、帆立貝、牡丹蝦、海膽、松葉蟹，以及右口魚邊。食材比花錦魚生丼稍微升級，海膽creamy奶滑，味道鮮甜；帆立貝嫩滑清甜；三文魚籽粒粒飽滿，鮮而不腥；松葉蟹、牡丹蝦，以及右口魚邊與魚生丼一樣，但牡丹蝦係原隻上，並無切粒。另外單點左幾款前菜/刺身/壽司，估唔到仲咁有心機幫我地擺埋盤......蟹皇醬燒蟹膏豆腐 ($48): 質感幼滑，但唔會一夾就散，味道方面，豆醬釀入左非常鮮香嘅蟹膏，頗有特色。左口魚邊壽司 ($96): 左口魚魚油豐富，經微微火炙後把魚油逼出，食起上黎更香，且入口即化。赤貝刺身 ($58): 爽滑彈牙，帶微微咸香。深海池魚刺身 ($78): 深海池魚肉質肥美鮮嫩，魚油甘香細膩，食Omakase普遍都有佢嘅蹤影。…查看更多

右口魚邊壽司($48/件)，右口魚選用左最靚既部位，因為有入口即溶感覺，就好似東坡肉既果層肥膏一樣入口溶化，不過魚生當然唔似東坡肉咁肥膩。慢煮鮑魚配肝醬($68)，鮑魚肉質結實，而且亦帶有彈牙口感，味道方面肝醬既鹹味襯托住清淡既鮑魚，兩者味道好夾。牡丹蝦($68/隻) / 磯燒北海道珍寶帆立貝($68) / 金線鯛刺身($68)，牡丹蝦鮮味十足，越有黏牙感覺代表越新鮮，帆立貝燒至表面半焦狀態，外層薄薄一層焦香，內裏肉質軟“林”，用紫菜包住食增加脆口，金線鯛切得夠薄，一口一片，鮮味充斥在口腔內。花錦魚生丼($188)，採用左十三款材料，切成絲狀和條狀合成既一碗丼飯，材料確實好多，絕對係誠意之作，每一口都食到唔同既食材，仲有蛋黃汁用黎拌飯一流。夢之丼($298)，雖然只有7款材料，但係選用左較貴既食材氣派十足，刺身帆立貝好鮮甜，滑溜溜而且好大粒，海膽入口充斥住口腔，加上冇苦澀味，同樣有即溶既右口魚和黏牙既牡丹蝦，同埋已經去除左殼既松葉蟹絲。…查看更多

好驚喜，好驚喜！今次又喺土瓜灣搵到有質素，而且難忘嘅日本小餐廳🥳最鍾意去一啲又有好味熟食，又有新鮮魚生嘅日本餐廳食嘢今次呢一間真係做得到！食物質素非常高，蟹膏豆腐真係100分魚生飯有好多選擇，足料又抵食，最緊要係有魚生嗰種新鮮嘅甜味，所以冇話要推介邊一種啦，整體來講我哋試咗幾款都好好食，詳細可以睇睇附錄嘅相片全部都係厚切！！！即使係魚生飯嘅角切魚生都係厚嘅，仲要有好多好多款好多好多粒食物質素高，故知然不在話下啦，佢仲要係有晚市定食套餐添啊 食個taro魚生飯再加安格斯牛都係188仲有追加小食，好可惜我哋今次為咗想試佢嗰啲經典丼飯，無試到呢個set。不過都完全唔後悔呀，因為佢個花錦魚生丼同埋夢の丼食到我同朋友都嘩嘩聲，花錦魚生丼個蛋黃好正，糖心配埋啲魚生嘅鮮甜，簡直係昇華左好味度一倍! 夢の丼嘅海膽同蟹肉都超好食! 因為唔係咁多日本餐廳有呢兩樣魚生配料，佢有配埋一個橙味嘅果醋，個人覺得就酸咗少少，不過完全係誠意嘅配搭，未見過魚生飯可以做到咁有心思…查看更多

夢の丼 (土瓜灣）📍地址：土瓜灣譚公道2號地舖==================不嬲都知呢間嘢好正，無論我幾想試都好，都抽唔到時間去土瓜灣。不過最近請咗個工人，見D 野上咗軌道，終於可以同朋友出嚟輕鬆下🥺🥺一入到去覺得環境好舒服，唔會太光又唔會太暗，好relax😍😍花錦魚生丼 $188上枱個刻真係好澎湃😍魚生丼舖滿好多刺身粒，刺身新鮮美味！攪拌後食，啖啖都係刺身同飯，大滿足！夢之丼$298上面有一片拖羅，入口即溶!另外仲有三文魚蓉，帶子，海膽，三文魚子等等，真係勁豐富！！磯燒帆立貝$68帆立貝真係好好食! 勁大粒，上面仲有七味粉調味，外面微微燒過，入面仲係生的，包住紫菜食，口感好豐富！另外仲叫左：左口魚邊壽司$96/2 件赤背刺身$58鮑魚$68深海池魚刺身$78😍overall 黎講，d 刺身都係新鮮高質！店員服務都好殷勤，成日幫我哋添茶!下次一定會再黎！…查看更多

朋友最近喺土瓜灣置業，我哋就喺附近嘅夢の丼食個晚飯。餐廳唔算好大，燈光柔和，所以都幾有日本居酒屋嘅感覺。我哋叫咗兩個丼飯，前菜係雜菜沙律，加有粟米，配上柚子醋，酸酸味味幾開胃。另外再有麵豉湯。首先我哋揀咗花錦魚生丼，配料包括有三文魚、白身魚、赤蝦、左口魚邊、金蟹子、三文魚子、櫻花蝦、蟹膏、豆腐、松葉蟹、蜆肉、玉子等，呢個價錢都做到咁足料，性價比真係高。另外就揀咗佢哋嘅招牌菜式夢の丼，配料包括帆立貝、牡丹蝦、海膽、燒三文魚蓉、松葉蟹、三文魚子、左口魚邊等。用料新鮮又高質。另外我哋仲揀選左一啲刺身同小食。店員推介我哋試石垣魚薄切，果然肉質彈牙，色澤晶瑩剔透，啖啖新鮮。黑鯥嘅油脂就更加豐富，味道鮮甜。慢煮鮑魚配肝醬用上慢煮嘅方法炮製，所以仍然保持鮑魚嘅口感，而醬汁就夠入味。蟹皇醬燒蟹膏豆腐味道就最驚喜，佢用嘅豆腐好滑好香，再放上蟹皇醬同蟹膏，然後再用火槍燒製而成。最後每人食一件左口魚邊壽司，最鍾意左口魚邊嘅口感，再掃上醬汁，味道就更佳。…查看更多

朋友仔話好耐冇食丼飯朋友仔住何文田區就原馬鐡站線搵食諗起之前食過西灣夢の丼唔錯夢の丼日式料理有兩間分店今次同另一個朋友試呢間分店就係土瓜灣呢間加上開通了馬鐡後更加方便都係食丼飯為主我地每人叫一個丼飯另外再叫咗d 料理同埋魚生一唔食一食就唔理😅😬🤣👉🏻主打夢の丼(牡丹蝦+海膽+帆立貝+松蟹+三文魚蓉+三文魚子+右口魚邊)好豐富比較貴價的刺身都有齊😋😋👉🏻花錦魚生丼呢個係有十三款魚及配菜組成方便我每羮都有不同口感👉🏻赤貝刺身👍🏻😋好新鮮有埋個殼👉🏻磯燒帆立貝另外配紫菜卷住食👉🏻石垣鯛薄切片👍🏻職員推介特別好少食鮮甜彈牙👉🏻左口魚邊壽司🍣每次都食因為出面都少有👉🏻蟹膏豆腐👍🏻😋呢個又係好掂蟹膏好香配合豆腐剛剛好一坐低就會送上前菜同自家煲麵豉湯👍🏻…查看更多

返工又返到星期 2，一定要食好啲。最鍾意周圍去食日本野，約咗朋友仔去土瓜灣夢の丼，土瓜灣站行去大約5分鐘左右夢の丼 $298梗係要叫返佢個招牌菜試下，非常豐富👍👍👍有美味的三文魚蓉，廚師將三文魚用火炙，逼出油香，大大粒三文魚子，晶瑩剔透，鮮味十足，XL size帆立貝非常爽甜，牡丹蝦肉肥碩，口感充滿彈性，鮮甜爽口，海膽入口即溶，豐富的海水味😋😋我的最愛右口魚，松葉蟹肉質軟滑，味道最鮮，蟹膏香濃😋😋柔煮鮑魚 $68$68超抵食，黃金比例條配的日本清酒煮鮑魚，讓濃厚的鮑魚鮮味中散發着sake的酒香，回味無窮😋😋😋磯燒帆立貝 $68火炙過的帆立貝，表面是脆脆的，鮮甜多汁，用紫菜包起一齊食，美味可口。花錦魚生丼 $168色彩繽紛的花錦魚生丼，非常足料，抵食推介👍👍👍👍👍左口魚邊壽司 $96充滿誠意之作，經火燒過，甘甜如有慢慢滲出，層次豐富🎉🎉深海池魚刺身$78吞拿魚刺身 $88吞拿魚口感绵密魚味濃郁。深海池魚肉鮮嫩，入口魚油甘香，順滑鮮甜。…查看更多

之前上 open rice 見好多人都讚這裏嘅食材高質, 點都要嚟試下.新鮮沙律菜, 好 cutie and juicy 嘅蕃茄 bb.味增湯唔會太鹹左口魚邊壽司, 左口魚有入口即溶嘅感覺, 加上 wasabi, 刺身好快送上赤貝刺身, 係今日嘅飛機貨, 唔使講都知係新鮮, 肉質特別爽厚.大大隻嘅牡丹蝦好吸引, 白色嘅深海池魚, 同樣咁出色.磯燒帆立貝, 剛剛熟, 鮮甜而又肉汁多丼飯一定要食花錦魚生丼, 我數過個 menu 介紹有 13 種食材, 我都記唔到咁多啦 眼見嘅有三文魚, 蟹子, 魚子, 櫻花蝦, 松葉蟹, 甜蛋, 玉子漬, 青瓜....樣樣加埋, 食起上嚟就係, 爽、爆珠、鮮甜, 夢之丼, 有三文魚蓉, 三文魚子, 帆立貝, 牡丹蝦, 海膽, 松葉蟹, 左口魚邊, 雖然這個丼飯材料較少, 但勝在份量夠多, 選料上承, 果然係鎮店之寶 大滿足的一餐…查看更多

呢間夢の丼想試好耐暫時未敢去日本🇯🇵唯有食多啲日本嘢食先一收工即刻就去到廢是要等位環境好企理好日系嚟到呢度 點可以唔食招牌個味噌湯入面有啲蜆肉仔而且有蘿蔔味都算有誠意最期待就試呢個飯入面有三文魚蓉、三文魚子、帆立貝、牡丹蝦、海膽、松葉蟹、左口魚邊☁️每樣都好好食新鮮份量又多絕對值回票價:)刺身都好新鮮又厚切另外朋友叫咗花錦魚生丼都唔錯有個蛋黃好吸精呢個推介大家必試蟹膏豆腐都好驚喜好香豆腐好滑磯燒帆立貝勁大隻有少少貴不過好食不過見到佢午餐都幾抵下次再嚟食…查看更多

土瓜灣竟然有間神評日本小店！甘就真系要試下啦。環境裝修溫馨自然，地方好闊落。餐廳主打日式丼飯，當然日式小食、壽司同刺身都唔少得啦。前菜蟹膏豆腐，呢個豆腐上面無蟹膏，點解？因為系蟹膏整噶豆腐，真系成舊豆腐都系蟹膏的味道，鮮嫩鹹香，好好味啊。刺身有池魚同埋生蠔，池魚厚切，真系肉質肥美，生蠔都唔錯，淡淡海水味，落小小酸汁夠曬鮮味。黎得就梗系要試下距地個招牌夢の丼啦，真系勁大一份，海膽唔腥，帆立貝好新鮮，牡丹蝦夠鮮甜，配埋三文魚蓉，一啖落去都是大海的味道啊！加埋珍珠醋米飯，真系勁滿足。魚生丼都用料好豐富，三文魚，赤蝦，松葉蟹，蜆肉等等，總之一羹都系蛋白質！食材質素都好有水準，贊！磯燒帆立貝真系好大粒，表面火炙過，但系唔影響入口，鮮嫩多汁，紫菜包住一齊入口真系勁好味。…查看更多

隱世超高質日式料理🤍-👀沒有立場資訊-🍣夢之丼 ($298)超足料超鮮甜嘅丼🥹入面有炙燒得好香嘅三文魚蓉、三文魚子、大大粒帆立貝、牡丹蝦、海膽、新鮮松葉蟹同埋右口魚邊😋另外仲有俾一杯嘢，店員話可以飲一啖再加啲橙汁喺面，味道會更加鮮甜，果然微酸得嚟好鮮，飲完一啖再去食成個味道層次都提升咗🥹啲海膽超級鮮甜，充滿香味，完全唔腥，而牡丹蝦都超大隻同彈牙，就算小編唔食蝦頭，但係都試咗一試，啲蝦膏超鮮甜😚仲要讚埋右口魚邊，入口即化，充滿油香，好滿足🥰超推介！🍱闕花錦魚生丼 ($188)好足料好靚嘅丼！入面有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、玉子漬、松葉蟹同埋蜆肉🥹啲魚肉全部好鮮甜，而啲飯飽滿得嚟粒粒分明，加埋新鮮即磨嘅Wasabi，好鮮又唔會太辣🤍超正嘅係上面嘅玉子漬，撈勻之後帶有特別調味嘅蛋汁沾滿飯粒，食落好香😚蟹肉都俾得超大方，啖啖飯都充滿蟹肉，好鮮甜，加埋蟹膏豆腐真係好食到傻…🧆山蟹皇醬燒蟹膏豆腐 ($48)豆腐面頭嘅燒得焦香，加埋上面超濃郁嘅蟹皇醬同蔥真係超濃超香😍而且豆腐唔會好淡，連豆腐本身都充滿蟹膏味，真係好濃郁好好食😋👀慢煮鮑魚配肝醬 (68)擺盤同賣相都好精緻，鮑魚因為慢煮嘅關係會軟熟少少，但係依家保有口感，而且配埋肝醬啱啱好超提鮮🫣🔥小磯燒北海道珍寶帆立貝 ($68)帆立貝好大隻同埋超鮮甜，而且面頭微焦嘅香味，配埋跟帆立貝上嘅紫菜，味道提升到另一個層次🥰而且紫菜好脆，味道都好鮮！🍣刺身 ($78,$98）吞拿魚刺身好鮮甜，而且夠濃吞拿魚味，魚肉口感軟滑，仲要好厚😍鯖魚刺身充滿油香，上面仲有啲類似炸蒜嘅調味粉，味道鮮得嚟有層次👀🐟左口魚邊壽司 ($96)左口魚邊一向都係小編最愛，口感入口即化，充滿油脂香味，真係食過返尋味😚壽司好鮮甜，而且面頭嘅調味料好提鮮好特別，加上木魚絲令到味道更加昇華，超推介🥰-🍠燒番薯串（12/串）即叫即燒，番薯好綿好甜，好啱送酒😚另外有沙律同湯跟餐送!!-🥬柚子醋沙律超開胃同好清新，柚子醋酸度恰到好處🥹啲菜都好新鮮！-🍲麵豉湯呢個真係意想不到地咁足料！入面有大大粒菇，仲有蜆肉，好少見麵豉湯咁足料🤍嗰日同朋友諗住食餐好嘅慶祝吓，之前食過覺得呢間唔錯所以就去咗~餐廳嘅裝修好有日式風味，背景音樂都係播緊日本音樂，好似去咗日本咁！啱晒同三五知己或者同另一半嚟食餐靚靚晚餐😍食物嘅味道同埋質素都好好，而且好正宗，再加上員工嘅服務好好，仲好友善咁解答我哋嘅問題，教咗我哋啲菜式嘅食法，而且收碟都收得好快🥰好推介大家去試嘅一間高質小店😋味道 10/10服務 9/10環境 9/10回頭率 10/10總評 9.5/10😋🤍人均消費 $492💰（我地叫咗好多..）-📍夢の丼土瓜灣譚公道2號地舖(其他分店：西環西營盤皇后大道西 513號尼斯花園地下A舖）…查看更多

朋友推介，佢話有意無意間發現左間食材新鮮嘅日式餐廳，所以今晚佢帶左我黎呢度。門面已經好日式裝修，內外都係木系設計，有型格。地方好大，環境感覺舒服。餐牌好多嘢食，見到都想食。朋友發辦叫左一個丼飯、刺身、壽司同埋餐牌嘅推介。沙律菜及麵豉湯︰叫丼套餐就會有，沙律菜乾淨爽口配麻醬，麵豉湯都幾好，唔會太鹹。夢之丼︰賣相非常好，好豐富。裡面有三文魚蓉、三文魚子、鮮帶子、牡丹蝦、海膽、松葉蟹同埋左口魚裙邊等，魚生新鮮帶鮮味，鮮帶子size都唔細，淋上橙醋一齊食，酸酸地，又幾清新，整體真係正。花錦魚生丼︰呢個樣都好靚，有三文魚、白身魚、赤蝦、左口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹同埋蜆肉，因為佢切碎左，食落滿口魚生，撈埋生雞蛋食比較香同滑，食材同樣新鮮，口感滿足。蟹皇醬燒蟹膏豆腐︰豆腐入口勁鮮味，配上蟹皇醬同蟹膏真係絕配，有驚喜。左口魚邊壽司︰燒左帶少少油脂滲出，加埋木魚絲一齊食，夠味又好食。刺身中拖羅︰睇個樣就知好食，咬落係有薄薄油脂滲出，肥美，真係想食多幾塊。牡丹蝦︰夠大隻，夠甜夠鮮味，我就最鐘意。磯燒北海道珍寶帆立貝︰帶子燒過好香，包住幾塊紫菜食，做到內軟外脆嘅口感，真係唔錯。…查看更多

深海池魚刺身$78+真鯛魚刺身$78🐟呢個司傅非常慷概地厚切，魚的肉質彈牙鮮甜，一咬落去，仍然有魚香味，平時非常少叫三文魚/帆立貝以外的刺身，今次司傅介紹非常有驚喜。蟹膏豆腐 $48🦀呢個小食都非常有驚喜，簡簡單單的豆腐加蟹膏+芝士完全是有種食緊成舊蟹膏的感覺! 出奇意料的夾+驚喜夢之丼Dream Sashimi Don $298🍣🍱這個是店的招牌菜，之前無意間行過呢間食午市套餐，覺得價錢同味道性價比極高，所以晚市再幫回頭! 夢之丼有三文魚蓉、三文魚子、帆立貝、牧牡丹蝦、🍤海膽、松葉蟹、左口魚裙邊，仲有一杯少少的橙醋🍊可以加入丼飯，就甘飲一啖味道都好清新，容易入口。賣相非常吸晴，食材新鮮，大家都讚不絕口，所有的食材都非常配合，特別一讚松葉蟹非常鮮甜，三文魚蓉司傅都加以調味，食材完全不吝嗇，絕對再有下次!😋本來想食個芝士蛋糕🍰完美甘總結呢餐，服務員+司傅都好nice，有種好friendly 居酒屋的感覺。本來都想試埋個自么家製果酒，但揸左車下次再試!…查看更多