多賀野 (形點 I)

營業中

休息中

屋企人去左Yoho行街，順便搵下野食喇😁行下行下比呢間餐廳吸引左💓米芝蓮推介😎價錢又唔算貴，然後就決定入去食喇～當日我地係晚市時段，都坐滿左8成既食客，鋪位唔算大但座位算係舒適。✨自家製蟹肉薯餅✨呢個我好喜歡💕新鮮炸起外脆內嫩，蟹肉口感唔錯，薯蓉又唔會太咸，阿仔都爭住要食啊！沾埋醬汁好yummy，下次都會encore🤤🤤✨多賀野醬油拉麵✨賣相算係普通但佢既拉麵湯好飲！麵條比一般既拉麵粗，唔會好硬，口感唔錯！流心蛋同埋叉燒都唔錯😊✨蒲燒鰻魚定食✨呢個定食份量好夠，鰻魚都好好味，肉質嫩！但餵小朋友果陣要格外小心啲軟骨，不過阿仔都食到lamlam脷

近日商場引進不少新的食肆，今日是週日，中午出來購物後快選這一家進食午餐。原本想吃沾麵，但因為安排的座位沒有椅背，感覺不太舒服，就選擇拉麵。由於店舖已坐滿客人，所以聲浪也較大，但店舖開陽有落地玻璃，太陽日照的感覺不錯，感覺溫暖。感覺上拉麵份量比沾麵少，細看過餐牌後點了一份現正推介的A5和牛拉麵。A5和牛拉麵A5和牛端上來時是半生熟的。湯汁溫度剛好入口不太熱，如果想食全熟和牛就需要在湯內浸一段時間。拉麵上有一隻溏心蛋已經一開二，色澤美麗，已切好的蔥段方便入口，麵條韌度軟硬適中。栗國鹽味拉麵湯底味道適中，也有點鹹味，麵條同樣韌度適中，有兩塊薄肉片和散開的白芝麻。蟹肉薯餅只吃拉麵覺得有點單調，所以加了一份蟹肉薯餅。共有三件蟹肉薯餅，配上沙律菜，蟹肉薯餅外脆內軟，每一口都令人心動。三份美食並未有帶來太大的驚喜，因為這是基本日式食肆應有的水準。整體味道偏淡，如要重口味的可加入餐枱上的佐料。份量較適合女生，男生建議選擇吃沾麵再加小食及飲品較佳。小妹建議食客下載餐廳的儲分QR碼，可儲蓄積分之餘也可享有優惠!

夜晚經過商場見到呢間算新開晚拉麵舖就決定入去試晚市時段滿座8成，舖位唔大但裝修座位麵舒服。一入座職員就主動比個籃裝袋幾貼心由於唔係特別餓，今次只係一人選擇一個沾麵。兩款沾麵都偏貴，但質素味道好過一般沾麵極上蟹皇沾麵係最貴一款，蟹肉蟹膏係細方形碗度，湯底濃郁，但湯唔算好熱，沾麵要浸係湯耐少少先食更好。初頭諗住清清地所以揀鹽味，但食落湯底香，麵既份量都好足。唔錯既用餐體驗，如果二選一比較推介蟹皇沾麵。

環境好靚忍唔住影左好多相本身淨係諗住食個沾麵，但咁岩下午茶優惠炸雞有半價，即刻加左一份😋雖然得三舊，但舊舊都好大舊，半價左先$26 ，超抵！😆炸雞外皮炸得好脆，肉質一啲都唔嚡好多汁，好好食！連墊底既椰菜都好甜比我食曬🤣塩味沾麵有驚喜~本身驚會好單調，點知個湯食落好清，有少少甜味完全唔會死咸，食食下差唔多飲曬啲湯😝溏心蛋好出色，蛋黃流心又夠味，下次要加多隻先夠喉🥚沾麵係粗身既，有啲煙韌，同個湯好夾～～

上星期到元朗YoHo睇戲🎬未夠鐘醫肚先，見到對面新開日本拉麵🍜馬上去試吓🤭 ～鹿兒島A5和牛拉麵 🔺貴得有道理😅A5和牛確實幾正👍🏻 ～粟國塩味沾麵 🔺中規中矩個人覺得拉麵比較好食😂 ～蟹肉薯餅 🔺有驚喜🫶🏻炸得好脆 ～日式煎餃子 🔺好味最仲意煎餃子🤤🥟

好耐未食過拉麵🍜今日行yohomall一期見到新開嘅多賀野係門口見到米芝蓮推薦，價錢又唔算好貴。決定試一試🍜多賀野醬油拉麵雖然賣相比較普通但呢碗拉麵嘅湯真係好好飲，好鮮甜。配上蔥花，我真係好想encore一碗湯😂講返啲拉麵！我覺得啲麵粗過一般拉麵店，好有咬口，唔會太硬。食完一啖，忍唔住再食一啖！流心蛋同叉燒都好正，特別係流心蛋，個流心蛋黃好吸引呀。🦀️極上蟹黃沾麵沾麵比拉麵要粗啲，口感更煙韌。個蟹黃汁？蟹黃湯？哈哈😆真係好精彩，佢唔會太滯。食到好鮮甜嘅蟹膏、蟹肉味。齋飲會有啲啲鹹，夾埋個沾麵，簡直完美。食到一半，店員會問需唔需要加湯。加湯之後，當拉麵食，一麵兩食，成件事好抵🤣🤣個餐仲有天婦羅軟殼蟹，脆卜卜食，好好味跟餐嘅兩碟小食都好好味，唔會太鹹。🥔自家製蟹肉薯餅唔好睇佢細細一粒，裡面有一半係蟹肉！真材實料呀～薯蓉唔會太鹹，加上脆卜卜嘅炸皮，值得一試！食完炸嘢太滯？呢份小食仲配佐沙律🥗好窩心！🍇提子汁唔係糖漿味，又唔會太甜。俾小朋友飲啱曬！🍂環境我哋今次坐佐係窗邊，一路食一路傾計，再望住個天慢慢變黑，好愜意🧡

今日經過Yoho打算閑閑地揾d野食就算，結果行過見到間食拉麵，不過本身都無唸住食嘅，不過見有優惠就入左去試。唔知係咪因為下午茶時間又係平日，裡面嘅客唔算多，不過貪得意想望住豬仔擺設食，坐得都算寬敞下。叫左個豚鴨沾麵?定豚肉沾麵?，等左10分鐘左右就有得食，個服務員教完點食又望左下個沾麵食法牌，好清楚知道點食好貼心。沾麵話係自家製，吧枱隔離仲有麵房整麵，咬落有咬口，沾麵湯聞落好香，食落仲更加正，鹹淡適宜又有鴨同豬嘅香味，可惜嘅係無得加麵底，但可以加飯，食完麵覺得唔係好飽嘅我索性叫咗碗飯加落湯到。湯嘅鴨油同豬油撈埋飯一齊食簡直一流。不過餐牌小食好多都係炸野，見到都唔係好想叫，不過啤酒有活動半價，叫左個炸雞黎配酒。以為又係d蚊螆咁細件嘅雞塊，結果唔係仲有手掌一半咁大，見到都哇一聲，炸雞個皮唔太厚好脆，一啖咬落去都係肉，好食！希望可以keep住呢個水準，下次會帶埋朋友黎食

難得喺工作地方附近有一間新開又出名的過江龍拉麵店，Lunch就去試一試。座位環境整體乾淨而且都叫闊落，當然價錢就比普通拉麵貴差不多七成，但偶一為之冇乜所謂。【豚鴨沾麵】是這裏享負成名的菜式，雖然沾麵湯汁有一個蠟燭墊底，不過溫度就不算太熱，湯底聞落去會聞到鴨香味，但是淺嘗一下就只嚐到豚骨沾麵的味道，而沾麵麵底就不過不失，但是夠凍的，所以容易掛湯又彈牙。兩篇博博的叉燒走淡而無味；半隻糖心蛋做得不錯但份量也太少吧。【芝麻辛辣拉麵】芝麻味道聞落去幾香，但是一嚐湯底真是鹹到飛起，基本上遮蓋了調味的味道，有點可惜浪費芝麻的麻香味，中間有很多背脂粒，但是油香味道不突出，一大紥的香蔥是幾特別，有點中華擔擔麵的感覺。【自家製原味炸雞】雖然肉汁鎖在裏面，外皮亦炸得不錯，但是只有三嚿真是太貴了！由於我的拉麵太鹹最後有和店員反映，希望會作出改善。

今天9月14日用openrich 訂座吃晚餐在yohomall新開張的多賀野拉麵店，叫了兩碗拉麵吃加一支綠茶可樂飲料。質量整體良好，湯也很好味，面也很爽口。但在埋單付款時，我要取里數時，說新開沒有野里數機掃描。這樣就沒有有里數可取了。太失望了。

見到YOHO有間新開嘅米芝蓮東京拉麵店，所以嚟試吓。冷氣幾凍，裝修都幾靚，有啲日本風；服務都好殷勤，不過收碟、添水太密會有少少煩咁；叫咗多賀野醬油拉麵$128，麵質係幾彈牙嘅，不過整體都係一般，唔會令你再嚟encore想感覺；反而小食都有啲驚喜蟹肉薯餅今日做緊半價$34，有啲細件，不過熱辣辣，口感又夠鬆化。松葉蟹肉蟹籽沙律$57，青瓜條切得好幼細，加埋蟹肉絲又幾好食。葡萄汁係聲稱手搾既，MIJ，好甜下有少少貴$48

終於搵到間啱心水既拉麵餐廳🥰食物好食啱我口味之餘，員工服務態度良好🫶🏻企門口帶位既女員工親切有禮，同兩位經理都好細心留意到客人既需要。下次會去試食沾麵同其它小食🤤

食物質素對比其他分店還算尚好，但尚有不足嘅地方就係廚房出餐時間真係好耐但係店內嘅侍應服務態度一流，全部都會好貼心問你有咩需要，而且仲會主動斟茶唔需要客人主動叫，當食完嘢之後侍應就會迅速幫你收走枱上嘅食物，令到你唔會比食物殘渣整污糟自己，務求令你有舒服嘅用餐體驗侍應呢方面嘅態度真係需要讚賞👍 至於嘢食推介就一定係醬油拉麵 同埋呢個蟹黃沾麵🤤 原隻嘅軟殼蟹經過高溫炸熱後 仍然有蟹嗰種鮮味 冇得頂吖！其次價錢方面 對比起一啲高級嘅拉麵店鋪例如一蘭嗰啲咁樣 真係對得起個價錢唔會令你食完覺得好似食貴咗咁樣又或者唔抵食

一間在東京🇯🇵連續四年獲得米芝蓮認可的人氣拉麵店🍜來到元朗開店，當然要第一時間品嘗下！一步入店舖就看到一部製麵機，一袋袋麵粉在旁，果然是每天親自製麵，立刻食欲大增！店舖的環境走典雅日本風，感覺很舒服，坐位亦算寬敞。看畢菜單後，我們決定一嘗多賀野醬油拉麵和䐁鴨沾麵。多賀野醬油拉麵湯底相當清新，淡淡的醬油香，配上自製的彈牙拉麵，叉燒🐖軟糯肉味濃，不過湯底比較單一，所以口感相當簡單，過份平淡。豚鴨沾麵湯底助熱上枱，不過湯不夠熱，一嘗湯底感受不到鴨䐁味道，醬油味蓋過一切。雖然自製拉麵彈牙，惜幼麵難以掛湯，而且拉麵味道不夠香，所以吃起來只感到醬油味，有負䐁鴨沾麵之名。人均170港幣，感覺有點不值。

很好的服務，真的在香港這樣的服務真的很不錯，特別細心，不像其他好像全世界都欠他錢的。很久沒吃到好味的醬油拉麵了，湯底超贊的，麵條彈牙爽口，酸辣拉麵味道確實不錯，酸辣口，比較開胃，有加麵就更好，沾麵就不夠熱，不過服務員可幫加熱。

多賀野在元朗形點一期Yoho Mall開多一間分店，在2023年8月6日開張，現時多賀野總共有三間拉麵店，3間舖位位置都在人流非常旺的大型商場內，而且3間麵鋪位置都是在商場內戲院不遠處，這間元朗分店空間很大，鋪租估計相當貴，而多賀野3間舖位之中，以尖沙咀店最大，沙田店最細，話雖如似，3間都是大鋪，而且各自都有製麵房。而元朗新店位置更接近港鐵元朗站出入口，約人食拉麵非常方便。至於裝修新店同其他兩店是一樣風格，而大同小異的地方新店就採用了障子紙窗做裝飾，而部份座位對座有懸空障子相隔，雖然看不見對方的容貌，但卻會看到對方枱上擺放的食物及飲品，室內設計我覺得很特別，另外元朗新店部份座位看到商場亭園景，比起尖沙咀店黑窗無户外景，或者沙田店只看到馬路與車輛好好多。對於多賀野，除了價錢我認為略為昂貴，服務態度也比較港式，入門口侍應會以不純正日語向客人打招呼，然後廚房內廚子又會跟着大叫歡迎客人，我個人認為香港人招呼香港人可以不用那麼舊式的招待方法，不過新店開張這樣的服務算不錯了，多賀野尖沙咀店同沙田店都已經開了一段日子，服務質素彷彿有點回落。說回拉麵，我光顧過幾次尖沙咀店及沙田店，我認為多賀野3個基本