多賀野 (形點 I)

營業中

休息中

食完想一沖再沖的拉麵店‼️這間過江龍拉麵不但連續四年獲得東京米芝蓮推介，更是當地食評排行榜前十，獲🥇無數。✨ 黑松露雞白湯拉麵✨是期間限定的拉麵。一上枱，就有陣陣的松露香氣😍乳白色的雞白湯湯底非常醇厚絲滑，🐓味濃郁且鮮甜。每一口盡是精華，每一口都是滿滿的骨膠原，好正👍🏻👍🏻配料非常多元化，有特製的雞肉叉燒，軟嫩多汁💖自家手工製作的雲吞，蝦仁大隻兼彈牙💖溏心蛋軟心流汁，超級好食😋✨極上蟹皇沾麵✨🦀作為蟹粉，一口我就愛上了💖🤩🤩沾麵汁有滿滿的蟹肉，加熱後更有陣陣香氣飄出，超級濃郁。軟殼蟹炸得酥脆軟嫩，十分香口。還搭配蟹肉蟹籽及蟹膏，拌勻簡直是蟹肉鮮味大爆發‼️🦀❤️好味又開心他們家更自設製麵間，用的是新鮮自家製拉麵，彈牙又有咬感，絕不添加任何助燃劑，主打新鮮好食，難怪屢穫殊榮👑👏🏻👏🏻👏🏻✨日式炸豆腐✨豆腐非常大磚，以大量鏗節鋪面，賣相十分吸引。一口下去，表面炸到金黃外脆，入面的豆腐又嫩又滑，非常岀色👍🏻餐廳氣氛舒適，滿滿日式風情，真的不錯。想睇更多介紹，馬上Follow我啦😁。#多賀野 #元朗 #拉麵 #米芝蓮 #人氣美食 #元朗美食 #元朗好去處 #香港美食 #香港必食  #香港美食探店

本人惠顧貴日式拉麵店兩遍，感受到食物質素一般，湯底過於清淡乏味，不夠濃郁，叉燒份量偏少，質量欠佳，但價格卻偏高，唯小食尚可，煎餃子不夠香口；唯一值得讚賞的是服務質素良好，店員有禮貌，主動積極為客人投入服務，不斷添加茶水，了解客人用膳上的需要；環境方面，座位也有點狹窄，建議店員在非繁忙時段可讓客人坐一張枱，不用與其他客人搭枱座，可更舒適休閒享受一餐。整體來說，食物出品麻麻，質量有待改善，服務質素滿意，環境一般，用餐體驗尚可！

工作日下班後與同事又來多賀野了，今天試新推介：黑松露雞白湯拉麵濃郁的雞白湯底有滿滿膠原蛋白，輕攪便掀起黑松露的麝香浪潮拉麵掛湯力極佳，每口都捲著膠質豐盈的湯汁。叉燒暖軟嫩入味，雞胸意外柔嫩如絹，搭配手工蝦雲吞和流心的溏心蛋，瞬間融化疲憊社畜的倦意。同事點的招牌醬油拉麵湯底顏色很漂亮，喝一口鮮甜味直衝腦門，加上配料豐富，下班來一碗真的很療癒！席間服務更令人暖心，店員小哥發現我們分食拉麵，主動遞上小碗與湯匙，添茶時還不忘提醒「小心燙」

剛剛看其他食評才知道這是一間日本米芝蓮推介的拉麵店，果然沒有令我失望的，質素的確不錯。我嘗試了豚鴨沾麵，湯底包含了豚,鴨,雞,魚四種食材，味道鮮美，感覺鹹度還好，不知道是否肚子餓的原因我都忍不住直接飲湯底，後來加了湯後再嘗，味道更好。叉燒肥美，肥瘦的比例適中。至於麵條，彈牙口感良好，份量適中，不會過量。

今日食評✍🏻多賀野@Yoho mall有小朋友之後真係少咗好多出街食嘢嘅機會今日好難得可以出去食碗拉麵，不過體驗就麻麻哋餐具都算乾淨拉麵🍜 味道清淡新鮮唔油蔥花刀工幾好肉得兩塊🥹唔厚又唔薄，唔知想點建議：厚切可以俾兩塊薄切俾多幾塊無妨餃子無驚喜食唔到有煎嗰種口感不過夠熱呢度似乎主打沾麵不過太貴香港區同類型食店喺呢度嘅半價或者三份二價錢同場小插曲見餃子未黎追單，點知店員唔醒目，以為加單。一個客又點會叫兩碟無驚喜餃子呢？拎到埋枱，仲同個客講: 我以為你要兩碟？厲害厲害🙃溫馨提示，Yoho住客會有折·無論大鋪小店我哋都會盡試盡講Follow我哋bw.foodie

平日顧客不多，餐廳空間感充足，中間還有棵假的楓葉樹，增加日本風情。我點了豚鴨沾麵，價錢是HKD168 +10%。價錢略貴。湯底有個小爐加熱，所以溫度保持得很好，職員亦有提示食完後可加清湯。但湯底的質地偏稀且味道有點偏咸。只食得出豚骨的味道，食不出有鴨。而且湯底太稀令到拉麵沒有達到理想的掛湯效果。叉燒的品質一般，其中一塊有些微炭香味，口感較為香口。還搭配了大量的京葱和少量筍。在平日中午用餐，還附送了凍話梅柚子水。小總結❤️❤️📌湯底稀且偏咸📌拉麵無法掛湯

粟國塩味拉麵🍜💖這款拉麵是傳統的鹽味湯底,湯頭鮮美醇厚,不會過於油膩。麵條Q彈有嚼勁,能夠很好地吸附湯汁。搭配清新的蔬菜配料,使整體口感層次豐富,是一道不錯的鹹味拉麵選擇。🤤😋豚鴨沾麵🍜💖豚肉和鴨肉的沾麵。湯頭清爽,帶有淡淡的肉香,不會過於膩重。麵條口感彈牙,沾附湯汁後更顯鮮美。肉片烹調恰當,入口即化,與麵條搭配十分和諧。是一道清淡但卻回味無窮的沾麵佳餚。胡麻豆腐野菜沙律🥗💖一份豐富的日式沙律。柔軟鮮嫩的豆腐與脆爽的新鮮蔬菜完美融合,淋上香濃的芝麻醬,口感層次豐富。蔬菜的清香與豆腐的清爽恰到好處,營養均衡,是一道健康開胃的前菜。

今日晚餐試吓人氣沾麵。豚鴨沾麵這團鴨沾麵嘅湯底真係唔錯，不但有豬肉嘅鮮甜味，又有鴨湯嘅甘香，而且味道濃郁唔算太油膩，味道亦都比着一般醬油獨特。沾麵嘅份量唔少，口感彈牙，而且掛湯力十足，可惜那叉燒味道一般，口感未算香滑；糖心蛋嘅味道唔錯，非常入味，再配上香蔥和筍，十分和味。蘋果雪葩這蘋果雪葩真係味道唔錯，有嘅係天然日本蘋果清香，味道清甜，入口亦都非常冰涼，係完完全全嘅全天然蘋果風味，味道輕甜，多吃也不膩。

多賀野雖然是連鎖店，不過全港暫時只有三間分店，而且每間坐位不算多。餐廳是來自東京的米芝連推介的拉麵店，香港人可能去日本旅行都有試過，始終拉麵這個看似簡單但要講究起來，從拉麵本身、湯底、食法、配菜等，每個環節殊不簡單，要製作一碗好吃的拉麵，是大有學問的。今次光顧的是元朗店，坐位真的不太多，大約只有40個座位。店舖中間有一棵假的櫻花樹，營造日式氣氛。其實在走進店舖時，兩旁的長走廊位已經有濃厚的日式食肆感覺。今次與友人叫了兩款標準拉麵：塩味拉麵和醬油拉麵，再加上蘋果蛋糕，非常滿足 。兩碗拉麵的麵質彈牙且滑溜，非常好吃。日式叉燒雖然見到有肥肉的影子，但吃落又不甚油膩。醬油拉麵是多賀野的招牌拉麵，湯底鮮甜不油膩，正宗的東京拉麵 。而塩味則加上了芝麻及碎洋蔥，口味提升了不少 。蘋果蛋糕值得一讚，蛋糕一點也不甜，蘋果肉好多，而且呈白色晶瑩通透，蘋果味濃，是拉麵以外值得一試的食品 。

—秒去咗日本🇯🇵這氛圍這環境這食物出品和日本一模一樣！一抬頭就是藍天白雲 心情有被感染到誠心推薦大家來試試 特別 nice 貼心極上蟹黃沾面第一口一定要試試原汁原味的麵條真的很有嚼勁魚湯的鮮美＋螃蟹 很開胃再沾湯底 滿滿的蟹肉 在嘴裡好爽溏心蛋也很好吃芝麻辛辣拉麵不錯！但真係有點辣度不能吃辣的可能需要備注少辣但拉麵是真的彈 叉燒很大一塊芝麻菜提鮮味

本人比較鍾意濃湯，去過幾次yoho店多賀野。食過醬油拉麵、蟹皇沾麵、鹽味沾麵同埋信州味增沾麵。相比之下蟹皇沾麵嘅湯會比較濃郁，配菜都比較豐富，食曬啲麵之後仲可以叫服務員加啲高湯，加完飲嘅話就啱啱好。多賀野嘅沾麵對比拉麵會粗身啲，易掛湯，個人就比較鍾意沾麵嘅口感。舖頭仲有專門嘅製麵間，見到佢地啲麵都係自己整嘅，食慣左呢度啲麵再食出面嘅就真係覺得爭啲啦。整體店鋪嘅環境都幾唔錯，服務員嘅態度都幾有禮貌。

初三赤口，同老公入元朗行街，經開YOHO MALL 1（形點1）見到話係米芝蓮拉麵店，所以入嚟試下，裝修都幾靚，有啲似日本風，鋪位唔算大但座位算係舒適。叫咗多賀野醬油拉麵和粟國塩味拉麵，麵質係幾彈牙，湯底不太濃（清淡湯底），叉燒份量偏少，重口味嘅人未必啱，整體都係一般，唔會令你再有encore嘅感覺；反而小食都有啲驚喜，蟹肉薯餅和自家製吉列炸蠔熱辣辣，幾大件，口感又夠鬆化。餃子就味道一般，外脆但餡料好淋。總結食物價錢有啲貴，服務一般，環境也很擠迫，整體體驗一般！

今次進餐是用電話形式訂枱，要求坐有椅背的座位，為的是食得舒適。幸運的訂到雅座，就在落地玻璃窗旁，可以感受日落餘光。晚餐選擇了份量較好的沾麵及定食。豚鴨沾麵 湯有小火爐保暖，溫度是剛好入口的進食溫度，湯是主角，有着復雜的味道。沾麵軟硬適中，沾麵整齊的一份方便夾起。軟稔肉片兩塊、半隻蛋、紫菜、蔥等成為配料，加入蔥花令湯味更香。粟國鹽味沾麵 湯的鹹味是自然的淡淡鹹味，多飲幾口也不覺鹹，加入少量蔥花味更好。肉片與沾麵的配置同上一款豚鴨沾麵是一樣。銀鱈魚西京燒定食最期待的定食亦是我的最愛，因為銀鱈魚的醃製過程較長，在家未必會自己煮，更何況銀鱈魚燒得非常美麗。魚油充足，魚肉一瓣瓣的輕易夾起，魚皮焦香，口感不錯。飯量中小型，飯面上有少量的調味紫菜及芝蔴等，吃起來整體味道都是清淡，另有一細碟醃漬物，是開胃菜，配飯確是美好!蘋果雪葩 對這款甜品有很大的好奇心，賣相也可愛!雪葩也太硬了，等了起碼十分鐘才可以用勺子逐少逐少品嚐起來。蘋果味非常淡，雪葩及蘋果很硬，小妹認為是一款需要較長時間品嚐及有點減退食欲的甜品，感到可惜!沾麵湯的溫度適合進食是非常貼心的做法，對腸胃很好!沾麵餐的澱粉份量較大，肉的份量很少，

諗住同屋企人睇戲，咁好呢間拉麵鋪係正對面，上網睇又話米廿戈芝蓮幾多幾多星，價錢好似唔貴，就同屋企人入去食，坐低後叫餐，3個拉麵加1份餃子，3支氣水，餃子話咁快就到了，食落感覺似叮叮嘢🤣，心諗算啦，可能米芝蓮餃子係咁樣，點知果3碗麵等左成25分鐘，我就問個經理仲要等幾耐，佢神回覆話我等左25分鐘咋喎，要等多5分鐘，吓！我冇聽錯麻。後面果4個人兄仲遲過我入黎而家食緊喎，經理O左咀，我即時唔食埋單全家走人，3支氣水加碟餃子盛謂200蚊。真心唔會再幫襯，其實漏單咪講聲囉！我真係好餓！

多賀野打正旗號米芝蓮拉麵，在元朗插旗，去唔到的日本食拉麵咁就喺元朗食拉麵啦😆一坐低原來得我一個，環境舒適，大大個窗好開揚，中間有棵假紅葉，帶點日本風情點。點咗塩味拉麵$128同埋一客黑胡椒炸雞原價$52（優惠時段5:30pm前有3款小食半價）塩味拉麵有一隻糖心蛋，兩片叉燒同埋有好多蔥，湯底清清地，雖然係鹽味，但係唔會死鹹，飲咗半碗湯，拉麵煮得軟硬適中，最怕淋身，最欣賞隻糖心蛋，真係好味。黑胡椒炸雞有三件大大件，即炸非常香脆，肉質仲好滑好juicy, 點埋黑胡椒芝麻醬醬汁好惹味，伴碟嘅沙律菜都好新鮮。我覺得炸雞仲好食過拉麵。而侍應服務非常好，常常來斟水。下次再試下其他拉麵/沾麵～