多多雞大排檔

營業中

休息中

【元朗區】【多多雞大排檔】同事遇星哥住喺大西北，知道我係一個前十八區 foodie 之後，成日借啲意問我邊度食大牌檔風味嘢好食。咁啱我又有間喺元朗嘅大牌檔真係想試，講多無謂，就不如一齊去試。呢間嘢最出名就係燒雞，製作時間要半個鐘以上，所以一坐低就叫咗先，定律嚟。講緊嘅係 $198 嘅「招牌即燒炭火靚雞」，佢哋標榜係用大瓦缸高溫碳即場燒製，試落個皮真係相當脆口，放咗一陣都仲係咁脆呀。之後試 $118 嘅「XO醬炒鵝腸」，味道幾好，西芹多到唔使叫菜，鵝腸都好多，之後試 $138 嘅「脹卜卜椒鹽鮮魷」都好出色。遇星哥最中意 $98 嘅「豉油王炒麵」，完全符合晒佢中意嘅嘢：微焦香感。跟住嘅 $138 嘅「王牌多多雞小炒王」，大碟到食唔晒要打包。加埋嘢飲「可樂」、「椰青水」同「道地蜂蜜綠茶」，埋單 $745，仲食到我哋一人一盒打包走，真係相當盡興。講到盡興，不得不提，呢間餐廳嘅營業時間係去到凌晨四點，一班人食飯吹水嘅話肯肯定玩到相當盡興呀。。。（地址：元朗又新街37-51號富祐閣地下14號舖）#1amfoodie #foodie #hkfoodie #thatfoodiething #hkfoo

❣️夜晚做完運動係附近覓食，發現左呢間大排檔。一於入去試下。室外有傳統式大圓檯，一大班人都唔怕冇位。亦可以選擇坐室內。店員美女姐姐十分好客，介紹了幾個招牌菜給我地。🌟招牌即燒雞打卡之選！使用大瓦缸炭火慢燒而成。即叫即整，製作需時。如果想食就要一坐低就order。燒到外表金黃，雞油一滴滴慢慢下來。入口皮脆肉嫩，爆汁Juicy。可以自行挑戰刀法斬雞，亦可以叫師傅幫手切。🌟炭燒豬頸肉 🐷泰式風味豬頸肉，外表焦香，炭香味重。不會過熟啱啱好！肉質好爽脆，配上自家製酸辣汁超級醒胃。🌟啫啫通菜蝦醬煲 🥬事緣係聞到隔籬枱個通菜煲好香！即刻叫一個，果然冇令我失望！超級啫啫，勁香口。而且啲通菜又唔會啫到好老，十分清甜。🌟拔絲咕嚕肉 🍍必點！採用多瘦少肥豬肉，炸粉超薄，入口啖啖肉有口感，而且炸得啱啱好，肉質鮮嫩彈牙，一點都唔會肥膩。新鮮菠蘿帶出菠蘿咕嚕肉的風味。再加上拔絲的醬汁，簡直冇得輸🤤❣️總括而言，小菜真係份量好多！而且價錢又親民，大班人來呢度真係非常適合。最緊要係呢間大排檔開到凌晨四點，絕對係宵夜之選👍🏼

就朋友OT，9點零10點先食飯，一早mark定多多雞，開到凌晨四點，夜一夜都有得食。👉🏻招牌即燒雞🍗每枱都叫嘅名物，即叫即燒要等30分鐘，不過真係值得等，四個字形容—皮脆肉嫩。雞肉夠味，唔使點任何醬汁都好好食。👉🏻菠蘿咕噜肉叫黎送啤酒，新鮮菠蘿🍍肉質稔爽，炸漿唔厚，每件都掛晒汁，份量好多好滿足。👉🏻蝦仁黄金炒飯驚喜～驚喜在無想像中咁重口味，有鑊氣但唔油，炒飯至高境界。材料好簡單，蝦仁好多粒，間中食到咸蛋黃，好香口好正。👉🏻薑蔥台生蠔煲🥘蠔肉大粒飽滿，大約有8隻蠔。啫得好香，超級多洋蔥仔、薑蔥蒜，唔會太咸果下好。

來嚟元朗搵個friend，好耐無出嚟吹下水飲下啤酒，個frd話嚟試下喱間新開嘅，仲要做到凌晨四點嘅大排檔，驚我地唔夠坐，揀間最夜嘅。招牌即燒碳火靚雞，$198大隻皮脆卜卜，肉質口感鮮嫩，每撕一舊出嚟都見住佢滴油，果然喺招牌菜式，坐定定好即刻叫喇，落單起都要燒半個鐘，大大力推薦。其他菜式大大碟夠哂抵食，黃金系列的蝦，每隻蝦都去頭成隻炸，完全唔需要剝殼，鹹蛋黃醬均勻地黐喺蝦上面。尖椒大腸啫煲一上菜嘅時候，啫啫聲，見到啲大腸嘅油脂不斷翻騰沸騰緊，大腸完全吸收曬醬汁，火喉十足。砂鍋皮蛋豆腐芫茜生魚湯呢個魚湯真係超級足料，一整煲有菜有魚有豆腐有皮蛋，滾出生魚嘅鮮味鮮甜。椒鹽滑豆腐外脆內裡滑嘟嘟，唔會好熱氣，送啤酒果然一流，平衡返啲重味道嘅啫啫煲

今晚去了元朗做完公司野。諗住搵個好耐無見既朋友食飯。她住係元朗。自然熟悉元朗有咩好食。等到她會合之後。她帶我去食一間大排檔。佢話好出名。仲可坐到零晨四點。間大排檔好開揚。最好就是坐位夠闊。梨山汁一字骨。有酸甜排骨的特色兩種特別味道配合得天衣無縫。酸甜適中。入口肉質有咬勁。蒜蓉白菜仔。白菜仔新鮮。廚師好有功力。蒜蓉炒非常夠火喉。完全展現大排檔既特式。鬼馬咕嚕墨魚咀。從來未試過用這煮法。一般椒鹽為主。但咕嚕之下。甜酸適宜。胃口大開。招牌即燒炭火燒雞。用大瓦缸高溫碳即場燒。上枱時熱氣騰騰。由上而下的油不斷浸出。外皮更是熱辣辣的脆皮。再食埋入面肉質更是驚為天人！肉質鮮嫩多汁。調味粉量剛好。未致太咸。

超級好味大排檔💯👍🏻 Restaurant : 多多雞大排檔 （元朗）招牌即燒炭火雞🔥🪵 $198 佢係用個大瓦缸即場用柴燒，喺出邊係完全冇見過，得好少餐廳先會有，你諗吓邊間餐廳入邊會有個大瓦缸仲要柴燒👀所以如果真係住喺新界附近，或者想遠到而來，我覺得真係要試吓～ 佢燒得出邊個皮好脆，超多肉汁，啲肉亦都好嫰🥹原來用大瓦缸炭燒係咁好食👍🏻💯火腩大鱔者煲 $188 大排檔點可以唔食🤣🤣 超多👍🏻爽口，冇腥味，鮮味無窮💯個汁好惹味，同埋食落去好有火候，勁鍾意🥹蒜香牛油蝦 $168 隻蝦超大勁新鮮🥹❤️ 佢哋唔係雪藏㗎，係新鮮蝦🔥 啲肉好彈牙，鮮甜😋😋京蔥炒大腸 $118 其實佢啲份量都幾多下，有超級多大腸🤣而且啲京蔥炒得好甜👍🏻如果想嚟飲啤酒🍻佢哋都係好抵㗎

😍行過路過唔好放過。佢門面細，唔代表佢冇料到。😎好明顯佢係年輕化🤓咗嘅大排檔，不甘於老一輩嘅「只求飽肚、有鑊氣」 咁簡單。🤩首先佢哋份量唔惹少，有啲招牌菜嘅擺碟仲有大館風範。✅😍佢哋嘅招牌即燒雞，唔食就走寶。一坐低就要叫，燒成30分鐘先上到碟。成隻燒雞掛喺你面前，仲感受到嗰種熱力，香氣撲面。🥳皮薄香脆，好似食緊薯片咁脆，真係一絕。😋三五知己圍住隻雞慢慢撕，人生幾何？唔想麻煩嘅，可以打完卡之後，要廚房劈咗佢。😊香橙汁炸黃鱔，🤓應該有成半條鱔，炸到外脆，鎖住啲肉汁，一啖咬落去，😀脆香 + 海鮮肉汁衝擊味蕾。加埋成個鮮橙上碟嘅香橙汁，解膩清香。🤓拔絲咕嚕肉，用上豬頸肉。比較冇咁唔健康。一樣做到外脆內軟。推介。🤓豬油渣炒時蔬，豬油渣粒粒甘香。😎多多雞大排檔 (元朗)元朗又新街37-51號富祐閣地下14號舖

👩🏻‍🍳多多雞大排檔🧑🏻‍🍳👣值得科勞指數：🏃🏻‍♂️🏃🏻🏃🏻‍♀️🏃🏻公司係元朗，成日做野做夜左想搵宵夜食，發現呢間大排檔開到凌晨四點❗方便醫肚，菜品有質素，性價極高。🍽️招牌即燒炭火靚雞 $198雞肉質鮮嫩多汁,皮脆爽口。燒雞的香氣從遠處就能聞到,撕開一塊,肉汁立即流出,令人垂涎欲滴。🍽️王牌多多雞小炒王 $138炒得有鑊氣，材料豐富，有韭菜花、魷魚、腰果、炸蝦乾仔，尤其呢個炸蝦乾仔係香口的來源，配啤酒良品。🍽️刺激芥辣靚一口牛 $168芥末的辛辣和翠玉瓜完美融合，清新提味，加上一口靚牛，作下飯菜一流！🍽️ XO醬炒大腸 $128色澤誘人，大腸切成適當長度，質地柔軟而有嚼勁。XO醬的香氣濃郁，帶有一絲辣意。強烈推薦給愛好XO醬及大腸的朋友。📍地址：元朗又新街37-51號富祐閣地下14號舖#hkrestaurant #元朗美食 #followme #followmetasting #元朗探店 #香港好去處 #香港打卡 #香港美食 #香港探店 #香港必吃 #香港美食攻略 #炭火靚雞 #小炒王 #多多雞大排檔 #大排檔@duoduojifoodstalls

👨🏻‍🍳多多雞大排檔 (元朗)📍元朗又新街37-51號富祐閣地下14號舖 「超有鑊氣大排檔，好食又可以打卡！！」 食完已經推薦比frds🤣原本比佢個原隻燒雞吸引過黎食，點知其他小菜都勁爆好食！！（吾系誇張🙈）真心性價比極高，又夠鑊氣、又大份😆仲要無加一，難怪閒日都滿座。。癲 👍🏻🍽️招牌即燒炭火靚雞 $198打卡一流！！製作需時，即叫即燒，小心燙手⚠️😝上到枱滴晒汁油，炭火燒到勁香，皮薄超脆！！雞肉嫩，重點！！要點埋D雞汁精華，夠味又好食😋😋😋 👍🏻🍽️來佬茄汁蝦碌 $168醬汁調配得開胃惹味！！蝦🦐大大粒，啖啖肉，肉質爽口，好新鮮，必點！！ 👍🏻🍽️星星師傅炭燒豬頸肉 $128上菜個下嚇親🙈超大份。。以為好似平時泰式豬頸肉咁，細細碟小食，點知咁大碟🙈🙈每塊豬頸肉都厚切，啖啖肉脆邊，配埋泰式醬汁，正！！ 👍🏻🍽️蒜蓉炒時蔬 （菜心） $78食過最好食的炒菜心🥹暫時no.1超爆有鑊氣！！炒得仲好翠綠！！雖然望落好油令，但系食落吾會好油😋仲好清甜😋😋一上菜，隔籬枱姨姨系咁話早知佢地都叫菜心🤣 👍🏻🍹道地蜂蜜綠茶 $15/支爽😆 呢間多多雞以後系飯堂了🥹好食又抵食，員工們都好好人，已經同街坊打成一片，

元朗出名多嘢食，三五知己就一定要去大排檔啤一啤， 呢間開到凌晨四點 ，出名食招牌脆皮彈燒雞。天氣咁熱叫返支大啤啤下佢咁先最地道。第一時間點了燒雞，店員話即叫即燒要等30分鐘，我地叫咗幾個小菜份量都非常大，足夠幾個大男人胃口，每一道菜都令人回味。甜絲絲拔絲菠蘿咕嚕肉$168新鮮菠蘿甜酸適中，加上三色椒脆口又解膩。每一嚿肉肥瘦適中又有拉絲效果，好滿意。蒜蓉炒芥蘭$78有媽媽的味道，菜炒得鮮翠嫩綠有鑊氣。椒鹽酥炸鴨下巴$118送啤酒一流，啖啖肉鹹鹹香香，可以做餐前開胃菜。薑蔥蠔煲$188熱辣辣香噴噴鑊氣十足，打開蓋已衝着大量薑蔥蒜氣味，蠔好大隻又juicy。招牌攤銷脆皮雞$198招牌原隻脆皮雞，上菜時深深吸引住好想即刻扯黎食。外皮燒至金黃色雞油慢慢滲出來，有手套唔使驚整污糟對手。一邊食一邊扯開啲肉，雞肉鮮嫩Yummy 。整體好滿意，有戶外及室內可以坐，價錢超值，鑊氣十足份量亦足夠，所以下次會再來💪🏼

元朗又新街 － 多多雞大排檔 醇正美味之選今天,我來到元朗又新街,造訪了這間極負盛名的多多雞大排檔享用晚餐。身處大排檔的環境裡,彷彿回到了香港過去的飲食文化之中,讓人倍感懷舊。對於喜歡大排檔氣氛的食客來說,多多雞絕對是一個不錯的選擇。店鋪設有戶外座位區,讓你可以一邊品嚐美食,一邊欣賞熱鬧的街景,盡情感受大排檔的獨特韻味。另一方面,店內環境也非常寬敞舒適,配有冷氣設備,讓你能夠在涼爽的環境下用餐。說到菜式,多多雞的招牌即燒炭火靚雞堪稱一絕。這道菜採用大瓦高溫炭即場燒製,全隻雞外皮超ch脆皮，肉質鮮嫩多汁,表層更有一層迷人的焦香,令人難忘。除此之外,我們還點了沙嗲金菇肥牛啫煲。濃郁的沙嗲醬汁完美融合了肥美的牛肉和金菇,口感層次豐富,令人回味無窮。另一道不容錯過的菜式是酥炸墨魚咀。外酥內嫩的墨魚咀配上鹹香的調味,讓人欲罷不能。最後,我們品嚐了美極海中蝦,這道菜既新鮮可口,又富有海鮮的鮮美滋味。多多雞大排檔不僅提供地道的大排檔美食,更於凌晨四點仍然營業,滿足了夜遊人士的需求。這個獨特的經營時間,無疑令這間大排檔更添特色,也讓不少食客慕名而來。

我今日放工後，約同好友去位於元朗又新街37-51號富祐閣地下14號舖的多多雞大排檔食晚飯，大排檔的格局，傳統的瓦煲菜式。我點左個 招牌即燒炭火靚雞一隻 $198，潮式梅子蒸鱔半條 $228，二十四節氣靚湯（沙鍋皮蛋豆腐芫茜生魚湯）一鍋 $138，薑汁炒西蘭花 $78，純椰青水2支 $30，絲苗白飯2碗 $30。招牌即燒炭火靚雞上檯時熱辣辣，皮脆肉嫩，滋味十足；潮式梅子蒸鱔的鱔肉鮮甜嫩滑，啖啖鱔香；薑汁炒西蘭花好爽口，二十四節氣靚湯值得推介，材料新鮮又豐富，生魚片份量足足有成條生魚，廚師用心製作，魚湯十分清甜！

🔎多多雞大排檔 (元朗)想食大排檔 搵下邊間未食過就見到呢間 位置都算方便 室內同室外都有 仲開到零晨4點😱 食宵夜一流🔹 招牌即燒炭火靚雞 $198/隻用大瓦缸高溫碳即場燒 差唔多每枱都有嗌 個皮真心脆 肉又嫩仲有肉汁架！另外有跟梅子粉 不過我覺得夠哂味 唔洗加都得🔹豉汁盤龍鱔 $228/半條 豉汁好香 鱔又爽口唔腥 賣相又靚 3-4人食都夠！🔹脹卜卜椒鹽鮮魷 $138大排檔必食椒鹽鮮魷 沒有例外！炸得夠脆口 鮮魷又夠彈牙🔹虎蝦仁黃金炒飯 $128唔想食白飯咁悶 揀咗個炒飯 大大隻虎蝦 炒飯又夠鑊氣 份量仲好足📍元朗又新街37-51號富祐閣地下14號舖🍴搵返相關地區👉🏻 #90sfoodieshare_元朗#食在元朗

身為元朗街坊嘅我地成日都會去大排檔食飯，貪大排檔有獲氣又有氣氛，而呢間大排就係我地成日食開，因為呢間嘅燒鷄真係好有特色同超好味，用炭火即叫即燒，所以一坐低我地一定係叫左燒雞先慢慢睇餐牌！仲每次去都一定要叫一隻食先得！🐥招牌即燒雞 $198即燒瓦缸碳燒燒雞，原隻企係到上枱，畫面非常震撼！而且提供手套鉸剪俾你自己剪開嚟食，非常好玩！不過今次我就叫左廚房幫手切雞。燒雞真係做到皮脆肉嫩，雞皮真係非常香脆，好似食緊薯片咁！而雞入面用左蒜蓉同淮鹽去醃，非常入味，加上嫩滑而滴住雞油嘅雞肉，真係好滋味！🪿豉油王鵝腸 $118鵝腸份量非常之多，好抵！豉油王嘅味道調校得非常好，唔會得一味死咸，配上爽脆嘅鵝腸，送酒一流！而個底仲好有心思，係芽菜加金菇，點返啲豉油食，好味。🦐椒鹽蝦 $168隻隻蝦都大大隻同好新鮮，蝦肉彈牙，而且個蝦走油走得非常好，蝦殼脆卜卜但一啲都唔油，椒鹽味恰到好處唔會太鹹，又係送酒一流嘅小菜！🦪薑蔥台生蠔煲 $188估唔到係用砂煲上，一打開蓋，啲香味衝上嚟，侍應仲會幫你炒多幾下，等啲餸嘅熱力再平均啲，真係啫啫聲咁！生蠔份量又係勁多仲勁大隻！生蠔🦪撲咗少少粉再去快炒，令到表面香脆，而保持到

原來已經一段時間沒有到元朗了。我的好友住在元朗，難得大家今天晚上有空，下班後我就坐車到元朗去跟好友搜尋美食。元朗一直都是小店的聚集地，只要行出去大學路，又新街，都會見到大大小小的食肆。今晚我們就到了一家叫多多雞大牌檔，聞說這家大牌檔的招牌菜式必試- 就是即燒炭火靚雞。每隻燒雞都是在大瓦缸內即叫即燒，端到飯桌上時燒雞是原隻棟起來的，雞油從金黃色的燒雞身上慢慢滴到碟上，甚有風味。食客可以利用店員提供的剪刀來切割燒雞，或可以吩咐店員切割。我急不及待先試試雞胸，雞皮很脆，熱辣辣，就算雞胸肉質都是滑的。而雞髀更是重點，肉嫩多汁，愛不釋手！除了燒雞，我們也點了薑蔥台生蠔啫煲，就咁數落，一個煲有十多隻蠔，份量十足，而且煲內有非常多蔥蒜芫荽，啱晒我呢啲蔥蒜控！熱辣辣的端到桌上時，店員也提醒我們多用湯匙攪兩攪，可令啫啫味更突出。吃上來蠔味鮮甜，鑊氣夠！再來是刺激芥辣靚一口牛。涼菜沙律般似的，牛肉粒很多，芥末醬夾在牛肉粒上別有一番風味。也不忘點了個金銀蛋時蔬，今天選了菜心為主菜，很新鮮，配上清清的上湯和以金銀蛋作伴。恰到好處。最近是歐國盃和奧運大盛事，聞說多多雞大牌檔是營業至凌晨四時，如果大家在午夜時看完