壽司郎 (新都會廣場)

營業中

休息中

今日1朝早要去葵芳見工，見完工睇睇電話，只係11:30，於是即刻衝去新都會廣場壽司郎拎飛先～衝到過去拎左張飛要等成36張😱，咁唯有諗住去下廁所先，點知去完個廁所返到去已經去左20張飛，所以等左10分鐘到就可以入座～入到去，我冇諗過佢俾左卡位我🤭，搞到我唔係咁好意思😳😳😳😳唔諗咁多，即刻叫野食，今日叫左：1. 三文魚🍣2. 真調魚3. 帆立貝 x 24. 茄子壽司🍆5. 粟米軍艦🌽6. 麵豉蜆肉湯🥣真調其實我係第1次食，食落去都幾新鮮，唔算太腥，怕腥既朋友可以一試三文魚🍣同帆立貝都係比出面新鮮，正宗啖啖肉，同出面個d係爭少少。所以帆立貝最後都叫多左1件食 (真係好鍾意食帆立貝😍)粟米軍艦🌽係我既軍艦至愛，d人話小朋友推介，其實都唔係，呢到個個沙津醬唔算多，所以食落去未至於成口都係，栗米就普普通通，冇咩特別，重有就係塊紫菜好脆，軍艦因此係我心目中加分喇😍壽司方面想推介下茄子壽司🍆，大家都會覺得好奇怪，2樣野應該係唔夾既，點解重叫？咁你地就錯曬，我想講壽司郎個茄子真係超好食，雖然油左少少，但係食落去好林，會係想1食再食，其實擺左落個飯到1D都唔漏，真係岩岩好，呢個真係推介，大家下次要試下呀～

八月啱啱開始，見到壽司郎有八月限定，當然要試下啦～趁宜家返工仲可以hea hea地，即興約fd去食下。四點九到葵芳，拎飛排隊二十分鐘左右就可以入得～.炙燒三文魚腹 $12炙燒完後的三文魚口感比較軟熟。.特盛蔥花吞拿魚軍艦 $12普通 冇乜特別。.雪花和牛雙味 $39兩款和牛上面的點綴唔同，一款係類似wasabi嘅醬，辣味比wasabi更甚。一款係類似啫喱。.極上厚切長鰭大吞拿魚腩 $12新鮮 好味！.蜂蜜牛油卡達拉娜 $22呢個真係好好味～ 必試！上層焦糖下面牛油，甜鹹相宜。.蟹肉忌廉可樂餅 $17熱辣辣忌廉餅，冇乜試到有可樂味，入面有少少蟹肉。.食完d限定已經六七成飽。但都要食下常規食物～.茶碗蒸真係次次去都必食。再試下個國民回憶-蜜瓜味雪葩。唔經唔覺一個鐘用餐時間就到了～間唔中試下壽司郎都幾開心，下次想試下新開嘅居酒屋！

食咗幾日壽司郎🍣🤣，原先諗住過一排先再食， 點知星期六經過新都會廣場， 又即興去拎咗張飛🤭， 然後就行街， 大約兩個鐘頭回來即刻有得食，絕對是我預料的等候時間😆👍🏻。 每次都點期間限定的食物， 今次推介針魚壽司，口感肉質柔韌😋。 另外必點帆立貝壽司， 大大粒好甜美。 不過對大拖羅壽司就有點失望，魚油花紋已經唔算靚， 入口沒有即化的效果。 我最喜歡的甜品是白桃味芭菲🍨， 香軟的北海道雪糕配甜美的白桃，推介。 每次到壽司郎都食到停唔到口， 總比其他的迴轉壽司食得多😚。

唔知大家有冇覺得壽司郎嘅質素差咗🥹 雖然味道都OK，但係性價比低咗好多💁🏻‍♀️ 邊上等嘅時間亦都短咗好多😂 曾經試過五點已經唔俾再攞飛🥲 到現加喺非繁忙時間最少等20分鐘至45分鐘，值唔值得等就見仁見智啦😏 我喺呢度定係介紹啲我覺得值得食嘅😂卡達拉娜 $22 - 焦糖燉蛋，超級好食，我每次都食到兩碟😆花之戀 $17 - 少啲沙律醬會更加好極上海膽海苔包 $27 - 呢個價錢食到呢個質素算係咁🥳醬烤日本產帆立貝 $22 - 大大件帆立貝☺️蟹柳天婦羅🍤$12 - 我就咁食佢舊天婦羅，點埋沙律醬一流😝

我一直覺得好神奇無論係咩狀況底下壽司郎出邊總會有一大條長龍少至打風落雨大至疫情停電都冇阻大家要食到壽司郎嘅決心今次咁岩喺附近行街買嘢就決定拎咗張飛先終於等到喇大概等咗個半鐘🤣🤣唔緊要最緊要食得開心🤪一行二人食咗大概$200個人最鍾意嘅係佢嘅軟殼蝦壽司平時軟殼蟹聽得多軟殼蝦都係第一次叫黎食絕對有驚喜！大家不妨一試👍🏻今次亦試左新嘢就係佢嘅白子壽司平時冇乜幾可有地方食過所以懷着一個貪玩嘅心去試食完嘅感覺係哦 原來係咁㗎下次都係唔使叫🤣

市面大把大把「郎粉」，自己亦非第一次幫襯，只純粹更新，加上首次去葵芳店，而在於任何分店，能成功入到去、食得到，好講緣份/自身忍餓力，唯今次稍有小奇遇，遂作記錄。1:40，門口取票，一見是330…顯示屏係205，按捺不住大喊「等百幾張！」已打定輸數轉身走。豈料有位漂亮女士上前遞上張票，說是先前拿多了。連聲道謝，一望是23x，想再三感謝她已然不見踪影。按票數估計，等半小時左右便能入舖，大大節省乾等時間，真心謹此多謝那位美女🙏🏻🙏🏻！主要重點介紹一下期間限定：縞鰺，前字唸稿；後字連辭海也不能提供，估計讀心。貌似鯛魚，比鯛魚稍多點魚味。一時錯手按錯點「冷製茶碗蒸」，賣相比熱食版趣緻，似鰹魚汁製成的果凍粒鋪面，蒸水蛋內有蝦球、薄魚肉片、小塊魚肉、菇粒，似鹹食甜品。不可不吃白桃芭菲，明顯當造鮮艷欲滴的桃肉，伴隨白桃雪芭、軟雪糕、忌廉，墊底是海綿蛋糕，性價比特高。埋單後見屏幕顯示正好330號，將手中票交給門口其中陌生二人，二人以懷疑眼光望住我，一見票上號碼方知不是整蠱。純粹將好運延續……

大住肚時開壽司郎（喺新都會），一直想食但唔食得，又唔想等太耐嘅關係，終於今日先食到。（行住街等係ok, 我真係唔明點解已經有成16-17 間分店非午膳時間都仲要等成個鐘）….其實佢嘅壽司飯一般般（飯粒我覺得唔夠分明而且飯嘅質感有啲鬆散），不過壽司款式算多同都好新鮮，價錢黎講我亦覺得算平。例如一碟真鯛$22（2件）我覺得呢啲款都唔係間間壽司店有。最值得推介： 真鯛，呑拿魚，墨魚（我唔見有刺身，我估係無或者我眼大睇過龍？）

葵芳呢間壽司郎我一直都覺得佢質素都冇其他分店咁好，食過樂富同埋佐敦執左果間，啲刺身真係新鮮啲無咁霉，同埋凍啲好食啲，不過貪葵芳就腳，附近又有啲嘢行下，所以基本上都係食呢間🥲每次去到都必叫海膽，拖羅，帶子，蝦，長方形黃色甜品乜乜乜娜，同雞軟骨。食過咁多次海膽都唔會腥臭👍🏻，拖羅，蝦同帶子好大舊，啖啖肉好滿足😍佢啲炸物真係幾好食嘅，好脆，又唔會太厚粉，熱辣辣😋見好多人推介，今次食咗佢個新推出嘅魚心，幾得意幾彈口，真係幾特別。白魚子都幾特別，不過有啲腥，食一舊都OK，2舊真有啲難以接受。

初初開佐敦嗰陣真係好食既！食完會想再去食！之後都食左2-3次，因為太多人排隊所以越來越少食！今次經過葵芳見唔係咁多人，所以拎張飛排隊！排咗大約40分鐘，有位！入去食滿心歡喜，點知🥲🥲🥲🥲一啲都唔新鮮！壽司飯冇咩味，啲壽司唔凍既，可以話係室溫🥹🥹🥹叫咗吞拿魚大拖羅，以前食係好新鮮入口即溶，今次真係…..唔識講！仲叫咗其他壽司諗住試吓，認真講冇一個好食！我諗我食埋今次唔會再食壽司郎，想食既加油！食左204蚊，完全唔值！

今次係幸運嘅情況下（萬分感激俾飛我嗰位師兄），終於第二次幫襯。食物質素、味道，中規中矩，叫做過吓口癮，解吓思鄉之情。但如果要等成 1hr20mins 先有得食，真係......（要諗清楚）。2條友埋單四百幾，抵唔抵？見仁見智啦。

第五波後再食壽司朗，距離我張豁免打針紙仲有唔夠一個月，希望醫生再批比我啦，令我可以出去食下野，有正常社交，唔洗斷六親>▪<加分位：1.卡達拉娜8/102.珍寶魷魚天婦羅8/103.松葉蟹軍艦9/104.燒鱈魚子配忌廉芝士軍艦6/105.蟹膏軍艦9/106.原條海鰻9/107.特選大吞拿魚腩8/10扣分位：1.壽司朗人氣三味（三文魚果舊好多筋）2.香蔥赤蝦（上面香蔥無之前咁香，硬咗少少）3.入口即溶宇治抹茶蛋糕（無入口即溶咁誇張，抹茶味唔濃）3人總共食咗25碟，價錢$412+10%個人口味總評分：8/10地址：葵芳興芳路223號新都會廣場1樓176-177號舖#葵芳美食 #壽司朗 #卡達拉娜 #甜品 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogge

疫情緩和了不少，襯假期約埋家姐一齊去食壽司🍣加行Donki！當自己去左轉東京～ 終於都食倒一直都好想好想食嘅壽司郎！都算係放假嘅其中一件開心事！排隊方面我地嘅攻略就係一個字：好鬼早！家姐10點半前去到拎飛，已經拎到第113號😵‍💫😵‍💫😵‍💫好彩係可以睇住apps 嘅籌號，唔駛真係企喺度排👏🏻👏🏻拎完飛梗係睇下消費券有咩地方用左佢啦！行到12點半左右D籌號開始叫得特別快，12:40我地就成功入座！迴轉壽司座位濶落舒適，枱面有3種醬油，感覺好Pro! 自己放綠茶粉🍵水滾當然茶靚！🔴紅碟 $12, 🥈銀碟 $17，🥇金碟$22, ⚫黑碟$27，呢期仲有春の三貫盛り ，有5種唔同嘅配搭！ 🍣人氣三貫盛り🍣$39 :有日本產原隻帆立貝、赤蝦、大切三文魚：帆立貝鮮甜厚肉、赤蝦香甜蝦肉爽口，大切三文魚厚肉油脂香！   🍣貝三貫盛り🍣$17 :有赤貝、海螺，北寄貝：三種都新鮮鮮甜！無敵好味！我自己最鐘意極上海膽海苔包，同埋店員推介嘅極上拖羅海苔包，海膽甘香味道濃，極上拖羅油脂香口鮮甜！整體都十分滿意！水準絕對係高質！價錢仲非常親民，難怪咁多人排隊黎食！壽司郎 地址📍：葵芳興芳路223號新都會廣場1樓

壽司郎有幾受歡迎，有幾抵食，就唔使多講，但要攞飛等位就真係有啲卻步。為咗食CP 高的壽司，又唔想等位，唯有買外賣，等外賣通常15分鐘左右有得攞，唔算耐。壽司郎外賣係冇得散叫嘅，全部都係一set一set. 今次就叫咗set A, HKD 88 有10件壽司，有三文魚、有吞拿魚、有鰻魚帶子等，都叫好抵食。除此之外，發現佢有另外一個Menu係可以淨係叫三文魚，吞拿魚，帶子，每份有六件。本身想叫吞拿魚同油甘魚，可惜油甘魚賣晒唯有叫三文魚啦。睇落去質素好似比set A嘅好少少。

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍 壽司郎嗰日同屋企人約左食壽司郎，🐷好耐之前食過一次佐敦堂食，但因為之後一路都太多人排隊，就冇專登去食🥲當時覺得都可以嘅，元氣好食小小嘅質素，但排咁耐我真係唔會食，但今次外賣我真係好！失！望！😡第一，外賣得set，冇得散叫，有啲唔鐘意食嘅嘢，食黎食去都係嗰幾樣！第二，啲吞拿魚腩有筋，大大條，有渣！爭鮮都唔會出貨啦😡—————————————————————❣️ 超人氣盛合 3人前 $264有油甘魚、魷魚、厚切三文魚、日本產帆立貝、赤蝦、特選中吞拿魚腩、極上鰻魚、蔥花吞拿魚軍艦，就係呢盤吞拿魚腩有筋😡非常失望！其他都係正常，冇好好食，啲帆立貝仲勁要切得一半，真係爭鮮都有成塊啦！.❣️ 壽司郎特製盛合 2人前 $176炙熱拼盤，有炙燒芝士三文魚、炙燒羅勒三文魚、醬烤鲽魚鰭邊、壽喜燒牛排、極上鰻魚、醬烤日本帆立貝、厚切燒鯖魚、炙燒赤蝦壽司，🐷最鐘意燒左口魚裙邊，啲油脂入口即融，燒帆立貝都好食，都厚！.❣️ 超值三文魚盛合

屋企人未試過壽司郎，但係出面疫情關係又唔係好想堂食，所以就叫咗外賣，希望比佢哋試吓有幾好食。三文魚好新鮮，充滿咗油脂嘅香氣，食落去真係好好味，白飯嘅醋味亦都係啱啱好，溫度係仲凍，雖然價錢有啲貴，但係一次半次唔緊要啦，最緊要屋企人開心。P.S.外賣員哥哥好有禮貌