壽司郎 (新都會廣場)

營業中

休息中

壽司郎有幾受歡迎，有幾抵食，就唔使多講，但要攞飛等位就真係有啲卻步。為咗食CP 高的壽司，又唔想等位，唯有買外賣，等外賣通常15分鐘左右有得攞，唔算耐。壽司郎外賣係冇得散叫嘅，全部都係一set一set. 今次就叫咗set A, HKD 88 有10件壽司，有三文魚、有吞拿魚、有鰻魚帶子等，都叫好抵食。除此之外，發現佢有另外一個Menu係可以淨係叫三文魚，吞拿魚，帶子，每份有六件。本身想叫吞拿魚同油甘魚，可惜油甘魚賣晒唯有叫三文魚啦。睇落去質素好似比set A嘅好少少。