壽司郎 (新都會廣場)

營業中

休息中

📍 壽司郎 (新都會廣場) (葵芳)葵芳興芳路223號新都會廣場1樓176-177號舖==============================難得今日有屋企早收工可以早d去壽司郎拎飛，我先可以試到壽司郎係葵芳呢間分店😍😍😍==============================食物⭐️⭐️⭐️⭐️⭐️1️⃣壽司類壽司主要係試新款式，全部都食得出好新鮮，好味無中伏🤣2️⃣刺身類刺身都好新鮮，保持到壽司郎水準3️⃣茶碗蒸蛋蒸得好滑，杯底好多配料，次次食都禁好味😋

第二次嚟呢間-葵芳壽司郎食每次食壽司郎都會覺得好滿足今次都唔例外係咁encore香蔥蝦壽司😍今次共食左3碟每次嚟壽司郎都要食 仲要encore幾次同埋價錢好抵 咁大件只係$12唔係咁多地方食到咁抵食又好味嘅大蝦刺身壽司仲有好好食嘅薯條 非常之脆覺得仲好食過連鎖快餐店 熱辣辣出爐好少人會覺得唔好食仲有茶碗蒸 同埋甜品千層蛋糕茶碗蒸入面好足料 有埋熟嘅三文魚千層蛋糕都好好食 要早啲order, 等佢冇咁凍每次都會叫依家幾樣！必食

10月8號晚，8號風球時（630pm）嚟過，結果要等枱， 就轉去第二間。 因家人好想食壽司，10月9號 1030am再嚟， 已安排入座，難得八號風球加上還是黑雨也能準時開門。 值得一讚當天早上的員工，真的十分值得嘉許，除了能準時上班，我不小心將盛載筷子的盒推到地上，員工發現後立即上前為我處理, 還叫我不用擔心, 可以繼續進食。早前一天不佳的天氣， 加上今天早上還掛著 8號的風球；但食物的質素一點也沒有影響， 難怪一直多人排隊呢

你以往食過既日本品牌，我相信有唔少都係一開業既時候排哂大隊，用餐體驗好有卓頭等...但往往經歷歲月既洗禮後，淨返0係度既都同當年剛剛開業時，由服務，食品質素以及人流，都同當年係差天共地，「峰壽司」，「板前板長」就係個好例子啦！講返壽司朗，大大話話都食過佢好幾間分店，但「葵芳店」開業至今食過三次以黎，再對比其他分店就真係「食品質素到衛生程度係我食過咁多分店中最差既一間」，當然我未食過所有分店我唔敢講係咪最差，但以貴日本品牌標榜所有出品服務食品質素統一為賣點既餐廳，我真心覺得香港呢個地方「映衰哂人地個牌子」。以下係我嬲到要出食評既原因：1:待應求其用塊布抺桌面抺兩抺就安排客人坐低，豉油漬都仲未抺乾淨又比人睇到，大佬你地代表緊間日本公司架！2:大部分呢間分店出既壽司舊飯都係鬆鬆散散，有D甚至係輸送帶黎到既時侯已經「訓低埋」或嚿飯散哂，乜你地唔係用機壓D飯架咩？定係未Set好個比例？3:$17碟既三文魚壽司賣相泊得住爭鮮......飯又散，切到塊三文魚不似預期咁上菜比客，而且食落唔太新鮮，真係想唱「到底發生了什麼事？」如果你都有同樣經歷歡迎大家比個讚呢個食評！

剛剛喺樓上元氣食咗少少嘢，🤴🏻邊會夠飽呀，咁食完落到去壽司郎已經過左我哋張飛，再撳過都係等左15mins唔係好耐🤗🤗！～～～炸章魚🐙塊～～～好脆口，炸章魚🐙粒好彈牙😚😚～～～蔥花吞拿魚軍艦～～～吞拿魚蓉嘅油脂唔錯，我幾鍾意😋😋～～～特盛炸蝦🍤海苔包～～～好難同🤴🏻分享，紫菜好脆😊😊，有三四隻炸蝦🍤😄😄～～～炙燒羅勒三文魚～～～有啲香草味，冇乜特別😀😀～～～冷製茶碗蒸～～～原來凍嘅茶碗蒸一樣咁好味😁😁，感覺似食緊鹹味嘅啫喱，而且裏面好足料☺️☺️～～～壽喜燒牛排～～～壽喜燒汁濃味過元氣😂😂～～～稻烤拖羅鏗魚～～～食完冇咩記憶點😝😝

作為壽司郎既fan屎，每月限定點少得⸜ᐢ-𖥦-ᐢ⸝ 另外都要識揀分店！葵芳係ok der !!不過今次既限定無話好推薦(*・ε・*)長鰭腩肉配蔥花吞拿魚🐟🏴‍☠️ $12呢個搞唔掂，啲肉有啲腥，同埋咬落有筋( ∩ ˙-˙ ) 較prefer $12 2舊既呑拿魚！！炙燒三文魚腹 ☄️$12三文魚經過炙燒，逼左啲魚油出嚟，加埋啲葱都算香的！(｡･ ω<)但唔算好出色 ~特大熟帆立貝 ♨️ $17第一次食熟既帆立具壽司，雖然係熟嘅，但依然好彈牙，啖啖肉(´~｀*) 推薦比唔食得刺身既人食！🤰🏽👵🏻😷 hehe 不過我prefer 刺身多啲><龍蝦忌廉可樂餅 🦞$22炸野依舊出色，外酥內軟(ㆆ﹃ㆆ )龍蝦忌廉一啲都唔膩，仲好軟滑！！白桃味芭菲🍑 $32有一貫既牛奶🐮🍦，略嫌少少稀。白桃亦好似有少少罐頭feel 咁有啲啲過甜>< 壽司郎最愛依舊係！！！田樂味噌三文魚(*´﹃｀*)強烈推薦！！！12蚊2件既淺色少少呑拿魚亦扺食！回頭指數🦖: 舊野唔伏4/5 (8月限定~> 爭dd ;3…. 3/5 )

其實本身係冇諗過自己要排隊排好耐先食到壽司，因為排得隊黎，我已經冇耐性再食😌 好多時我都會上網開app睇吓當日排隊嘅情況，但係葵芳真係好難用app訂座，所以dayoff時就決定walk-in入去食，而等10-12分鐘個人認為係可以接受既。講返壽司，每次去都係叫最愛嘅吞拿魚腩，白子我之前食過覺得overrated，而因為懷孕關係盡量少食生野所以下次會試下點返d熟食。我本身對於迷你壽司飯呢個設計係幾認同嘅，因為唔食飯或者對飯冇乜胃口嘅人，你俾咁大嚿飯俾我又真係有啲強人所難。

今日10點幾左右就去到新都會廣場，開頭仲諗住一個人食乜好，可能時間尚早見到壽司郎難得唔使排隊，唔使諗即刻入去。仲要係一個人坐四人枱。我最愛嘅茶碗蒸。螢光魷魚，不過今次有少少腥。炸九洲產油甘魚鮫👍🏼👍🏼👍🏼今日個拖羅唔掂，有筋。一個人的享受😚

這家壽司店的食物非常新鮮，味道上也十分出色。它們的壽司上放置的配料非常注重搭配，每一口都讓人感受到獨特的口感和風味。店內的壽司師傅也顯得十分專業，對於不同的客人需求都能夠滿足。若您正在尋找一家優質的壽司店，那麼這家店絕對是值得一試的。排這麼長的時間才可以入座，也是值得的！

今日講嘅係葵芳《壽司郎》平日晏晝2:30去到攞位，3:00就可以入座，以我地平時食壽司郎嘅習慣，目標為本3:45食完就閃人，快快咁放返張枱比下一位。平時必食嘅香蔥赤蝦 ,次次食隻蝦嘅size都會唔同，時大時細😂，今日要比💯，因為隻蝦大大隻，$12超抵食。刺身壽司今次都係好評，起碼有一半以上嘅刺身壽司係食落口唔多筋，肉質爽滑😎。仲有就係天婦羅蝦🍤壽司同天婦羅蟹棒壽司都係必食，但就睇彩數，天婦羅就時凍時熱，今日好彩係熱嘅😂😂，但叫左個期間限定嘅炸蝦紫菜卷好失望，炸蝦係凍到硬曬😫，上次黎食新鮮炸，再加埋沙律醬真係好好味😋。次次去食都有驚喜/失望，但總括黎講CP值好高，可以無限次再訪😍🍴壽司郎 📍葵芳興芳路223號新都會廣場1樓176-177號舖

我4點51分攞飛，因為佢5點停止攞飛，跟住7點再去，過咗20張枱，佢話吾俾我入，又唔俾我重新攞飛，甘我想問仲企係到等位咖人啲飛係點黎？我係咪應該由5點企係餐廳門口等到有得入？成件事好戇居，究竟佢幾時派飛無人知，鐘意咪派，鐘意就停，我等左3個鐘都食吾到，以後都吾會再去，真係當香港人白癡，真係吾食你就無得食？個app又吾派飛，CLS

考試前夕提早放半日温書，讀到4點都預備早啲食飯就7點考試，去到葵芳食個開心啲飯見到一去到唔洗排，正👍。即刻入去開餐。食完5點門口已排滿人潮開始啦，真好彩因為一個人去，加上嚟緊仲有幾科考試，唔可以食得太多炸嘢同生嘢，只可以清清地$17油甘魚壽司$12鰻魚壽司$12燒蝦壽司$12 魚子牛油果蝦卷$12 期間限定炸蝦海苔包$12 芥末燒三文魚壽司

話說早陣子預約咗葵芳壽司郎，等了三個星期終於成功預約。大約五時左右我們便順利入到去，我們用電子餐牌點餐，好快咁我點咗池魚壽司池魚算係幾鮮味加上一片檸檬帶出鮮味，安康魚肝軍艦魚肝有少少像豬潤，海鰻壽司食落有少少細骨所以不建議點給小朋友吃，鰻魚壽司的厚度加上鰻魚汁香濃軟滑，熟蝦壽司蝦味新鮮，中拖羅吞拿魚壽司他是我的最愛魚油香充斥整個口腔歷久不散，最後還有抹茶芭菲，食過咁多間壽司來計這個甜品算係非常之好，但價錢就貴了少少要成三十多元，如果下次book到位我也會再來。

可能好多人已經返左家鄉，星期六朝早壽司郎竟然walkin 都食到😂😂。 雖然個人認為同初初總店開業時既水準有落差，不過未有得返家鄉前過下口癮都還可以既。呢排有前季節限定，佢既炸池魚壽司幾特別，昆布漬八爪魚比想像中入味又唔會太紉，另外佢個白湯拉麵都值得一試😂。 拉麵唔係用十蚊三包個d 梘水麵，湯底都ok(32蚊不能要求更多）最後一個鐘頭瘋狂食左廿幾碟🤣🤣埋單 $4xx好食指數： ⭐️⭐️⭐️⭐️性價比：⭐️⭐️⭐️⭐️

首先，這家店的壽司非常美味，壽司的魚肉口感鮮嫩多汁，米飯的口感也十分柔軟。店家的壽司非常新鮮，味道十分清新，每一口都讓人滿足。店家還提供了各種不同種類的壽司，如鮭魚、吞拿魚、鰻魚等，增加了整餐的豐富度。此外，店家的服務也非常周到，環境也十分整潔舒適，能夠讓食客在品嚐美食的同時感受到放鬆愉悅的氛圍。總體而言，這家壽司郎店是一個非常值得一試的地方。如果你喜歡日本美食，不妨來這裡試試看，或許你會像我一樣愛上這裡的壽司！