士林台灣麵

營業中

休息中

本人都冇在這裏寫開食評,因為今日的遭遇,覺得這店非常遺遺憾,要話比人知它的服務態度。話說今日平安夜我和老婆都放假,我地一行五人連兩個手抱BB特登出o黎食下午茶,由於我之前食過都OK便和家人試試。我地在下午二時十五分入座,睇下有乜好食,當我問阿姐今日有冇下午茶,她說還有十五分鐘,但當時店內沒太多人,還有空位,過了兩分鐘後,有個疑似老板娘的人走來說: (註:當時店內還有很多空位,而且還有十分鐘便兩點半)我們頓時心想有冇搞錯,開聲趕客走,你這店是什麼高級食府呀。我地當然不能接受她的要求啦,首先我們也是客,我們也給他們生意,他們甘願為了想賺到盡而出言得罪其他客人,這是非常有問題。我強調那時{店內還有很多空位},原則上我地梗係冇聽個阿姐講出去等,但經了她的說話,令到我地感到非常憤怒及恐怕之後加料,我地選擇去第二度食啦。比錢受氣,幾X好食都假!!!請大家睇睇這店的食評,如閣下喜歡食食下被趕,有空位但被要求撘抬等等的extra服務,這店肯定滿足到被虐的心態。

第一次黎吃, 都係抱著平凡O既心情, 點知....估佢唔到又幾唔錯喎, 試過其他台灣野都好一般, 呢間算幾好架啦.間野唔大, 得7,8張台, 但俾人感覺幾乾淨.珍珠奶荼都OK, 比那些仙跡岩.仙宗林好飲得多.價錢方面又比他們便宜, 值得去試!

因為之前大家食開果間買2送1冇左之後,同學仔就係安格靈上堂之前帶我黎食下午餐當晚餐~我被介紹叫左雞排撈面~~真係估你唔到~~間餐廳咁遠水路竟然咁好食~~~雞排好大塊~~ 個皮炸到勁脆啊 一路食好似薯片咁charp charp聲撈面俾我既感覺不嬲都好干,點知竟然唔干wo! 仲要有d 甜甜地酸既汁~~加埋肉碎(好彩唔係牛肉!我唔食牛的)非常惹味啊!!我飲既係凍朱古力奶茶, 都幾滑~都不過不失既, 唔錯啦!^^to sum up, 全個餐真係好食~~ 不過個感覺有d太甜~~哈哈~29蚊食到我好好好滿足

上次去到,好多人排隊放棄左 去左隔離既譚仔食米線今次終於有位啦 !!!入到去 差唔多滿座 (!)黎到呢到一定要試下 牛肉麵同埋雞扒麵啦要左酸辣渺底 . 牛肉果個要+3蚊-.-我嗌左杯 仙草奶凍-.- 真係好難飲...........果時突然間好掛住貢茶 !! 朋友既芝麻奶茶 好飲D~食評真係無介紹錯 @@雞扒炸得好脆,好大份 好好食牛肉好"林",但係一碗得3舊,麵既湯底 好似酸味較重而D麵都好爽口 不錯不錯 !!下次得閒會再黎食過的 @@'

最近天氣開始好凍,湯麵變左我的最愛冬天凍時飲下湯食下麵人生一大享受尋日去士林叫左碗雞扒酸辣麵食,因為食太辣對胃唔係咁好,所以我幾年前就介左食太辣ge野,所以同士林自制的辣椒油冇緣,平時只可以加少少解一下思愁,冇得食辣椒油我就轉左喜愛佢地的酸辣麵,又酸又有少少辣,好過隱,清湯底加酸辣變成紅當當的,好好飲,麵又好彈牙,雞扒隔左咁耐再食仍然係咁脆咁好食,再加一碟過橋餃子,就再好不過了好鐘意他們的過橋餃子,點餃子汁食又係一道令人食之回味久品不厭的好菜色.因為係冬天所以叫左杯熱的薑母奶茶飲,熱熱地加上又有薑味,飲完成個人都暖粒粒,而且奶茶又唔會過份的甜味,岩岩好甜味適中,

真係失望 .. 見到咁多好評諗住試試 .. 環境又迫(隔離左右都係人!!), 野食綜合黎講又唔得, 價錢又唔係特別平 .. 真係冇下次! 我地叫左紅燒牛肉米線、酸辣九菜雲吞面、蘋果綠茶同埋珍珠奶茶 .. 紅燒牛肉米線：牛肉同牛跟痴埋一齊, 林林地, 係幾好味 .. 但d 米線煮得太耐啦!! 夾都夾唔起咁濟 .. 用一個「爛」字黎形容最好不過!! 個湯又太濃味 .. 但唔覺得惹味 酸辣九菜雲吞面：冇咩特別 .. 如果係水餃皮應該會好食d .. 至於成碗野既味道 .. 完全冇酸辣味 .. 唔明有酸辣同冇酸辣有咩分別 .. 蘋果綠茶：呢個唔錯 .. 有蘋果味但唔會太酸 .. 亦唔會蓋過左綠茶味!珍珠奶茶：我只係叫左少冰 .. 但杯野好似比人走左甜咁 .. 完全冇落糖水!!!!! 好澀茶味 .. 飲左兩啖就冇飲 .. 咁就晒左１２蚊! 總結, 服務態度雖然ok, 但野食真係不敢恭唯 .. 唔會再有下次幫襯

間中諗唔到食咩都會黎呢間個雞扒大件又香脆(不過冇大雞大咁惹味)牛肉連牛筋好腍好好味乾拌面就係我最鐘意果種面條不過D主食即係面同飯的份量都好細，如果好肚餓就唔建議黎啦。

己經光顧這小店三次牛肉麫和香酥雞扒麫是每次必點的食物牛肉湯底加上入口即溶牛香酥雞扒炸得嫩滑外層脆脆不會乾身又厚粉麫又彈牙$29價錢相當低食唯獨台式飲品品質比同區較遜色

短時間內光顧了這間小店兩次, 她的牛肉麵令我印象深刻~~湯底香濃, 麵底彈牙,牛肉入口即溶!炸雞扒鬆化可口, 如果可增添台灣雞扒的香料味那就近乎完美~酸辣湯底可以不試.... (酸辣絕不是台灣食物的專長)現在每當想吃牛肉麵的時候必定會想起士林

３人行下午茶叫左牛肉面、豬手面、酥炸雞排面，２個跟餐有野飲都係＄２９，一杯珍珠另一杯唔記得，先講珍珠奶茶，珍珠淋得黎又可以有咬口真係佩服至於牛肉面真係唔駛講野，湯底夠濃唔會話好味精牛肉亦夠淋而且多件好食，可惜既係沒有配合羅白，唔係就可以比十分，至於雞扒係好脆，慢食凍症都一樣咁脆口，雞扒滑卻只有咸字失色左Ｄ，至於豬手好淋好入味，而Ｄ面，係正宗台灣既風味，完全一樣，有去左台灣既感覺。要彈既係老細為左做生意，３位係會搭１個陌生客，都會諒解因為都有人在門口等緊位，變左只為食野而無得吹水。而且Ｄ位都幾迫而且發現烏蠅飛飛下～要留意呢

三點三, 下午茶時間.. 午餐食得少, 肚仔好鬼餓.. 原本諗住去譚仔食, 但係見到入邊無咩客.. 旁邊間士林台灣麵, 坐滿一半, 記得食評好高, 所以去試試..點左個下午茶餐 : 牛肉麵加棷香奶茶(COLD) $29 + $2 = $31 牛肉麵 : "香, 滑, 彈!! " 湯的香料味唔重, 但有好香的純牛牛味.. 牛展有 3 長條, 有咬感同根位好滑.. 麵的粉量唔多, 可能係下午茶, 所以少 D.. 食完想再叫多碗, 但係怕食唔哂.. 棷香奶茶 : 唔會死甜.. 幾好.下午茶餐來講, $31 唔算平.. 但係勝在食完唔怕口乾, 係真材實料.. 最怕有 D 店加牛精來煲.. 食完要不停飲水, 然後不停搵厠所. . 如果, 可以加 D $15 以下的小食就最 GOOD!!去開元郎, 會再食..

今日休息 , 今晚約左好友去私竇 BBQ、唱k及飲野迎月。我陪完家中兩老 , 到晚上八時會合同事 Angel , 一齊先去美心買一打西餅 , 及半打芝士蛋糕。八點一齊去呢間野再試下 , Angel 佢都係第一次食 , 我叫左【香酥雞排麵+椰香奶茶】, 而Angel 就叫左【 香酥豬扒麵 + x x 紅茶 】。兩碟扒都好大碟 , 炸得剛好唔油膩 , 味道又唔太鹹好香 , 但份量真係太多 , 我相信平時好肚餓都未必食得哂!麵質幾彈牙幾爽 , 但可能我揀左普通湯底 , 所以麵方面都係唔錯 , 但唔講得好特別。我飲果杯【椰香奶茶】好夠味好香 , 又夠冰凍真係透心涼 , 下次一定要再試 , 而 Angel 就話佢果杯就麻麻啦!期間發生一段搞笑事 , 同枱搭枱有一對較年輕父子 , 兩父子食到滿枱都係 , 最後叫左一碟唔知咩野名堂【茄子】, Anel 猛話應該好好食 , 隔離枱三十多歲父親 ,即客氣地叫 Angel 試食 , 點知 Angel 毫不客氣試左一件 , 好野 ... o係我人生中都未見過咁唔客氣場面 , 哈哈哈!埋單都係七十幾元 , 下次都會再試~ 之後一齊去左私竇 BBQ , 凌

星期六同媽媽一齊行街行到咁上下,就諗住去食Tea就去左士林度食下午茶叫左佢地下午茶先有的吐司餐>V<今次就叫左奶油吐司,我覺得奶油吐司最好食除左花生吐司我差唔多全部都試過,嘿嘿最香最好食都係奶油吐司>V<不過就要等耐少少,佢要烤都要幾耐下,所以唔趕時間坐係度HIGH TEA最好~佢一邊烤的時候陣陣奶油味就一直飄過黎(口水)聞到更加肚餓~佢地的吐司比起其他店大好多,有一隻大碟咁大,放係上面係岩岩好放滿一隻碟,食完好滿足嫁>V<飲多杯百香綠茶,就岩岩好啦,問過人,原本百香就係熱情果,台灣將英文passion fruit譯成百香果,喔喔,又學到一樣野嚕~百香個隻味好特別,清清涼涼,飲起上黎好舒服,加上我又中意飲綠茶=]下午茶去士林食係一個不錯的選擇

在一年前無意中找到的一間台式餐廳，從第一次叫的牛肉湯麵,到現在差不多食遍有興趣合口味的麵之中,最愛還是牛肉干拌麵牛肉一條條連根,又林又"煙un",真係好好食,而中意食干拌面係因為佢地會將青瓜絲同埋肉燥加埋台灣醬油膏放係面上面,等自己可以點撈都得,我就中意加d 香醋,酸酸地真係好好食。上個星期,又係叫牛肉干拌面=]~除左面仲叫左碟涼拌小黃瓜,夏天時食好清涼,食完個人d暑氣都走哂,哈哈而且好中意飲仙草奶茶,仙草奶茶冇珍珠奶茶咁濃,清清地都好消暑,下午茶去食好抵~凍飲都係加2蚊同茶餐廳一樣都係加2蚊轉凍飲夏天最好的組合~~

蜂蜜紅茶: 好味唔會太甜，又大杯。仙草奶茶: D仙草好難飲到落肚，因又唔大又唔細，用匙食又成日滑走，大至味道都唔錯。牛肉麵($29): D牛肉只有3條咁多，麵又少，冇其他食評講得咁好囉~~酸辣香酥雞扒麵($27): 一D都唔酸又唔辣，麵又少，但雞扒就多，冇咩凸出既地方~~麻辣金錢肚: OK辣，但實在切得太幼，冇咩咬口。