士林台灣麵

營業中

休息中

今日同女朋友黎到元朗搵食 ！事前當然做足功課啦！黎到士林排左一陣隊就入得！店內空間較迫 但無阻我同女友既食慾二個人叫左一碗紅燒牛肉麵 一碗雞扒麵同一碟餃子牛肉麵一黎 第一啖當然係飲啖湯啦！嘩！濃而不膩 而且飲既每一啖都好似食緊舊牛咁！麵方面就好滑 而且好有咬口 份量一般啦(個人比較大食) 到食牛肉啦！！！！咩料丫…林到咁既？真係食緊牛肉？ 燜到咁軟 肉質又滑 真係同個湯一樣味架！ 咁有質數既麵係香港點會搵到丫雞扒麵個湯就好香濃 本人比較中意雞扒麵個湯！但雞扒同餃子就一般般啦！無咩大既驚喜！整體黎講叫滿意！強烈推薦既當然係紅燒牛肉麵啦！兄弟第一次打食評 不喜勿插 望各位師兄姐 指點指點

拎完護照後, 順便在附近搵食。經過一間食台灣牛肉麵, 就入左呢間食!點左一碗紅燒牛肉麵及一碗酥炸雞扒麵.黎到份量都唔少架喎!雞扒另上, 而且都幾大碟!味道鬆脆可口, 雞扒都好滑 feel到應該係即炸出黎!麵黎講, 原來我可以選擇要牛肉湯底架, 但個侍應都冇俾我揀既, 嗚嗚~~不過唔打緊, 反正我隔離果個係牛肉湯底, 都有得試!紅燒牛肉麵既湯底, 果然好好味, 牛肉似牛腩, 有少少根, 而且炆得好林!食完之後先知道, 原來呢間舖係薄有名氣架喎~~~

我住距離元朗好遠既觀塘~但係果日同FD慶祝生日就專登入元朗幫佢慶祝~咁我地就去食lunch~個fd就話呢間士林台灣麵好好食~我自己就唔係好鍾意食麵既~不過見佢生日就就下佢去試下la~一去到就見到間野好多人排隊~啲枱已經擺哂出門口~等左幾分鍾就有位~但係我同fd就不嬲唔熱得既~所以就繼續等~等到有冷氣位先入去~我諗都等左20-30分鍾...~都算好耐~已經出哂汗入到去我個fd就叫牛肉麵~佢就叫我叫香酥雞扒麵~我其實唔係太鍾意食炸野~但係一場黎到見呢到出名好食咪試下囉~再叫左杯朱古力奶茶~一黎到~已經見到佢炸得好脆~有啲似豪大大既雞扒~咬落去~啊!!!!外脆內軟~真係好好食~反而係個麵麻麻地~好普通既一團粉咁~我個fd既牛肉都好好食~但係我都係覺得雞扒好食啲~不過食完就已經覺得好熱氣~一次過飲哂杯朱古力奶茶~好滿足!!!不過等既時候真係有啲耐~而且店入面好逼~唔係咁鍾意~而且啲雞扒雖然好食~但係好熱氣ar~不過我會下次去元朗會再去既@@

難得入元朗一次，揀左呢間openrice好多好評的麵店。呢度的招牌菜係牛肉麵，話主廚係台灣五星級酒店做過，講到好勁咁。但係我係台灣食過最好味ge麵食係撈麵! 所以今次都係叫左撈麵(menu叫乾拌麵)豬扒乾拌麵+茉香奶茶d撈麵係肉燥撈, 味道算ok ge，不過唔係台灣食到果種style如果想搵台式味道就唔洗試啦同埋幾乾，係台灣我食過係用少少豬油撈的，呢個得上面d肉燥有少少油，唔夠香個豬扒… 冇乜味, 炸到好乾同好鞋, 食左兩舊已經放棄左… 男友叫左雞扒撈麵, 又係乾+冇味... 我唔信係五星級大廚主理lo杯奶茶係古早味，好好飲! 係細個最早飲茉香奶茶果隻味，好懷念~ 差d想叫多杯拎走見到好多人排隊, 野食又唔係特別正, d阿姐態度又非常麻麻 , 完全唔明有咩咁吸引! 可能佢個牛肉麵真係好食得好緊要, 個個黎排隊都要食吧!

今日既午餐選擇依間麵店既原因係佢地再一次係openrice攞獎，作為屯元區既食家之一，我今次慕名幫襯，同平時一樣，我開車到埗，有停車場，咪錶位，或者同我一樣泊門口抄牌位。   十一點到門口攞飛等位，門口咁早已經好多人等緊，等左廿分鐘（六張飛）到我入座，入到店內望見店面唔大，坐無虛席，而我跟店員指示坐左張搭枱，坐低馬上落單，落單完等食物到既時候，可以見到全店既人都係食牛肉麵。     十分鐘左右我既牛肉麵同麻辣金錢肚上到枱，先講下麻辣金錢肚，食落口，牛肚好爽口，麻辣既感覺係口中麻一秒辣兩秒咁，一𣊬即逝，非常過癮，完全唔怕食到條脷麻晒，食唔到其他味。牛肉麵方面，可以睇到用既係正宗牛肉麵既牛𦟌肉，而且係大碼，啱晒我依d大胃王。湯底深色，但係可見湯入面既菜，感覺既濃味又清晰，試一口，湯就如望落一樣濃味，而唔油膩，麵質咬落彈牙，最正係牛肉，咬落非常腍身，而且有牛𦟌肉獨有既爽口位，好食。       依到個麵係台灣周街到有，但係香港，我第一次食到咁正宗，下次一定要再幫襯。

士林台灣麵 位於千色後面 譚仔隔離 容易找喜歡台灣菜式 紅燒牛肉麵更是十分有名 是日 點了 紅燒牛肉麵及雞扒干拌麵 地方比較擠迫 坐下後 根本沒有位置放下隨身物品 紅燒牛肉麵 友人點的 我嘗了一小塊牛肉 肉質新嫩 不過硬 入口就能感受肉汁 湯頭味道濃郁 雞扒干拌麵雞扒的肉質也是嫩嫩的 熱騰騰的雞扒 香脆可囗 干拌麵的肉燥惹味 珍珠奶茶 芋頭珍珠奶茶奶茶味不俗 珍珠QQ的

去完華嫂冰室，第二站尼到士林台灣麵。四點幾五點尼到人唔算多人，室內同室外都有人坐，我同朋友行到身水身汗就坐室內。四個人叫左四碗麵同兩個小食，啲野食都尼得好快。紅燒牛肉湯麵見到個湯底咁深色就覺得正！牛肉湯好濃，好香牛肉味，配埋啲麵好好食！啲牛肉好稔，肥瘦比例岩岩好香酥雞扒干伴麵雞扒好大份，炸得好香脆，不過個人唔太鐘意食炸野。干伴麵有青瓜同肉碎，撈埋啲醬汁一齊食好好味過橋餃子啲皮好薄，好多餡。點埋啲醋食味道唔錯，不過冇咩特別。鹽酥魷魚酥朋友想食所以叫，我本身唔太好所以冇食到，不過啲朋友就覺得麻麻地最後淨晒係度。

西菁街的士才林牛肉麵，非常鮮美，肉質軟淋，湯底非常香濃，飲光也不口乾。這的確是台灣以外最正宗的牛肉麵。香酥雞排也是一流的，外脆內嫩，肉汁非常香濃。除了美味，還是又便宜又快捷的晚餐。是這區不二之選。

初向元朗區食店報到.. 真係完全冇頭緒食咩好...好彩朋友O先生話佢有介紹, 就係去食「好正牛肉麵」梗係去試下啦!!如果對於一個對元朗0認識既人黎講 (好似我同豬仔咁) 實唔會搵到呢間野..不過都唔難搵, 除左呢間店附近都有好幾間食店!其實我地去到已經下午3點半..竟然仲要等位等左大概10分鐘就有位了!!一路行入店, 見到好多客都食炸豬扒 (?)不過我地目標係牛肉麵!! 動搖唔到的!!!我地一人叫左一碗牛肉麵 + 1杯飲品...仲有一個滷水拼盤黎啦!!賣相唔錯~~食落去..D麵..好稔.. 稔到有D一PAT野既感覺..牛肉呢... 都係好稔..XDDDD要讚係佢用既牛肉真係好好, 有牛腩中間夾住條牛筋!整得夠稔唔痴牙, 啖啖肉!不過呢...味道就唔係幾夠啦... 唔入味呀D牛肉!湯黎講...唔係我EXPECT有少少辣辣地個隻湯..即係如果好似易牙妙手既湯底就好喇!飲品黎講, 呢杯茉香奶茶幾好唔太甜, 飲落唔會奶味太勁而越飲越渴!尤其食牛肉麵已經有D膩, 如果太勁既奶茶會好滯~總括黎講, 個牛肉麵只可以話合格但唔係特別好食!因為呢D紅繞牛肉麵應該係用好濃味既湯配好入味既牛肉..呢間係牛肉

朋友推介，坐個多鐘頭車到元朗找這家台灣店，滿懷希望能食到好的台灣小食，結果極度失望，跟本有受騙的感覺。說真的，對一些完全對台灣料理沒有要求，或者跟本沒有去過台灣食正宗台灣小食的朋友們，可以說是「可以接受」；但對於我這個「台食精」來說，他真的可以說是牛肉麵店，其他的小食跟本就不是台灣口味，講難聽D，欺騙一些沒有食過台灣小食的人，對我來說又是一家「不合格的港式台灣料理」。讓我說明一下：1) 紅燒牛肉麵：牛肉是够淋，但一D都唔入味。門口大大隻字說是大師傅，為台灣、美國總統下廚，我真的不敢相信他會把這種牛肉麵給台灣總統食；一食就知道係中央廚房處理的牛肉湯，真的連「鼎泰豐」的都不如。2) 鴨舌：根本就是港式鴨舌，邊有「台灣鴨舌」是咁做，胡說八道。3) 金錢肚：得一個字「辣」，沒有台灣的麻辣味，金錢肚唔爽口，失敗之作。或者廚師係四川人吧？4) 鹽酥魷魚鬚：最奇怪的作品，我從沒看過台灣鹽酥料理，竟然配上一碟「醋」！！誰可以告訴我台灣那裡有這套正宗「台灣配」，魷魚鬚用的粉也不對，所以跟本唔脆。5) 珍珠奶茶：台灣發生塑化劑事件，老闆也會放那麼多奶粉，只有奶味，沒有茶味，街市一大堆。好好笑，坐係我隔離的

晚飯, 等兩人位住元朗一直都冇揀佢因次次都好多人今晚見門口冇乜人等左陣點了紅燒牛肉麵和香炸雞扒麵,見個牛肉湯好濃滿心期待但坦白講我覺得只是一般雖然唔難食但不是驚為天人嗰種味道說正宗又不是十分正宗如果講正宗我覺得荔枝角好出名嗰間正宗好多喎....要等咁耐, 又只係一般味道坦白講我就唔會encore喇

見佢係openrice得獎店又有朋友讚好一於黎試下等左都大半個鐘位因為唔想坐戶外 好多飛蟻!叫左紅燒牛肉面同酥炸雞排面個湯底好濃味 有d似某即食面個牛肉湯底如果佢無落味精既話 應該都好足料去煲我個人食完就無覺得好口喝牛根同牛肉都唔錯 幾大塊不過就唔係驚為天人地好食反而酥炸雞排好味外脆內嫩 但必須趁熱盡快食!同埋碗面有幾條菜 我鍾意店仔細細都幾迫試過一次就夠~

這天閒日，中午1時左右，來到這家小店，當時店內已經爆滿，等了20分鐘左右才有位，點了豬腳干拌面，紅燒牛肉面，酥炸雞排，茉香奶茶，豬手干拌面（$40）面上有肉燥，青瓜絲及幾大塊豬腳，十分足料，食起來有點蔥蒜的香味，但肉燥的味道不夠，豬腳亦不夠入味，但食起來很有彈性，味道不差，但亦不算特別出色，紅燒牛肉面（$42）濃濃的湯汁，配上面及三大塊牛肉，牛肉的肉質很香軟，而且入味，配上湯面，味道很不錯，酥炸雞排（$32）這個很好食 新鮮熱辣的炸雞排，外層的炸粉香脆，但不會過厚，雞排酥脆的同時，夾雜著油脂的香，和嫩滑的雞肉，比市面很多的炸雞排店要好食多了 整體食品的味道算是不錯，是較迎合港人口味的台式食物

講到呢間士林台灣麵我絕對可以說得上係常客每隔兩三個星期日我總會黎呢度食下Lunch每次都會一大堆人等位但其實流動性好高通常如果兩個人既話等10至15分鐘都有肯坐外面好多時都唔洗等次次我地都會叫牛肉麵同雞扒干伴麵今次轉下唔叫雞扒叫雞翼可惜呢個新嘗試係失敗雞翼勁咸下次都係食返雞扒講返牛肉麵每次食都可以煮到好淋又好有肉味真係正的湯就會一時時，有時正d有時普通d但整體食咁多次都係算好味的去台北我一定會去食永康牛肉麵但其實元朗士林比起永康絕不遜色大家去開元朗不防一試順帶一提呢度台式飲品都幾唔錯的

朋友入元朗，費是成日食開都果兩間，所以上開飯喇搵啲好去處，於是就見到士林台灣麵。禮拜六既下午茶時段，都有啲人等位，前面有7、8張左右，後來去接個朋友，又miss左要排後補第2張，終於入到去啦。可能鋪面細左啲既關係啦，我同朋友比較大份，又咁岩坐到全店最入既二人位，行入去都有啲困難（要小心唔好整到其他人）。由於空間有限，都唔可以話坐得非常舒服。終於坐好可以點野食啦，朋友就點左招牌士林牛腩麵，我就叫左雞翼肉燥飯，另再加香酥雞扒兩份share。啲野食都上得幾快，朋友個牛腩麵5分鐘都唔駛已經上到。之後就來左個香酥雞扒，因為我支筷子跌左落地，有得睇無得食，落單果陣同個侍應講左，但未比番我。之後再上埋我個雞翼肉燥飯，個侍應仲記得比番對筷子我(真好)，於是我就開始默默食啦。個肉燥飯我個人覺得一般，不過不失，其實我expect啲肉燥比較濕身啲。另，鹵水雞翼都係好普通，冇咩特別。然後食果個香酥雞扒，ok喎，唔怪之得咁多人叫。香脆得嚟食到啖啖雞肉，啲雞肉都係好滑既，好味！下次有機會要試番牛腩麵先得～