士林台灣麵

營業中

休息中

天氣咁好，去喺南生圍行左轉。返出黎揾嘢食，見到呢間咁多食評一直都想試架喇，第一次黎食，6點鐘到左唔駛等位就可以入去坐! 叫左紅燒牛肉面($42) 同香酥雞扒飯($38) ，而家任何食品可以優惠價加飲品，於是叫左杯凍肧芽奶茶($14)。腕面唔駛5分鐘就到左，湯底係牛肉湯，好濃味。啲面比一般面彈口，慢慢食都唔會浸到淋左，最正係牛肉，係牛肉，好淋，入口鬆化，仲有4-5 件。香酥雞扒飯就等左好耐先黎，枱枱叫飯的都有排等，要改善下。飯面有肉臊，雞扒脆漿夠薄，好脆而唔油。

出名嘅士林，晚晚都有人排晒長龍等食，有更多人係特登入泥食。計吓計吓，我都應該都有成年未食過士林啦，今日happy Friday 早放工，所以7點前就去到，只係等咗5分鐘就入得。今晚好開心，3個人食坐張坐4人枱無人搭枱！之前去親都撘枱，跟陌生人同枱食飯，感覺總是怪怪的。食物方面，每次去都係食干拌麵。對上幾次去食都係水太多，做不到「干」。今次食，應該係未到好繁忙嘅時間，所以水份少了許多（見圖）。餸方面，今晚食咗餃子、豬、牛、雞。得個牛筋腩較為接受到，下次可以在叫。個雞扒仲衰個大雞大，有雞嘅質感，但係得炸粉味，毫無雞味。豬（排骨）同其他餸相比，水平真係差好遠，得個咸字，肉質又「梅」（不夠鬆化，無肉汁)。第一次食個過橋水餃，平平無其，又淡入面又無肉汁，絕不推介！飲品方面，要加錢。熱飲加$12,凍飲再加$2,加珍珠就再加$3。雖然係貴又唔抵飲，但係天氣咁熱，所以都係叫咗⋯⋯今餐每人$65。士林，無錯係出名，朋友泥元朗都會慕名去食，但如果有朋友叫我帶佢喺元朗搵食，我又點會帶佢哋泥士林呢，同意嗎？

黎呢區好多似, 都無試過呢間台灣食店, 因之前去過幾間, 印象麻麻, 而且又貴. 當天因實在五知食乜好, 就即管試下啦……… 牛肉麵 有張大廣告話用牛骨,牛肉煲好多個鐘既湯底, 未食有懷疑, 因之前試其他台灣店都係咁講, 不外如是. 但係呢度一入口, 真係不得了…………..d湯啡色, 牛骨同牛肉味超濃…….有成3件好大件既牛似, 一件褭有齊牛肉,斤,同少少肥肉, 嘩……超正, 唸唸地, 滑滑地, 仲要食到根的部份又un un 地………..肉味濃, 又有d醬汁. 連d麵吸左佢d湯都超正……..豬手麵 有3隻大大件豬手, d湯係雞湯同豬骨煲……入完牛肉湯的湯底, 立即覺得佢無味………..d麵都立即扣分了…………所以湯底真的好重要. 豬手不會好唸, 有少少哎口……….都ok.炸雞扖飯 有成10多件切成一塊塊的雞件, 外面脆, d肉都五會乾, 但係就不夠滑……味道也不錯, 不會一味好多味精係出面.鴨舌 好入味, 不會好唸. 份量好多.這裏的份量真係好底, 麵, 飯份量正常, 但係d餸份量真的好足, 味道又不錯……………下次會再試其他 

在門外等候時人不少, 後來還開始有雨粉, 坐門外吃的人和食物會被弄濕, 幸好我等到室內的位. 可是由於近門口, 外面食客吸煙的氣味完全吹了進來, 令氣管很辛苦, 要吃東西又不能掩著口, 也可能影響了對食物味道的判斷, 至少心情不會太好. 一人吸煙便令室內充滿了煙味, 而且困著煙味難散去.等了約十分鐘先送來炸排骨, 也可叫炸豬扒吧. 可是明明跟麵的啊, 怎麼再等數分鐘仍未見? 但因留意到別人也是這樣, 惟有先吃排骨, 免它冷了不脆! 它味道調得不錯, 肉質夠鬆軟, 炸粉不太厚硬. 結果忍著吃也吃了1/3, 麵才送來. 一咬麵便失望了, 主要是做麵的粉不夠好吧? 麵的軟硬沒有問題. 麵上放著辣椒碎, 把它拌和麵跟湯吃. 稀湯便略帶酸辣, 最後喝了半碗. 過後是有點味精道至的口喝, 但不肯定是排骨還是湯, 還是兩者都有. 同枱要了牛肉麵, 肉頗少, 但聽聞夠軟, 調味也好. 至於另一人跟麵的雞扒差不多有我的排骨量的一倍, 但炸粉比我的厚些, 看來也很香酥, 大概這店師傅的酥炸方面是最善長的.吃完出來拍的門面, 等候的人大多已散了

剛搬到元朗，聽到士林的名氣，自然要試。入去當然要試牛肉面。一上枱，覺得幾條牛展肉很粗大，賣相算出色。先喝一囗湯，頓時眉頭一皺。湯有牛味鮮味，但為何要加那麼多味精？覺得味精份量比一般麵店更勁，大大失望。食了不久，便感口喝要狂飲檬茶。牛肉份量夠，外冧內靭，有層次，煑得好。麵條是粗中有咬口，不錯。其他方面，我們點了炸雞排及餃子。非常普通，雞扒很大塊但炸粉極厚，與一般大排檔無別。總結：名大於實。

聽講元朗好多街行, 又多好嘢食, 今日同朋友山長水又遠咁入咗元朗!見到元朗呢間士林台灣麵贏到開巷, 冇理由唔試啦~去到好多人等緊位, 但事關我地唔介意坐出面所以三個字左右就有位~  香酥雞扒麵朋友唔食牛, 所以叫咗雞扒, 香脆可口, 又唔會太乾, 味道濃啖亦剛好!麵都好有質感, 幾好咬, 唔會太焾~ 不錯~ 酥炸魷魚絲都好大碟吓喎! 新鮮炸出嚟, 真係要小心辣口呀!個炸皮好脆, 好香, 魷魚又稔又易咬開!好好味呀!! 幾熱氣都抵! 紅燒牛肉麵等咗都成十分鐘先嚟, 真係頸到長埋~先嚟一啖湯~ OMG! 個湯既味好香濃呀!但濃得嚟又唔係好似日本拉麵嗰啲好"傑"嗰隻濃, 係好清, 真係可以飲好多嗰種!啲牛肉燜到啱啱好, 啲筋位煙韌, 啲肉位勁焾!略嫌啲牛肉酥咗少少.. 但整體都好好味! 苿香奶茶連杯苿香奶茶都咁好飲, 完美!下次嚟元朗, 一定Encore!

前陣子去跟白老鼠去影紅葉，當然到元朗四處搵食，經過這家小店看到不止坐無虛席，還有不少人在等候。據白老鼠說這兒的牛肉麵跟魷魚鬚很好吃，不過假日一定要有耐性排隊等候。那天我們沒有時間，便說好找天再帶我來吃。過了幾個月，某天突然想起吃牛肉麵，趁平日下班不是太晚的時間，便特地去嘗嘗。其實我這個人挺奇怪，不吃牛羊，因為怕牠們的羶味，但我很愛吃牛肉湯麵，無論越式、台式的我都喜歡。牛肉麵對我來說，最重要是湯頭。湯頭做得好必須要有藥材味蓋過牛羶味，這兒的湯底不算濃厚，還算過得去。麵身的咬勁也是重點，這家店的麵有咬勁之餘，粗幼適中。至於牛肉交由白老鼠負責，他說味道不錯，看見牛肉厚身，有筋有肉，絕對是精選，我想也不會太差吧!米線是我喜歡的麵食，我選了酥炸豬排米線。才吃到一口米線就開始後悔了，湯底淡而無味，米線一點咬勁也沒有，來到麵家一定要吃麵，這原來是選吃的原則。尤幸酥炸豬排沒有讓人失望，豬排厚度、肥瘦適中，最重要是炸得非常乾身，不算油膩。看來這間食店做的酥炸食物實在不錯，白老鼠說這兒的魷魚鬚是他吃過最好吃的。看著一碟熱騰騰的魷魚鬚端上來，已經讓我垂涎欲滴，那層炸粉不算厚，魷魚鬚粗身肥厚，一看已知是上乘之

見士林台灣麵咁出名，突登同老公入元朗試。安排坐街外，唔係非常熱，算啦！夏天就唔好攪啦！叫左個招牌紅燒牛肉麵和香酥雞扒麵。先來牛肉麵，食左兩啖就覺得唔妥，味精好勁，食唔落。香酥雞扒勁炸，炸粉厚到爆，勁多油，為免浪費食物，唯有起塊炸皮先食。原來沒有中午套餐的，麵➕飲品要$56，淨麵要$42，咁貴食味精湯，真唔低，佢啲宣傳仲話用好多個鍾烹湯，係就唔使咁重味精啦！食完哩歺要狂飲雞骨草，解味精秉清熱氣！真唔值！

好像是第三次來了。豪大大雞排和其他新興的台式餐廳還未在香港開店時，士林台灣麵在我心目中算是香港最早期的台式餐廳了，香酥雞扖更是我每次必叫的菜。如果兩個人來，多數都要搭枱坐。紅燒牛肉麵 $42這裡的牛肉麵比較貼緊香港人口味，湯底不算濃，始終我都是覺得荔枝角程班長的紅燒牛肉麵是最好味和比較正宗。香酥雞扖麵 $38一大塊雞扖切成八舊，肉厚而嫩滑，炸皮亦不厚，不過兩個人都食剩了。滷水拼盤 $47拼盤有鴨舌、鴨腎、豆干、雞翼、豬耳和雞蛋，自己最喜歡當中的豬耳和鴨舌。元朗近期亦是我喜愛搵食的好地方，每次經過元朗，提起台灣菜及香酥雞扖必會想起這裡。

由於近排選擇會在週末郊遊的關係，今個星期我們來到了元朗半天遊，既然一場來到 (因為本人住得遠)，當然要揾下有什麼好嘢食啦！本人偏愛台灣牛肉麵，可能係受到台灣藝人黑人影響，再加上一年前睇到鄭萃雯介紹話食到好感動同誠意推介，最終決定要來試依間「士林台灣麵」！我們來到的時候大約係傍晚六時半，所以不用等位，我倆同樣地點了牛肉麵，説實在，真係無論湯底、麵條或牛肉都真係超水準 ，要讚！唯一可惜係獨步元朗，只此一間！

假日清閑到元朗做自由人, 到處了解到處食, 下午元朗到處都人生人海, 跟旺角銅鑼灣尖沙咀差不多, 而且食肆滿街, 令筆者更感興趣是大多是個體戶, 間間出品及菜色不同, 是好食者一大喜訊。圍村菜不久前已品嘗過, 而士林台灣麵在元朗是超人氣食店, 究竟主要是元朗人或是區外人認為 ichiban, 貴為本士吃貨的筆者一於了解了解。店內非常擁擠, 坐得不太舒服, 基本食完要馬上離開。Menu 在餐台紙上, 一目了然, 非常方便。當然也有其推薦菜色。到士林台灣麵當然點其重點紅燒牛肉麵, 可能人多, 等了差不多五分鐘才送上, 第一眼感覺是比想像中大碗, 牛肉也比想像中多；白色麵條吃下彈牙, 此一般上海麵條好, 牛肉入口即溶, 不需要用力咀嚼, 牛肉入味亦能鎖住肉汁,  應該要熬製十多小時或多天, 但食不出是何種部位, 而湯底也很夠味及有點八角味, 食完不口渴, 應該沒有下很多味精, 吃得滿足開心。開放式廚房下看見廚子努力工作及認真的對其出品, 以這價錢可以食到如此美食, 元朗人或是區外人都應該認可滿意。

18/12 跟朋友到大棠看楓葉後, 返回元朗食lunch, 選了這一間士林台灣麵這碗麵的賣相真是普通, 從圖中所見, 個湯底有好多黃色一點點油, 你可以話是我放了豬扒落去搞到咁油, 但我要point out 我未放豬扒落去前已是這樣, 真是十分不健康!湯底是淡而無味, 又不濃又多油, 食麵時完全無湯底味, 只有麵的麵粉味, d 麵夠彈牙, 是唯一的可取之處!最大敗筆就是排骨, 亦即豬扒, 炸到起晒一點點, 而那些炸到一點點的是非常熱氣, 食到喉嚨都乾, 而炸到這麼深色, 好大機會d 油用完再用, 炸完再炸, 又是令人十分失望, 見到都怕! 豬扒底下墊着一些菜, 作用不明, 一個是炸, 菜是健康的, 放在一碟仲要菜墊底, 完全不match! d 菜放落碗麵度, 麵是清淡, 菜是健康的, 就更match, 更能給客人有健康的感覺!更甚的是Service 十分差劣, 坐下後無侍應拎熱茶來, 那時還未點餐, 有種迫人叫飲品的感覺, 叫侍應拎熱茶來才拎; 收銀態度極之差劣, 我和我的朋友走去收銀想逐個逐個分開付錢, 點知個收銀一句話沒有時間分開收, 連一句不好意思都沒有, 給人一種高高在上的感覺

今日晚餐想食麵，兩個人到元朗士林食台灣麵。士林門外都有條人龍，不過唔算太長。我等咗10分鐘有位，坐街邊，侍應都好有禮貌。坐低即點紅燒牛肉麵，過橋餃子，雞扒麵，珍珠奶茶。先來珍珠奶茶，味道好香，有茶味，不太甜。再來紅燒牛肉麵，牛肉大舊又林又好味，麵底煮得剛剛好，湯底又正，好味。之後來雞扒，大大塊，又卜卜脆，好正。最後來的餃子熱辣辣，但由於我哋食完濃味嘢，令到食淡味嘅餃子時，覺得無乜味。全單$126，唔錯的晚餐。😊

食落無味精，我本身唔太喜歡食炸野，都覺得炸豬或雞好味，無油，脆卜卜，豬手夠林，紅燒牛肉麵 加 珍珠奶茶一絕，日日都要等位，不過真係好食。炸尤鬚魚好正食得出老闆用心選擇食材，好。

試過一次咁既體驗, 我係唔會再食呢間野, 食野食到俾職員鬧, 都係第一次! 亦係因為佢地, 我特意開左個openrice A/C 黎分享俾其他人聽, 唔想受氣既, 就食第2間擺啦...無理由要貼錢買難受啦!我見平時成日都要排隊, 所以一直都無試過, 但openrice既哈哈笑臉咁多, 始終都想試下...點知就中伏了!11點半左右, 門口無人排隊, 我同朋友一行4人就入去拎位, 佢問我人齊未, 我話齊啦~跟住就入去了, 但我朋友無啦啦話要過對面seven買野, 咁於是我就同另一個fd入去先 (即係2人入左去, 2人去買野), 跟住坐低唔夠10秒, 有一位職員問我, 你地人齊未架? 我都有唔好意思咁解釋返我兩個朋友岩岩去左對面買野, 直到佢地返黎呢兩分鐘, 已經前後有兩個職員問我同一個問題........既然都無人等位, 點解要咁緊張呢? 我果一刻有諗過我其實係唔係要起返身出去等我個fd返黎先可以入返去坐.........繼續......我地就點餐啦~ 其中有個大胃王黎架, 所以我地就點左一人一個麵, 加4杯飲品, 4個小食....其實裡面環境都相當窄, 張檯亦都係比平時細張..所以我地打