增煇大排檔 & 增煇藝廚

營業中

休息中

好耐無嚟，水準仲keep到，話說去完Wine and Dine，肚餓揾地方醫肚，就同朋友去咗增煇，幾個人叫咗5個菜，好滿足。蒜蓉炒豆苗：豆苗夠嫩，加埋啲香噴噴嘅蒜蓉，味道濃郁而又唔會太油太膩，正。跟住整個豉油皇炒麵，啲麵炒得又彈又Q，仲有啲微微焦香嘅口感，勁夠鑊氣，豉油味又香濃，真心推介另外一款好食嘅菜式就係黑椒蝴蝶腩。肉煮到軟腍入味，肉質好滑好嫩，加埋啲蘿蔔吸哂啲汁，仲要鑊仔上，一路食一路熱住，天氣凍嚟食仲正最後，我要推薦椒鹽鮮魷。鮮嫩彈牙嘅鮮魷裹埋椒鹽，炸得香脆金黃，一咬入口，外脆內嫩，真係一絕！鮮魷嘅鮮味同椒鹽嘅鹹香完美結合，一啖一啖都令人回味無窮。

增輝大排檔在深水埗來講比較有名氣，價錢相對都偏貴，但是店員說不收服務費的，開餅費都要$100蚊！1。份量足，海鮮肥美，有冷氣！2。踩雷食物，焗魚腸，好苦，豉油雞太甜，燒乳豬炸得太油膩！3。服務ok，不趕客，上菜快！

若然想享受年宵市場極度逼夾嘅吃飯體驗，就快來吃：）我們預約了18個人，兩張枱。到達後，我們想把兩張枱泊在一起坐，店員卻建議我們坐在同一張枱並換成膠圓櫈就可以。但其他朋友陸續到達後，我們發現根本完全不夠坐，多次提出想坐回另一張枱，店員他說另一張我們不能坐了，要留給其他客人。此餐廳的手法極度惡劣，最終我們18個人迫在一張圓枱，吃得十分不舒服。只能說這間餐廳真的不會做生意，我們吃了的第一輪叫的食物就馬上走了。垃圾餐廳，每個職員推卸責任。

其實我好鍾意大排檔嘅小炒，但平時兩個人叫兩個餸都飽😅今次同朋友一齊食就可以叫多啲啦～薯仔牛柳粒🐂 $108呢個係我必叫嘅❤️係屋企真係整唔到呢種外皮微脆內軟綿嘅薯仔啊🥔牛柳粒火喉剛好，仲係好有肉汁😋椒鹽鮮魷🦑 $128呢道菜大家都盛讚👍🏻唔會過油，惹味夠脆，魷魚夠爽😍薑蔥撈魚皮🐟$88第一次食，魚皮好爽彈有咬口🤩加埋蔥花麻油好香嘅前菜✨馬拉盞通菜🥬$83有鑊氣好味😋豉椒炒蜆🐚$128本身味道不錯，但唔知點解得d殻，好多都無肉😅所以呢個麻麻地🙅🏻‍♀️*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_ssp🫶🏻#kd_food_深水埗#深水埗美食 #深水埗打卡 #深水埗餐廳 #大排檔 #深水埗大排檔 #小菜 #小炒

最近鍾意食大排檔，朋友推薦增輝幾好食，所以試下我地叫左1️⃣脆皮西施豆腐💰88外層好香脆，裡面豆腐好嫩滑，呢個要趁熱食，唔係外皮會淋左2️⃣椒鹽鮑魚仔（六隻）💰148有大量炸蒜🧄，好香口，鮑魚都係keep 到嫩滑，味道惹味👅3️⃣西班牙黑毛豬叉燒💰188呢個叉燒滿滿都係叉燒汁，蜜汁香甜，叉燒係半肥瘦，食落好邪惡，同埋好軟身，好味道🤤4️⃣鬼馬脆油條💰93係油炸鬼釀墨魚膠，油炸鬼炸到好香脆，墨魚膠味道香濃，好好食😝5️⃣椒施腐乳通菜💰73味道咸香，通菜夠嫩，唔錯👍消費價錢：3人💰638結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️⭐️餐廳名稱：增輝大排檔&增煇藝廚餐廳地址：深水埗石硤尾街31-33號地舖

因為今日有朋友生日，所以我哋好早已經book定一張大枱，我哋知道呢間好出名，所以一班人就決定去試一試，入到去門面出面有一個海鮮嘅金魚缸裏面有好多海鮮，所以我同朋友揀咗一隻好大隻嘅蟹，薑蔥炒蟹薑蔥，炒蟹個味道好香好多蔥，而且蟹肉方面好肥美好好味，加上我們成班朋友都好喜歡食海鮮，另外我哋叫咗脆皮蜜汁燒鱔，真係好好食蜜糖佈滿上面，而且炸得好脆口，魚肉方面好彈牙好香，我哋叫咗個鬼馬油，炸鬼揸得非常鬆脆，佢炸得好火候教得好好，所以口感好鬆軟，但係外面脆內軟，呢個真係要讚的令我叫咗個砵仔焗魚腸佢做得唔sing，其實都幾好味不過如果真係sing 嘅朋友就唔係唔好叫喇，但係我自己覺得唔錯,蝦醬蒸肉筋，呢個比較偏鹹，一定要配白飯先可以食，本人覺得味道是吸引，但係唔可以就禁食，我們還点了一個脆皮炸大腸，我覺得佢炸得比較鬆軟，熱辣辣所以呢個我哋都覺得好，最後一個，我哋叫咗個清淡啲百花釀豆腐呢個好簡單，但係上面嘅蝦肉好彈牙，但係如果你話要好特別嘅就可以叫其他餸，餐飯都滿意，而且味道都幾好，我會下次再過來。

我阿花其實都係麻甩系, 最鍾意食小菜, 同朋友發現深水埗呢間正野, 幾個朋友叫左幾款小菜, 包括#花枝釀皮蛋即叫即炸, 炸得超脆超好味, 皮蛋仲要係溏心, 好好味,🌻🌻🌻🌻#椒鹽粟米粟米好甜, 不過始終粟米連芯有啲水份, 略嫌炸得唔夠脆, 但都好好味既, 好夠椒鹽, 做飯前小食超正🌻🌻🌻#酥炸蠔餅蠔量超多, 仲要炸得超鬆脆, 好夠鹹香, 同蛋味都好香, 食起黎唔洗再沾都好好食, 好香口, 正🌻🌻🌻🌻🌻#風砂炸豬手多蒜炸豬手, 都係炸得好香脆, 個豬皮係炸到咯咯脆 仲有保留到豬油流出, 好好味, 仲要啖啖肉, 食唔停🌻🌻🌻🌻🌻食左幾款熱氣野, 真係要食返啲清淡啲, 後尾黎返個鮻魚球生菜煲 ,好多材料, 而且個湯直頭好味到想飲埋, 鯪魚球大大粒又好彈, 又有好多粒, 真係唔錯🌻🌻🌻最後黎返個 #花甲胡椒豬肚湯, 估唔到有超多隻大大隻花甲, 飲起黎好甜, 連埋豬肚湯有好濃胡椒味, 好足料, 份量又夠多, 4個人都每人飲到2 碗, 真係超好味, 🌻🌻🌻🌻🌻雖然好多都熱氣, 但食小炒就係要炒野同鑊氣, 真係超正, 推介—————增煇大排檔 & 增煇藝廚 (深水埗)深水埗石硤尾街31-33號地舖

街坊小館, 我地十人食一圍, 乳豬半隻, 脆皮肉嫩,鵝半隻份量十足, 好味亦價錢合理, 豬肺湯488/十二人份量唔错亦好味, 金銀蛋及菜類收88幾好味, 魚腸一般算係甘, 但一到海鮮就要小心, 炒蟹又咸又冇味, 收1250, 龍蝦大約是稻香貨色, 盛惠1680, 十二人份量飽魚雞一盆收900, 朋友冇細心睇出面魚缸價錢, 以甘價錢就算貴了, 另外洗手間在後巷, 一地水又窄, 下雨去就要小心, 這裡切記祇食小菜, 海鮮勿試, 藝廚即是藝術式, 可能有玄機！

呢排喜歡小炒, 所以今日就到增輝. 點左8餸一湯, 沒有加一收費, 六個人每人$200 西班牙黑毛豬叉燒$188 - 推介呢個叉燒汁沾滿全全件叉燒, 夠味又夠林, 好香肉味🐖鎮江金沙骨$128 - 自己比較喜歡京滬味的糖醋骨🍖鬼馬油炸鬼$93，蝦膠加油條，好香口不過有點乾金銀蛋肉鬆浸豆苗$148 - 皮蛋肉碎份量夠, 咸蛋黃可以多一點🥬黃金焗鮮魷$148 - 魷魚大件夠爽脆, 如果多一點咸蛋黃味就更好🦑客家釀豆腐$128 - 魚肉可以厚一點 🐟半隻脆皮柞子雞$208 - 雞脆皮, 但雞肉略有點乾蝦多士$83 -  即叫即炸, 外脆內軟同埋有8件都抵食豆腐魚雲湯$108 - 唔腥好鮮味, 仲有好多魚豆腐, 自己好中意魚湯, 所以本人推介呢個每碟餸菜式都大碟可以4-8人都合適, 店員誠意地不斷推介海鮮或在不在菜譜上的菜式, 朋友就點了推介的西班牙黑毛豬叉燒, 很不錯夠林夠味, 可以再試. 沒有加一, 食物味道份量都合適, 可以再試其他菜式

深水埗一向都有很多出名的大排檔，今次就選擇了米芝蓮必比登推介的增輝試試，想不到未到晚飯時間，人流都開始那麼多，幸好一進去就已有座位，店員還有禮接待及推介，傳菜也快及熱辣辣，價錢合理🤩① 黃金鮮魷每條鮮魷都沾滿咸蛋黃，金金黃黃， 味道濃郁，彈牙爽口，不會太乾身，用來送飯一留呀🦑② 椒鹽九肚魚鋪滿勁多炸蒜的九肚魚，炸得剛剛好，外脆內滑，味道超惹味🐟③ 季節限定啫啫芥蘭平時吃啫啫雞煲就吃得多，今次就試了限定推介的芥蘭煲，味道咸咸香香，條條爽脆，夠哂鑊氣🥬④薯仔牛柳粒薯仔牛柳粒是店員推介給我們的，味道竟然有驚喜，每粒薯仔都有脆邊位，還帶有蜜糖甜味，超好味，另牛柳粒容易入口，份量都尚算多🐮🥔𖤥  增輝大排檔 & 增輝藝廚深水埗石硤尾街31-33號地舖

終於等到一大班人去食大排檔喇～🍻多人就可以叫多啲菜式試，今次叫得都唔算多，不過整體食物質素又唔算好好，睇下下次再唔再黎試下啦⏸🌟招牌炸子雞🌟其他菜式上哂都未黎，催職員又話生炸要等耐啲，上到枱味道一般，過熟肉質變un🌟豉汁蒸鱔🌟鱔不嬲教喜愛，不過不失🌟花枝釀皮蛋🌟本身唔食皮蛋，所以淨係食左個炸花枝，外皮都鬆脆既～🌟胡椒豬肚花甲湯🌟最出色係個花甲，大大隻，有肉質，飲完碗湯再叫個炒花甲😋🌟椒鹽魷魚🌟🌟招牌黑豚肉叉燒🌟

呢間係深水埗其中一間出名嘅大排檔, 佢出名嘅係胡椒豬肚湯。去到才發現原來佢話佢最出名嘅係新鮮豉油雞，個價錢要200蚊半隻， 都真係幾貴。但食完之後又唔覺得真係好好味。豬肚湯就好辣，如果唔係好食辣嘅人就要考慮下係咪真係叫啦，但係嗰個辣味同胡椒豬肚去濕嘅功能應該真係幾強勁。另外我哋叫咗個焗魚腸，佢唔似平時街邊食嗰啲淨係得陳皮味同蛋， 真係有啲魚腸嘅香味，我反而覺得呢味菜先係佢最出色嘅一道菜。下次再試下佢其他菜。

疫情期間我就冇去，唔知道而家係點。但係本人係絕對唔會再去！！！喺OpenRice睇到呢間，覺得真係要留言，以免其他人好似我咁樣。回想起當時3個人去食，買單嘅時候嚇親，一共3500百幾蚊，冇睇錯，係三千幾蚊。最貴嗰度餸係避風塘炒蟹，同其他正路嘅大排檔餸，簡直係難以置信呢一張單冇每一道餸係幾錢嘅，只有一個總價。大家真係要去，真係要問清楚價錢先食。特別係海鮮嘅款式。講真三個人三千幾蚊就唔使喺呢度食啦。請大家留意

有朋自遠方來，帶朋友去食地道野，今次選擇左增輝廚藝，叫咗個脆皮雞，楊州炒飯，鹽焗花螺，鬼馬油炸鬼，胡椒豬肚花甲湯。蒜蓉白菜仔，個脆皮雞炸到啱啱好皮脆肉滑，楊州炒飯多咗少少油，但係都好食，鬼馬油炸鬼炸到非常之翠朋友好鍾意食，呢度嘅推介係胡椒豬肚花甲湯，呢次我叫佢小胡椒，飲落唔太辣。連小朋友都可以飲，，鹽焗花螺，簡直係每次你必叫嘅一個餸。另外叫咗杯菠蘿冰，佢真係用新鮮菠蘿去整嘅菠蘿冰非常之好飲，整體上朋友非常之滿意，今次嘅晚飯

一大班朋友敘舊食飯，諗住揀間米芝連實冇死。但食完之後真係好質疑佢米芝連呢個名銜係點黎😇首先，一上到去就係咁sell啲菜式，我地表示唔感興趣就即刻皺晒眉頭，開始唔耐煩咁。之後全程都係黑口黑面，皺眉頭。其次，上菜時間慢，食到極冇心機。第三，漏單。食到尾聲我地見個菜都未到就請職員幫我地睇下係咪漏咗，口講話幫我地睇，過多十幾分鐘之後走黎我地張枱前面嗌對講機，問我地個菜有冇整到，問完再同我地講「你地睇到啦，我幫你地問咗啦」（又係黑口黑面），極奇怪。跟住大家可以一齊黎欣賞下啲餸菜：1. 砵仔焗魚腸有啲腥，我食唔到腥嘢所以我唔鐘意，有食到腥嘅朋友話可接受2. 豉油王鵝腸一啲都唔入味，白烚完淋啲豉油都濃味過佢，下面伴碟啲芽菜連汁都冇多滴，淡茂茂。3. Wasabi京蔥炒肥牛賣相都唔吸引，肥牛好似凍肉鋪啲平價肥牛，京蔥有好多都唔夠熟，食落好辣，整體都唔好食4.豉油雞呢個算係最好食，雞肉嫩滑，但價錢要$406，略貴整體：價錢貴，同質素唔成正比。服務態度差，比錢買難受。唔會再幫襯