影片
更多
2021-11-26
417 瀏覽
一直都有食堅信號既習慣，以往食開九龍灣分店，搬左屋就食荃灣果間，間唔中經過其他區都會search下附近有無堅信號。一直既評價係正常既連鎖食店，生煎包同雞絲粉皮本身係我既喜好，所以久唔久都會幫襯。但係對於一間食店，單單用食物質素去衡量性價比係無意思既，因為係人都知食材既來貨價一定平過自己去街巿買。咁究竟有咩令一間食店既價值提升呢?就係廚藝同服務。但作為一間連鎖既食店，我認為堅信號既QC算唔差，質素幾穩定，所以今日講既唔係廚藝，而係服務。今次因為工作關係去左青衣城，咁岩果到又有堅信號，所以收工就去食。收工已經係九點，所以去到鋪頭都幾多人埋緊單，面入既伙記都忙於執檯抹檯。正常情況就係呆等，直至有人得閒理你，因為你知道叫唔該佢地都無空間招呼你。令我出奇既係，係等緊既過程中，無論收銀，傳緊菜定抹緊檯既姐姐，一見到我等緊，就連忙同我講唔好意思，叫我稍等，至少我聽左三次唔好意思，搞到我都唔好意思。而呢D就真係叫做有禮貌，因為唔係一個員工有禮貌，而係成間鋪頭都有禮貌。之後到我入左坐，我叫左個餐有水餃食，但係我唔食辣，於是我想走辣。但問題係，自助落單既手機app無走辣既option，於是我就同A姐姐講想
但係對於一間食店，單單用食物質素去衡量性價比係無意思既，因為係人都知食材既來貨價一定平過自己去街巿買。
咁究竟有咩令一間食店既價值提升呢?就係廚藝同服務。
但作為一間連鎖既食店，我認為堅信號既QC算唔差，質素幾穩定，所以今日講既唔係廚藝，而係服務。
今次因為工作關係去左青衣城，咁岩果到又有堅信號，所以收工就去食。
收工已經係九點，所以去到鋪頭都幾多人埋緊單，面入既伙記都忙於執檯抹檯。
正常情況就係呆等，直至有人得閒理你，因為你知道叫唔該佢地都無空間招呼你。
令我出奇既係，係等緊既過程中，無論收銀，傳緊菜定抹緊檯既姐姐，一見到我等緊，就連忙同我講唔好意思，叫我稍等，至少我聽左三次唔好意思，搞到我都唔好意思。而呢D就真係叫做有禮貌，因為唔係一個員工有禮貌，而係成間鋪頭都有禮貌。
之後到我入左坐，我叫左個餐有水餃食，但係我唔食辣，於是我想走辣。但問題係，自助落單既手機app無走辣既option，於是我就同A姐姐講想走辣。
見到A姐姐執緊檯我都有D唔好意思，但佢覆左我ok，不過又無寫低，於是我覺得好有可能上菜既時候會無走辣。
5分鐘之後，上菜了，B姐姐上菜既時候真係走左辣，我覺得好安慰，而最令我欣賞既，係A姐姐仲會翻黎follow up睇下有無真係走到辣，呢件事上，我想同大家分享下：
首先，A姐姐已經係就收工既時間執緊檯，有D忙，但佢聽到我既要求既時候，無因為佢忙緊而西我面或者邊做邊應我，而真係望住我覆我ok，呢一點作為客已經覺得姐姐有用心聽我既要求。
其次，由我叫走辣到上菜只係五分鐘左右，姐係話A姐姐唔係做埋手上既野先處理我既要求，而係將我既要求放先，再繼續工作，前提係佢都想快D收工，但係都優先照顧我既需要。
再者係A姐姐會返黎follow up同事有無做足我要求，呢一下直情係窩心，做左成日野，終於坐低食餐飯，而你既要求係咁被重視，真係好warm。
黎到呢到，好似淨係講A姐姐，但係大家唔好誤會，呢個只是係其中一個例子，仲有：
1.好有耐性話我知邊到有洗手間既哥哥
2.見我自己斟水就飛過黎幫我既B姐姐
3.好有禮貌放低個餐既C姐姐
4.一眼關七我無見過佢而我一起身埋單就知我邊檯既soso
我想講我埋單都9:40分，其實成間餐廳有邊個唔攰丫，個個都返左成日工，大家都想早D收工返屋企。
但青衣城呢間堅信號咁體貼又到位既服務，令我聽說日就想去食多次，同價錢同食物質素無關，就係員工既服務態度。
要讚既係員工既訓練同維持團隊士氣既領軍人，相信花左唔少力係員工培訓先有呢個services，希望公司睇到呢編評論，獎勵下班咁辛苦既員工，對佢地好D，佢地既工作態度幫公司搵緊好多錢都買唔到既人心。
張貼
