堅信號上海生煎皇 (青衣城2)

營業中

休息中

之前幫襯過堂食同外賣，感覺都正正常常。今次打算再食生煎包個陣，發現餐廳竟然聯乘咗個人都幾鍾意嘅茶飲品牌─天仁茗茶，推出一系列用茶做主題嘅食物同飲品，fusion得嚟好似幾有新意，一於試埋新品。人蔘烏龍雞脾肉小籠包 $42/4件．怕人蔘味都可以試試，唔重藥膳味．顏色幾特別．如果有多啲烏龍茶香會更好櫻花蝦蟹籽大蝦香片茶湯飯 $62．茶湯飯融合咗日式茶漬飯同韓式拌飯嘅感覺．大蝦有三隻，肉質正正常常．感覺係用咗香片茶嘅緣故，整體味道都偏清淡，適合追求健康口味人士．店員提醒記得以打圈方式圍住飯倒茶湯，盡量唔好倒向中間嘅配料，以免沖淡味道櫻花蝦磯燒鮑魚香片茶湯飯 $68．磯燒鮑魚算幾易咬，如果多幾粒更滿足．配料同茶湯同大蝦個款相差無幾豆漿豆花四季烏龍奶茶 $18/套餐價．飲到烏龍茶香，幾清新．值得一讚每啖都飲到豆腐花．飲品為固定甜度，如有低糖選擇更佳除咗聯乘美食，另外都嗌咗兩款恆常menu有嘅食物，幾推薦大家試吓。秘製豬扒蔥油拌麵 $78．豬扒份量唔少，秘製烹調後帶有蜜味，大有叉燒風味，鬆軟香口．拌麵蔥香強烈生煎包(4隻) $42．入口香脆．餡料幾香，內有鹹香湯汁，趁熱食一流

小籠包可以再大隻啲，而家個餡係十蚊銀咁嘅size 有7分牛肉今次比較韌而且冇入味醃得未夠時間or肉質太渣，相比起第一次嗌嘅時候差咗好多作為大蔥配菜雙色椒，依然都好都有7分糖醋排骨今日非常好有四件很出色嘅醋汁肉有瘦有肥，係有心機煮嘅 9分

灌湯小籠包果然就如其名，皮薄湯汁多，咬一小口啲湯汁就流晒出嚟，大家食嗰時真係要小心啲，唔係會好易辣親😂肉餡亦都相當出色，食落唔會好「漏」咁，唔錯！蒜泥白肉賣相幾好，醬汁稍微有少少辣，味道都幾惹味，如果有飯或者麵，搵佢唔送麵幾好😂😂炸蘿蔔絲卷炸得好香脆，外皮非常酥脆，蘿蔔絲亦都好多好豐盛，作為上海特色小食非常之推薦飛常堅兒童餐（雞扒）今次帶埋小朋友嚟，加上原來堅信號有推出兒童餐，咁唔洗多講啦一定要叫，最特別係佢用飛機餐盤，小朋友見到實會好雀躍，餐入面有秘製雞扒，補充小朋友能量，配上肉燥意粉，唔怕小朋友唔食啦，配菜仲有粟米粒及八爪魚腸仔，好可愛，套餐仲會奉送玩具，有得食又有得玩飲品方面叫咁杯普通豆漿同豆腐花豆漿豆腐花豆漿就好濃豆香味，值得一試！

今晚同太太行過見到冇乜人，都係六點幾，見到有好多位，攞咗幾袋嘢，要求坐咗四人位。店長經理話可能要搭枱。我諗我食完就走，有咁多枱，你有客咪搭枱囉！點知，有兩個客入嚟，周圍有好多枱，職員係要搭我張枱！😓😓

晚餐最怕排長龍，見到呢間無咩人排就果斷入座！酥脆嘅黃魚同拉麵分開上，甘就唔會影響到魚嘅香脆，魚炸味道濃郁，湯底少咸，要飲多啲水中和返晚市入座快，上菜速度也快，服務滿意

呢間生煎包本身想試好耐，嚟到真係失望。首先呢到最出名嘅生煎包已經唔好食，皮硬肉又少，未食過咁難食嘅生煮包。嗌咗幾個餸+粉麵都完全唔覺得好食，加上啲食物唔夠熱，只稱得上微暖，完全失色。食物質素同價錢唔成正比

T7 輕盈上海粗炒（$36）份量合理（以下午茶嚟計），即炒，有少少鑊氣，唔油膩，夠乾身，味道不錯；另有小量肉絲及椰菜。T8 輕盈秘製豬扒煎蛋菜飯（$40）份量可以（飯多少少會好啲），豬扒有三件，室溫唔熱，肉質偏腍身，入味夠哂味道；煎蛋正常；菜飯係用珍珠米，還可以。下午茶套餐附送飲熱苿香綠茶，升級其他飲品加$2起。追加小食，兩份 A 堅信號生煎包2個（+$30）主打食品，味道不錯，裡面仲有湯汁，但略嫌個底唔夠脆。

今次真的很失望，不是味道或食物質素與衛生問題，而是小籠包都不付上紅醋！其實小紅籠包付上紅醋是很合理的事，正如咖啡奶茶外賣都必定付上糖包一樣，我真不知道為何每次外賣都要在特別備註上要註明要“紅醋”！另外，粗炒都一樣，在店舖內都會付上埋“豆瓣醬”，但外賣經常都沒有！去到餐廳門口取時手挽膠袋都已經打了結，我是相信餐廳已內付埋，如每次取都要詢問有沒有付，這樣添加顧客麻煩！如餐廳想環保不給一些不需要人仕，就顧客到取時詢問後給他，這樣是否更設合人性化？😡

📍堅信號生煎包去呢間餐廳一定要食招牌生煎包每次上枱都係熱辣辣係一定要等唔可以心急即刻食因為超級Juicy咬開會爆汁唔等放涼即刻食係會焫親個嘴😂生煎包每粒都係好大粒好飽滿面頭有芝麻及香蔥煎到個底脆卜卜，外脆內多汁👍🏻要用湯羹兜住食，因為一咬肉汁就會止唔住果然係招牌小食👍🏻必點酸菜魚湯麵呢個湯賣相好金黃色好吸引入面有唔少粗闊薯粉，如果有米線就好啦湯底唔算好辣不過夠濃郁魚肉都有唔少，而且好嫩滑

今時今日點解仲要留港消費呢？🤔係愛❤️呀！為咗留港消費，今日嚟咗好耐都冇行嘅青衣城。好開心啲舊鋪仍然响度，但新鋪都有唔少。近期生煎包好hit，有幾間仲係長龍店。排隊就唔好喇！隨緣啦！行行吓就嚟咗堅信號，今日冇人排隊就一於試吓。眼見店內有幾張枱無人，加上門口冇人安排坐位，所以就直接行入去。點知俾個店員大大聲講：响出面撳飛仔呀！好啦！可能係規矩係咁，出去撳飛，唔駛半分鐘又入過去（我覺得多此一舉）。但行入去後，店員冇安排坐邊，我哋見有卡位就坐啦（因為買咗啲嘢，有一大袋）！點知店員又大大聲講：坐埋一邊。想轉去坐張細嘅二人枱，咁啱又俾人坐咗。算啦！算啦！唔知係咪錯覺，覺得啲店員個個都西口西臉，黑口黑面咁。Apps 落單，唔駛再面對啲店員，幾好！今日點咗幾款招牌。堅信號生煎包 包底煎得好脆，皮有啲厚，入面堅爆汁。又熱又爆，建議最好篤一個窿攤一攤，攤15分鐘左右先好食。肉餡結實，湯汁味濃，的確好食，難怪係招牌。灌湯小籠包皮薄爆汁，入口唔算好熱。一啖食滋味無窮， 個肉餡同生煎包一樣 ，所以味道，爆汁度同生煎包同樣出色。紅油韮菜餃子 紅油有少少麻辣，但配韭菜餃子，皮太厚個人覺得有啲怪。配返薄皮雲吞（抄手）

生煎包小籠包都係我嘅至愛生煎包食唔停口外皮卜卜脆裡面好juicy 甜酸排骨菜飯都好正好開胃三個人叫二人餐都夠食份量一D都吾少就算外賣都keep 到咁上下水準難得難得😋😋

我同男神一齊去吃生煎包, 最想吃小籠包, 這間...我媽媽的朋友創辦人兼CEO Oscar開..堅信號上海生煎皇, 我好耐沒有吃小籠包, 我們入去..好彩最後是我們入去..環境幾很不好, 我們盡快點餐...上海粗炒 $56我揀上海粗炒, 感覺好耐沒有食, 我嘗嘗有點冷..缺點不夠熱又沒有鑊氣...有少少失望, 不過相對比較油膩...希望要改善這個上海粗炒...要夠熱會好吃..招牌生煎包 $20(兩隻) / $36 (四隻) 我點兩隻, 我試一試咬一口就爆湯...omg...不小心咬到爆把湯飛彈到我d衫濕..> <..生煎包內有肉..同埋真是好多湯汁..好吃..不過遲發現在枱邊..有貼提提..小心"一口爆湯"彈到身邊人..還好..我身邊沒有人...上海醬蘿蔔 (全素) $28 我揀點小食, 咸甜適中咬落爽脆 好合我吃..蔥油雞 $77他點餐..前菜 兩選一(涼拌青瓜/紅油韭菜餃)三款不同(白飯/菜飯/湯麵), 揀菜飯我試食一個紅油韭菜餃, 咬一口..餃皮稔咗, 味道都ok..另外, 蔥油雞, 嘗試食...不一樣蔥油...不是本來是綠色的蔥..不理..試食雞..同出面差不多

初一睇戲前6點幾搵嘢食。好多都冇開。呢間直入就去試下。啲位係窄嘅，但咁嘅價錢又響港鐵商場，冇咩好講。啲嘢全部都幾細碟吓。招牌生煎包係唔錯嘅，好多汁，亦冇祥興記咁油，不過唔係好夠熱。蒜泥白肉啲肉真係好刀工，好鬼薄，粉皮有啲鞋。菜飯啲菜仲少過一粥麵。蔥爆牛肉其實都預咗油，但真係無預過油成咁！油到咁真係大陸先食到！總結：食個生煎包。諗唔到點解要返黎。

本人一向都愛吃上海小食 因多年都沒有吃過粢飯 上網搜尋 見到這間店舖有粢飯的照片 但去到睇菜單原來沒有粢飯供應 下午2：30 店內有一半以上座位空置 店員竟然說兩人不能坐卡位 看看附近一張卡位 坐了兩個員工在舒服的用膳 生煎飽 小籠包 上海粗炒 全部都唔夠熱 上海粗炒好細碟 衹有幾片菜和兩條肉絲 這樣的食物質素 和這樣的待客之道 以後看見這個招牌都會閃開 不會再幫襯.

琴日中午去到青衣城, 揀左去堅信號, 佢d午餐和下午茶餐唔係太啱吃, 唯有散叫, 叫左雪菜黃魚濃湯拉麵, 加左個小食, 叫京汁茄子, 唔想飲凍野, 叫左杯熱豆漿, 先來茄子和熱豆漿, 茄子顏色好靚💞, 賣相幾吸引😍, 之後來左個雪菜黃魚濃湯拉麵, 其實兩舊黃魚太炸😅, 先飲啖湯, 顏色好濃, 但味道一般🙊, d湯唔熱, 拉麵都唔係太熱, 所以一般般, 有d失望🙉, 食舊黃魚, 真係太炸, 我浸d湯食, 側邊太多脆漿粉, 食的時候味道一般, 只知道自己係食緊魚, 以前係其他店食過, 係幾好食, 唔好炸到敢, 又食舊茄子, 雖然上面鋪滿蔥油, 但食落唔會感覺好肥好油, 依個好好食👍, 出奇地好熱添, 再飲啖豆漿, 好熱有豆味, 其實都唔算好甜, 不過再淡番少少就更好, 除左碗麵其餘二款都有85分以上, 不過我再來青衣城的話, 應該會試其他食店了😅😅