堅信號上海生煎皇 (福榮街)

營業中

休息中

尋晚放工同同事去左深水埗睇下啲電腦嘢，睇完見餓啦！緊係要搵下嘢食啦😬係「堅信號上海生煎皇」門口見到好吸引呀！小編同同事又想食小籠包又想食生煎包！咁就唔洗諗啦，即刻9秒9衝入去啦😂堅揪小籠包(4隻) $38堅信號聯同熱血男神港版C朗安永佳，推出健康有營 “堅揪小籠包”，口味根據安永佳鐘意食雞髀同埋健康需求，而用左紫椰菜、雞髀肉整成“堅揪小籠包”估唔到味道都仲係咁正！皮薄餡靚，啲餡又嫩滑😋堅信號生煎包(4隻) $36食呢個生煎包認真要小心！因為一咬落去真係會爆汁出嚟！😂一來小心熱，二來小心彈到成件衫都係😆蒜泥白肉 $36呢個前菜食完真係好醒胃！☺️糖醋脆黃魚菜飯 $68食糖醋令人食到好開胃！啲魚又啖啖肉！真係啱晒我呢啲又想食魚又唔想lun骨嘅人😝甜酸上海排骨菜飯 $60又係開胃之選，甜甜酸酸咁認真正！啲上海排骨又係啖啖肉！好好送飯😋柚子蜜梳打 $22 x2

#百吃不厭爆汁生煎包每當諗唔到買乜嘢外賣 我多數幫襯「堅信號」 好食又抵食 自從花園街舖頭完業 有啲失落 好彩佢哋喺深水埗開番 我個胃又有所寄托啦☺️- 🍆京汁茄子 $27茄子涼浸浸 中和醬油濃味-🧆回鍋肉菜飯 $64無論堂食定外賣 好多人都點呢個 回鍋肉少少肥少少辣 配爽口椰菜青椒 餸白飯菜飯都good-🥠生煎包 $36至愛爆汁生煎包‼️ 包底煎得脆口 肉汁鮮甜 滾熱湯汁喺口腔裏面轉轉吓 嗰種味蕾冲擊好正😝😋-🥟煙鴨胸小籠包 $34小籠包皮薄汁多 煙鴨胸肉剁得細碎 入口即溶 湯鮮之外 更多一分鹹香-🍜麻辣酸菜魚湯麵 $70魚片冇腥味 湯嘅麻度辣勁 越食越有-🍹洛神花蜜 $22味道有啲似山楂茶 -📍 堅信號上海生煎皇深水埗福榮街98號地舖

堅信號生煎包聽人介紹咗好多次，終於有機會嚟到其中呢間位於深水埗嘅分店。招牌生煎包呢個招牌生煎包真係無得頂，包底香脆，肉汁豐富，肉同包嘅比例拿捏得宜，而食嗰陣要小心，喺咬落去嗰下啲肉汁係會好易爆哂出嚟。外婆紅燒肉配菜飯：紅燒肉用咗上等五花腩，見到完美肥瘦分明咁分咗五層。炆煮得好入味，亦都夠哂腍，佢哋嘅醬汁有好濃嘅南乳香，好有家嘅味道，配埋菜飯一齊食，有效消減紅燒肉嘅油膩感。京蔥牛肉配菜飯：牛肉份量好足，鑊氣十足，牛肉帶有京蔥嘅香味，牛肉肉味都好濃，用埋秘製醬料一齊炒更加惹味。堅揪小籠包：平時嘅灌湯小籠包係用豬肉餡，但呢款堅揪小籠包就用上嫩滑嘅雞髀肉同埋紫椰菜，所以食落會更加健康。而佢同灌湯小籠包一樣都做到皮薄餡靚，入面嘅肉汁仍然豐富。涼拌青瓜：夠哂清新清爽，好啱夏天食嘅小食。洛神花蜜，柚子梳打：前者有亮麗嘅紅色，酸酸甜甜好開胃。後者清涼解渴，柚子蜜嘅份量控制得宜，甜度適中。

平時去開呢間餐廳多數就食生煎包因為咬落去爆汁加上層次豐富真係生煎包嚟講真係唔差.佢嘅餐牌選擇都唔少，有唔同嘅小籠包飯麵小食選擇.今次更聯同熱血男神港版C朗安永佳推出健康有營嘅 “堅揪小籠包”口味仲按安永佳鐘意食嘅雞髀肉加埋健康嘅紫椰菜整成“堅揪小籠包”食完真係又健康又滿足.之後到食佢嘅小籠包真係好好味層次感十足，咬落去爆汁果下更加好正.之後食埋佢個擔擔麵真係飽哂調個味道剛剛好，比麵質唔會太淋食完真係有一個完全句號

堂食同外賣自取食過幾次，一直都覺得呢間無論價格同食物質素都挺穩定。今晚諗起想食上海野喺open rice 叫外賣自取，我自已叫糖醋脆黃魚配菜飯，就係想甜甜酸酸醒一醒胃😋唯一唔滿意係每一樣野都要按外賣盒$2，單單外賣盒錢咁就計左$14，其他餐廳嘅外賣自取都唔會咁樣😑

去完美食展，即刻返屋企放低戰利品落街想食下中菜就近近地係附近食晚餐蒜泥白肉肉片肥瘦適中，切片都係薄一薄，蒜蓉加醬油很入味，仲有粉皮在底，拌勻很惹味。堅揪小籠包 (4隻)原來跟熱血男神港版C朗安永佳，推出健康有營點心，小籠包用左紫椰菜、雞髀肉，食落去很清爽，而且很嫩滑，湯汁很鮮美。小心食，一樣會食到一口爆湯。堅信號生煎包4隻店舖的皇牌，每次外賣都要等，難得堂食必叫。一咬爆汁真係熱辣辣同好刺激，湯汁真係係會噴到對面。外婆紅燒肉湯麵肥瘦相間的五花肉，香甜鬆軟，入口即化，肥而不膩。醬油香甜，五花肉很入味。湯麵熱騰騰，配上紅燒肉，唔錯。麻辣酸菜魚菜飯酸菜魚辣得過癮，鯇魚片切薄，食起來爽脆，而且很鮮味。湯頭酸得過癮，酸中帶辣，食個不停。天氣熱飲返杯洛神花蜜，很香甜又下火。仲有柚子蜜梳打，很清新又甜蜜。

今次去下位於深水步的堅信號上海生煎皇，order形式是掃枱上的QR CODE下單，操作簡單，疫情無堂食其間，已試過外賣生煎包，今次堂食，終於可試下其他食物了，首先，生煎包必選的，即叫即煎，中間包住大量熱辣辣湯汁，溫馨提示，要小心食，一口咬的話，會噴汁或被熱湯燙傷，要小心，另外點了個回鍋肉上海粗炒，味道可以，評價為普通，沒什麼大驚喜，前菜點了雞絲粉皮，粉皮很滑，配合芝麻醬，味道一絕，小食上海醬蘿蔔，味道一流，清新可口，屬開胃前菜，蔥油雞半隻，雞肉滑，半隻價錢亦不算貴，可以一試，飲品選擇不多，罐裝汽水及豆漿，最後選擇了豆漿，味道一般，2人食，人均消費約$130

用網上外賣平台叫左兩個一人套餐一打開….眼鯨鯨！ 以為自己眼花 連舊腐皮想以為係肉呀！紅燒肉得4粒 ，比一般客飯都少…菜飯又濕立立 仲要無味！ 擔擔麵 甜到要自己落辣油先拯救到個味道！除左雞絲粉皮 無技術可言 茉香綠茶真心有茶味值得嘉許！其餘……個飯食兩啖已掉…紅燒肉完全融入牙隙！牙籤都用左半打！ 麻辣無骨鳳爪….食晒個底d青瓜絲已好多謝佢 青瓜有青瓜味！小龍包….皮都好似未熟咁…都出得！食到都係只不過 我好很肚餓 吾好浪費食物！永久black list….會通知所有平台 街坊鄰里！

🥟🍲堅信號上海生煎皇諗住落街食個飯，點知比我搵到原來屋企附近有堅信號上海生煎皇。以前媽咪經過深水埗都會買招牌生煎包，估唔到原來屋企附近都有一間！。招牌生煎包 $36圓轆轆，細細隻嘅生煎包，望落去雖然平平無奇，但千祈唔好睇小佢！師傅送到埋嚟就已經提醒我哋「小心爆汁」，果然一啖咬落去啲湯汁標晒出嚟，又香又濃！厚薄適中嘅皮同埋脆LokLok嘅底口感真係一流！再加埋豐富嘅餡料，果然不愧係招牌生煎😍😍。招牌小籠包 34小籠包皮薄餡靚，夾嘅時候爭啲整爛。一啖咬開，熱辣辣嘅湯汁湧入嚟，夠晒暖胃。。酸菜魚老實講，對比起上面兩味菜，我對酸菜魚有啲失望，佢冇海帶結，反而多咗豆腐。裏面有粉，唔使驚食唔飽。酸菜魚中規中矩地址：堅信號上海生煎皇 (眾安街) (荃灣)荃灣眾安街37A號荃運樓地下C號舖堅信號上海生煎皇 (形點) (元朗)元朗朗日路8號形點二期1樓A115a號舖堅信號上海生煎皇 (淘大商場) (九龍灣)九龍灣牛頭角道77號淘大商場2期地下G187-188號舖堅信號上海生煎皇 (新都城中心) (將軍澳)將軍澳貿業路8號新都城中心2期1樓1070-1071號舖堅信號上海生煎皇 (欣榮花園) (土瓜灣)土

今日去到旺角探細妹順手叫個外賣食，今次食上海嘢，「堅信號」喺香港都好出名好多分店，食上海嘢都係首選。👍🏻👍🏻叫咗個上海粗炒，份量認真足夠，顏色都炒得好好，未到水準都過得去，最後配兩個生煎包，湯汁豐富，呢個係佢最出名嘅菜式，皮薄多汁，去到堅信號一定要食呢個。😋價錢都算抵食，好食過大家樂。😂環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️

尋晚同兩個朋友去到深水步堅信號，因太耐無食，諗住一心歡喜去再回味一番，點知。。。大不如前。小龍包同生煎包質數都還可以，到呢個蔥油雞，黎到時我問服務員，呢個係唔係口水雞，服務員話如果係口水雞上面有花生，咁都岩，咁呢個蔥油雞你都俾返好似張相嘅上邊綠色嗰隊蔥油我呀，到個豬扒粗炒，點知黎左個叉燒粗炒，咁都係豬丫，咁出去買叉雞飯，師傅都唔會俾個豬扒雞飯你啦 ，就算叫個焗豬扒飯，都唔會俾個焗叉燒煩你啦，無下次架la

不少人都推介要試下堅信號既生煎包，難得黎到深水埗，就一次過買埋佢地招牌外婆紅燒肉返屋企，比錢先知單點有85折，原本想買埋糖豬排骨，但店員話依家冇賣😕生煎包｜$22/2個相當有驚喜，首先底部煎得好脆，包身睇落平平無奇，但一咬肉汁四射🤣食到有點狼狽，應該先吸一口肉汁先再咬肉餡，幾鮮味同埋包鬆軟唔油膩，食多個都唔覺滯👍🏻外婆紅燒肉｜$50每件紅燒肉煮得好入味，醬汁濃稠帶甜，清楚見到肥膏同瘦肉層層相疊🥰好邪惡不過肥膏入口即化，口感好軟腍

🔻1️⃣ 灌湯小籠包（四個）推薦指數：★★★★☆食開上海野都知道，小籠包一定係即叫即蒸😋 靚嘅小籠包當然係入邊有滿滿嘅濃湯👍🏻 加少少醋點綴，又新鮮又夠熱下午茶真係一流！2️⃣ 生煎包 （2個）推薦指數：★★★★☆比想像中Juicy，呢間既生煎包入邊鎖住好多肉汁！！！食嗰陣一咬即刻飛咗啲汁出嚟，所以食嗰陣真係要小心！ 同朋友一人一個生煎包， 食完嗰陣真心覺得唔夠想叫多set🤣🤣🤣3️⃣ 雞絲粉皮推薦指數：★★★☆☆雞絲份皮最緊要夠凍同夠麻醬😋 如果份量大啲就好啦😆評價：7.5/10

做完野咁啱經過深水埗堅信號，見好多人排隊，都想試下，買咗幾個生煎包超好味，入面好足肉沖，好有肉味，生煎包仲熱辣辣超好味！員工都好有禮貌，有耐性、態度又好，會話你知要等幾耐。好想再食多次！去到深水埗真係必食😋😋😋

#📍 堅信號上海生煎皇 (福榮街)深水埗福榮街98號地舖🔸 堅信號生煎包 (4隻 $36） ～外賣自取85折～🍒點評時間有冇人好似我咁中意一路食野一路睇mukbang🤣大家估下我睇緊邊個youtuber😆堅信號宜家外賣自取85折真係抵食可惜食飽飯只可以買到生煎包食🤣估唔到返到屋企 生煎包外皮仲脆脆一咬仲要爆哂汁🤣 有啲後悔買咁少添🤭好味指數😋：⭐️⭐️⭐️⭐️抵食指數😛：⭐️⭐️⭐️⭐️⭐️服務指數⚜️：⭐️⭐️⭐️⭐️環境指數🧽：⭐️⭐️⭐️⭐️