堅信號上海生煎皇 (將軍澳廣場)

營業中

休息中

堅信號堅信號呢間餐廳真係幾有驚喜，菜式多樣化，味道又唔錯，食完之後仲想再encore！涼拌小雲耳手拍青瓜，呢個前菜真係清新開胃，小雲耳爽脆得嚟又帶少少韌性，手拍青瓜夠晒爽口，加埋啲蒜蓉同醋汁，酸酸辣辣，食落好醒神，夏天食特別啱feel！胡麻醬雞絲粉皮 ，呢個真係我嘅至愛！胡麻醬香濃得嚟又唔會太膩，雞絲夠嫩滑，粉皮滑溜溜，撈埋一齊食，口感層次豐富，每一啖都充滿芝麻香，好滿足！灌湯小籠包 (4個)，小籠包皮薄餡靚，一咬落去啲湯汁即刻爆出，鮮味十足，豬肉餡好嫩滑，加埋少少薑絲同醋，更加提鮮！不過得4個，食完覺得有啲唔夠喉，好想再叫多籠！金湯麻辣酸菜魚湯麵，呢個湯麵真係麻辣愛好者嘅福音！湯底金黃色，麻辣味好濃郁，酸菜夠酸爽，魚片滑嫩得嚟又冇骨，麵條吸晒湯汁，食落好惹味！不過麻辣味幾重，唔食得辣嘅朋友可能要小心啲。雲吞雞 (半隻)，食完麻辣嘢，再飲啖雲吞雞湯，真係好舒服！湯底清甜，雲吞皮薄餡多，雞肉嫩滑，飲完之後感覺好滋潤，成個人暖笠笠，好適合天氣涼涼哋嘅時候食。凍檸檬茶夠晒解渴，酸酸甜甜，飲完之後好醒神；熱茉香綠茶清香撲鼻，飲完感覺好清爽，尤其係食完濃味嘢之後，飲一啖綠茶，成個人即刻refre

堅信號在寶琳搬遷後，很久沒食過佢哋的招牌生煎包了， 剛好今晚經開，路過就唔好錯過啦，就即進入開餐囉。生煎包真係唔錯，皮薄餡靚咬落爆汁，底皮煎得香脆可口，真係好吃。蟲草花花膠雞，有半隻雞，雞髀嫩滑，花膠有6、7件，湯清甜鮮味，夠晒滋補， 飲完個身都暖左。金湯麻辣酸菜魚米線，魚片嫩滑，冇骨啖啖肉，湯底酸酸辣辣，食得很開胃，配搭爽彈口感的米線，很捧啊。套餐仲有小青瓜同綠茶送添。冰粉，份量都多，加了提子增加口感。

呢排忽凍忽熱，早幾日氣溫急跌仲得番12度，好凍呀🥶同屋企人去左堅信號食晚飯，佢地最近推出日嚐暖意之選雞煲，食完可以暖身啊😍雞煲選擇包括胡椒豬肚雞、雲吞雞（半隻）同蟲草花花膠雞（半隻），我就揀左雲吞雞. 🔸雲吞雞（半隻）大大煲雲吞雞夠3～4人份量，雞湯超級鮮甜，半隻雞肉質好嫩滑，幾乎連骨都可以食埋. 雲吞有6大隻，隻隻都皮薄爆晒餡，仲有娃娃菜索晒雞湯嘅精華，好豐富呀😋🔸灌湯小籠包（4個）招牌灌湯小籠包，小籠包的餡，非常美味，小籠包內亦充滿著上湯，當汁吸得差不多時，最後再將整個包子一口吞入口中，再慢慢品味，回味無窮🤤🔸秘製豬扒菜飯豬扒是即叫即煎，鑊氣十足、熱辣辣，味道香口，厚薄適中，口感仍然有肉汁，非常惹味！配上菜飯，健康又美味😋🔸上海粗炒上海粗麵煙韌有嚼口，味濃不濃又不膩，肉絲配料挺多，配料仲有椰菜增加口感😎🔸熱豆漿豆味濃郁，甜度啱啱好，飲完心都暖晒🥰

佢哋嘅午市套餐好抵食，一個午市套餐，我有一個主食做一個小菜同飲品如小菜仲有小籠包可以選擇食落去爆汁又好食，裏便勁鮮甜，再加小小醋就更加夾。而主食方面我就叫咗個擔擔麵，佢嘅擔擔面有得自行選擇辣度，所以唔會話太辣，食落都好香。

星期六返工返半晝，放工後決定鬆一鬆，同朋友去食個午餐😄大家一齊商量後，決定去堅信號食生煎包😋😋由於之前已經嚟過幾次，所以今次想試吓佢哋嘅避風塘上海排骨菜飯，好好食，真係有避風塘嘅風味😋同埋排骨嘅份量好足，加埋菜飯，食完好有飽肚嘅感覺☺️😎👍朋友叫咗秘製豬扒擔擔麵小辣，食得津津有味😋成碗清晒😆當然主角都係生煎包😆我哋叫咗四個，每人兩個，包皮煎得好脆，好好味😋😋😋朋友之後再用會員積分換咗四個小籠包，小籠包保持水準，又熱又多肉汁😋😋😋

今日一家大細去街，行到一半，我哋人數都較多又吾想食茶樓既地方。臨離開商場就搵到間唔使等位嘅上海餐試一試。特別想讚賞位於將軍澳的堅信號餐廳個男副經理，坐低之後都有詳細講舖頭有啲咩好食，因為係第一次食唔太了解，有人介紹，好細心感覺👏🏻👏🏻點完餐之後，將點餐紙交比一位便服男員工，他感覺應該係高職位。整個過程中，兩位男員工嘅服務都非常好👍🏻，出品效率快。特別推介脆皮生煎包🤤肉亂爆汁夠熱 。差唔多食到一半時落咗個外賣單拎返去，埋單時竟忘記攞。好彩最後兩位男員工都好快跟進，服務真係夠爽快，感覺非常好！！！

📍地址：將軍澳唐德街1號將軍澳廣場1樓126-129號舖-人蔘烏龍雞脾肉小籠包 (4隻)-櫻花蝦蟹籽大蝦香片茶湯飯 x1-櫻花蝦磯燒鮑魚香片茶湯飯 x1-豆漿豆花四季烏龍奶茶 x2-香蕉包x2-大桔大利包 x2-生煎包 x2見到堅信號有新嘢，就走咗入去試，櫻花蝦蟹籽大蝦香片茶湯飯同櫻花蝦磯燒鮑魚香片茶湯飯，好適合健康人仕食，保留海鮮鮮味，而有飯類充足。唔好睇少佢份量呀。新鮮吸晴又健康，湯水仲可以自己決左落幾多添～鍾意食雞髀同埋健康需求嘅你，小籠包用左紫椰菜、雞髀肉整成“堅揪小籠包”。 當然要叫嚟食啦食完飽肚感好強，飲埋餐牌推介，同天仁合作嘅豆漿豆花四季烏龍奶茶，真喺滿足感超強嘅晚餐。但嚟到堅信號，點會唔想叫個招牌，生煎包呢，又發現兩款小甜品，可愛到，又忍唔住手又叫埋。香蕉包同大桔大利包。 差唔多一啖一個，又唔會太甜，呢餐食完滿足到，聽朝都唔使食早餐。 我太貪心了，但選擇太多，真的冇辦法。📍地址： 將軍澳重華路8號東港城2樓一田百貨TKO-10-005B專櫃之後忍唔住 第二日就去 天仁茗茶叫咗-豆漿豆花四季烏龍奶茶-豆漿奶茶原奶茶加豆漿真喺幾夾。而豆漿烏龍茶都喺一樣吸引，真喺好難選擇邊杯

話說見到堅信號同天仁茗茶聯乘，已經覺得幾得意，於是今日就同屋企人去try try。今次crossover帶嚟好有創意嘅茶飲、茶湯飯以及小籠包，本人係全部食晒嘅！先講講係人都鍾意嘅小籠包先啦，今次呢個叫「人蔘烏龍雞髀肉小籠包」，用咗天仁嘅人蔘烏龍茶製成外皮，所以小籠包顏色係呈深啡嘅。肉餡由平時嘅豬肉變成嫩滑雞髀肉，仲有少量人蔘，感覺冇咁肥之餘仲好養生😂。之後就有「櫻花蝦蟹籽大蝦香片茶湯飯」、「櫻花蝦磯燒鮑魚香片茶湯飯」，兩款最大嘅分別就係主菜，一個係大蝦，一個係磯燒鮑魚，再配以蟹籽、櫻花蝦、蟹柳絲、蛋絲、嗚門卷，賣相都靚靚仔仔。店員會喺你面前加茶湯，茶湯有淡淡香片味，食落好清新！兩款我就比較鍾意磯燒鮑魚，因為夠晒大隻又入味。之後到「豆漿豆花四季烏龍奶茶」，一啲都唔甜，好啱媽咪飲～裏面仲加咗豆腐花，有好濃豆味同四季烏龍清香。店員仲送咗crossover嘅和紙MT畀我哋（原來食聯乘套餐有得免費送），整體嚟講都唔錯，有新意。btw我仲食咗生煎包同豬扒蔥油拌麵，呢兩樣嘢真係冇得輸😂生煎包好多汁，蔥油拌麵調味啱啱好，仲要係我鍾意嘅麵條質感。

星期六日lunch time冇午市套餐，但冇加一上海排骨擔擔麵 $68排骨炸漿薄，可惜唔脆😅，豬扒質素本身都普通🥲，唔算老但亦冇豬味。擔擔麵味道亦很淡、十分稀🥲，麵太淋身🙁。好彩$68喺商場黎講價位唔高，勉強接受秘製豬扒蔥油拌麵 $78大推！秘製豬扒超好食😍😍😍！豬扒軟淋帶甜味，食落有點像淋叉燒，幾高質。拌麵比湯麵冇咁淋，好咬口啲👍🏻，但蔥油來説，油足夠但蔥香欠缺🥲，香氣較為失色。如果再揀過，我應該會揀翻菜飯。生煎包 (四個) $42小編作為曾經的粉絲，幾年後再食都冇失望。識食一定趁熱食，但小心俾肉汁「喇親」🤭底部煎到脆身，表面仍保持濕潤，肉汁真係幾多，一唔小心就會噴汁💦💦💦。結論排骨擔擔麵不推薦😢考慮埋店舖位於商場內，其他菜式對得住價錢，豬扒😍同生煎包😍好食但又未至於要專登黎搭車黎食👌🏻

第一次食堅信號是買了他們的餃子回家煮，這次終於有機會正經入店。他們的下午茶餐至晚上六點鐘，太約$30-50左右，送一杯熱茶。這次叫了擔擔麵追加兩隻招牌生煎包，埋單$57。生煎包不愧為他們的招牌菜，一咬下去就爆汁！我已經很小心的咬，湯汁還是一下爆發開來。餡料和湯汁的味道絕對是美味，現在很多地方的湯包/餃類我都不怎麼吃，實在是他們的餡料做得太差。皮很薄，也很脆，配上裡面的餡料，中和起來減少油膩，又不會又太多的包皮搶鏡。擔擔麵也是我很喜歡吃的一道菜，不同的店各有不同風味，這類的是偏甜口的，整體味道有點像上海肉醬那種風味。很喜歡吃他們鋪在上面的炸蒜，真的很昇華。辣度可選，我叫了小辣，感覺真就是有辣味那種程度，一般不吃辣的人應該也接受得到。如果想吃到辣，可能至少得叫小辣才行。

酸菜魚淡而無味，啲甜品同嘢飲上晒先上餸，啲餸到左又等佢幾碗飯；叫咗杯豆漿，但個杯側邊有啲黑色嘅水漬，啲侍應態度又一般，問少少嘢都冇耐性講解咁樣，一定唔會再去食。

【125】用家自費分享！Walk in 唔使等，九成滿。7️⃣0️⃣CP值，2023/12/14/四/18:50，平日晚餐時段，二人埋單免加一共$165，平均每人$82。店在商場內好入下，要搵下，裝修正常，卡位就有啲窄，都算坐得舒服，感覺乾淨，招呼正常，食物正常，可以一試。7️⃣0️⃣罐湯小籠包4隻$34，正常。7️⃣0️⃣椒鹽脆黃魚菜飯餐$77，正常。8️⃣0️⃣跟餐另加$14生煎包2隻+紅油韭菜餃3隻，生煎包好味，韭菜餃好厚皮。8️⃣0️⃣跟餐另加$13生煎包1集+紅糖糍粑2件，2様都好味。3️⃣0️⃣跟餐另加$12酸辣湯，唔酸唔辣。0️⃣0️⃣罐裝可樂$13。

成日夜晚無idea吃甚麼，就會去食dinner set，加配的生煎包很不錯，外脆內軟，湯汁肉味十足，不過一定要小心熱！外婆紅燒肉麵份量十足，兩個人食都得了。肉肥瘦勻稱，相間得宜，調味也很適中不會過鹹。值得讚賞是湯麵非常有咬口，也有麵香，煮得剛剛好不會軟爛，配上啖啖肉非常好吃，跟餐的抄手也不錯，肉味很出。價錢也很划算，大概70多80已經吃到很飽，晚餐時間也不需要等位，總結非常不錯，cp value很高！

嘩！堅信號上海生煎皇今次真係正到爆炸💥！喺將軍澳試咗佢地嘅生煎包，一啖咬落去多汁得嚟肉香四溢，完全控制唔到要一口接一口！呢啲生煎包，叫人點可以止得住口？轉攻小籠包，個皮嘅Q彈加上蟲草花杞子嗰份滋補，啖啖都係暖呼呼嘅幸福滋味😌🍲。每次搣開小籠包，見到嗰溜光嘅湯汁，簡直係食界嘅珍珠！望住隔籬枱啲人食擔擔麵同炒粉，荷包又係痕起嚟。上海排骨擔擔麵，嗰份香，喺空氣中飄咗半日我都記得；豬扒粗炒嘅厚勁口感，更加係食咗仲想食。糖醋黄鱼菜飯同京汁茄子味道深得我心，特別係京汁茄子，仿佛食到嗰份家鄉嘅味道，溫暖味蕾。飲品方面，熱豆漿溫潤唔膩，單戀豆乳仙草凍清新又解膩，食完家陣真心覺得今次食得好滿足👍！啱晒想搵份良心又地道上海小食嘅人，準準冇失望！下次試新菜式？計埋啦～💃🥢🎉

剛幫襯左間嘅生煎包，啱啱食完，仲啖啖肉汁喺口邊迴繞噃！包底煎到金黃又脆，汁噴四濺嘅感覺真係爽！💥 再嚟個涼拌青瓜，清口又開胃，啲花生碎點綴得好想像佢個鮮甜，係伴菜界嘅小清新！夏天有咗凍豆漿梗係最正，滑溜溜嘅質感，飲落去涼浸浸，返埋個清甜好滿足。今次又試咗個秘製豬扒上海粗炒，啲豬扒香口得滯，同啲麵條掟埋一齊，實在係痛快！籠仔包係必試之選，啲小籠包皮薄餡多，湯汁喺入口嗰刻爆發，肉汁嘅鮮味瞬間佔滿整個口腔，咬落有料，好過癮！🥟呢度嘅菜味道真係幾夠騷氣，賣相又搶鏡。食物用心，服務都幾貼心，手快有手慢冇，各位街坊，遲啲要試就記得快啲落單啦！👌🏼